مۇنبەرداشلارغا سالام
مەن يېڭى ئەزا نۇر بولىمەن،مەن مۇشۇ مۇناسىۋەت بىلەن ئۇستاز سۈپەت مۇنبەرداشلارغا سەمىمى سالام يولايمەن.ھەممىڭلارنىڭ تېنىڭلار سالامەت ،تۇرمۇشۇڭلار كۆڭۈللۈك،ئىشىڭلار ئۇتۇقلۇق بولغاي.
مەن يېڭىدىن تورغا چىقىشنى ئۆگۈنۈپ،ئالدى بىلەن مۇشۇ مۇنبەرنى زىيارەت قىلغان ئىدىم،بۇ مۇنبەر ساغلام،مۇنبەردىكى ئەزالار جۇشقۇن،يېزىلغان ئەسەرلەر ، ئىنكاسلار جايىدا بولغان ياخشى مۇنبەر ئىكەنلىكىنى تونۇپ يېتىپ بۇ مۇنبەرگە ئەزا بولۇشنى نىيەت قىلدىم.
سەۋىيەرىم چەكلىك،توردىكى تەجرىبەم تۆۋەن بولغانلىقتىن كۈلكىلىك ئىشلارنى قىلىپ قويۇشۇم مۇمكىن.توردىكى ئۇستازلارنىڭ ئەپۇ قىلىپ،يېڭى ئۆگەنچە شاگىرتىڭلارنى قاتارغا قېتىۋېلىشىڭلارنى چىن دىلىمدىن ئۈمىد قىلىمەن.
سەمىمىي سالام يولىغۇچى: شاگىرتىڭلار نۇردىن.
ۋاقىت ھەققىدە
ۋاقىتنى ھەممە ئادەملەرگە تەڭ ئاتا قىلغان،بىرىگە ئارتۇق بىرىگە كەم بىرىلگەن ئەمەس،لېكىن ھەر-بىر ئادەمنىڭ ۋاقىتقا ئاتا قىلغىنى ئوخشاش بولمايدۇ،بەزىلەر ۋاقىتنى ئالتۇندىنمۇ قىممەتلىك دەپ قارايدۇ.ۋاقىت ئۇلارغا ھاياتى كۈچ ۋە ئىجادىيەت ئاتا قىلىدۇ.
بەزىلەر ۋاقىتنى قىلچىمۇ قەدىرلىمەيدۇ،ۋاقىت ئۇلارنىڭ تېنىدىن ياشلىق باھارىنى ۋە ھاياتىنى تۇيدۇرماستىن ئوغۇرلاپ قاچىدۇ.
ۋاقىت مىھرىۋان ھەم شەپقەتسىز،بارلىق پىكىر-خىياللار،ئىزدىنىشلەر ۋاقىتنىڭ مىھرىگە ئېرىشىدۇ.
ۋاقىت ئىلىم قىممىتىنىڭ سىناقدىشى،ۋاقىت دۇنيادىكى ھەممە شەيىلەرنىڭ ئۇلۇق تەنقىتدىشىدۇر
مەنبە: ئىجادىيىتىم
چوڭ خاتالىق ۋە كىچىك خاتالىق
بىرسى دوستىدىن چوڭ خاتالىق بىلەن كىچىك خاتالىقنىڭ پەرقىنى سوراپتۇ.ئۇ ئادەم مۇنداق چۈشەندۈرۈپ بېرىپتۇ:<ئەگەر سەن تاماقخانىدىن چىققان ۋاقتىڭدا ئېھتىياتسىزلىقتىن ئۆزۈڭنىڭ كۈنلۈكىنى تاماقخانىغا تاشلاپ قويۇپ،باشقىلارنىڭ كۈنلۈكىنى ئېلىپ چىقىپ كەتسەڭ،بۇنى كىچىك خاتالىق دەيمىز؛ئەگەر باشقىلارنىڭ كۈنلۈكىنى ئېلىۋېلىپ،ئۆزۈڭنىڭ كۈنلۈكىنىمۇ ئېلىپ چىقىپ كەتسەڭ ،بۇنى چوڭ خاتالىق دەيمىز>.
ھېكمەت:بۇنى چۈشەندىڭىزمۇ؟مانا بۇ بىخەستەلىك،بىپەرۋالىقتىن ئۆتكۈزۈلگەن خاتالىق بىلەن قەستەن ئۆتكۈزۈلگەن ئوغرلىققا بولغان ناھايىتى كونكرېت چۈشەندۈرۈشتۇر.
مەنبە:ھېكمەتلەر دەستۇرىدىن.
ئېرىشىش ۋە يوقىتىش
بىر داڭلىق كارخانىچى بىر كۈنى دادىسى بىلەن داڭلىق ئاشخانىدا تاماق يېگەچ بىر ئىسكىرىپكىچىنىڭ ئۇلار ئۈچۈن چالغان مۇزىكىسىدىن ھۇزۇلىنىپتۇ .
بۇ داڭلىق كارخانىچى بۇ يېقىملىق ئىسكىرىپكا مۇزىكىسىنى ئاڭلىغاچ ئۆزىنىمۇ ئىلگىرى ئىسكىرىپكا چېلىشنى ئۆگەنگنلىكى يادىغا يېتىپ ئاتىسىغا :ئەگەر مەن مۇشۇ چاغدا ئىسكىرىپكا چېلىشنى كۆڭۈل قۇيۇپ ئۆگەنگەن بولسام ،بەلكىم مۇشۇ جايدا ئىسكىرىپكا چالغان بۇلاتىم :دەپتۇ .
ئاتىسى ئوغلىغا :توغرا بالام ،ئەگەر ئەينى چاغدا شۇنداق قىلغان بولساڭ ،ھازىر بۇجايدا ئولتۇرۇپ تاماق يىمىگەن بۇلاتىڭ :دەپتۇ .
ھېكىمەت :بىز دائىم دېگۈدەك قولدىن كىتىپ قالغان ئاشۇ پۇرسەتلەر ئۈچۈن ئاھ ئۇرۇمىز -يۇ ،ھازىرقى ئېرىشكىنىمىزگە مىننەتدارلىق بىلدۈرۈشنى ئۇنتۇپ قالىمىز .
كۈلۈپ ياشاش كېرەك
بىر ئادەم ئېھتىياتسىزلىقتىن ئۆستەڭگە چۈشۈپ كېتىپتۇ شۇنۇڭ بىلەن ئەتىراپتىكى كىشىلەر بۇ ئادەمنى سۇدىن تارتىپ چېقىرىپتۇ ،بۇ ئادەم سۇدىن تارتىپ چېقىرىلغاندىن كىيىنمۇ قىلچە ئازابلىنىپمۇ قويماستىن ،بەلكى قاقاقلاپ كۈلۈپ كېتىپتۇ .
كىشىلەر بۇ ئادەمنىڭ قاقاقلاپ كۈلۈشىدىن غەلىتىلىك ھىس قىلىپ ،ئۇنى ساراڭ بۇلۇپ قالغان ئوىشايدۇ ،دەپ ئويلاپتۇ .ئارىدىن بىرەيلەن :"نېمىگە كۈلىسىز ؟" دەپ سوراپتۇ .
بۇ ئەر :نېمىگە كۈلىسىز دەمسىز ؟مەن تېخى ھايات ئىكەنمەن ،ھەتتا كىچىكىنە يېرىمۇ زەخمىلەنمەپتۇ بۇ كۈلۈشكە ئەرزىگۈدەك ئىش ئەمەسمۇ ؟:دەپتۇ .
ھېكىمەت :دۇنيادا ھايات تۇرۇشتىنمۇ بەكرەك خوشاللىق بولمىساكېرەك ،مۇشۇ قائىدىنى چۈشۈنۈپ يەتكەندىلا ،بۇ ھايات مىننەتدارلىققا ھەم خۇشاللىققا تولغان بولىدۇ .
يوللىغان ۋاقتى 2012-9-5 00:57:08
