يوللانغان ۋاقتى : 2007-12-30 19:51:00    كۆرۈلۈش سانى : 0  

سەۋەبى:   بۇ كېسەللىك، تازىلىققا رىئايە قىلماسلىق ۋە خام يېيىلگەن كالا گۆشىدىن يۇقۇملىنىش  سەۋەبىدىن كېلىپ چىقىدۇ.   ئالامىتى:   چوڭ تەرىتىدىن قاپاق ئۇرۇقىدەك ياپىلاق ئاق رەڭلىك مەددەت بوغۇملىرى كېلىش،  بەزىدە تەرەت قىلمىغان چاغلاردىمۇ ئۆزلۈكۈدىن كېلىپ قېلىش،  يۇقۇملانغۇچى ئورۇقلاش،  تېرىلىرى قۇرغاقلىشىش،  بەزىدە ئىچى سۈرۈشتەك ئالامەتلەر بىلەن ئىپادىلىنىدۇ.   1 -  رېتسېپ   تەركىبى:   قەمبىل،  بەرەڭگى كابىلى،  سەرخەس،  دەرمىنى تۈركى،  ھەببۇلنىل،  تۇربۇت،  قىزىل لوۋى،  شاپتۇل يوپۇرمىقى،  ئۇسارىسى 10 گرامدىن،  ھەسەل ئۈچ ھەسسە.   تەييارلاش ئۇسۇلى:   دورىلارنى يۇمشاق سوقۇپ،  ئەلگەكتىن ئۆتكۈزۈپ،  ئېرىتىلگەن ھەسەل بىلەن ئارىلاشتۇرۇپ تەييارلىنىدۇ.   ئىشلىتىش مىقدارى:   كۈنىگە ئۈچ قېتىم،  ھەر قېتىمدا 5 ~ 10 گرامدىن ئىستېمال قىلىنىدۇ.   2 -  رېتسېپ   تەركىبى:   ئانار پوستى ئۈچ گرام،  سەرخەس توققۇز گرام.   تەييارلاش ئۇسۇلى:   دورىلارنى بىر چىنە سۇغا بىر كېچە چىلاپ،  ئەتىسى قاينىتىپ،  يېرىمى قالغاندا سۈزۈپ تەييارلىنىدۇ.   ئىشلىتىش مىقدارى:   كۈنىگە بىر قېتىم تەييارلاپ،  ئاچ قورساققا ئىچىلىدۇ.   3 - رېتسېپ   تەركىبى:   كاۋا ئۇرۇقى 100 گرام،  سۇ بىر چىنە.   تەييارلاش ئۇسۇلى:   كاۋا ئۇرۇقىنى چالا سوقۇپ،  سۇدا قاينىتىپ تەييارلىنىدۇ.   ئىشلىتىش مىقدارى:   كۈنىگە بىر قېتىم تەييارلاپ ئاچ قورساققا بىراقلا ئىچىلىدۇ.