ئاشقازان مىزاجىنىڭ خىلىتسىز ھۆل ئىسسىق ۋە قۇرۇق ئىسسىقتىن بۇزۇلۇشى
يوللانغان ۋاقتى : 2009-05-11 13:15:17 كۆرۈلۈش سانى : 0
|
1( قۇرۇق ئىسسىقتىن بولسا، تەشنالىق قاتتىق. تىل قۇرۇق ۋە بەدەنلىرى ئورۇق كېلىدۇ، قەۋزىيەت بولىدۇ. بۇ خىلدىكىلەرنى داۋالاش ئاساسەن ئاشقازاننىڭ مىزاجىنى سوۋۇتۇپ ھۆللۈك يەتكۈزۈشتىن ئىبارەت بولۇشى كېرەك. مەسىلەن: كالا سۈتى، ئارپا سۈيى، ئارپا تالقىنىغا بادام يېغى، شېكەر قوشۇپ بېرىلىدۇ. مەئدە قىسمىغا ئاق سەندەل، ئالما يوپۇرماقلىرىنى سوقۇپ قويۇش كېرەك.
2( ھۆل ئىسسىقتىن بولسا، يېگەن تاماقلىرى ئاشقازانغا كىرگەندىن كېيىن دائىم بۇزۇلۇپ، ئېغىزىدىن شۆلگەي ئېقىپ، سېسىق كېكىرىپ تۇرىدۇ. ئاشقازاندىن بۇس - بۇخاراتلار مېڭىگە ئۆرلەيدۇ، داۋاسى ئىترىفىل كەبىر)تەركىبى: كابىل ھېلىلىسى ۋە بەلىلە پوستى قاتارلىقلارنىڭ ھەرقايسىسى 20 گرامدىن، قارا ھېلىلە، ئامىلە پوستى، قارىمۇچ، پىلپىل قاتارلىقلارنىڭ ھەرقايسىسى 20 گرامدىن، شاقاقۇل، زەنجىۋىل، سېرىق تۇدەرى، قىزىل تۇدەرى، ئەرمىدۇن ئۇرۇقى >لىسانى ئاساپۇر<، ئاق بەھمەن، قىزىل بەھمەن، ناۋات، ھەببى قەلقەل، كۈنجۈت، ئاق كۆكنار ھەرقايسىسى يەتتە گرامدىن، ھەسەلدىن پۈتۈن دورا ئېغىرلىقىنىڭ ئۈچ باراۋىرىدە، بادام يېغىدىن 430 گرام >كۈنجۈت يېغى بولسىمۇ بولىدۇ< ئېلىپ، دورىلارنى يۇمشاق سوقۇپ، ئەلگەكتىن ئۆتكۈزۈپ، بادام يېغى بىلەن ياغلاپ، ھەسەلنى بىر ئاز ئېرىتىپ ئارىلاشتۇرۇپ مەجۈن تەييارلاپ، ئۈچ ئاي تۇرغۇزۇلىدۇ( دىن كۈنىگە 1 ~ 2 قېتىم 4 ~ 6 گرامغىچە ئىستېمال قىلىنىدۇ.
ئەسكەرتىش: ئىسسىق مىزاجلىق كىشىلەر ياز كۈنلىرى ئىستېمال قىلماسلىقى كېرەك ياكى سىركەنجىۋىل بىلەن بېرىش لازىم. |
|
