نېمىشقا نۇرغۇنلىغان كىشىلەر يۇمغاقسۈتنى ياقتۇرمايدۇ

ئايتۈرك2

	نېمىشقا نۇرغۇنلىغان كىشىلەر يۇمغاقسۈتنى ياقتۇرمايدۇ       بەزى ئۆسۈملۈكلەردە غەلىتە پۇراق بولغاچقا ، يېگەندە كىشىلەر يىرگىنىدۇ . %17 ياۋروپالىقنىڭ قارىشىچە ، يۇمغاقسۈت دەل شۇنداق ئۆسۈملۈك . شەرقىي ئاسىيادا ، يۇمغاقسۈتتىن يىرگىنىش تېخىمۇ ئومۇملاشقان بولۇپ ، %21 ئادەم ئۇنى يېيىشنى ياقتۇرمايدۇ . %14 ئافرىقىلىقمۇ يۇمغاقسۈتنى سوپۇندەك پۇراپ كىشىنى ئارامسىزلاندۇرىدۇ دەپ قارايدۇ . بىراق يۇمغاقسۈتنى تائامغا ئىشلىتىدىغان شەرقىي جەنۇبىي ئاسىيا ۋە ئوتتۇرا شەرىق رايونىدا ، %97 ۋە %93 كىشى بۇ خىل كىچىك يۇپۇرماقلىق ئۆسۈملۈكنىڭ پۇرىقىغا ئامراق .     نېمە ئۈچۈن كىشىلەرنىڭ يۇمغاقسۈتكە بولغان پوزىتسىيەسىدە ئاسمان–زېمىن پەرىق بولىدۇ ؟ بۇ دەرۋەقە يەنە شۇ گېننىڭ تېرىغان بالاسى . نىگولاس ئېرىكسون يېتەكچىلىك قىلغان تەتقىقاتچى خادىملار «تەبىئەت ژۇرنىلى» دا يۇقارقىدە دەپ ئېلان قىلغان. ئۇلار « مەن ۋە 23 جۈپ رەڭ خروموسوم » شىركىتىنىڭ سانلىق مەلۇماتلىرىغا قارىتا ئانالىز ئېلىپ بارغان . بۇ شىركەت بولسا ئىستېمالچىلارنىڭ گېنىنى تەكشۈرىدىغان شىركەت ئىكەن .     ئېرىكسون ۋە ئۇ باشچىلىق قىلغان ئەترەت ئەزالىرى 30 مىڭدىن ئارتۇق پىدائىيلارنىڭ گېنىنى سىكانېرلاپ تەكشۈرۈپ OR6A2 پۇراق سېزىمى رېتسپتورى گېنىنى بايقىغان . بۇ رېتسېپتور يۇمغاقسۈت تەركىبىدىكى كۆپ مىقداردىكى ئالدىھىدە تۈرىدىكى ماددىلارنىڭ ئۇچۇرىنى قوبۇل قىلىدىكەن . لېكىن بۇ خىل رېتسېپتورنىڭ ئىككى خىل ئۆزگەرگەن شەكلى بولۇپ ، بۇنىڭ بىر خىلى يۇمغاقسۈت تەركىبىدىكى سوپۇن پۇرىقىغا كۈچلۈك ئىنكاس قايتۇردىكەن . مۇشۇ خىل گېندىن ئىككىسى ئېرسىيەت قالغۇچىدا يۇمغاقسۈتتىن يىرگىنىش سېزىمى بولىدىكەن .     كانادا ۋە ئامېرىكىدىن كەلگەن باشقا ئىككى تەتقىقات گۇرۇپپىسى «تەبىئەت ژۇرنىلى» دا بۇنىڭدىن باشقا يۇمغاقسۈتنىڭ ئادەمنى بىزار قىلىدىغان 3 خىل گېننى بايقىغان . بىراق بارلىق پۇراق ۋە ئېرسىيەت تەتقىقاتى خادىملىرى مۇنداق دەپ تەكىتلەيدۇ : يۇمغاقسۈتنى يىرگىنىش ياكى ياقتۇرۇش ھەرگىزمۇ ئېرسىيەتكە باغلاپ قارار قىلىشقا بولمايدۇ ، مەدەنىيەت ئامىلىمۇ سەل قارىغىلى بولمايدىغان مۇھىم رول ئوينايدۇ . ئېرىكسون مۇنداق دېدى ، مېنىڭ تەجرىبەمگە ئاساسلانغاندا ، يۇمغاقسۈتنى ياقتۇرمايدىغان كىشىلەر ۋاقىتنىڭ ئۇزىرىشىغا ئەگىشىپ بۇ خىل پۇراققا كۆنۈپ قالىدۇ .     تەرجىمە قىلغۇچى: ئالىمجان نەسىردىن

manglisa

	ياخشى تېما يوللاپسىز ، مەنمۇ بورۇن يىمەيتىم  سېسىق پۇرايدۇ دەپ، ھازىر شۇنداق ئامراق بولۇپ قالدىم يۇمغاسۈتكە

ｄｉし__SｉЯｉ

	مەن ئۆچ ئەمەس، باشقا كۆكتاتلارنى يىمىسەمۇ يۇمغاقسۈتكە ئامراق مەن، ماڭا پۇرىقى مىزىلىك بىلىنىدۇ تىخى

ئەلشىپا

	يۇمغاقسۇتنىڭ تەبىيتى ئىككىنجى دەرىجىدە ھۆل سۇغۇق بولۇپ ( يۇمغاقسۇت ئۇرۇغى ئىككىنجى دەرىجىدە قۇرۇق سۇغۇق )، سۈيدۈك ھەيدەش، تۇسالغۇلارنى ئېچىش، ئاغرىق پەسەيتىش، قىززىتما قايتۇرۇش، ئىسسىقتىن بولغان باش ئاغرىقى، گال ئاغرىقى، قوقاققا ياخشى مەنپەئەت قىلىدۇ، ئەمما سۇغۇقچان كىشىلەر، بالا ئىمىتىۋاتقان ئاياللار كۆپ ئىستىمال قىلىشقا بولمايدۇ.

جەۋھەرى

	ھۆئـ، گەرچە مەن ئۇنىڭ دورلىق ئىكەنلىكىنى بىلسەممۇ ئەزەلدىن يەپ باقمىغان، پۇراپ سالساممۇ نەچچە كۈنگىچە تاماقمۇ يېگۈممۇ كەلمەيدۇ... شۇنداق ئۆچ مەن ئۇ نەرسىگە... لېكىن مېنىڭ ھېس قىلىشىمچە، ئۇنى ئىستېمال قىلىدىغانلار نىسبەتەن كۆپ! (ئۇرۇق - تۇغقان، دوست - بۇرادەر، خزمەتداشلار، تونۇش - بىلىشلەر... ئارىسىدا) قانداقمۇ يېگۈسى كېلىدىغاندۇ؟!...

ئايتۈرك2

	جەۋھەرى يوللىغان ۋاقتى  2012-9-21 00:09 ھۆئـ، گەرچە مەن ئۇنىڭ دورلىق ئىكەنلىكىنى بىلسەممۇ ئەز ... شۇ مەنمۇ ئانچە ياقتۇرۇپ يەپ كەتمەيمەن. ئاڭلاشلارغا قارىغاندا ئازراق يۇمغاقسۇتمۇ ئادەم بەدىنىدىكى نۇرغۇن گېننى ئۆلتۈرۋېتەمىش، بولۇپمۇ ئەرلەر يېسە بەك زىيانلىق دەيدۇ.

arfa21

	ماڭا پۇرقى بەك مېزلىك بىلىنىدۇ . مەن بەك ئامراق

suriya

	مەنمۇ پۇرىقىنى پۇرىساملا. كۇڭلۇم ئىلىشىدۇ.پەقەت يىيەلمەيمەن.

哈密瓜525

	مەن كىچىك ۋاقتىمدا زۇكام بولۇپ قىزىپ قالغاندا ، ئاپام سۇيىنى شىكەر بىلەن قوشۇپ ئىچكۇزگەن ، شۇندىن بۇيان كۆرسەممۇ سەسكىنىمەن، ھازىر قىزىم تاماق تاللىسا ئۇنداق قىلساڭ بولمايدۇ دىسەم ، سەنمۇ يۇمغاقسۇت بىلەن ماڭگو يىمەيسەنغۇ دەپ ئالدىمغا ئۆتىۋالىدۇ، بالىسى بارلار يىمەيدىغان نەرسەڭلەرنى بالىلارنىڭ ئالدىدا دەپ سالماڭلار جۇمۇ ...

ئايتۈرك2

	哈密瓜525 يوللىغان ۋاقتى  2012-9-21 18:34 مەن كىچىك ۋاقتىمدا زۇكام بولۇپ قىزىپ قالغاندا ، ئاپام  ... ھې ھې .