يوللانغان ۋاقتى : 2007-12-30 16:45:55    كۆرۈلۈش سانى : 0  

سەۋەبى:   بۇ كېسەللىك، بەدەننىڭ قارشىلىق كۈچى،  جىگەرنىڭ خىزمىتى ئاجىزلاش ۋە خىلىتلار تەڭپۇڭلۇقىنىڭ بۇزۇلۇشى سەۋەبىدىن كېلىپ چىقىدۇ.   ئالامىتى:   جىگەر زورىيىش،  كۆڭۈل ئېلىشىش،  ئىشتىھاسىزلىق،  پۈتۈن بەدەن ماغدۇرسىزلىنىش،  شىللىق پەردىلەر سارغىيىش قاتارلىق ئالامەتلەر بىلەن ئىپادىلىنىدۇ.   1 -  رېتسېپ   تەركىبى:   ئېگىر،  ئەمەن،  رۇم بەدىيان،  كەرەپشە ئۇرۇقى،  ئاچچىق بادام تەڭ مىقداردا،  ھەسەل مۇۋاپىق مىقداردا.   تەييارلاش ئۇسۇلى:   دورىلارنى يۇمشاق سوقۇپ،  ئەلگەكتىن ئۆتكۈزۈپ،  ھەسەل بىلەن ئارىلاشتۇرۇپ تەييارلىنىدۇ.   ئىشلىتىش مىقدارى:   كۈنىگە ئىككى قېتىم،  ھەر قېتىمدا ئالتە گرامدىن ئىستېمال قىلىنىدۇ.   2 -  رېتسېپ   تەركىبى:   كاسىنە بىر كىلوگرام،  سۇ ئالتە كىلوگرام.   تەييارلاش ئۇسۇلى:   دورىنى تازىلاپ،  پار قازىنىدا قاينىتىپ پارىلاندۇرۇپ تەييارلىنىدۇ.   ئىشلىتىش مىقدارى:   كۈنىگە ئۈچ قېتىم،  ھەر قېتىمدا 10 ~ 50 گرامدىن ئىستېمال قىلىنىدۇ.   3 - رېتسېپ   تەركىبى:   بەدىيان بىر كىلوگرام،  سۇ بەش كىلوگرام.   تەييارلاش ئۇسۇلى:   دورىلارنى پاكىز تازىلاپ،  پار قازىنىدا قاينىتىپ پارلاندۇرۇپ تەييارلىنىدۇ.   ئىشلىتىش مىقدارى:   كۈنىگە ئۈچ قېتىم،  ھەر قېتىمدا 10 ~ 15 گرامدىن ئىستېمال قىلىنىدۇ.