‹‹ئەقىللىق يىشيۇ››نىڭ ناخشىسىنىڭ ئۇيغۇرچىسى

نىدائىي

	‹‹ئەقىللىق يىشيۇ››نىڭ ناخشىسىنىڭ ئۇيغۇرچە تەرجىمىسى    ئىلاۋە: ياپونىيەنىڭ دۇنياغا مەشھۇر كارتون فىلىمى ‹‹ئەقىللىق يىشيۇ›› دۇنيا بالىلىرى، جۈملىدىن ئۇيغۇر بالىلىرىمۇ ئىنتايىن ياخشى كۆرىدىغان كارتون فىلىملەرنىڭ بىرى. بۇ فىلىم بىر ئەۋلاد بالىلارنىڭ قىزىقىشى، قىممەت قارىشىغا تەسىر قىلىپلا قالماستىن بەلكى، چوڭلارمۇ قىزىقىپ كۆرىدىغان فىلىمگە ئايلىنىپ كەتكەن، شۇنداقلا دۇنيا كارتون فىلىم ساھەسىدىكى ئابىدىلەرنىڭ بىرى بولۇپ قالغان. فىلىم 1975-يىلى ئىشلەنگەن بولۇپ، 1975-يىلى 15-ئۆكتەبىردىن 1982-يىلى 28-ئىيۇنغىچە ياپونىيەدە ئۇدا سەككىز يىل قويۇلغان. فىلىمدە ۋىيروچوۋ باكخوت (شىتىڭ موفۇ) دەۋرىدە ياشىغان يىشيۇ ئانىسى بىلەن ئايرىلىپ تۇرۇشقا مەجبۇر بولۇپ، يەسكونى جىنجا (ئەنگو) ئىبادەتخانىسىغا كىچىك راھىب بولۇپ كېتىدۇ. ئۇ ئۆزىنىڭ چېچەنلىكى ۋە ئەقىل-پاراسىتىگە تايىنىپ، سانسىزلىغان قىيىن مەسىلىلەرنى ھەل قىلىدۇ. ئاجىزلارغا باشپاناھ بولۇپ، زوراۋانلارغا ساۋاق بېرىدۇ. فىلىمنىڭ ۋەقەلىكى قىزىقارلىق، تىلى جانلىق ۋە ئاممىباب، كارتون ئىشلىنىش سەۋىيەسى يۇقىرى بولۇپ، كىشىلەردە ئۇنتۇلغۇسىز تەسىر قالدۇرىدۇ.    فىلىمنىڭ ئاساسلىق ناخشىسىمۇ ئاجايىپ تېتىملىق، جانلىق بولۇپ، فىلىمنىڭ بەدىئىيلىكىنى تېخىمۇ يۇقىرى كۆتۈرۈپ، تەسىرچانلىقىنى يەنىمۇ ئاشۇرۇۋەتكەن. شۇڭا بۇ ناخشا بالىلار زوق بىلان ئاڭلايدىغان ۋە سۆيۈپ ئوقۇيدىغان نادىر ناخشىغا ئايلىنىپ كەتكەن. تۆۋەندە بۇ ناخشىنىڭ تەرجىمىسىنى ھۇزۇرۇڭلارغا سۇنىمىز: ئوماق، ئوماق، ئوماق، ئوماق، ئوماق، ئوماق بىز ساڭا ئامراق. ئوماق، ئوماق، ئوماق، ئوماق، ئوماق، ئوماق چېچەن-زېرەكچاق. ئەي زېرەكچاق، كىم ساڭا يەتسۇن؟ تاغ يۈرەكسەن، كىممۇ قورقمىسۇن؟ ئالەمدە بىر شوخ-كەپسىزلىكىڭ سەن بار يەردە جېدەلمۇ ئويۇن ئا... ئا... كاللاڭنى ئىشلەت ئەجەپ قىيىن ئەجەپمۇ قىيىن ئېغىر ئالمىغىن ئېغىر ئالما ئېغىر ئالما ئېغىر ئالما پۇرسەت غەنىيمەت بىلىم كارامەت تىرىشقىن ئەبەد قورقما ياماندىن يۆلە ئاجىزلارنى كەلسە قولۇڭدىن ئوماق، ئوماق، ئوماق، ئوماق، ئوماق، ئوماق بىز ساڭا ئامراق. ئوماق، ئوماق، ئوماق، ئوماق، ئوماق، ئوماق چېچەن-زېرەكچاق. ئەي، يىشيۇ!!! ئوماق، ئوماق، ئوماق، ئوماق، ئوماق، ئوماق غەنى سەمەت تەرجىمىسى ‹‹شىنجاڭ سەنئىتى›› ژۇرنىلىنىڭ 2011-يىللىق 6-سانىدىن ئېلىندى

سىنچى

	بۇ ھەقىقەتەنمۇ نادىر كارتون فىلىم . ئۇنىڭ شوخ يېقىملىق ئېيتىلغان ناخشىسى ئادەمنىڭ ئامراقلىغىنى كەلتۇرىدۇ . مەزمۇنىمۇ ياخشىكەن . ئۇ دۇنيادىكى ھەر مىللەت بالىلىرىنىڭ قەلبىدىن چوڭقۇر ئالغۇسى .

nadir

	ھەقىقەتەن ئوماق.

sarsanroh

	ھەقىقەتەن نادىر كارتون فىلىمدە بۇ مەنمۇ بەك ياخشى كۆرىمەن بۇ فىلىمنى

KALBINUR0903

	تەرجىمىسىمۇ  ھەقىقەتەن ياخشى  ئىكەن

قاراقاش

	ئارام ئالايلى بىر ئاز ئارام ئالايلى

sukut

	ئچىمىدە مۇزىكىسىغا سېلىپ ئۇقۇپ باققانتىم،بەكلا ماسلىشىدىكەن تەرجمە تىكىستى بىلەن مۇزىكىسى

uyghun

	بۇ اىلىم ھەقىقەتەن ياخشى شېرنىڭ مەزمۇنىنى ئەمدى بىلىۋالدىم رەھمەت.

mungdax

	بۇ نادىر كارتون فىلىمنىڭ ئۆزىمۇ ياخشى، ناخشىسىنىڭ مەزمۇنىمۇ ياخشى ئىكەندە؟

─┼黑名单