كورلا نەشپۈتىنى كىم ئالىدۇ؟

توخار

	كورلا نەشپۈتىنى كىم ئالىدۇ؟     شىنجاڭ ئۇيغۇر ئاپتونوم رايونلۇق پارتكوم ۋە خەلق ھۆكۈمىتىگە:    يېقىنقى ئون يىللاردىن بۇيان،كورلا شەھىرىنى ئىقتىسادىي شەھەر قىلىپ  قۇرۇپ چىقىش،تەرەققىيات شەكلىنى ئۆزگەرتىش ھازىرقى تەكىتلىنىۋاتقان مۇھىم قارارلارنىڭ بىرى بولۇپ قالدى، تېرىقچىلىقتىن بوشىتىلغان يەرلەردە ئورمان بىنا قىلىش ، بەختىيار،باياشادلىققا تولغان نەشپۈت شەھىرىنى قۇرۇپ چىقىش شەھەردىكى رەھبەر ۋە ھەر قايسى خەلقنىڭ ئورتاق ئارزۇسى بولۇپ قالدى، دۆلەتنىڭ كۆپلەپ مەبلەغ سېلىشى،قوللىشى ئاساسىدا، كورلىدىكى يېزا-ئىگىلىك، چارۋىچىلىق، باغۋەنچىلىك قاتارلىق مۇھىم كەسىپلەر بارا-بارا ئۆز قىممىتىنى تېپىشقا باشلىدى، ئەتراپىمىزغا قارايدىغان بولساق، بۇرۇنقى ئۆلچەملەشتۈرۈپ مەيدانغا بۆلۈپ تېرىش ئۇسۇلى ئەمەلدىن قالدۇرۇلدى، بۇرۇنقى ئالۋان-سېلىقلار تۈگەشكە باشلىدى، تېرىقچىلىقتىن بوشىتىلغان يەرلەردە نەشپۈتلۈك باغ بەرپا قىلىش قىزغىنلىقى كۆتۈرۈلدى ھەم كورلا دېھقانلىرى ئارىسىدا ھازىر نەشپۈت، كېۋەزنى ئاساس، چارۋىچىلىقنى قوشۇمچە قىلىپ، ھاللىق سەۋىيەگە يېتىش ئۈچۈن ئۈزلۈكسىز تىرىشماقتا.      نەشپۈتنىڭ يېقىنقى يىللاردىن بۇيانقى باھاسى ياخشى باھالاردا كېتىپ بارماقتا ئىدى.2010 -يىلى كورلا شەھىرىدە كۆپ يەرلەردە نەشپۈتلۈك باغلاردا مېغىز قۇرت ئاپىتى يامراپ كېتىپ،نۇرغۇن باغۋەنلىرىمىزنىڭ نەشپۈتى كارانتىن قىلىش ئۆلچىمىگە يەتمەي،يەر ئاستىغا كۆمۈلۈپ كەتكەن ئىدى،شۇ چاغدىكى دېھقانلارنىڭ بېشىغا كەلگەن ئىقتىسادىي زىيان زور بولۇپ، دېھقانلار ئالدىنقى يىلى ۋە بۇيىل نەشپۈتلۈك باغلارنى پەن-تېخنىكا بىلەن ئەنئەنىۋىي دېھقانچىلىقنى بىرلەشتۈرۈپ،نەشپۈتنى پاكىز، سۈپەتلىك چىقىرىش ئۈچۈن نۇرغۇن جاپالارنى تارتقان.ئالدىنقى يىلى،يەنى2011-يىلى كورلا نەشپۈتىنىڭ باھاسى يۇقىرى باھادا ماڭدى،دېھقانلىرىمىز مول-ھوسۇل شادلىقىدىن تولىمۇ خوشال بولغان.نۇرغۇن دېھقانلىرىمىزنىڭ شۇ يىلدىكى ئىقتىسادىي كىرىمى يۇقىرى بولغاچقا،كۆڭلىدە ئىگىلىك تىكلەش، پارتىيە-ھۆكۈمەتنىڭ تۆۋەن نىسبەتلىك ئۆسۈمسىز قەرزنى ئېلىپ،چارۋىچىلىقنى تەرەققىي قىلدۇرۇش،باغۋەنچىلىكنى ئاساس،قوشۇمچە كەسىپنى جانلاندۇرۇش ئۈچۈن نۇرغۇن قەرزلەرنى ئالغان ئىدى.     ئەپسۇس،2012-يىلى كورلا نەشپۈتى 9-ئاينىڭ 2-كۈنىدىن باشلاپ ئۈزۈلۈشكە باشلىدى،بىرىنچى دەرىجىلىك نەشپۈتنىڭ باھاسى 7.4يۈەن، 2-دەرىجىلىك نەشپۈتنىڭ باھاسى 4.5يۈەن، 3-دەرىجىلىك نەشپۈتنىڭ باھاسى 2.5يۈەن ئەتراپىدا مېڭىۋاتقان ئىدى،نەشپۈت ئۈزۈش بەش كۈنگە يەتمەي تۇرۇپلا، ھازىر نەشپۈتنىڭ باھاسى چۈشۈپ كەتتى، نەشپۈت ئالىدىغان خېرىدارلار بەكلا ئازلاپ كەتتى، تېخى نۇرغۇن دېھقانلىرىمىز نەشپۈت ئۈزۈشنى باشلىمىغان ئىدى، ھازىر نەشپۈت ئۈزۈپ ساتىلى دېسەك، نەشپۈت ئالىدىغان خېرىدارلار بەك ئاز، ئالدىنقى يىلىغا ئوخشاش بەك باس-باس ئەمەس، نەشپۈت ئالىدىغان نۇرغۇن خېرىدارلار ئۈن-تىنسىز غايىپ بولدى، نۇرغۇن دېھقانلىرىمىزنىڭ كاللىسى قاتماقتا، بانكىدىن ئالغان قەرزنى تۆلەش، كېلەر يىلى باغۋەنچىلىكنى قانداق داۋاملاشتۇرۇش كورلا دېھقانلىرىنىڭ بېشىنى قاتۇرماقتا، تۈنۈگۈن نەۋرە ئۇكام، دوست-ئاغىنىلىرىم تېلېفون قىپتۇ،ئۇلار ماڭا ئۆز مەھەللىسىدە نەشپۈت ئالىدىغان خېرىدارلارنىڭ يوقلىقىنى، مەن ئولتۇرۇۋاتقان كەنتتە نەشپۈت ئالىدىغان خېرىدارلارنىڭ بار-يوقلىقىنى سورىدى، بۇ گەپلەرنى ئاڭلاپ كۆڭلۈم تولىمۇ يېرىم بولدى، ئۆزۈممۇ دېھقان بولغاچقا،نەشپۈتنىڭ باھاسىنىڭ 4-5كۈنگە قالمايلا چۈشۈپ كېتىشى، نەشپۈت ئالىدىغان خېرىدارلارنىڭ ئۈن-تىنسىز غايىپ بولۇشى نۇرغۇن سۆيۈملۈك دېھقانلىرىمىزنى ئەنسىرەتمەكتە. ئالدىنقى يىللاردا نەشپۈتنىڭ باھاسى 9-ئاينىڭ 20-كۈنى بولغان چاغدا،چۈشەتتى، چۈنكى،ئۇ چاغدا،كورلا نەشپۈتى سارغىيىپ كېتىدۇ،دېھقانلار بۇرۇن 9-ئاينىڭ 20-كۈنىگىچە ئۈزۈپ بولاتتى.لېكىن،10-چىسلاغا بارا-بارمايلا نەشپۈتنىڭ باھاسى شىددەت بىلەن چۈشۈپ كەتتى ھەمدە نەشپۈت ئالدىغان خېرىدارلار ئازلاپ كەتتى.      مەنمۇ دۆلەتنىڭ گىراژدانلىق پۇقراسى بولۇش سۈپىتىم بىلەن،بۇ ئەھۋاللارنى مۇشۇ يول ئارقىلىق رەھبەرلىرىمىزگە بىلدۈرۈش نىيىتىگە كەلدىم. مېنىڭ كۈتىدىغان ئۈمىدىم، شىنجاڭ ئۇيغۇر ئاپتونوم رايونلۇق پارتكوم ۋە خەلق ھۆكۈمىتىنىڭ كورلا نەشپۈتىگە كۆڭۈل بۆلۈپ قويۇشىنى ھەمدە نەشپۈتنىڭ تۇراقلىق قىممەت بويىچە 9-ئاينىڭ 20-كۈنىگىچە نورمال ئېلىپ بېرىلىشىنى ئۈمىد قىلىمەن.بۇ پۈتۈن كورلا دېھقانلىرىنىڭ ئورتاق ئارزۇسى.دېھقانلارنىڭ ھاللىق سەۋىيەگە يېتىشى ۋە ئىناق سوتىسيالىستىك جەمئىيەتتە بەختىيار،باي-باياشاد ياشىشى ئۈچۈن كورلا نەشپۈتىنىڭ سېتىلىشى ھەممىدىن مۇھىم.ئاپتونوم رايون رەھبەرلىرىنىڭ مەن ئىنكاس قىلغان ئىشلارغا ياخشى جاۋابلارنى قايتۇرىشىغا ئىشىنىمەن. كامالىي ئېھتىرام بىلەن:تۇرسۇنجان مۇھەممەت كورلا شەھىرى شاڭخۇ بازار شاڭخۇ 3-كەنتتە ئولتۇرۇشلۇق دېھقان.

tuygun

	گۈل چاينى ئالمىدى دەپ زار - زار قاخشىساق ، كۆرلا نەشپۈتىنىمۇ ئالمىدىما ؟! نەشپۈتنى قومۇرۇپ كۆلاپ قوناق تىرىيدىغان يەرگە كەلدىمۇ نىمە ؟ ! ئاھ بىچچارە دېھقان .......

kamaltap

	ھۆكمەت  ما پاختىنىڭ ئىشنىمۇ ئوبدانراق ئويلاشسا بۇلاتتى ،بۇ يىل يىلاردىكىدىن مەبلەغ قىمەت بولدى،ئۇنۇڭ ئۈستىگە،تەبئى ئاپەتمۇ كۆپ بولدى،يىغۋېلىش تەننەرقىمۇ 2 كويدىن ئاشقىدەك،

تەۋسىيە

	tuygun يوللىغان ۋاقتى  2012-9-8 16:52 گۈل چاينى ئالمىدى دەپ زار - زار قاخشىساق ، كۆرلا نەشپۈت ... گۈل چاينى ھەممەيلەن بولۇشىغا تېرىۋالسا باھاسى چۈشمەي نېمە بولاتتى، بازار ئەھۋالىغا قاراپ ئىش تۇتۇشنىمۇ ئۆگىنىۋېلىش كېرەك، كورلا نەشپۈتىگە كەلسەك، بۇنىڭ سەۋەبىنى تېپىپ چىقىپ، ھۆكۈمەت بەزىبىر خېرىدار جەلپ قىلىش ئۇسۇللىرىنى قوللانسا بولىدۇ، ئالدىنقى يىلى نۇرغۇن جايلاردا بەرەڭگىنى سېتىپ چىقىرالماي دېھقانلار بەك زىيان تارتىپتىكەن، دەل شۇ ۋاقىتتىمۇ ھۆكۈمەت ئاكتىپ تەدبىر قوللانغان.

nargiz

	جان باقماق  نىمانچە تەسلىشىپ كەتتى بۇ جاھاندا

吐鲁汗

	ھۆكىمەت قاراپ تۇرماس، باغۋەنلەرنىڭ نىداسىغا كۆڭۈل بۆلىدىغان ئۇلار ئۈچۈن بازار ئىزدەيدىغان خەلىق سويەر كادىرلار چىقار، قىشتىمۇ بىر قىسىم دېھقانلارنىڭ ساتالمىغان پىياز، بەرڭگىلىرىنىمۇ بازار ئىزدەپ سىتىشىپ بەردىغۇ

653225mamtimin

	ھۆكۈمەت  خېرىدار جەلپ قىلىش ئۇسۇللىرىنى قوللانسا بولىدۇ

ｄｉし__SｉЯｉ

	مەن ھازىر نەشپۈت يەپ ئولتۇرغان تىخى، ئاشۇ سۇلۇق كورلا نەشپۇتىدىن

amatlik~yigit

	ھۆكۈمەتمۇ بۇ ئىشلارغا ئالاھىدە قاراپ چوقۇم تىزلىكتە ياردەم قىلىدۇ

رۇجەك

	ｄｉし__SｉЯｉ يوللىغان ۋاقتى  2012-9-9 17:29 مەن ھازىر نەشپۈت يەپ ئولتۇرغان تىخى، ئاشۇ سۇلۇق كورلا  ... ئەكىلىڭە بىرگە  يەيلى  ،