بۇ ئىشقا نېمە دېگۈلۈك؟
ئوغلۇم بىلەن ئايالىمنى ئېلىپ چوڭ ئۆيگە بارماقچى بولۇپ تۇراتتۇق،ئايالىم تۇيۇقسىز بىر ئىش بىلەن ئاشخانا ئۆيگە كىرىپ كەتتى، مەنمۇ ئىش تۈگىگۈچە بىردەم تېلېۋىزوردىن يېڭى خەۋەرلەرنى كۆرۈپ باقاي دەپ تۇرۇپتىمەن،شۇ ئارىدا ئوغلۇم (4ياش)پەسكە چۈشۈۋاپتۇ.ئايالىمنىڭ ئىشى 5مىنۇتقا بارمايلا تۈگىدى، مەنمۇ تېلېۋىزورنى تاقاپ پەسكە قارىسام ئوغلۇم بىنا ئالدىدا يوق، دەرھاللا بىنادىن ئوقتەك پەسكە چۈشۈپ ئۇنى چاقىراي دەپ تۇرسام ئۇ ياندىكى بىنانىڭ ئالدىدىن يىغلىغىنىچە قېچىپ كەلدى، كەينىدىن ئۇنىڭدىن سەل چوڭراق بىر بالا قولىدا بىر نەرسىنى دىۋەيلىگىنىچە قوغلاپ كەلدى،ئوغلۇم كەينىمگە ئۆتىشىگە ئۇ بالىنىڭ قولىدىكى نەرسىگە قاراپ قاپتىمەن، ياپانا،،،يۈرۈگۈم قارتتىدە قىلىپ قالدى، بالىنىڭ قولىدا ئىچىدىكى قىزىل قانلىرى قېتىپ بولالمىغان بىر ئوكۇل يىڭنىسى تۇراتتى.ئارقىدىن ھايالشىمايلا ئوغلۇم بىلەن تەڭ 3-4بالا يۈگۈرۈپ كېلىپ ((ئاۋۇ بالا ئەدەمگە ئوكۇل ئۇرىمەن دەپ يىڭنە تىقىدىكەن)) دېمەسمۇ،(( تاشلا بالام قولۇڭدىكىنى)) دەپ قاتتىق ۋارقىراپلا بالامدىن (( سىزگە ئۇكۇل ئۇردىمۇ )) دەپ سورىدىم،بالام (( ياق،ئۇياي دىگەنتى،ياق دەپ قەشكەتتىم)) دېدى،ۋە ئارقىدىن ((ما ئاداشقا ،ئې ئاداشقا ئۇيدى)) دەپ قېچىپ كەلگەن بالىلار ئارىسىدىكى قارا قۇمچاق بىر ئوغۇل بالا بىلەن ئاق يۈزلۈك بىرقىز بالىنى كۆرسەتتى،بۇ ئارىدا ھېلىقى كەپسىز بالا تېخىچە قولىدىكى قورقۇنۇچلۇق نەرسىنى تاشلىماي بالىلارغا شىلتىپ قورقىتىۋاتاتتى،ئۇ بالىنىڭ بىلىكىنى ئاۋايلاپ كاپپىدە تۇتتۇم ۋە ئىشپىرىسنى تارتىۋېلىپ يۈگۈرۈپ بارغىنىمچە ئەخلەت چىلىكىگە تاشلىۋەتتىم.ئارقامدىن چۈشكەن ئايالىم بولغان ئىشلارنى بىرەرقۇر چۈشىنىپ چىرايىدا قان قالماپتۇ،ئوغلۇمنى باغرىغا بېسىپ ئۇنىڭغا ((بۇندىن كىيىن بىزگە دىمەي پەسكە چۈشۈپ ئوينىماڭ)) دەپ يېنىش-يېنىشلاپ دەپ كەتتى،بالام بىلەن بولۇپ كېتىپتىمەن،شۇ ئارىدا ھېلىقى قېچىپ كەلگەن بالىلار تارقاپ كېتىپ قاپتۇ،ھېلىقى كەپسىز تاز بولسا ماڭا سەت قارىغىنىچە ئۆزىدىن ئىگىزئەخلەت چىلىكىنىڭ يېنىدا تۇراتتى.دەرھال بېرىپ دەرۋازىغا قارايدىغان ئامانلىق ساقلىغۇچىغا ئەھۋالنى مەلۇم قىلىپ قويدۇم،ئىچىمدە بولسا تېخى كۆچۈپ چىققىلى 2 يىلمۇ بولمىغان بۇ ئولتۇراق رايوندىن بالدۇرراق كۆچۈپ كېتەي دەپ ئويلىدىم......
يوللىغان ۋاقتى 2012-9-13 17:37:32
