يوللانغان ۋاقتى : 2009-06-15 11:16:32    كۆرۈلۈش سانى : 0  

>دۇبەيلىتۇلمەئدە< ئاشقازاننىڭ يىرىڭلىق خالتىسى دېگەن مەنىدە بولۇپ، ئىسسىق جاراھەتلەر قاتارىدىكى ئاشقازاندىن ھاسىل بولغان يىرىڭلىق زەھەرلىنىشتىن ئىبارەت. بۇ >خۇراج< دەپمۇ ئاتىلىدۇ. ئالامىتى:  قىزىتما پەيدا بولۇپ، ئاشقازان ئاغرىيدۇ، ئاشقازاننى تۇتۇپ كۆرگەندە ئىششىق ۋە قىزىق بىلىنىدۇ. يىرىڭ پىشقاندا لوقۇلداپ ئاغرىش پەسىيىپ قالىدۇ. يىرىڭ خالتىسى ئېغىز ئالغاندا تۇيۇقسىز بەدەن جۇغۇلداش، تىترەش بىلەن كۆڭلى ئاينىپ، يىرىڭ ئارىلاش قۇسىدۇ ياكى قورسىقى قاتتىق ئاغرىپ ئىچ سۈرۈش بىلەن قان - يىرىڭ چىقىپ، ئىششىق يانىدۇ. داۋاسى: يىرىڭ خالتىسىنىڭ ئېغىز ئالغانلىقى مەلۇم بولسا، ئاشقازاننى يىرىڭ ۋە زەرداب سۇلاردىن تازىلاش ئۈچۈن ھەسەل ياكى شېكەرنى سۇ بىلەن تەڭشەپ ئىچىشكە بېرىش ياكى كاسىنە سۈيى بىلەن ئايارەج پەيقىرا بېرىش كېرەك. غىزاسىغا ئارپا سۈيى، قاينىتىلغان كېپەك سۈيى ياكى بۇغداي ئۇمىچى بېرىلىدۇ. جاراھەت ئورنىنى يېڭى گۆش بىلەن تولدۇرۇش ئۈچۈن، كۇندۇر، ئانارگۈلى، قىزىلگۈل، كەھرىۋا، گىلى ئەرمىنى، خۇنسىياۋشان قاتارلىقلارنى يىرىكرەك سوقۇپ يېيىشكە بېرىلىدۇ. بۇ چارىلاردىن كېيىن غىزاسىغا سېرىقچېچەك ۋە شۇمشا بىلەن پىشۇرۇلغان مېكىيان شورپىسى بېرىلسە بولىدۇ. 