ئون ياشلىق قەيسەر بالا — يەن يۈخوڭ

تەڭرىتاغ

	ئەمدىلا ئون ياشقا كىرگەن بىر مېيىپ بالىنىڭ يۈكسەك ئىرادىلىكلىكى ، ئادەمنى ھەيران قالدۇرىدىغان قەيسەرلىكى ، جۈملىدىن ئوقۇشقا بولغان چەكسىز ھېرىسمەنلىكى بىزنى چوڭقۇر ئويغا سالىدۇ . ئۇنىڭ ئەنە شۇنداق جاپالىق شارائىتتىمۇ تەقدىرگە قىلچە بوي ئەگمەي ، ئېنىقراقى ئۆزىنى ئازراقمۇ كەمسىتمەي ، كۈچلۈك ئۈمىدۋارلىق تۇيغۇسى ئىچىدە ‹‹يول›› غا چىقىشى بىزنى تەسىرلەندۈرمەي قالمايدۇ ، ئۇ كېتىۋاتقان يول يالغۇز مەكتەپكە بارىدىغان يوللا ئەمەس ، بەلكى ئۇنى گۈزەل كېلەچەككە ئېلىپ بارىدىغان ھاياتلىق يولى .بەش ئەزايى بېجىرىم تۇرۇپمۇ ، ماڭىدىغان يولىنى تاپالماي تېنەپ–تەمتىرەپ يۈرگەنلەر ، ناتوغرا يوللاردا قىڭغىر دەسسەپ غۇرۇرىنى پايخان قىلىۋاتقانلار ، ئېسىل ئوقۇش شارائىتلىرىنى قەدىرلىمەيۋاتقان كەم ئەقىل ياشلار بۇ قەيسەر بالىنىڭ روھىدىن ئۆگىنىشى ، ئۇنى ئۈلگە قىلىپ ، ئۆزىنىڭ ساغلام ھاياتىنى بەرپا قىلىشى كېرەك ، ئەلۋەتتە. مۇشۇ نۇقتىدىن مۇنبىرىمىز 10 ياشلىق بۇ بالىنىڭ روھىنى بارلىق تورداشلارغا يەتكۈزۈش مەقسىتىدە بۇ ماقالىنى تەرجىمىگە ئورۇنلاشتۇردۇق. ئون ياشلىق قەيسەر بالا — يەن يۈخوڭ يەن يۈخوڭ ھاۋا تاپان بولۇپ ماڭماقتا    پۇتىنى ئاسمانغا قىلىپ قولى بىلەن مېڭىش ، ئۆمىلەپ مېڭىش ، ھاسىغا تايىنىپ مېڭىش... مانا مۇشۇنداق چىشىنى چىشلەپ ئۈچ سائەتتىن كۆپرەك بەرداشلىق بېرىپ ‹‹ ماڭغاندىلا ››، ئاندىن مەكتەپكە بېرىپ بولغىلى بولىدۇ ، يەن يۈخوڭ بۇ جەرياننى ھەر كۈنى بېشىدىن ئۆتكۈزىدۇ . ئۇ بۇ يىل ئەمدىلا 10 ياشقا كىردى ، بىراق ئۇنىڭ بوران چىقىپ يامغۇر ياغقان تەقدىردىمۇ مۇشۇنداق ‹‹مېڭىپ›› مەكتەپكە بېرىپ–كېلىشنى داۋاملاشتۇرۇۋاتقىنىغا تۆت يىلدىن ئاشتى .    ئۇنىڭ دەرت–ئەلىمى    يەن يۈخوڭنىڭ ئۆيى سىچۇەن ئۆلكىسى يىبىن شەھىرى پىڭشەن ناھىيەسى پىڭشەن بازىرىنىڭ جياڭبا كەنتىدە، يەن يۈخوڭنىڭ مومىسىنىڭ تونۇشتۇرۇشىچە ، ئۇ تېخى يېشىغا يەتمىگەن چاغدا ، بىر قېتىم قاتتىق قىزىپ كېتىپ ، كېسەللىك ئەھۋالى ئېغىرلاپ ، بالىلار پالەچ كېسىلىگە گىرىپتار بولۇپ ، بېلىنىڭ تۆۋىنى پالەچ بولۇپ قېلىپ ، سېزىمىنى يوقاتقان ئىكەن .     ھەر كۈنى سەھەر سائەت 7:15 تە، يەن يۈخوڭ ھاسىسىغا تايىنىپ ، ئاچىسى ئۇ ئىككىسىنىڭ سومكىسىنى كۆتۈرۈپ ، مومىسى كەينىدىن ئەگىشىپ ، ئۈچ ئادەم ئۆيدىن چىقىپ مەكتەپكە قاراپ يولغا چىقىدۇ.     ئېتىزلىق قىرىدىكى ئىنتايىن تار ھەم تېيىلغاق بىر يولنى ئۇلار چوقۇم بېسىپ ئۆتمىسە بولمايتتى ، بۇ يولدىن مومىسى ئۇنى ھاپاش قىلىپ ئۆتكۈزۈپ قويىدۇ . تاشيولغا چىققاندىن كېيىن ، ئۇ مومىسىنىڭ ھېرىپ كېتىشىدىن ئەنسىرەپ ، يەرگە چۈشۈپ ئۆزى ماڭىدىغانلىقىنى ئېيتىدۇ .    يەن يۈخوڭنىڭ يول مېڭىش ئۇسۇلى بىر قانچە خىل : ئاسمان تاپان بولۇپ ( پۇتىنى ئاسمانغا قىلىپ ) قولى بىلەن مېڭىش، ئۆمىلەپ مېڭىش ، ھاسىغا تايىنىپ مېڭىش... يولدا نۇرغۇن تاش–شېغىللار بار بولۇپ ، قولى سۈرۈلۈپ ئاغرىپ كەتكەندە، ئۇ ئايىغىنى قولىغا كىيىۋېلىپ داۋاملىق ماڭىدۇ ، پەقەتلا ماڭالماي قالغاندا ئاندىن مومىسىغا ھاپاش بولىدۇ .     ئۇلار بىر سائەتتىن كۆپرەك مۇشۇنداق يول مېڭىپ ، سائەت 8:00 لەردە مەكتەپكە كېلىدۇ ، مەكتەپتىن قايتىش جەريانىمۇ مۇشۇنىڭغا ئوخشاش . ئۇنىڭ ئارزۇسى    ئائىلىسى تەرەپ–تەرەپتىن قەرز ئېلىپ يەن يۈخوڭنىڭ كېسىلىنى داۋالاتتى ، پۇل پاكپاكىز تۈگىدى ، ئۇنىڭ ئاتا–ئانىسى سىرتقا چىقىپ ئىشلەمچىلىك قىلىپ پۇل تېپىشقا مەجبۇر بولۇپ ، مومىسى بىلەن مېيىپ بوۋىسىنى ئۆيگە قاراشقا قويۇپ قويدى. ھازىر، بالىسىنىڭ ھالىدىن تېخىمۇ ياخشى خەۋەر ئېلىش ئۈچۈن ، ئاتا–ئانىسى ئۆيگە قايتىپ كېلىپ ، بېلىق سېتىپ تۇرمۇشىنى قامداۋاتىدۇ .    كەچتە، ئەقىللىق يەن يۈخوڭ چىراغ ئاستىدا جىمجىت ئولتۇرۇپ تاپشۇرۇق ئىشلەيدۇ . قوشنىسى دېڭ ھەدىنىڭ دېيىشىچە ، ئۇ ئۆمىلەپ ھېرىپ قالغاندا يىقىلىپ چۈشىدىكەن ، بىراق يىقىلغاندىن كېيىن يەنە ئۆمىلەپ تۇرۇپ داۋاملىق ‹‹ماڭىدىكەن››.    نېمە ئۇنى مۇشۇنداق قەيسەر قىلىۋەتكەن؟    ‹‹مەن  ياخشى ئوقۇيمەن ، ئوقۇش مېنىڭ غايەم ، شۇندىلا كەلگۈسىدە مومامغا جاۋاب قايتۇرالايمەن ›› دەيدۇ يەن يۈخوڭ.     مومىسى ھەر كۈنى يەن يۈخوڭنى مەكتەپكە ئاپىرىپ–ئەكەلگەندىن باشقا ، يەنە نۇرغۇن ئېتىز–ئېرىق ئىشلىرىنى قىلىدۇ. مومىسى ياشىنىپ قالدى ، ئەمدى ئۇنى ھاپاش قىلىپ ماڭالمايدۇ . نەۋرىسىنىڭ كەلگۈسىنى ئويلىغاندا، مومىسى لى گوشياڭ كۆزىگە لىق ياش ئېلىپ مۇنداق دەيدۇ : مەن پەقەت نەۋرەمنىڭ كۆپرەك ئوقۇپ ، كەلگۈسىدە ئۆزىگە تايىنىپ جان بېقىشىنى ئۈمىد قىلىمەن .     يەرلىك ھۆكۈمەت يەن يۈخوڭغا بىر چاقلىق ئورۇندۇق ئىلتىماس قىلدى ھەمدە سىياسەت جەھەتتىن ئۇنىڭغا ياردەم بەردى . يىبىڭ ‹‹باھار مايسىسى ›› ئوقۇشقا ياردەم بېرىش جەمئىيىتىنىڭ پىدائىيلىرىمۇ ساخاۋەتچى زاتلارنىڭ ياردەم قولىنى سۇنۇشى ئۈچۈن شارائىت ھازىرلىماقتا .

(نۇر)

	جەمىيىتىمىزدەئاشۇنداق مىيىپ قەيسەرلەرگە كۆپ ياردەم  قىلسا،ساق مىيىپلار ئاشۇنداقلاردىن تەسىرلەنسە دەيمەن.

tuman

	جەمىيىتىمىزدەئاشۇنداق مىيىپ قەيسەرلەرگە كۆپ ياردەم  قىلسا،ساق مىيىپلار ئاشۇنداقلاردىن تەسىرلەنسە دەيمەن

manglisa

	راستىنلا قەيسەر بالىكەن ، ھەممە ئەزايى ساق تۇرۇپمۇ مەكتەپتىن قاچىدىغان بالىلارغا نېمە دىگۈلۈك

skod

	ھەقىقەتەن قەيسەركەن.

RaMJaNi

	بۇ بالىغا قايىل بولدۇم

uygari

	بۇ بالىنىڭ قەيسەرلىكى ھەقىقەتەن ئادەمنى تەسىرلەندۈرۈدىكەن .

sarwi

	ئاشۇ ھالەتتە ئۈچ سائەت يول يۈرۈپ مەكتەپكە بېرىش ، ھەقىقەتەن كىشىنى تەسىرلەندۈرىدۇ . لېكىن ئاشۇ مېيىپ بالىنىڭ شۇنچىلىك جاپالارنى تارتىپ مەكتەپكە كېتىۋاتقانلىقىنى كۆرۈرۈۋاتقان كىشىلەر نىمە ئۈچۈن دەل ۋاقتىدا ئۇنىڭغا ياردەم قىلمايدۇ ؟ بۇ نۇقتا كىشىنى تېخىمۇ ئويغا سالىدۇ .      بۇ بالىنىڭ بۇنىڭدىن كېيىنكى ئىشلىرىغا ئوڭۇشلۇق تىلەيمەن .

ＫＡＰＩＴＡ

	بۇ بالىنىڭ ھەركەتلىرى بىزدىكى رىستۇران-بەزمىخانىلارغا نورمال مېڭىپ كىرىپ چىققاندا ئۆمىلەپ چىقىدىغانلارغا ياخشى ئىبرەت بولغىدەك.

ＫＡＰＩＴＡ

	sarwi يوللىغان ۋاقتى  2012-9-20 11:27 ئاشۇ ھالەتتە ئۈچ سائەت يول يۈرۈپ مەكتەپكە بېرىش ، ... توغرا دەيسىز. بەلكىم ئەتراپىدىكى كىشىلەرنىڭ روھى مېيىپ بولسا كىرەك. ھازىرقىدەك ئۈچۈرلاشقان دەۋىردە ۋە ھايات لېفىڭلار كوپ جەمىيەتتە بۇ بالىنىڭ تۆت يىلغىچە ياردەمگە ئىرىشەلمەسلىكى كىشىنى ئويلاندۇرىدۇ.