يوللانغان ۋاقتى : 2007-12-30 19:50:44    كۆرۈلۈش سانى : 0  

سەۋەبى:   بۇ كېسەللىك، تازىلىققا رىئايە قىلماسلىق ۋە باشقا ھەرخىل سەۋەبلەردىن كېلىپ چىقىدۇ.   ئالامىتى:   يۇقۇملانغۇچىنىڭ مەقئەت ئەتراپىنى قىچىشتۇرۇپ، بىئارام قىلىش،  ئىشتىھا تۇتۇلۇش،  بالىلار كېچىسى كۆپ يىغلاش،  مەقئەت ئەتراپىنى كۆپ قاشلاش،  ئىچى سۈرۈش،  تەرىتىدە مەددە بولۇش،  بەزىدە تەرەت قىلمىغاندىمۇ مەددە سىرتقا چىقىش قاتارلىق ئالامەتلەر بىلەن ئىپادىلىنىدۇ.   1 -  رېتسېپ   تەركىبى:   خام كاۋا ئۇرۇقى 500 گرام،  سۇ مۇۋاپىق مىقداردا.   تەييارلاش ئۇسۇلى:   خام كاۋا ئۇرۇقىنى سوقۇپ،  تالقان قىلىپ،  قاينىتىلغان سۇ بىلەن تەڭشەپ تەييارلىنىدۇ.   ئىشلىتىش مىقدارى:   كۈنىگە ئىككى قېتىم،  ھەر قېتىمدا بەش گرامدىن ئىستېمال قىلىنىدۇ.   2 -  رېتسېپ   تەركىبى:   قۇرۇق تاماكا يوپۇرمىقى 10 گرام،  ئاچچىقسۇ 200 مىللىلىتىر.   تەييارلاش ئۇسۇلى:   تاماكا يوپۇرمىقىنى داسقا سېلىپ،  ئۈستىگە ئاچچىقسۇنى قۇيۇپ،  قاينىتىپ تەييارلىنىدۇ.   ئىشلىتىش مىقدارى:   كۈنىگە بىر قېتىم،  مەقئەت سىرتتىن يۇيۇلىدۇ.   3 - رېتسېپ   تەركىبى:   سۆگەت يىلتىزى 30 گرام،  سۇ بىر لىتىر،  شېكەر مۇۋاپىق مىقداردا.   تەييارلاش ئۇسۇلى:   سۆگەت يىلتىزىنى سۇغا سېلىپ،  سۈيىنىڭ يېرىمى قالغۇچە قاينىتىپ، ئۈستىگە شېكەرنى سېلىپ تەييارلىنىدۇ.   ئىشلىتىش مىقدارى:   كۈنىگە بىر قېتىم،  تەييارلانغان دورا ئاچ قورساققا بىراقلا ئىستېمال قىلىنىدۇ.