ئالمىچىلار دىققەت! iPhone5 سېتىۋېلىشقا ئالدىرماي تۇرۇشسىلا...
ئالمىچىلار دىققەت! iPhone5 سېتىۋېلىشقا ئالدىرىماي تۇرۇشسىلا، ما يىتىم ئادەتتىكى كارتا يېمەيدۇ دەيمەن2012-يىلىنىڭ تۆنۈگۈنى يەر شارىدىكى يانفون ھەۋەسكارلىرى ئۈچۈن ئىنتايىن مۇھىم بىر كۈن بولدى. چۈنكى ھەممىنى ئۆزىگە جەلىپ قىلىپ غايىۋى ئېمپىرىيە بەرپا قىلغان ئالمىنىڭ، بىز كۈتكەن يېڭى بىر ئەۋلات ئەقلىفونى iPhone5 ئېلان قىلىندى. يىڭى مەھسۇلات ۋە ئېلان قىلىش يىغىنى ھەققىدىكى بىر قىسىم تەپسىلاتلىرىمىزنى ئالدىنقى تېمىدا بايان ئەيلەپ ئۆتتۇق. شۇڭا چوڭ قۇرۇق بازىرىغا ھازىرچە كىرمەيدىغان بۇ ناتونۇش مېھمان ھەققىدە جىق سۆزلىمەي نەق ئۆزىمىزنىڭ گېپىگىلا كىلەيلى.
ئۆزىمىز ھەققىدە گەپ باشلاشتىن بۇرۇن ما يېڭى ئالمىغا ئازراق باھا بېرىپ ئۆتەي. مەن تونۇيدىغان ئايفون ھەۋەسكارلىرىنىڭ ئاز بىر قىسىمىدىن سىرت كۆپىنچىسى بۇ قېتىمقى يېڭى ئايفوندىن ئۈمۈدسىزلەنگەنلىكىنى تىلغا ئالدى. تورلاردىن كۆرۈشۈمچە بۇ قېتىمقى ئالمىنىڭ يېڭى مەھسۇلاتى خەلقئارادىمۇ خېلى زور ئۈمۈدسىزلىك كەيپىياتى شەكىللەندۈرگەندەك قىلىدۇ. مەيلى ئىچكى سەپلىمىسى بولسۇن ياكى سىرتقى لايىھەلىنىشى بولسۇن كىشىنى ھاياجانغا سالغۇدەك ئاجايىپ يېرى يوق. لېكىن قانداقلا بولمىسۇن شەخسەن مەن يەنىلا ئالمىنى قوللايمەن. دوستلار قانداق قارايدىكىن ئۇنى بىلمىدىم.
ئەمدى نەق گەپنى باشلاي. تۆنۈگۈنكى يېڭى مەھسۇلات ئېلان قىلىش يىغىنىنى ھەممىڭلار كۆردۈڭلار. ئالمىنىڭ SIM كارتا ئېغىزى ۋە ئۇلاش ئېغىزى كىچىكلىتىلگەن. Engadge نىڭ ئۇچۇرلىرىغا ئاساسلانغاندا iPhone5 كە nano-SIM كارتىسى ئىشلىتىلىدىغان بولۇپ، بۇ ئادەتتىكى چوڭ كارتا (SIM) ۋە كىچىك كارتا (micro-SIM) نىڭ ھېچقايسسىغا ئوخشىمايدىكەن. تېخىمۇ يامان بولغىنى، ھەر ئىككى خىلدىكى كارتىنى كېسىپ nano-SIM كە ئايلاندۇرغىلى بولمايدىكەن.( ھەر قېتىملىق يىڭى iPhone ئېلان قىلىنغاندىن كېيىنلا نۇرغۇن دوستلىرىمىز تور ۋە باشقا ۋاستىلەر ئارقىلىق، ئالدىن خوڭكۇڭ نەشىرىنى سېتىۋېلىپ ئىشلىتەتتى. لېكىن بۇ قېتىم ئەھۋال باشقىچىرەك بولۇپ، تورداشلارنىڭ ئالدىراپ خوڭكۇڭ ۋە باشقا نەشىردىكى ئايفونلارنى سېتىۋالماسلىقىنى ئەسكەرتىمىز.)
ھازىرقى مەملىكىتىمىزدىكى ئۈچ چوڭ تېلېگىراف ئېمپىرىيىسى : بىرلەشمە خەۋەرلىشىش ، كۆچمە خەۋەرلىشىش ۋە جۇڭگو تېلېگىرافىنىڭ ھېچقايسسىدا nano-SIM يوق بولۇپ، بۈگۈن تورداشلارغا ئەسكەرتمەكچى بولغۇنىمىزمۇ شۇ، قاتتىق ھاياجانلىنىپ كەتكەن دوستلىرىمىزنىڭ iPhone5 رەسمىي ھالدا چوڭ قۇرۇقلۇق بازىرىغا كىرىشىدىن بۇرۇن، ھەرگىزمۇ خوڭكۇڭ نەشىرىنى ئالدىراپ سېتىۋالماسلىقىنى تەۋسىيە قىلىمىز. ئۇنداق بولمايدىكەن سىلەرنىڭ يولىقىدىغان تەقدىرىڭلار.
1.دۆلەت ئىچى كۆچمە مۇلازىمىتىدىن بەھىرلىنەلمەيسىز _ چۈنكى كارتىڭىزنى كېسىپ سالغىلى بولمايدۇ. تېلېفون ئۇرالمايسىز، تورغا چىقالمايسىز.
2.كارتا سالغىلى بولمىغاندىكىن ئامراق ئايفۇنىڭىزنى ئاكتىپلىيالمايسىز شۇ.
مەنبە:تورخۇمارلار كۇلۇبى
يوللىغان ۋاقتى 2012-9-16 14:28:12
يوللىغان ۋاقتى 2012-9-18 08:10:04
