ئاچچىق-چۈچۈك پاراڭلار(2)

noshirwan

	ئاچچىق-چۈچۈك پاراڭلار(2) ۋەكىلمۇ، شەكىلمۇ بىر كۈنى ئاپتوبۇستا كېتىۋېتىپ، ئىككى سەپەرداشنىڭ گەپلىرىنى ئاڭلاپ قالدىم: بەزى جايلاردا سايلام قىلغاندا يۇقىرىدىن تولا چاغلاردا «پالانى ئادەمنى سايلاش شەرت»، شۇنىڭغا كاپالەتلىك قىلىنسۇن، دەپ تاپىلايدىكەن. شۇ ئادەم چوقۇم كۆپ ئاۋاز بىلەن سايلىنىدىكەن. سايلامغا قاتناشقانلار «رېزىنكە تامغا» بولۇپ بېرىدىكەن. بەزىلەر «ۋەكىل»لەرنى «شەكىل»لەر دەپ ھەجۋىي قىلىدىكەن. سايلانغۇچىنىڭ سايلىغۇچىدىن بەكرەك يۇقۇرىنىڭ گېپىنى ئاڭلىشى شۇنىڭدىن بولسا كېرەك. ئوبراز يارىتىش -ئۇستاز، خەۋەر يازغاندا رەھبەرلەرنىڭ ئوبرازىنى يارىتىشنىڭ ھۈنىرىنى دەپ بەرگەن بولسىلا،- ئۆتۈندى يېڭى كەلدى مۇخبىر. -ھۇشيار بالىدەك قىلىسەن، شۇ ئېسىڭدە بولسۇن،- دېدى قېرى مۇھەررىر:- بىر بولسا، ياۋۇز قارا كۈچلەر، چېرىك ئۇنسۇرلارنى غەزەپ بىلەن ئەيىپلىدى دېگەندەك غەزەپ-نەپرىتىنى تەسۋىرلەيسەن، بىر بولسا، كەمبەغەللەردىن ھال سورىغاندا، قەھرىمان-نەمۇنىچىلارنىڭ دوكلاتىنى ئاڭلىغاندا كۆزىگە ياش ئالدى، مانچە قېتىم ئىچ ئاغرىتتى دېگەندەك يىغلىغانلىقىنى تەسۋىرلەيسەن. نەيرەڭ كارامىتىنى كۆرسەتتى. يېڭى كەلدى مۇخبىر يازغان خەۋەرلەردە رەھبەرلەرنىڭ ئوبرازى گەۋدىلىك بولۇپ، ئالاھىدە تىلغا ئېلىندى. ئېلان تىجارەتكە يېڭى كىرىشكەن بىر مېھمانخانا تېلېۋىزوردا ئېلان بەرگەندە ئادەتتىكى ئېلان مەزمۇنلىرىدىن تاشقىرى يەنە كۆزگە ئالاھىدە تاشلىنىپ تۇرىدىغان مۇنداق بىر گەپنىمۇ قىستۇرۇپ قويۇپتۇ: «خىزمىتىڭىزگە ئورۇس چوكانلارمۇ تەييار». (ئابلاجان تۇردى تەييارلىغان) http://elbehre.com/forum.php?mod=viewthread&tid=517

halpambag

	«خىزمىتىڭىزگە ئورۇس چوكانلارمۇ تەييار».

noshirwan

	مۇناسىۋەتلىك ئۇلانما: ئاچچىق-چۈچۈك پاراڭلار(1) /forum.php?mod=viewthread&tid=8665

zamzam

	ئېلانغا قاراپ ھەيران قاپتىمەن

zamzam

	قىسقا تېتىملىق تېمىلىرىڭىزغا تەشەككۈر! قىسقا فىليەتونلارنى ئوقۇپ، بىرنى يوللاپ قويغۇم كەلدى مېنىڭمۇ: رەھبەرنىڭ پائالىيىتىدىن خەۋەر بېرىش چېن شياۋ دوڭ گېزىتخانىنىڭ يېڭى مۇخبىرى باشلىقنىڭ كۈندىلىك پائالىيەتلىرىدىن خەۋەر بېرىشكە مەسئۇل بولدى. يىغىندا سۆزلىگەن سۆز، خىزمەت تەكشۈرۈش قاتارلىقلاردىن خەۋەر بېرىش ئوڭاي، ئەمما باشلىقنىڭ باشقا پائالىيەتلىرى توغرىلىق يازغان خەۋەرلىرى دائىم مەسئۇل مۇھەررىرنىڭ شاللىشىغا ئۇچراپ كېلىۋاتاتتى. ئامالسىز قالغان يېڭى مۇخبىر تەجرىبىلىك پىشقەدەم مۇخبىردىن ياردەم سورىدى: ــ باشلىق سۇ ئامبىرىغا بېرىپ بېلىق تۇتۇپ كۆڭۈل ئاچسا، قانداق يېزىش كېرەك؟ ــ سۇ ئامبىرىنىڭ بىخەتەرلىك ئەسلىھەلىرىنى تەكشۈرۈپ، تاشقىندىن مۇداپىئە كۆرۈش خىزمىتىگە يوليورۇق بەردى.دەپ يازىمىز. ــ باشلىق تاغقا ئوۋ ئوۋلاشقا چىقسىچۇ؟ ــ ئالدىنقى سەپكە بېرىپ، ئېكولوگىيىلىك قۇرۇلۇش ۋە ئورمان ئاسراش خىزمىتىنى تەكشۈردى. ــ  باشلىق  ھۆكۈمەت پۇلىغا مېھمان چاقىرسىچۇ؟ ــ سەييارە سودىگەرلەرنى قوبۇل قىلىپ، خېرىدار چاقىرىپ مەبلەغ كىرگۈزۈش تۈرى ھەققىدە كېڭەشتى. ــ  باشلىق  چەتئەلگە ساياھەتكە چىقسىچۇ؟ ــ تۈرلەرنى كۆزدىن كەچۈرۈپ، چەتئەللەرنىڭ ئىلغار تەجرىبىلىرىنى ئۆگۈنۈشكە باردى. ــ  باشلىق  يېزىغا تۇققان يوقلاشقا بارسىچۇ؟ ــ تۆۋەنگە چوڭقۇر چۆكۈپ، نامراتلاردىن ھال سورىدى. ــ  باشلىق  دائىم تانسىخانىغا بارسىچۇ؟ ــ ئامما بىلەن ئىچقۇيۇن - تاشقۇيۇن بولدى. ــ  باشلىق  ھەر تەرەپكە قاتراپ ئۆزىگە ئاۋاز قوشقۇچىلارنى ئىزدىسىچۇ؟ ــ جاپادىن باش تارتماي ئاساسى قاتلامغا بېرىپ، بىر كۈندە سەككىز ئورۇننى تەكشۈرۈپ تەتقىق قىلدى. ياش مۇخبىر بۇ سۆزلەردىن رەھبەرلىك توغرىسىدا خەۋەر بېرىشتە نۇرغۇن ئىلىم بارلىقىنى بايقىدى ۋە تېخىمۇ ئىچكىرلەپ بىر نەچچە سۇئال سورىدى: ــ باشلىق قۇرۇلۇش تۈرىنى ئۆز يېقىنلىرىغا بەرسىچۇ؟ ــ نازارەت قىلىشقا قولاي بولسۇن ئۈچۈن، ئەھۋالنى پىششىق بىلىش كېرەك. ــ  باشلىقنىڭ  ياردەمچىسى بىلەن بولغان مۇناسىۋىتىنىڭ ناچارلىقى يۇقۇرىنىڭ قۇلىقىغا يەتسىچۇ؟ ــ قول ئاستىدىكىلەرگە قاتتىق قول بولۇپ، ئۇلار خاتالىق ئۆتكۈزسە قەتئى قانات ئاستىغا ئالمايدۇ. ــ  باشلىق  ئايال يولداشلار بىلەن بىنورمال مۇناسىۋەتتە بولسىچۇ؟ ــ ئاممىنىڭ تۇرمۇشىغا كۆڭۈل بۆلىدۇ. ــ  باشلىقنىڭ ئايالى دائىم ئىدارىگە كېلىپ ئۇنىڭ بىلەن سوقۇش- تالاش قىلسىچۇ؟ ــ ئائىلىسىدىكىلەرنىڭ چۈشەنمەسلىكىگە پەرۋا قىلماستىن خىزمىتىگە سادىق بولغان. ــ ئەگەر باشلىق تۇيۇقسىز قاتناش ۋەقەسىدە قازا قىلسا ھەمدە ئۇنىڭ ماشىنىسىدا بىر ياش قىز بىللە بولسا قانداق يازىمىز؟ ياش مۇخبىر كۆڭلىدە ئەمدىغۇ چىرايلىق گەپ تېپىلماس دەپ ئويلىدى، ئەمما ئويلىمىغان يەردىن:” ئوكسىگېن يېتىشمەسلىك تۈپەيلىدىن ھاياتى خەۋپ ئىچىدە قالغۇچىنى قۇتقۇزۇش يولىدا ھاياتىدىن ئايرىلدى! دەپ يازىمىز.“ دىدى پىشقەدەم مۇخبىر. مەنبە: زەمزەم ئۇيغۇرچىلاشتۇرغان خەنچىدىن.

吐鲁汗

	تىمىڭىز قىسقا، تاتلىق بولۇپلا قالماي يەنە ئەمىلىيەتنى تامچە سۇغا چۈشكەن قۇياش نۇرىدەك يورتىپ بىرىپتۇ،سىزگە ئالقىش

noshirwan

	zamzam يوللىغان ۋاقتى  2012-1-31 22:06 قىسقا تېتىملىق تېمىلىرىڭىزغا تەشەككۈر! قىسقا فىليەتو ... مانا بۇنى فېليەتون دېسە بولىدىكەن. بىزدە فېليەتونچىلىقنىڭ تەرققىياتى بەك ئاستا بولىۋاتىدۇ. ۋاقتىڭىز يەتسىلا، ئېسىل فېليەتونلارنى يوللاپ تۇرغايىسز.

sakra

	تىمىڭىزغا رەخمەت.......

zamzam

	noshirwan يوللىغان ۋاقتى  2012-2-1 10:50 مانا بۇنى فېليەتون دېسە بولىدىكەن. بىزدە فېليەتونچىل ... توغرا دەيسىز. ئەدەبى ژانىرلار ئىچىدە فىليەتوننى قەۋەتلا ياخشى كۆرىمەن. توختى باقى ئارتىشى ئاكىمىز بۇ ژانىرنىڭ تەرققىياتى ئۈچۈن  زور تۆھپە قوشتى. بىزدەك  قەلىمى ئاجىز كىچىك ھەۋەسكارلار پەقەت ‹ئىگىسى بار› نەرسىلەرگە كۆنۈپ قالدۇق.

igilmes

	شۇنداق  !    ئامىن.........................

sakra

	ھا.ھا.ھا،،،،،،،،،،،،،،،،،،،،،،،ىھ.ىھھھھھھھھ