يوللانغان ۋاقتى : 2007-12-30 16:51:07    كۆرۈلۈش سانى : 0  

سەۋەبى:   بۇ كېسەللىك، تاماقنى كۆپ يېيىش،  سوزۇلما ئاشقازان ياللۇغى قاتارلىق سەۋەبىدىن كېلىپ چىقىدۇ.   ئالامىتى:   ئىشتىھا تۇتۇلۇش،  قەۋزىيەت بولۇش،  ئاشقازان ساھەسى يېقىمسىزلىنىش،  يەل ئاۋازى كېلىش قاتارلىق ئالامەتلەر بىلەن ئىپادىلىنىدۇ.   1 -  رېتسېپ   تەركىبى:   ئۇد ھىندى،  ئارپىبەدىيان،  چىڭسەي ئۇرۇقى،  ئېگىر،  سۇمبۇل توققۇز گرامدىن،  بەسباسە،  نارمىشىك، پەرەنجىمىشكى،  سۆئدى كۇپى،  زەرنەپ،  زورەنبات ئۈچ گرامدىن،  دارچىن،  زەنجىۋىل،  قارىمۇچ،  قەلەمپۇر،  مەستىكى ئالتە گرامدىن،  گاۋزىبان 15 گرام،  كاپۇر بىر گرام،  ئىپار ئىككى گرام،  ھەسەل ئىككى ھەسسە.   تەييارلاش ئۇسۇلى:   دورىلارنى يۇمشاق سوقۇپ،  ئەلگەكتىن ئۆتكۈزۈپ كۆپۈكى ئېلىنغان ھەسەل بىلەن ئارىلاشتۇرۇپ تەييارلىنىدۇ.   ئىشلىتىش مىقدارى:   كۈنىگە ئىككى قېتىم،  ھەر قېتىمدا ئالتە گرامدىن ئىستېمال قىلىنىدۇ.   2 -  رېتسېپ   تەركىبى:   كابۇل ھېلىلىسى پوستى،  ئامىلە پوستى،  بەلىلە پوستى،  قارىمۇچ،  پىلپىل 90 رامدىن،  زەنجىۋىل 40 گرام،  قارا ھېلىلە 90 گرام،  شاقاقۇل،  ئاق تۇدەرى،  قىزىل تۇردەرى،  لىسانىل ئاساپىر،  ئاق بەھمەن،  قىزىل بەھمەن،  ھەببى قەلقەل،  پوستى ئاقلانغان كۈنجۈت،  كۆكنار ئۇرۇقىنىڭ ئېقى 40 گرامدىن،  كۈنجۈت يېغى 250 گرام،  ھەسەل ئۈچ ھەسسە.   تەييارلاش ئۇسۇلى:   دورىلار يۇمشاق سوقۇپ،  ئەلگەكتىن ئۆتكۈزۈپ،  ئېرىتىلگەن ھەسەل بىلەن ئارىلاشتۇرۇپ تەييارلىنىدۇ.   ئىشلىتىش مىقدارى:   كۈنىگە ئىككى قېتىم،  ھەر قېتىمدا 5 ~ 10 گرام ئىستېمال قىلىنىدۇ (بالىلارغا زور دەرىجىدە ئازايتىلىدۇ).   3 - رېتسېپ   تەركىبى:   زورەنبات،  دۇرۇنەج ئەقرەبى،  مەرۋايىت،  كەھرىۋا،  بىخ مارجان 40 گرامدىن،  قىرقىلغان پىلە،  ئاق بەھمەن،  قىزىل بەھمەن،  سازەج ھىندى،  سۇمبۇل،  قاقىلە،  قەلەمپۇر 20 گرامدىن،  ئۆشنە،  پىلپىل،  زەنجىۋىل 16 گرامدىن،  ئىپار سەككىز گرام،  ھەسەل ئۈچ ھەسسە.   تەييارلاش ئۇسۇلى:   دورىلارنى يۇمشاق سوقۇپ،  ئەلگەكتىن ئۆتكۈزۈپ،  پىلە غوزىسىنى ئەلگەكتىن ئۆتكۈدەك يۇمشاق قىرقىپ،  ھەسەل ئۈستىگە سېلىپ، ئاندىن دورىلارنى ئارىلاشتۇرۇپ تەييارلىنىدۇ.   ئىشلىتىش مىقدارى:   كۈنىگە ئىككى قېتىم،  ھەر قېتىمدا بەش گرامدىن ئىستېمال قىلىنىدۇ.