سېخىي ئەر بىلەن بېخىل خوتۇننىڭ ھېكايىسى
يوللانغان ۋاقتى : 2008-06-21 10:56:16 كۆرۈلۈش سانى : 306
|
كصچصك |
نورمال |
چوڭ |
|
');
}
//echo($html);
?> |
|
سەپەر ئۈستىدە بىر كەنتكە يەتكىنىمدە كەچ كىرىپ قالدى. ئۇ كەنتتە بىر دوستۇم بار ئىدى، شۇنىڭ ئۆيىگە چۈشتۈم. ياتار چاغ بولغاندا، ئۆي ئىگىسى ماڭا ئورۇن سېلىپ تەكىيە قويۇپ بېرىپ، ئۆزى خوتۇنىنىڭ قېشىغا بېرىپ ياتتى. مەن بىلەن ئۇلارنىڭ ئوتتۇرىسىغا بىر بورىنى پەردە قىلىپ توساپ قويغانىكەن، ئەر - خوتۇن ھەر قانداق سۆز قىلىشسا ماڭا ئاڭلىناتتى. مېنىڭ ئۇيقۇم كەلمەي، ئۇلارنىڭ گېپىگە قۇلاق سېلىپ ياتتىم. ئېرى شۇنداق دېدى:«ھەي خوتۇن، بۇ ئەزىز كىشى ھەقتائالانىڭ بىزگە ئەۋەتكەن مېھمىنى، ئۆيۈڭدە زىياپەت قىلغۇدەك نەرسىلىرىڭ بارمۇ؟ ئەتە ئەتىگەن بىر زىياپەت بەرسەڭ، بۇ مېھمانغا قوشۇپ كەنتىمىزدىكى چوڭلارنىمۇ تەكلىپ قىلساق».
خوتۇنى جاۋاب بېرىپ:«قولۇڭدا بالا - چاقىلىرىڭنىڭ خەجىگە يەتكۈدەك پۇلۇڭ يوق، مېھمانغا زىياپەت قىلىدىغان پۇلنى نەدىن تاپىسەن؟ ئازراق پۇل تاپقۇچىلىكىڭ بولسا، بالىلىرىڭنى باق. ئېشىپ قالغىنىنى بالىلىرىڭغا ساقلاپ قوي. سەندىن كېيىن قالسا خەققە مۇھتاج بولمايدۇ» دېدى. ئېرى بولسا :«بېخىللار مال يىغىدىيۇ ئۆزى يېمەيدۇ. سېخىيلار ئۆزىمۇ يەيدۇ، خەققىمۇ بېرىدۇ. ئەگەر بىر كىشى كىشىلەرگە ئىنئام بەرسە ياكى كىشىلەرگە مېھىر - شەپقەت قىلسا، ئۇنىڭدىن ھېچقانداق خاپا بولغۇلۇق ئەمەس. چۈنكى ئۇنىڭ سېخىيلىقى ھەقىقەتتە بولسا، ئاخىرەتنىڭ دەسمايىسى. ھەر قانداق ئادەم پۇل جۇغلاشقا ھېرىس بولسا، ئۇنىڭ ھېرىسلىق شۇملۇقى خۇددى بۆرىگە ئوخشاش ئۆز جېنىغا زەرەر يەتكۈزىدۇ» دېدى.
«ئۇ قانداق ئىش ئىكەن؟» دەپ سورىدى خوتۇنى.
ئېرى سۆزلەشكە باشلىدى. |
|