ئۇيغۇرلاردا مۇنداق چولپانلارمۇ بار

جەۋھەرى

	ئۇيغۇرلاردا مۇنداق چولپانلارمۇ بار      ئۇيغۇرلارنىڭ پەخىرلىك ئوغلانى، دۇنيا گىتار ساھەسىدە كۆزگە كۆرۈنگەن تالانتلىق گىتار ماھىرى، ئوت يۈرەك مۇزىكانت، ئىقتىدارلىق ناخشىچى مەرھۇم ئەخمەتجان مەمتىمىن 1969ـ يىلى 10ـ ئاينىڭ 4ـ كۈنى تۇغۇلۇپ، 1991ـ يىلى 6ـ ئاينىڭ 13ـ كۈنى ئالەمدىن ئۆتكەن. ئۇ گەرچە ئاران 22 يىل ئۆمۈر كۆرگەن بولسىمۇ، ئۆمرىدە 15 يىلدىن ئارتۇق مۇزىكا بىلەن شۇغۇللانغان ھەمدە نۇرغۇن ناخشا - مۇزىكىلارنى ئۆزى ئىجاد قىلىپ، خەلقىمىزگە سوۋغا قىلغان. ئۇ 4 يېشىدىن باشلاپ ساز چېلىشنى ئۆگىنىشكە باشلاپ، ئۈزلۈكسىز مەشىق قىلىپ، ئىمتىھان ئارقىلىق 7 يېشىدا خوتەن ۋىلايەتلىك ناخشا - ئۇسسۇل ئۆمىكىگە قوبۇل قىلىنغان. شۇنىڭدىن باشلاپ ئىزچىل خوتەن ۋىلايەتلىك ناخشا - ئۇسسۇل ئۆمىكىدە ئىشلەپ، نۇرغۇنلىغان ئېسىل ناخشا - مۇزىكىلارنى ئىجاد قىلغان. ئۇ ئۆزى تۇغۇلۇپ ئۆسكەن خوتەن دىيارىنىڭ چوڭ - كىچىك مەيدانلىرىدا ئويۇن قويغاندىن سىرت، ئاپتونوم رايونىمىزدىكى ھەر قايسى ۋىلايەت - ناھىيەلەردە ھەتتا، بىر قانچە قېتىم خەلقئارالىق، مەملىكەتلىك، ئاپتونۇم رايونلۇق سەھنىلەردە ئويۇن قويۇپ، ھەر قايسى ئەل خەلقلىرىنىڭ قىزغىن ئالقىشىغا ۋە ياقتۇرىشىغا مۇيەسسەر بولغان. شۇنداقلا ياخشى نەتىجىلەرنى قولغا كەلتۈرگەن.     ئۇ قىسقىغىنە ھاياتىدا «كىرىپ قاپتۇ ئانام چۈشۈمگە»، «قاپقارادۇ قاشلارىڭ»، «پاھ، سېنىڭ سۇمبۇل چاچلىرىڭ»، «ئانا»، «ياشلىق كۈيى»، «توي ناخشىسى»، «كەلمىدىڭ»، «تەنھا»، «ئۆزھال مۇقامىدىن ئارىيە»... قاتارلىق 50 دىن ئارتۇق ئېسىل، تاللانغان، شوخ ناخشا - مۇزىكىلارنى ئۆزى ئىجاد قىلغان ۋە بىر قانچە قاپلىق ئۈنئالغۇ لېنتىلىرى ۋە VCDپلاستىنكىلىرى نەشىر قىلىنغان. شۇنداقلا شۇ نادىر ناخشا - مۇزىكىلرىنى سەھنىلەردە يۇقىرى ماھارەت بىلەن ئورۇنلاپ، ھەر ساھە كىشىلىرىنىڭ ياقتۇرۇپ ئاڭلىشىغا ۋە يۇقىرى باھاسىغا ئېرىشكەن. ئۇنىڭ ناخشلىرى 80ـ 90ـ يىللاردا مودا بولۇپ كەلگەن. ھازىرمۇ ئۇنىڭ ناخشلىرى قىممىتىنى يوقاتقىنى يوق... ئۇ بىزدىن ناھايىتى تېزلا ۋاقىتسىز ئايرىلغان بولسىمۇ، خەلقىمىزنىڭ قەلبىدە مەڭگۈ ھايات! ناخشلىرى ھەر ۋاقىت خەلقىمىز بىلەن بىللە!

★Jackie★

	رەھمەتلىك، زەھەرنىڭ خەتىرىنى بىلمەيدىغان چاغلاردا ئارىمىزدىن بىرىنچى تۈركۈم قۇربانلىق بولغانلارنىڭ ۋەكىلى. ناخشىلىرىنى بەك ياقتۇرۇپ ئاڭلايمەن.

koraxqan

	ئەخمەتجاننىڭ ئۆزگىچە ئۇسلوبى كىشىنى قايىل قىلىدۇ! ئەمما تۇلىمۇ ئەپسۇس!!!................        ئۇ بىر ياخشى سەنئەتكار ئىدى.........

elsoyer

	★Jackie★　 يوللىغان ۋاقتى  2012-8-7 11:39 رەھمەتلىك، زەھەرنىڭ خەتىرىنى بىلمەيدىغان چاغلاردا ئا ... ئەپەندىم! دادىڭىز ئەخمەتجان زەھەر چىكىپ ئۆلۈپ كەتكەن دەپ ھىكايە قىلىپ سۆزلەپ بەرگەنمىتى؟؟؟؟  شۇڭا كەلسە كەلمەس جۆيلۈپ، ئۇنىڭ نامىغا داغ تەككۈزمەڭ!!!!   راستىنى ئاللاھ بىلىدۇ!!

MaNaKxAm^0992

	ئۇمۇ بىر  ئاللاھ نىڭ ئورۇنلاشتۇرشى،  رەھمەتلىكنىڭ  رىسقىنى شۇنچىلىك پۈتكەن بولغىيتى .ئاللاھ گۇناھلىرىمىزنى مەغپىرەت  قىلسۇن

harsan

	گىتتار دېگەننى خەلق ناخشىللىرى ۋە مۇقاملارغىمۇ ئالامەت چېلىپ قوياتتى،90-80يللادىكى سەئەت ئاسمىنىدا چاقنىغان يۇلتۇز ئىدى. مەرھۇمنى چوڭقۇر سېغىنىش ئىچىدە ئەسلەيمىز.

yari

	راس دەيدۇ...ئەخمەتجان مەمتىمىننىڭ ئۆلۈمى ئۇيغۇر خەلقى ئارسىدا تا ھازىرغىچە بىر سىر بولۇپ كەلمەكتە ...  ئاق چىكىپ ئۆلۈپتۇ دېگەن گەپنى ئارىمىزدىكى بەزىبىرلەر ئويدۇرۇپ چىققان. بەلكىم دېققەت قىلغان بولىشىڭلار مومكىن ئەخمەتجاننىڭ ئوڭ پۇتى سول پۇتىدىن سەل ئۇزۇن ، ماڭغاندا بىلىنەر بىلىنمەس ئاقساپ ماڭىدۇ، ئەينى ۋاقىتتا ئەخمەتجاننىڭ مىيىتىنى ئەكەلگەندە ئەخمەتجاننىڭ ئاپىسى مىيىتنىڭ پۇتىنىڭ ئۇزۇن قىسقىلىقىنىڭ ئوخشاشلىقىنى ،ئوغلى ئەخمەتجاننىڭ بولسا ئوڭ پۇتىنىڭ سول پۇتىدىن سەل قىسقا ئىكەنلىكىنى ئېيتىپ ئۆز ئوغلى ئىكەنلىكىنى ئىنكار قىلغان ئىكەن. ئۇنىڭ ئۈستىگە ئەخمەتجان دەپ ئەكەلگەن مىيىتنىڭ چىرايى بۇزۇلۇپ كەتكەن بولۇپ ، ئەخمەتجاننىڭ ئاپىسى بۇ جەسەتنىڭ ئۆز ئوغلىنىڭ جەسىتى ئىكەنلىكىگە زادىلا ئىشىنمىگەن ئىكەن ..... دېمەك ئەخمەت گىتارنىڭ ئۆلۈمى تا ھازىرغىچە بىر سىر بولۇپ ، تورداشلارنىڭ قالايمىقان پەرەز بىلەن مەرھۇم سەنئەتكارنىڭ نامىغا داغ تەككۈزمەسلىكىڭلارنى سورايمەن.....

nijatkurban

	ئەخمەتجان زادى نېمە بولۇپ ئۆلۈپ كەتكەن؟ قاتناش ۋەقەسىدىمۇ ياكى باشقا سەۋەبتىنمۇ؟ بىلىدىغانلار ئۇچۇر بەرسەڭلار!

nijatkurban

	قانداق تۈگەپ كەتكەن ئۇ رەھمەتلىك؟

rastqi

	رەخمەتلىكنىڭ ‹‹كىرىپ قاپتۇ ئانام چۇشۇمگە›› دىگەن ناخشىسى بەك ياخشتى،تورنى شۇنچە ئىزدەپمۇ تاپالمىدىم بىرەسىڭلىدا بوسا يولاپ قويساڭلار بوپتىكەن،