مۇنداق ئېشمۇ بار تۇرمۇشتا (دەرتمەن119)

dartman119

	ھۆرمەتلەشنىمۇ بېلىش كېرەك ئەلۋەتتە     باشقىلارنىڭ قىلىۋاتقان ئىشىغا قاراپلا ئۇنى كەمسىتمەڭ، تۆۋەن چاغلىماڭ، ئەدەبسىزلىكمۇ قىلماڭ، شۇنداقلا ھۆرمەتلەشنى بىلىڭ:     بىر كۈنى مەلۇم بىر داڭلىق شىركەتتە ئىشلەيدىغان بىر ئايال ئېش ئورنىغا كەلگۈچە ئارىلىقتا 10 نەچچە ياشلار چامىسىدىكى ئوغلى بىلەن گەپ تالىشىپ قالغانمۇ ۋە ياكى ئۇ بالا ئاپسىنى خاپا قېلىپ قويغانمۇ - قانداق، ئەيتاۋۇر ئۇ ئايال بالىسىدىن خېللا بەك رەنجىگەندەك قىللاتتى. ئۇ ئايال ئوغلىنى يىتىلەپ ئۆزى ئىشلەيدىغان شىركەت ئالدىدىكى بىر گۈللۈكنىڭ ئالدىغا توغرىسىغا قويۇپ قويغان ئورۇندۇققا كېلىپ بىللە ئولتۇردى. ئۇلارغا ئانچە يېراق بولمىغان يەردە  ياشانغان بىر مويىسىپىت كىشى گۈللۈكلەرگە سۇ قۇيۇپ ۋە گۈللەرنى قىرقىۋاتتاتتى.     تۇيۇقسىزلا ھېلىقى ئايال ئوغلىغا بىرنېمىلەرنى دېگەچ، سومكىسىدىن بىرتال قەغەزنى ئېلىپ قولىنى سۈرتكەندىن كېيىن گۈللۈككە قارتىپ تاشلاپتۇ. ئۇ ياشىنىپ قالغان مويىسىپىت كىشى ئۇ ئايالغا ھەيرانلىق بىلەن قاراپتۇ، ئۇ ئايالمۇ ھېچ ئېش بولمىغاندەك بۇ كىشىگە قاراپ قويۇپتۇ. بۇ ياشىنىپ قالغان مويىسىپىت كىشى ھېچنىمە دېمەستىن ئۇ گۈللۈككە تاشلاپ قويغان قەغەزنى ئېلىپ ئەخلەت ساندۇقىغا تاشلىۋېتىپ، ئۆزىنىڭ ئېشنى داۋاملاشتۇرۇۋېتىپتۇ. ئۇ ئايال سومكىسىدىن يەنە بىرتال قەغەزنى ئېلىپ يۈزىنى سۈرتكەنچە يەنە گۈللۈككە تاشلاپتۇ. بۇنى كۆرگەن ئوغلى ھەيرانلىق بىلەن:     - ئانا نېمە قىلىۋاتىسىز؟ ئۇ كىشى گۈللۈكنى تازىلاۋاتسا سىز قەغەزنى تاشلاپ قويدىڭىزغۇ - دەپتۇ.     ئۇ ئايال بالسىغا جاۋاب بەرمەستىن ھېلىقى بوۋاينى ئىشارەت قىلىپ تۇرۇپ، بالسىغا مۇنداق دەپتۇ:     - ئەگەر سەن ھازىدىن تارتىپ تىرىشىپ ياخشى ئوقۇمىساڭ، كەلگۈسىدە بۇ قېرىغا ئوخشاش تازىلىقچى بولۇپ  قالىسەن ۋە مۇشۇندا ناچار خىزمەتنى قىلىپ ئۆتىسەن - دەپتۇ.     ئوغلى بۇنى ئاڭلاپ باشقا گەپمۇ قىلماپتۇ، بۇگەپنى ئاڭلىغان ھېلىقى ياشىنىپ قالغان مويىسىپىت كىشى بالىغا قاراپ تەبەسسۇم قېلىپ قويۇپ ئۇ ئايال تاشلاپ قويغان قەغەزنى يەنە ئېلىپ ئەخلەت ساندۇقىغا تاشلىۋېتىپتۇ.     بىراق كىم بېلسۇن ئۇ ئايال بىردەمدىن كېيىن يەنە سومكىسدىن بىر ئورام قەغەزنى ئېلىپ گۈللۈككە تاشلاپتۇ. شۇنداق قېلىپ بۇ ياشىنىپ قالغان مويىسىپىت كىشى ئۇ ئايال 4 - 5 قېتىم تاشلىغان قەغەزنى ئېلىپ ئەخلەت ساندۇقىغا تاشلىۋېتىپتۇ. ياشىنىپ قالغان مويسىپىت كىشى ئۇ ئايالنىڭ ئالدىغا بېرىپ:     - خانىم، بۇ بىر شەخسىي گۈللۈك، بەلگىلىمە بويىچە بۇ گۈللۈكە بىزنىڭ شىركەتتىكى خىزمەتچىلەر كىرەلەيدۇ، لېكىن تازىلىقچىمۇ ئالدىراپ كىرەلمەيدۇ، - دەپتۇ.     ھېلىقى ئايال ئۇ مويىسىپىت كىشىگە:     - ئەلۋەتتە، مەن دېگەن مۇشۇ شىركەتنىڭ تارمىقىدىكى بىر بۆلۈمنىڭ باشلىقى، مەن مۇشۇ شىركەتتە ئىشلەيمەن، - دەپتۇ ۋە خىزمەت كېنىشكىسىنى چېقىرىپ كۆز - كۆز قىپتۇ.     ئۇ ياشىنىپ قالغان مويىسىپىت كېشى بىردەم ئويلانغاندىن كېيىن ئۇ ئايالغا:     - خانىم، يانفونىڭىزنى ئىشلىتىپ تۇرسام بولارمۇ؟ - دەپ سوراپتۇ.     ئۇ مويىسىپىت كىشى قانداقتۇر بىرئورۇنغا تېلفون بېرىپ سۆزلىشىپتۇ، بۇ ئايال يەنە ئوغلىغا ئۇ مويىسىپىت كىشىنى كۆرستىپ تۇرۇپ:     - بۇ نامرات قېرىنى كۆردۈڭمۇ؟ يانفون ئالغۇدەك پۇلىمۇ يوقكەن، - دەپتۇ.     ئۇ مويىسىپىت كىشى سۆزلىشىپ بولغاندىن كېيىن يانفوننى قايتۇرۇپ بېرىپتۇ، بىر ئاز ۋاقىتتىن كېيىن ئۇ ئايال ئىشلەيدىغان شىركەتتىن ئادەم كۈچى بايلىقىغا ئىگە بولىدىغان بىر قانچە كىشى ھېلىقى مويىسىپىت كىشنىڭ ئالدىغا كېلىپ:     - نېمە ئىش دىرېكتور ئەپەندىم؟ - دەپ سوراپتۇ. مويىسىپىت كىشى دەرھال ئۇ ئادەم كۈچى بايلىقىغا ئىگە بولىدىغان خىزمەتچىلەرگە بۇ ئايالنىڭ ھازىرلا خىزمىتىنى ئېلىپ تاشلاپ، بىزنىڭ بۇ شىركەتتىن ھەيدىلىشىنى دەپتۇ.     شۇنداق قىلىپ ئۇ ئايال ئۇ شىركەتتىن ھەيدىلىپتۇ.     مەنبە: ئۈرۈمچى كەچلىك گېزىتى، 2011 - يىل 20 - ئىيۇن     مېنىڭچە: بىر ئادەمنىڭ قىلىۋاتقان ئىشىغىلا قاراپ ئۇ كىشىنى ئۇنداق - مۇنداق دېيىش توغرا ئەمەس، كىشى مەيلى قانداق خىزمەت قىلسۇن ئۇنىڭ زىتىغا تېگىدىغان گەپلەرنى قىلماسلىق ۋە ھۆرمەتلەش كېرەك. ھېكىمەت: ھۆرمەتلەشنى ئۆزئارا داۋاملاشتۇرۇپ تۇرغان ياخشى، باشقىلارنى ھۆرمەتلىگىنىڭىز ئۆزىڭىزنى ھۆرمەتلىگىنىڭىزدۇر.              خان بولۇۋاتقانلارنى خار بولمايدۇ دېمەڭ، خار بولۇۋاتقانلارنىمۇ خان بولمايدۇ دېمەڭ.

laili82

	نىمىدىگەن ياخشى تېما بۇ ، تەربىيۋى ئەھمىيتى زور ئىكەن . بىر ئادەمنىڭ تۇرقىغا قاراپ باھا بىرىش توغرا ئەمەس .

ｄｉし__SｉЯｉ

	باشقىلارنى ھۈرمەتلىگەنلىك ئۆزىنى ھۈرمەتلىگەنلىك،

哈密瓜525

	ھايۋاننىڭ ئالىسى تېشىدا ، ئادەمنىڭ ئىچىدە دىگەندەك ، بىر ئادەمنىڭ تاشقى قىياپىتىگە قاراپ ئالدىراپ ھۆكۈم چىقىرىش مانا موشۇنداق خاتالىقلارنىڭ يۇز بېرىدۇ.

ＫＡＰＩＴＡ

	ئەڭ ئاددى كىشىلەر ئىچىدىمۇ ئۇلۇغلۇق بولىدۇ ، گەپ ئۇنى بايقاشتا. كىشىلەرگە باھا بىرىشتە ئىككى كۆز بىلەنلا كۆرۈپ باھا بەرمەستىن بەلكى ئەقىل كۆزىمىز ئارقىلىق باھا بەرگەن ياخشى.

amatlik~yigit

	بۇ دىئالوگ جەمىيىتىمىزدىكى بەزى ناچار قىلمىشلارنى قامچىلاپتۇ..تىما ئىگىسىگە رەھمەت... بۇ تىمىدىن شۇنى ھېس قىلىشقا بولىدۇكى  : باشقىلارنىڭ ئەمگەك مىۋىسىنى قەدىرلەش....باشقىلارنىڭ سىىرتقى قىياپىتىگە قاراپلا باھا بەرمەسلىك...باشقىلار قىلىۋاتقان ئەلگە پايدىلىق بولغان خىزمەتلەرنى قوللاش...باشقىلارنىڭ ھاقارەتلىمەسلىك كېرەك

koraxqan

	باشقىلارنى ھۆرمەتلىگەنلىك ئۆزىنى ھۆرمەتلىگەنلىك. ھەركىم قىلسا ئۆزىگە ئاسمانغا تۈكۈرسە يۈزىگە !

吐鲁汗

	تەربىيىۋى قىممىتى يۇقۇرى ياخشى تىما يوللاپسىز،رەخمەت

水晶叶子（维）

	دىمىسىمۇ بىر ئادەمنىڭ تۇرقىغا قاراپ باھا بىرىش توغرا ئەمەس . چۈنكى ئەسكى  چاپاننىڭ ئىچىدە ئادەم بار

musaper

	بۇنداق  ئۇقۇشماسلىق  دايىم  ئۇچراپ تۇردۇ !