يېزىڭ مۇخبىر

ئارتۇچ

	يېزىڭ مۇخبىر ئەمەتجان زۇنۇن ۋەتەن -ئەل سۆيگۈسى چەكسىز  مۇھەببەتنى يېزىڭ مۇخبىر ، ئۇلۇغ رىشتە ،  ئاتەش مېھىر  ھارارەتنى يېزىڭ  مۇخبىر . ئىلىم -ھېكمەت  ساماسىدا  قانات قاققان ، بەخىت تاپقان ، ھالال تەردىن زەپەر قۇچقان  كامالەتنى يېزىڭ مۇخبىر . ئاسايىشلىق ، ئىناق تۇرمۇش ، ئاۋات بازار ، باياشات ئەل ، ئامەت -بەرىكەت قۇچاق ئاچقان  سائادەتنى يېزىڭ مۇخبىر . دانا تەدبىر ، ئىلىم - پەندىن تېپىپ قۇدرەت روناق تاپتۇق ، بېيىدۇق ھەم قۇچۇپ نۇسرەت پاراسەتنى يېزىڭ مۇخبىر . تۈمەن سەرخىل ھۈنەر -كەسىپ كۆلەملەشتى ، راۋاجلاندى ، بۈيۈك ئىشلارغا يول ئاچقان  سىياسەتنى يېزىڭ مۇخبىر . سۈزۈك تاڭلار ، ئۆسۈپ ئاڭلار كۈلۈپ شاد يايرىدى دېھقان ، ئۈمىد -ئارمان چېچەك ئاچقان  ھالاۋەتنى يېزىڭ مۇخبىر . ھاتەم خىسلەت نى ئوغلانلار يېڭىپ مۈشكۈل داۋان ئاشتى ، چىدام - غەيرەت  ، پىداكارلىق ،  جاسارەتنى يېزىڭ مۇخبىر . غېرىب -مىسكىن ، مېيىپ -ئاجىز ، كېسەل ، نامرات ، ياشانغانلار ، بەھىر ئالغان  پاراۋانلىق   شاپائەتنى  يېزىڭ مۇخبىر . سۇسىز  چۆللەر گۈلىستاندۇر ، يېزا -قىشلاق شەھەرلەشتى ، يېڭىلىقلار تولۇپ تاشقان  قىياپەتنى  يېزىڭ مۇخبىر . قېرىنداشتەك ئىجىل -ئامراق ئەللىك ئالتە مىللەت ئىناق ، ئۇلۇغ مەنزىل ، بۈيۈك ئارمان   ساداقەتنى يېزىڭ مۇخبىر . مەنبە ؛قەلىمىم

lawa0998

	مەلۇماتىڭىزدىن قارىغاندا---سىز جۇڭگۇ كونىستىك پارتىيىسىنىڭ پارتىيە ئىشلىرى تەشۋىقات ئىشخانىسىدا خىزمەت قىلىشقا لايىق ئىكەنسىز...... بۇ تىمىڭىزنىڭ مۇكاپاتى ئۈچۈنلا سىزگە بىر دانە قىپ-قىزىل بايراق لازىم ئىدى.............

sarwi

	ئىجادىيىتىڭىز قۇت تاپقاي !

ئەلشىپا

	بەزى دېھقان پاختا تىرىپ پۇللىرىنى ئالالمىدى، ساپ كۆڭۈللەر زىدە بولدى، داغدا قالدى، يېزىڭ مۇخپىر. دادۈيجاڭنىڭ يېرىگە سۇ باشلىسا پۇل تۆلىمەس، دېھقان ئاتام ئېچىغ ئاچسا «پۇل، پۇل ...» دەيدۇ، يېزىڭ مۇخپىر. تەكشۈرۈشلەر كىلىپ تۇرار چەت يېزىلار،  قىشلاققىمۇ چوڭ يول بۇيى يەر تەۋرىمەس بىنا بولدى، يېزىڭ مۇخپىر. تۈۋەن تۇرمۇش پۇلى ئالار «ئىلتىماس »سىز نى نوچىلار، قېنى قانۇن، باراۋەرلىك ھەم ئادىللىق يېزىڭ مۇخپىر. بانكىلارغا كىرسە دېھقان مۇڭ باسىدۇ، يېزىڭ مۇخپىر. ئۆچرەتسىزلا پۇل ئالىدۇ مودا خېنىم يېزىڭ مۇخپىر. شۇ دېھقانغا نۆۋەت قېنى، ئىشتىن چۈشەر پەرۋاسىزلا، ھېچكىم ئۇندىن گەپ سورىماس، يۈرەك پارە يېزىڭ مۇخپىر. ساپ سۈت ئەمگەن ئۇغۇل بالا راست گەپ قىلۇر يېزىڭ مۇخپىر. يالغان ئېيتىش نۇمۇس ئۇيات، يۈز قىزىرۇر يېزىڭ مۇخپىر. كىم دېھقاننى بۇزەك ئەتتى، كىم دېھقانغا كۈلۈپ باقتى ، ئەركەك دىگەن ئوت يۈرەكتۇر، پەقەت ھەقنى يېزىڭ مۇخپىر.............

uygari

	بۇ شېئىردا دەۋرنىڭ ئاساسى ئېقىمى ياخشى ئەكس ئەتتۈرۈلۈپتۇ ، بىراق ، 4- قەۋەتتىكى ئىنكاستا دىيىلگەن مەسىلىلەرگىمۇ كۆز يۇمۇشقا بولمايدۇ .

SARBAX

	شائېر مەمتىمىن ھەسەن شىپايى توغرا ئىيتىدۇ،نۇرغۇن نەرسىلەرنى ئاساسىي قاتلامدىكى يېزا مۇخبىرلىرىنىڭ يازغۇمىز بار،بىراق ھازىر قانۇن دەۋرى بىزگە شۇلار ئىسپات بىلەن تەمىنلىشى لازىم .

水晶叶子（维）

	ئەلشىپا يوللىغان ۋاقتى  2012-9-20 12:09 بەزى دېھقان پاختا تىرىپ پۇللىرىنى ئالالمىدى، ساپ كۆڭۈ ... ئىنكاسنى بەكمۇ جايىدا يېزېپسىز ، پىكىرلىرىڭزنى قوللايمەن مىنىڭچە بۇ مۇخبىر دىگەنلەر بىر ئۆمۈر راسىت گەپ قىلالماي ئۈتۈپ كىتەمدىكىن دەيمەن

tuman

	مەلۇماتىڭىزدىن قارىغاندا---سىز جۇڭگۇ كونىستىك پارتىيىسىنىڭ پارتىيە ئىشلىرى تەشۋىقات ئىشخانىسىدا خىزمەت قىلىشقا لايىق ئىكەنسىز

جەۋھەرى

	ئەلشىپا يوللىغان ۋاقتى  2012-9-20 12:09 بەزى دېھقان پاختا تىرىپ پۇللىرىنى ئالالمىدى، ساپ كۆڭۈ ... نەق گەپنى قىپسىز! لېكىن زامانىمىزدىكى مۇخبىرلار ئاشۇنداق نەخ گەپلەردىن قورقىدۇ. ئۇنىڭ ئۈستىگە ئاشۇنداق يالغان سان، يالغان مەلۇماتلار بىلەن رەھبەرلەرنى ئالداپ بولغان ئاللىقاچان. ئەمدى راست گەپنى قىلسىمۇ بەلكىم ئاشۇ رەھبەرلەر ئىشەنمەسلىكى مۇمكىن...

ronaK0000000

	بولدىغان شىېركەن ۋەتەنپەرۋەرلىگى كۇشلۇك چىقىپتۇ ھارماڭ داۋاملىق ئالغا.