ئاياللارنىڭ تورغا چىقىشى توغرىمۇ؟

(نۇر)

	ئاياللارنىڭ تورغا چىقىشى توغرىمۇ؟ ئەسكەرتىش: مەن بۇ ماقالىنى بىر دوستۇمنىڭ تورغا چىقىش جەريانىدا،ئائىلىسى ۋە بىر قىسىم كىشىلەر تەرىپىدىن  ئاھەنەتكە ئۇچرىغانلىقىدىن،توردا بۇمەسىلە توغرىسىدا  مۇلاھىزە قىلىپ بېقىشنى  ھاۋالە قىلغانلىغى ئۈچۈن يازغان ئىدىم، سەۋىيەرىم چەكلىك بولغانلىقتىن يۈزەكى يېزىپ يوللاپ باقتىم،ئۇستازلارنىڭ مۇلاھىزە قىلىپ بېقىشىنى سورايمەن.                         ئاياللارنىڭ تورغا چىقىشى توغرىمۇ؟     ھازىر توردا ھەم مۇنبەرلەردە ياكى جەمئىيەتتە ئاياللارنىڭ تورغا چىقىشى توغرىمۇ؟دېگەن مەسىلە توغرىسىدا مۇلاھىزە كۆپ بولماقتا.تورنىڭ ئۇچقاندەك تەرەققىي قىلىشى بىلەن كومپيۇتېر ئۆيلىرىمىزگە كىرىشكە باشلىدى.ئۇ جەمئىيىتىمىزنىڭ تېز تەرەققىياتى ھەم تۇرمۇشىمىزنىڭ ياخشىلىنىۋاتقانلىقى بىلەن مۇناسىۋەتلىك. شۇنىڭ بىلەن ئائىلىمىزگىمۇ قولايلىقلارنى ئېلىپ كەلدى.  تور ئارقىلىق ماتېرىيال كۆرۈش،ئۇچۇر ئىگەللەش، سودا-سېتىق ئىشلىرى  توردا ئېلىپ بېرىلماقتا،بۇ نېمە دېگەن قولايلىق ، نېمە دېگەن ياخشى ئىش ھە؟           ھازىر جەمئىيىتىمىزدىكى كۆپ ساندىكى كىشى توردىن ياخشى پايدىلانسا،بىر قىسىم ئادەمللەر تور قولايلىقىدىن پايدىلىنىپ،پىتنە -ئېغىۋالارنى تارقىتىپ،جەمئىيىتىمىزنىڭ تۈزۈلمىسىگە،ئائىلە ئىناقلىقىغا تەسىر يەتكۈزۈۋاتىدۇ. يەنە بىر قىسىم كىشىلەر خىزمەت مەزگىلىدە،خىزمەت قولايلىغىدىن پايدىلىنىپ،ئىش قىلماي،تور ئويىنى ئويناپ،قۇرۇق پاراڭ سېتىپ،خەلقنىڭ ئىشىنى قىلماي ۋاقىت ئۆتكۈزمەكتە،بۇ قانداق خىزمەت ئىستىلى،بۇ قانداق پەزىلەت؟     ئاياللارنىڭ تورغا چىقىشى توغرۇلۇق سۆزلەيمەن دەپ باشقا تېمىدا سۆزلەپ كېتىپتىمەن،تورداشلار ئەپۇ قىلغايسىزلەر.  جەمئىيىتىمىزنىڭ تۈزۈلمىسىدە،ئەر-ئاياللانىڭ ھوقۇقى باپبارەۋەر دەپ ئوچۇق بەلگىلەنگەن،مېنىڭچە ئاياللارنىڭ تورغا چىقىشى ئۇلارنىڭ ئەركىنلىگى ھەم ھوقۇقىدۇر.  مېنىڭچە بۇ يەردە قانداق تورغا چىقىش مەسىلىسى مەۋجۇت !     ئاياللار دۇنيانىڭ ئانىسىدۇر،بالىلىرىمىزنىڭ ئاپىسىدۇر ھەم ئۆيىمىزنىڭ گۈلىدۇر،دېمەك ، ئايالسىز دۇنيا مەۋجۇت ئەمەس. ئاياللارنى تەرىپلىسەك تۈگىمەس سۈپەتلەر بار،ئانىلار ئۇلۇغ،ئانىلار مېھرىبان،ئانىلار كۆيۈمچان ۋە باشقىلار.دېمەك ئانىلار ئۇلۇغدۇر. بۇ يەردە ئاياللار توغرىسىدا گەپ بولغاچقا،ئاياللار توغرىسىدا سۆزلەي،ئاياللارنىڭ تورغا چىقىش مەسىلىسىدە،ھەممە ئادەمنى بىر تاياقتا ھەيدەشكە  بولمايدۇ.توردا نۇرغۇن ئايال يولداشلار بار،ئۇلارنىڭ تور بەتلىرىگە كىرسەڭلار نۇغۇن ياخشى ئەسەر، ماقالىلىرى بار،ئۇلارمۇ ئۇيغۇر سەھىپىلىرىمىزنىڭ گۈللىنىشى ئۈچۈن ئۆزلىرىنىڭ بىر كىشىلىك ھەسسىنى قوشماقتا.      يەنە بىر قىسىم ئاياللار توردا ئۆزى تونۇمايدىغان ئەرلەر بىلەن قالايمىقان پاراڭلىشىپ، ئۆيىگە،بالىلىرىغا مەسئۇل بولماي، كېچە-كېچىلەپ توردا ئولتۇرۇپ، ئەتىگەندە قوپالماي ئەرلىرىنىڭ،بالىلىرىنىڭ ناشتىلىق تامىقىنىمۇ بېرەلمەي،ئائىلىسىنىڭ بىر پۈتۈن ئىناقلىقىغا تەسىر يەتكۈزۈپ،ئەر ئالدىدا خوتۇنلۇق،بالىلار ئالدىدا ئانىلىق بۇرچىنى ئادا قىلالمايۋاتىدۇ. توردا ۋاي خېنىم دېسە،ۋاي جېنىم دەپ بىر پۈتۈن ئاياللارنىڭ ئوبرازىغا تەسىر يەتكۈزۈۋاتىدۇ.مانا بۇ ئاز بىر قىسىم ئاياللارنىڭ كۆپ قىسىم ئاياللارنىڭ گۈزەللىك خىسلىتىگە تەسىر يەتكۈزۈۋاتقان يېرى شۇ دەپ قارايمەن.      ئاياللار گۈزەلدۇر،ئاياللار مېھرىبان ،كۆيۈمچان ھەم نومۇسچاندۇر.ئاياللىرىمىز يولدا كېتىۋېتىپ پۇتلىشىپ كەتسىمۇ ھەممە ئادملەر كۆرۈپ قالىدۇ،ئەرلەر مەست بولۇپ قۇسۇپ يېتىپ قالسىمۇ ھېچكىمنىڭ كارى بولمايدۇ.دېمەك ئاياللىرىمىز خىسلەتلىكتۇر،مېھرىبان ئانىلار،سۆيۈملىك قىزلىرىمىز ئۆزىمىزنىڭ خىسلەتلىگىمىزدىن پەخىرلىنەيلى.ئۆزۈڭلەر گۈزەلدۇر،كىيگەن كىيمىڭلار چىرايلىقتۇر،يۈزۈڭلەرگە، كىيىمىڭلارغا مەينەت يۇقتۇرۋالماڭلار بولمىسا تەغدىر پىشانەڭلەرگە نۇخسان يېتىدۇ.     ئاياللىرىمىز،قىزلىرىمىز گۈزەل بولغانلىقتىن، كۆزگە ھەم سۆزگە يېقىن بولىدۇ،كۆزگە يېقىن بولسا ئاچ كىرىدۇ،سۆزگە يېقىن بولسا نەس باسىدۇ.ئاز بىر قىسم تور مەستانىسى ئاياللىرىمىز،قىزلىرىمىز ئۆزىمىزگە چىڭ بولۇپ،ئانىلىق بۇرچىمىزنى ئادا قىلايلى.تور مەستانىسى،ئەرلىرىمىز،ئاياللىرىمىز،ئوغۇللىرىمىز،قىزلىرىمىز،توردا بولمىغۇر ئىشلار بىلەن بولماي،ۋاقتىمىزنى ئەھمىيەتلىك ئىشلار ئۈچۈن سەرپ قىلايلى.      ئاياللىرىمىزنىڭ تورغا چىقىشى مېنىڭچە توغرا.          كەلگۈسى تەرەققىيات ئۇچۇن ھەممىمىز بىرلىكتە تورغا چىقايلى.   مەنبە:ئىجادىيىتىم

maripat0996

	ناھايىتىمۇ  ئەھمىيەتلىك  تېما يوللاپسىز .   راست دېدىڭىز ، ئاياللار  يولدا كېتىۋېتىپ  پۇتلىشىپ  كەتسىمۇ  ھەممەيلەن  كۆرۈپ  قالىدۇ ، شۇڭا  ئاياللىق ، ئانىلىق  سۈپىتىمىز  بىلەن  ياشايلى .

nargiz

	تورنى ئۇيۇن ئورنىدا كورمەي ، ئۇنىڭدىن مۇئاپىق پايدىلانساق، بىلىم ئالساق توغرا بولاتتى،،، ،،،،،

Asir

	ئۆزى تونۇمايدىغان ئەرلەر بىلەن قالايمىقان پاراڭلىشىپ، ئۆيىگە،بالىلىرىغا مەسئۇل بولماي، كېچە-كېچىلەپ توردا ئولتۇرۇپ، ئەتىگەندە قوپالماي ئەرلىرىنىڭ،بالىلىرىنىڭ ناشتىلىق تامىقىنىمۇ بېرەلمەي،ئائىلىسىنىڭ بىر پۈتۈن ئىناقلىقىغا تەسىر يەتكۈزۈپ،ئەر ئالدىدا خوتۇنلۇق،بالىلار ئالدىدا ئانىلىق بۇرچىنى ئادا قىلالمايۋاتىدۇ. سىزنىڭ مۇنۇ سۆزلىرىڭىز ھەقىيقەت، بۇلۇپمۇ بىزنىڭ ئۇيغۇر مىللىتىنىڭ ئەدەپ ئەخلاق پەزىيلىتىگە مۇخالىپ، لىكىن تۇساپ تۇساپ كەتكىلى بۇلمايدۇ نىمە ئۈچۈن ؟ ھازىر ئەر ئايال قانۇن ئالدىدا باپ باراۋەر دەپ قانۇن چىقىپ قىلىپ قىسمەن ئاز ساندىكى ئاياللار بەكلا --------كىتىۋاتىدۇ. بۇنداق دىسەم بۇ توردىكى خانىم قىزلارنىڭ ئۆزىگە تارتىۋالماسلىقىنى ئۈمۈد قىلىمەن.

parizat

	رەھمەت !!!!!! ھەقىقەتەن ئەھمىيەتلىك تىما يوللاپسىز . توردا بولمىغۇر ئىشلار بىلەن بولماي،ۋاقتىمىزنى ئەھمىيەتلىك ئىشلار ئۈچۈن سەرپ قىلىش لازىم ھەم زۈرۈر .

吐鲁汗

	دوستۇم ياخشىمۇ سەن؟ ئەھمىيەتلىك ياخشى تىما يوللاپسەن،توردىن ئىلمىي پايدىلىنىشنى بىلىدىغانلار ئۈچۈن تور ئەر، ئايال دەپ ئايرىلمايدۇ،بىر مۇنبەردىشىمىز ئېيتقانداق كوم ئالدىدا  تۈن بويى ئولتۇرۇپ  قىممىتى يوق قۇرۇق پاراڭ سالىدىغان، ۋاقىتنى قەدىرلىمەيدىغان مەيلى ئايال مەيلى ئەر بولسۇن  ئوخشاشلا تورغا چىقمىغىنى ياخشى.

manglisa

	مەنچە تورنىڭ پايدىلىق تەرەپلىرىدىن مۇۋاپىق پايدىلانساق بولدۇغۇ دەپ قارايمەن، ئائىلىسىدىكىلەرنىڭ ناشتىلىقىنىمۇ تەيارلىيالمايدىغان دەرىجىدە ئەمەسمىز ،شۇنداق ئىشلارمۇ بارمۇيا

SARBAX

	ئاياللارمۇ ھازىرقى زامان ئۇچۇرۇدىن پايدىلانسا بولىدۇ.گەپ توردىن قانداق پايدىلىنىشتا

未来和田

	بولمايدۇ.

igilmes

	بۇنداق ئاياللار تور بولمىسىمۇ كوچىغا چىقىۋالىدۇ .      ياخشى ئاياللىرىمىزغا كۆز تەگمىسۇن.