سۆيگۈنىڭ تۇغۇلغان كۈنى

ئەركيار

	سۆيگۈنىڭ تۇغۇلغان كۈنى مەقسۇت ئەمىن ئەركيار ئاي تۈنەيدۇ جانان كۆزىدە، نۇر ۋەسلىدە تۈنلەر خۇمارلىق. ھىجران يېشى ۋاپا يۈزىدە، سېغىنىشلار شېرىن،جاپالىق! بۇلاقلاردىن ئوچۇمدا سۇنى، بۇلۇت تەييار ئىچمەكچى بولۇپ. شوقلۇق قىلىپ پۈۋلەيدۇ ئۇنى، شامال پەرى نازلىق تولغۇنۇپ... ئاي سېھرىنى يوقاتمىغان ھېچ، تۈنەكلەردەك ئىشىكلەر قىيا. سۈزۈك ھېسلار،پاكىزە ۋۇجۇت، قىبلىگاھ،چىن ۋاپادار  سەھرا! جىگدىلەرنىڭ ياپراقلىرىغا، سىرلار تۆككەن شامالنىڭ ئۈنى. ھايات ھېسى،پاكلىققا تولغان، بۇ سۆيگۈنىڭ تۇغۇلغان كۈنى!

ئايتۇغ

	بۇ شىر  ئىنتايىن سۇزۇك  سۇپ -سۇزۇك  قاش تىشىدەك  سۇزۇك تۇ يغۇ بىردىكەن، مەن شۇنچىلىك  دىيەلىدىم بەك ياخشى چىقىپتۇ

ئەزىزە

	ئاي سېھرىنى يوقاتمىغان ھېچ، تۈنەكلەردەك ئىشىكلەر قىيا. سۈزۈك ھېسلار،پاكىزە ۋۇجۇت، قىبلىگاھ،چىن ۋاپادار  سەھرا! بۇ مىسرا ماڭا بەك ياقتى، ئەزا بولۇپلا تۇنجى بولۇپ بۇنداق ياخشى شېئىرنى كۆرۈپ بەكلا زوقلاندىم! ئەسەر ئىگىسىگە رەھمەت! ئىلھام تۇلپارىڭىز ھېرىپ قالمىسۇن!