ئىجارىگە ئالغان توي كۆينىكى ۋە ئىجارىگە ئالغان خوتۇن

kiroran715

	ئىجارىگە ئالغان توي كۆينىكى ۋە ئىجارىگە ئالغان خوتۇن       بۇرۇنلاردا ئۇيغۇر قىزلىرىمىز ئۆزىمىزنىڭ مىللىيچە تويلۇق كىيىم - كېچەكلىرىنى كىيىپ يىگىتى بىلەن نىكاھ قىلىپ تويلىشىپ، بىر ئۆمۈر ئىجىل - ئىناق بەختلىك تۇرمۇش كەچۈرەتتى.       بۈگۈنكى كۈنلەردە غەرب ئەللىرىنىڭ مودا توي كۆينەكلىرىنى (كىر كۆينەكلەرنى) ئىجارىگە ئېلىپ كىيىپ، نىكاھ قىلىپ توي قىلىدىغان بولۇۋالدى، مۇشۇ ئىجارىگە ئالغان، ھەممە ئادەم كىيىپ سېلىۋەتكەن توي كۆينەكنى كىيىپ نىكاھ قىلغانلار ئۇزۇن ئۆتمەي ئاجرىشىپ كېتىۋاتىدۇ. مېنىڭچە يەنىلا ئۆزىمىزنىڭ مىللىيچە تويلۇق كىيىملىرىمىزنى كىيىپ نىكاھ قىلىپ توي قىلساق ياخشىمىكىن دەيمەن.       سىلەر ئىجارىگە ئالغان، ھەممە ئادەم كىيىپ سېلىۋەتكەن توي كۆينىكىنى كىيىپ نىكاھ قىلىشقا قانداق قارايسىلەر؟ ئىجارىگە ئالغان توي كۆينىكى بىلەن نىكاھ قىلغان خوتۇن ئىجارىگە ئالغان خوتۇن بولۇپ قالامدۇ قانداق؟

nijatkurban

	شۇنداق بىر كۈنلەر كېلىدۇكى، قىزلار ئىجارە ئېلىنغان توي كۆينىكى كىيىشتىن نومۇس قىلىدىغان بولىدۇ.

Erkman

	قولتۇقلىرى  بەدبۇي تەردىن كىرلىشىپ قالغان كىر  توي كۆينەكلىرىنى كىيگەن شۇ كېلىنچەكنىڭمۇ قولتۇقلىرى پۇراپ قالىدىغانلىقىنى يىگىتى ئەسكىمۇ ئېلىشمايدۇ

gulpira

	راس شۇنداق كۇننىڭ كىلىشىگىمۇ ئۇزۇن قالمىدىغۇ

manglisa

	ۋاي ئاللاھ ئويلانغىدەك بىر ئىشكەنغۇ بۇ باللىرىمنىڭ تويىنى قىلىپ قالسام كىيمىسە بولامدۇ نىمە بۇنداق كۆينەكلەرنى

wtajalli

	چەتئەل مەدىنىيېتىنىڭ پايدىلىق تەرىپى كىرمەيدىكەنۇ   زىيانلىق تەرىپىنى ئاسانلا قوبۇل قىلىدىكەنمىز ؛

zikrela

	كۇنا كېيىمنى كەيسە باشكىلارنىڭ كېسىلى يۇقىدۇ

قونچاق

	كىروران715 ئەپەندى ، سىز «   سىلەر ئىجارىگە ئالغان، ھەممە ئادەم كىيىپ سېلىۋەتكەن توي كۆينىكىنى كىيىپ نىكاھ قىلىشقا قانداق قارايسىلەر؟» دەپسىز. خاتالىشىپ قالماڭ، توي كۈنى نىكاھ ئەتىگەندە بامداتتىن يېنىپلا ئوقۇلىدۇ، ئۇچاغدا تويى بولىدىغان قىز ئۆزىنىڭ پاكىزە، مىللىيچە كىيىمىنى كىيىپ، بېشىغا ياغلىق ئارتىپ، (ئارتقان ياغلىق ياكى شارپىسى يۈزىنىمۇ توسۇيدۇ) پاك ھالەتتە نىكاھقا قاتنىشىدۇ. سىز بۇيەردە دەۋاتقان ئىجارىگە ئالغان توي كۆينىكى پەقەت مەرىكە ئۆتكۈزىلىدىغان زالدا، كەچتە يېڭى ئۆيگىچە قايتىپ كەلگىچىلىك ئارىلىقتا كىيىلىدۇ. مەنمۇ باشقىلارنىڭ كىيىمىنى كىيىشنى قەتئىي خالىمايمەن. مەندەك بارلىق قىزلار شۇنداق. لېكىن توي كۈنى پەقەت توي كۈنى كىيىش ئۈچۈنلا مەخسۇس بىر توي كۆينىكى سېتىۋېلىش بەك بەتخەجلىك ئەمەسمۇ. بۇرۇنلاردىغۇ توي كۆينىكى كەيمەيمۇ توي قىلاتتى. لېكىن ھازىر توي كۆينىكى كىيىش ئوموملىشىپ كەتتى. ئىچكى ئۆلكىلەردىن ئەكىرگەن يېرىم ئوچۇق توي كۆينىكىدىن باشقىمۇ ھازىر رايونىمىزدا خېلى سۈپەتلىك مىللىي ئۆرپ-ئادىتىمىزگە ماس كېلىدىغان، ئەنئەنىۋى ئادەت بويىچە تىكىلگەن چىرايلىق توي كۆينەكلىرى بار تۇرسا. قىزلار بۇ ئۆمرىدە بىرلا قېتىم كېلىدىغان توي كۈنى شۇ توي كۆينەكلىرىنى ئىجارە ئېلىپ كىيسە نېمە يامىنى بار؟ خاتىرجەم بولۇڭ، شۇ تويى بولىۋاتقان ۋە بولىدىغان قىزلار سىزدىن نەچچە ھەسسە پاكىز ۋە چېچەن. ھېچكىم پالان پۇل تۆلەپ مەينەت كىيىمنى ئىجارە ئالمايدۇ. ھازرقى توي كۆينەكلىرى ھەر بىر قېتىم كىيىلىپ بولغاندىن كېيىن مەخسۇس يۇيۇش سۇيۇقلىقىدا مەخسۇس توي كۆينىكى يۇيۇش كىرئالغۇسىدا پاكىزە يۇيۇلۇپ ، قۇرۇتىلىدۇ. سىز بەلكىم تاللا بازارلىرىدا پوپايكا يۇيۇش سۇيۇقلۇقى، ئاق كۆينەك يۇيۇش سۇيۇقلىقى دېگەندەكلەرنى كۆرگەن بولغىيتىڭىز، ئەنە شۇنىڭدەك مەخسۇس توي كۆينىكىنى يۇيۇش سۇيۇقلۇقى بار. بەك ئارتۇقچە ئەنسىرەپ كەتتىڭىزمۇ قانداق؟

قونچاق

	مېنىڭچە قىزلار توي كۆينىكى  ئىجارە ئالغاندا مىللىيچە پوسۇندا تىكىلگەن ئەنئەنىۋى ئادىتىمىزگە ماس كېلىدىغانراق كۆينەكلەرنى تاللىسا دەيمەن. بۇنداق بولغاندا توي قىزمۇ بىركۈن كەچكىچە ئۇيەرىم ئېچىلىپ قالدى، بۇيەرىم ئېچىلىپ قالدى دەپ دەككە-دۈككىدە بولمايدۇ، ھەم چوڭلارنىڭ ئالدىدىمۇ  يۈرەكلىك ئولتۇرالايدۇ. مەن نەچچە تويغا بېرىپ قىزلارنىڭ  توي كۆينىكىنىڭ ئېتەك پوسۇنىنىڭ چىرايلىقلىقىنى دەپلا ئۈستى تەرىپى ئوچۇق بولسىمۇ تاللاپ كىيىۋېلىپ، ئۇنىڭ ئىچىگە گاز شارپا قىستۇرۇپ، ئىلمەكلەر بىلەن ئىلىپ دېگەندەك، بىر كۈن كەچكىچە توي كۆينىكىنى ئوڭشاپ ئاۋارە بولغىنىنى بەك تولا كۆردۈم.

قونچاق

	«ئىجارىگە ئالغان توي كۆينىكى بىلەن نىكاھ قىلغان خوتۇن ئىجارىگە ئالغان خوتۇن بولۇپ قالامدۇ قانداق؟ » بۇ سەپسەتىنى ئۆزىڭىز چىقىرىۋالغان ئوخشىمامسىز؟ ياكى ئاپتونوم رايونىمىزنىڭ بىرەر سىياسىتى يا قانۇنىنىڭ بىرەر ماددىسىدا بولسا مەن كۆرمەي قالدىممۇ -يا؟