مەن قارا نوپۇس كىنىشكىسىغا ئىلتىماس قىلسام بولامدۇ؟
قانۇن مەسلىھەتچىلىرىگە:
مېنىڭ يۇرتۇم يوق، ئاتا - ئانام، ھېچقانداق ئۇرۇق - تۇغقىنىم، كىرىپ - چىققۇدەك ئۆيۈم، شۇنداقلا جۇڭگو گەرەجدانى ئىكەنلىكىمنى ئىسپاتلاپ بېرەلەيدىغان نوپۇس - كىملىكىممۇ يوق.
بەلكىم بۇنداق دېسەم سىز نەدىن پەيدا بولغان دېيىشىڭىز مۇمكىن. مەن تۇغۇلۇپ 5 ياشقا كىرگەن يىلى دادام، ئانام ئاجرىشىپ كېتىپتىكەن. شۇندىن بېرى ئانامنى كۆرۈپ باقمىدىم. دادام بولسا مېنى قارى قىلىمەن دەپ ئاخۇنۇمغا بەرگەن ئىكەن. مەن مەكتەپتە ئوقۇمىغاچ زادىلا كاللامغا 4 - 5 ئاي بولسىمۇ ھېچنەرسە ئۆگىنەلمىدىم. ئاخىرى ئاخۇنۇم شۇ يېزىدا مەكتەپكە بەردى. 1 - سىنىپتا 5 يىل ئوقۇپ ساۋاتىم چىقتى ھەم شۇ يىلى دادام كېلىپلا مېنى ئۈرۈمچىگە قايتۇرۇپ ئىلىپ كەلدى. دادامدىن ئاڭلىشىمچە دادام بولسا ئۈرۈمچىدىن، ئانام مارالبېشىدىن ئىكەن.
دادام ئىچىكىرىگە تىجارەت قىلىمەن دەپ كىرىپ - چىقىپ تۇراتتى. شۇ ۋاقىتتا مېنى بىللە ئېلىپ كەتتى. بۇ دەل
مېنىڭ 10 ياشقا كىرەي دېگەن ۋاقتىم ئىدى. كۆرمىگەننى كۆردۈم، كۈنلەپ - كۈنلەپ ئاچ قالدىم...
شۇندىن بېرى دادامنى كۆرۈپ باقمىدىم. ئىچكىرىدە نېمە ئىش قىلىدىغاننى دەپمۇ ئولتۇرماي، مەنچە بولسا ئىچكىرىدىكى بىرقىسىم «ئۇيغۇر» لارنى بىرىنىمۇ قويماي تۇتۇپ، پويىزغا سولاپ شىنجاڭغا قايتۇرۇۋەتسە، بەلكىم مەندەك سەرگەردانلار يوق بولاتتى، دەپ ئويلايمەن.
مانا مەن چىققىلى بەش يىل بولدى، ھازىرغىچە ھېچ يەردە نوپۇسۇم يوق. 2008 - يىلى توردىن نوپۇس بېجىرىمىز دېگەن بىر خەۋەرنى كۆرۈپ، ئۇنىڭ بىلەن ئالاقىلىشىپ بېجىرىپ بېرىدىغانلىقىنى ئۇقتۇم. لېكىن ئالدىن پۇل بېرىسىز، دېدى. يېرىمىنى بېرەي دەپ، يىمەي - كىيمەي يىغقان پۇلۇمدىن 4000 يۈەن پۇلنى ئۇنىڭ كارتىسىغا ئۇرۇپ بەردىم.
3 ئايدىن كېيىن يەنە 2000 يۈەن بەردىم. ئارىدىن بىر يىل ئۆتتى، ھەل بولمىدى، ئۇ قەشقەرلىك بىر بالىنىڭ 1 - ئەۋلاد كىلمىكىنى ماڭا بەردى، بۇ ساڭا ئەسقاتىدۇ، سېنىڭ ئىسمىڭ بۇ كىملىكتىكى ئىسىم شۇ، ئەگەر بىرەرسى كىملىك سورسا، مۇشۇنى كۆرسەت، دەپ قويۇپ كېتىپ قالدى.
ئۇ كىملىكتىكى سۈرەت ماڭا ئوخشاپمۇ كەتمەيتى، ئۇنىڭغا تېلېفون قىلسام كېلىپ بىر پارچە رەسىم بىلەن كىملىكنىڭ كۆپەيتىلگەن نۇسخىسىنى ئېلىپ كېتىپ، ھەپتىدىن كېيىن ۋاقىتلىق تۇرۇش كېنىشكىسى بېجىرىپ كەپتۇ. ئۇمۇ بۇ يىل تولۇق كۈچكە ئىگە بولاتتى. ۋاقىتلىق تۇرۇش كىنىشكىسىنىڭ ۋاقتى توشۇپ، ئۇنىڭدىن مېنىڭ نوپۇس ئىشىم، دېسەم، ئۇ كېلىپ يەنە بىر پارچە سۈرەت بىلەن كىملىكنىڭ فۇيىن نۇسخسنى ئېلىپ كېتىپ، يەنە ۋاقىتلىق تۇرۇش گۇۋاھنامىسىنى بېجىرىپ كەپتۇ. ئارىدىن ئۈچ يىل ئۆتتى، ھەل قىلىپ بەرمىدى ياكى پۇلنى بەرمىدى، تېلېفون قىلسام، مېنى ئاۋارە قىلما، ھەل قىلىپ بولۇپ سېنى ئۆزۈم ئىزدەيمەن، دەپ تېلېفوننى قويۇۋەتتى. ئىككى ئاي ئۆتتى، يەنە تېلېفون قىلسام تېلېفوننى ئالمىدى. نەچچە كۈندىن بېرى تېلېفون ئۇرسام تېلېفونى توختاپ قاپتۇ.
شۇ ئاچمىغانچە 20 كۈنچە ئېچىلمىدى. پۇل تۆلەپ ئېچىپ قوياي دەپ سۈرۈشتۈرسەم پۇلى بار، ئەمما ئۆزى توختىتىۋەتكەن ئىكەن. كۈندە ئۇرسام شۇ ھەل قىلىپ بولسا مېنى ئىزلەيدۇ، دەپ كارىم بولماپتۇ. بىرەر يىل بولاي دېدى، ئۇرسام بۇنداق نومۇر يوق دەيدۇ.
پۇلنىمۇ قايتۇرۇپ بەرمىدى ياكى نوپۇسقا ئالدۇرۇپ بىرەلمىدى. قانداق قىلىشىم كېرەك؟
مەن ھازىرمۇ باشقىلارنىڭ كىملىكىنى ئىشلىتىۋاتىمەن، ئەگەر ئۇ جىنايەت ئۆتكۈزسە مەن ئورنىدا جازالىنامدىم، بۇنى بىلمەيمەن.
مېنى نوپوسقا ئالامدۇ؟ ئەگەر ئالمىسا مەن ھەرقانداق ئورۇن ئېتىراپ قىلىدىغان «قارا نوپۇس كىنىشكىسى» ئىلتىماس قىلسام بولامدۇ؟
مەن شۇ سەۋەبلىك توي قىلالمىدىم، 26 گە كىردىم، مەن زادى قانداق قىلىشىم كېرەك؟
مەسلىھەت بېرىلسە.
چ چ 1633431387
بۇ يازمىنى ئاخىرىدا نەسىمى تەھرىرلىگەن. ۋاقتى 2012-9-18 11:19
| 
يوللىغان ۋاقتى 2012-9-17 18:13:03
