ئوقۇتقۇچىلار بايرىمىنىڭ ‹‹ پۇرىقى ›› زادى نەدە؟
مەملىكەت بويىچە 28- قېتىملىق ئوقۇتقۇچىلار بايرىمى يېتىپ كېلىش ھارپىسىدا، 9- ئاينىڭ 8- كۈنى بېيجىڭ شەھىرىدىكى 100 دىن ئارتۇق مۇنەۋۋەر ئوقۇتقۇچى «بۇ يىل ئوقۇتقۇچىلار بايرىمىدا سوۋغات قوبۇل قىلىنمايدۇ» دېگەن تەشەببۇسقا ئاۋاز قوشتى. (9- ئاينىڭ 9- كۈنىدىكى «يېڭى بېيجىڭ گېزىتى» دىن ئېلىندى)
بۇ تەشەببۇس ئوقۇتقۇچىلارنىڭ ئۆزلىرىنىڭ ئوبرازىنى قەدىرلىشى ۋە قوغدىشىنى ئەكىس ئەتتۈرۈپ بەردى. ئوقۇتقۇچىلار مائارىپتا ئاساسىي گەۋدە ئورنىنى ئىگىلەيدۇ، ياخشى بولمىغان ساپا، ياخشى ئوبراز بولمىغان ئوقۇتقۇچىلار قوشۇنىنى، جۇڭگونىڭ مائارىپىدىكى زامانىۋىلىشىشقا يۈزلەنگەن، دۇنياغا يۈزلەنگەن، كەلگۈسىگە يۈزلەنگەن ئېغىر يۈكنى زىممىسىگە ئالالمايدۇ. بۇ خەۋەردىكى يەنە بىر ئىنچىكە نۇقتا كىشىنىڭ دىققىتىنى قوزغايدۇ. بېيجىڭ شەھىرى چۈيياڭليۇ مەركىزى باشلانغۇچ مەكتىپىدىكى جىڭ دەننا ھەپتە ئاخىرىدىكى ئارام ئېلىشىدىن ۋاز كېچىپ، بېيجىڭغا كېلىپ ئوقۇتقۇچىلار بايرىمىدىكى چوڭ تىپتىكى پاراۋانلىق پائالىيەت مەيدانىغا كېلىپ، مەسلىھەت بېرىش مۇلازىمەتچى خادىمى بولدى … … جېڭ دەننا مۇنداق دەپ بىلدۈردى: ئوقۇتقۇچىلار بايرىمىغا مائارىپنىڭ پۇرىقى سىڭىشى كېرەك. ئوقۇغۇچى ۋە ئائىلە باشلىقلىرىغا ئازدۇر – كۆپتۇر بىر نەرسە قىلىشىپ بەرسەك، كۆڭلىمىز ناھايىتى توق بولىدۇ، ھەم دىل ئاراملىق ھېس قىلالايمىز.
«مائارىپ پۇرىقى» دېگەن زادى نېمە؟ جېڭ دەننا مۇئەللىم ئېيتقان ئوقۇغۇچى ۋە ئائىلە باشلىقلىرى ئۈچۈن ئازدۇر – كۆپتۇر بىر نەرسە قىلىشىپ بېرىش بولسا بۇنىڭ ئىچىدىكى بىر مەزمۇن. بۇنىڭدىن باشقا، تېخىمۇ مۇھىم بىر مەزمۇن بار، ئۇ بولسىمۇ: ھۆكۈمەت ۋە جەمئىيەت مائارىپ ئۈچۈن ئازراق ئىش قىلىپ بېرىش كېرەك.
ئوقۇتقۇچىلار بايرىمىدىن ئىلگىرى، ئىككى مائارىپ بىلەن باغلىنىشلىق ئاخبارات كىشىنىڭ قەلبىنى مەيۈس قىلىپ قويدى. بىرى بولسا مەكتەپ ئاپتوموبىلى بىلەن مۇناسىۋەتلىك. گوۋۇيۈەن بېكىتكەن «مەكتەپ ئاپتوموبىلى بىخەتەر باشقۇرۇش نىزامى» 4- ئاينىڭ 5- كۈنىدىن باشلاپ يولغا قويۇلدى. يېڭى ئوقۇش مەۋسۈمى باشلىنىپ، نۇرغۇنلىغان جايلاردىكى باشلانغۇچ، بالىلار يەسلىلىرى دۆلەتنىڭ ئۆلچىمىگە ئۇيغۇن بولغان مەكتەپ ئاپتوموبىلى سېتىۋېلىپ بالىلارنى ئاپىرىپ- ئەكىلىپ قويدى. لېكىن بۇ «يۇقىرىنىڭ قائىدىسىگە، تۆۋەندىكى ئەلرايىغا باقىدىغان» تەدبىرمۇ، يەرلىك كونكىرىت يولغا قويۇش چارىسىنى يولغا قويمىغانلىقتىن، «نومۇر تاختىسى بېجىرەلمەي، مەكتەپ ئاپتوموبىلى نومۇر تاختىسى ئالالماسلىق» تەك ئوڭايسىزلىق كېلىپ چىقتى؛ يەنە بىر ئاخبارات دەرس ئۈستىلى بىلەن مۇناسىۋەتلىك. يېڭى ئوقۇش باشلانغان تۇنجى كۈچى، خۇبېي ئۆلكسى ماچېڭ شەھىرىدىكى ئاز بولمىغان باشلانغۇچ مەكتەپ يېڭى ئوقۇغۇچىلىرى ئۆزلىرى دەرس ئۈستىلى ئېلىپ، ئوقۇشقا تىزىملىتىشتەك غەلىتە مەنزىرە مەيدانغا كېلىپ، كىشىلەرنىڭ كۆڭلىنى ئېچىشتۈرۋەتتى. ماچېڭ شەھىرى ھۆكۈمەت ئورگىنىدىكى بىر نەپەر مەسئۇل خادىمنىڭ تونۇشتۇرىشىچە، نۆۋەتتە يەرلىك مالىيەدە بىر تۈرنىمۇ دەرس ئۈستەل – ئورۇندۇقلىرىنى ئالماشتۇرۇشقا سېلىنما قىلىپ ئىشلىتىشكە بولمايدۇ. ماچېڭ شەھىرى ئەمەلدارلارنى دەرس ئۈستەل – ئورۇندۇقلىرىنى ئالماشتۇرۇش ئۈچۈن ئىئانە توپلاشنى تەلەپ قىلىپ، ئىككى ئاي ئىچىدە ئالماشتۇرۇپ بولۇشقا ۋەدە قىلغان.
ئالدىنقى خەۋەردە، مەكتەپ ئاپتوموبىلىنىڭ نومۇر تاختىسى ئالالماسلىقىنىڭ ئاچقۇچى مەسئۇلىيەتنىڭ كەمچىل بولغانلىقىدا. كېيىنكى خەۋەردە، ئوقۇغۇچىلارنىڭ ئۆزلىرىنىڭ دەرس ئۈستىلى ئېلىپ كېلىشىنىڭ ئاچقۇچى مەبلەغنىڭ كەمچىللىكىدە، مالىيەنىڭ مائارىپقا بولغان سېلىنمىسىنىڭ يېتىشمەسلىكىدە. بۇ ئىككى ئاخبارات ئوقۇتقۇچىلار بايرىمىدىن ئىلگىرى ئېلان قىلىنغان، ھەر بىر ئوقۇتقۇچى كۆرگەندە يۈرىكى ئېچىشىپ كېتىدۇ. بايراملىق ھال سوراش ھەر قانچە كۆپ بولغان تەقدىردىمۇ، مائارىپ ساھەسىدىكى ئۈنۈمسىزلىكنى يوشۇرۇپ قالالمايدۇ.
جۇڭگودا مائارىپ بايرىمى يوق، ئوقۇتقۇچىلار بايرىمى بار. ئوقۇتقۇچىلار بايرىمى ئوقۇتقۇچىلارنىڭ بايرىمى بولۇپ قالماستىن، مائارىپقا مۇناسىۋەتلىك بايرام. مائارىپ ئۇچىغا چىققان دەرىجىدە چەتكە قېقىلىۋاتقان ۋاقىتتا، ئوقۇتقۇچىلار قانداقمۇ مەركەزلىك ئورۇندا تۇرالىسۇن؟ ئوقۇتقۇچىنى ھۆرمەتلەش بىلەن مائارىپنى ھۆرمەتلەش، بىر – بىرىگە زىچ باغلانغان بولۇپ، ھەرگىز ئايرىلىپ كەتمەيدۇ. مائارىپ ھۆرمەت قىلىنمىسا، ئوقۇتقۇچىلارنىڭ ھۆرمىتى بولمايدۇ، بۇنداق ئەھۋال ئاستىدا، ئوقۇتقۇچىلار بايرىمى ئوقۇتقۇچىلارنى ئاساسىي گەۋدە قىلىشى، بىراق ئوقۇتقۇچىلار بايرىمىدا «مائارىپ پۇرىقى» كۈچلۈكرەك بولۇشى كېرەك. يېقىنقى يىللاردىن بېرى، ئوقۇتقۇچىلار بايرىمىدا تېخىمۇ كۆپ قايتا ئويلىنىش پۇرىقى كۈچەيدى. قايتا ئويلىنىش ھەقىقەتەن زۆرۈر بولۇپ قالدى، بۇنداق بايرامدا ھەقىقەتەن قايتا ئويلىنىش كېرەك. بىراق بۇ خىل قايتا ئويلىنىش، ئوقۇتقۇچىلارنىڭلا قايتا ئويلىنىشى بولۇپ قالماستىن، جەمئىيەتنىڭ قايتا ئويلىنىشى بولۇشقا تېخىمۇ تىگىشلىك؛ پەقەت ئوقۇتقۇچىلارنىڭ ئەخلاققا بولغان قايتا ئويلىنىشى بولۇپ قالماستىن، مائارىپقا بولغان سېلىنما توغرىسىدىكى قايتا ئويلىنىش بولۇشى كېرەك. بىز «نېمە ئۈچۈن مەكتەپ ئاپتوموبىلى نىزامى بىلەن يۈرۈشلەشكەن چارىمۇ مەيدانغا كەلمەيدۇ؟ نېمە ئۈچۈن ئوقۇغۇچىلار ئۆزلىرى دەرس ئۈستىلى ئېلىپ دەرسكە كىرىدۇ؟ » دەپ ئويلىنىپ بېقىشىمىز كېرەك. بۇنىڭ ئىچىدىكى ھۆكۈمەتنىڭ مەسئۇلىيىتى، جەمئىيەتنىڭ بۇرچى نەگە كەتتى؟
ئۈنۈمسىز تۇپراقتا، مەڭگۈ غەيرەتلىك ۋە گۈزەل بولغان گۈللەر يېتىشىپ چىقالمايدۇ. مائارىپقا ئەھمىيەت بېرىلمىسە، ئوقۇتقۇچىلارغا ھەقىقىي ئەھمىيەت بېرىش بولمايدۇ. شۇنىڭ ئۈچۈن، ئوقۇتقۇچىلار بايرىمىدا، بەزى رەسمىيەت خاراكتېرلىك تەبرىكلەش پائالىيەتلىرى بىلەن قانائەتلىنىپ قالماي، ئوقۇتقۇچىلار بايرىمىنى ئۆزىنىڭ «پۇرىقى» غا قايتۇرۇش، «ئوقۇتقۇچىلارغا بايراملىق سوۋغا بېرىش كېرەكمۇ – ئەمەسمۇ» دېگەن مۇھاكىمىدىن تېخىمۇ مۇھىم، ھەم ھەقىقەتەن زۆرۈر.
تەرجىمە قىلغۇچى: ئالىمجان نەسىردىن
| 
يوللىغان ۋاقتى 2012-9-10 18:45:00
يوللىغان ۋاقتى 2012-9-11 16:17:48