ئوقۇتقۇچىلار سىرچىلىق قىلىۋاتىدۇ
ھازىر دۆلىتىمىز قانۇن ئارقىلىق ئىدارە قىلىنىۋاتىدۇ،جۈملىدىن مائارىپ ئىشلىرىمۇ ئاساسى جەھەتتىن قانۇن ئىزىغا سېلىنىپ،مائارىپ خىراجىتى قانۇن بويىچە كاپالەتكە ئىگە قىلىندى،شۇنىڭغا ماس ھالدا مەجبۇرىيەت مائارىپى باسقۇچىدىكى ئوتتۇرا-باشلانغۇچ مەكتەپلەرنىڭ ئومۇمىي ئىشلار خىراجىتى كاپالەت دائىرىسىگە كىرگۈزۈلۈپ مەكتەپلەرنىڭ تۈرلۈك شارائىتلىرى كۈندىن-كۈنگە ياخشىلىنىۋاتىدۇ، ھەتتاكى مەكتەپلەرنىڭ قۇرۇلۇش رېمونت ھەققىنىمۇ ھۆكۈمەت ئۈستىگە ئېلىۋاتىدۇ،مۇشۇنداق ئەھۋال ئاستىدىمۇ يەنە بىر قىسىم ئادەتتىكى بىر باشلانغۇچ مەكتەپنىڭ مۇدىرلىرى قانۇننى كۆزگە ئىلماي،تەتىل ۋاقتىدا مەكتەپنىڭ ئەخلاقىي تەربىيە خىزمىتىنى« يۇقۇرى»دىن( قايسى دەرىجىلىك يۇقۇرى ئىكەنلىگى نامەلۇم) تەكشۈرۈپ ئۆتكۈزۈۋالماقچى دېگەننى باھانە قىلىپ ئوقۇتقۇچىلارنىڭ قانۇنلۇق تەتىللىك ئارام ئېلىشىغا دەخلى قىلىپ،2012-يىلى8-ئاينىڭ6-كۈنىدىن باشلاپ ئوقۇتقۇچىلارنى مەكتەپكە يىغىۋالغان،ئوقۇتقۇچىلار مەكتەپكە يىغىلغاندىن كېيىن 1-كۈنى مەكتەپنىڭ ئىچىدىكى بارلىق ياۋا ئوت-چۆپلەرنى يۇلغان، مەكتەپنىڭ مەيدان ۋە باشقا جايلىرىدىكى ئىگىز-پەس ئورۇنلارنى تۈزلەش ئەمگىگىگە سېلىنغان،2-كۈنى نورمال خىزمەت ۋاختىدا ئىشلىمىگەن(ئەلۋەتتە مەكتەپ رەھبەرلىرى ئورۇنلاشتۇرسا ئاندىن ئوقۇتقۇچىلار ئىشلەيدۇ -دە)ئەخلاقى تەربىيە ئارخىپلىرىنى ئىشلىگەن،كەچتىكى خىزمەت ئورۇنلاشتۇرۇشتا بارلىق ئوقۇتقۇچىلار(8-ئاينىڭ 8-كۈنى) كونا كىيىملىرىنى كىيىپ چىقىپ،مەكتەپنىڭ سىنىپ ئىشخانا تاملىرىغا涂料بېرىش،بارلىق رىشاتكىلارنى سىرلاش ئەمگىگى بىلەن شۇغۇللىنىدىغانلىقى ئورۇنلاشتۇرۇلغان،بۇ ئىش دەل قەشقەر شەھىرىگە تەۋە مەلۇم يېزىسىدىكى «غازى ئەمەت»تەك داڭلىق رەسساملارنىڭ تۇنجى ئەقىل بۇلىقىنى ئاچقان بىر باشلانغۇچ مەكتەپتە بولىۋاتىدۇ،ئوقۇتقۇچى،ئىشچى-خىزمەتچىلەرنىڭ چۈشىنەلمەيۋاتقىنى-مەكتەپ ھويلا ئاراملىرىنى تۈزەشتۈرۈش،ھويلا-ئارام مەدەنىيەت قۇرۇلۇشىنى ياخشىلاشقا ھۆكۈمەت مەخسۇس خىراجەت ئاجرىتىدىغان تۇرسا،بۇ مەكتەپنىڭ مۇدىرى مەخسۇس خىراجەتنى نەگە ئاپىرىدىغاندۇ؟،ئوقۇتقۇچىلار قانۇنلۇق تەتىللىك ئارام ئېلىش ۋاختىدا سىرچىلىق قىلسا بۇنى سۈرۈشتە قىلىدىغان،باشقا جايلاردىكى مەكتەپلەردە يۈز بېرىۋاتقان مۇشۇنىڭغا ئوخشاش قىلمىشنى تۈزۈتىدىغان ۋە چەكلەيدىغان ئورۇن بارمۇ؟ئوقۇتقۇچىلار قاچانغىچە خورلۇققا ئۇچراۋېرەر؟
| 
يوللىغان ۋاقتى 
يوللىغان ۋاقتى 
