سەن بولمىساڭ زىنھار بولمايدۇ بىزگە (مۇزاتى)

muzati（木扎

	سەن بولمىساڭ زىنھار بولمايدۇ بىزگە    مەخمۇت ئاۋۇت (مۇزاتى)    (جاپاكەش مۇھىت تازىلىق ئىشچىلىرىغا بېغىشلايمەن)      (جاپاكەش مۇھىت تازىلىق ئىشچىلىرىغا بېغىشلايمەن)       ناتىق-مەدداھلار ئۇستىدۇر سۆزگە، سەنئەتكار، پۇلدارلار كۆرۈنەر كۆزگە؛   تازىلىق ئىشچىسى ئېلىنماس كۆزگە، سەن بولمىساڭ زىنھار بولمايدۇ بىزگە.       قاراڭغۇ، سەھەردە باشلىنار ئىشىڭ، پاكىزلىق ھەر زامان خىيال-تەشۋىشىڭ؛ ئۆزۈڭمۇ سەزمەيسەن ساۋاپلىق ئىشىڭ، سەن بولمىساڭ زىنھار بولمايدۇ بىزگە.    قايناق شۇ بازاردا ئادەملەر تولا، ئادەملەر تارالسا، ئەخلەتلار تولا؛ شۇ پاسكىنا جايلارنى كىم پاكىز قىلا؟    سەن بولمىساڭ زىنھار بولمايدۇ بىزگە. خىزمىتىڭ جاپالىق،پاسكىنا شۇنچە،    ھەق بەرسەك ئەرزىيدۇ ھەسسىلەپ شۇنچە؛    ھالال،پاك تەرىڭدىن ئۈنگۈسى ئۈنچە،    سەن بولمىساڭ زىنھار بولمايدۇ بىزگە.   پاكىزە يوللاردا ماڭىمىز بەس-بەس،   ئەجرىڭسىز نە بولار ماكانىمىز-بەس! بى ئەقىل، نادانلار چاغلار سېنى پەس،   سەن بولمىساڭ زىنھار بولمايدۇ بىزگە.   قىلسىمۇ كاشىلا جۇت سوغۇق،تومۇز،   يوق سېنىڭ دەم ئېلىش-بايرىمىڭ نورۇز؛   قىلماقتۇر مۇھىتنى پاك،گۈزەلۇ-ئۇز، سەن بولمىساڭ زىنھار بولمايدۇ بىزگە. ياساندى ئەجرىڭدە يۇرتۇم توز كەبى، يورىدى شادلىنىپ بارچىنىڭ قەلبى؛   ئېيتىدۇ تەشەككۈر ساڭا يۇرت ئەھلى، سەن بولمىساڭ زىنھار بولمايدۇ بىزگە. بارچە پاك، گۈزەللىك ھاسىلدۇر سەندە، كېلەر ساپ مۇھىتتىن ساغلاملىق تەنگە؛ تۇغۇلدى تۆھپەڭدىن چىن ھۆرمەت مەندە، سەن بولمىساڭ زىنھار بولمايدۇ بىزگە. شېئىرىنىڭ ئاپتورى : باي ناھىيىسىدىن : مەخمۇت ئاۋۇت(مۇزاتى)

★Jackie★

	ئاپرىن سىزگە

TAKDER

	راس ئەمەسمۇ،مەنچە بۇ شىرىڭىزنى گىزىت ،ژورناللاردىمۇ ئىلان قىلىڭ،ئۇلار رەھمەت دىگىنىمىزنى بىلمەي قالمىسۇن.

MaNaKxAm^0992

	بۇ جاپاكەش  كىشىلىرىمىز ھەممە يەردە بىزگە  پاكىز مۇھىت يارىتىپ بېرىپ كەلمەكتە .مەنمۇ ھەم  بۇ ئىشچىلىرىمىزنى شۇندا ھۆرمەتلەيمەن  .

ｄｉし__SｉЯｉ

	ئۇلارنى قانچە ھۈرمەتلىسىەكمۇ ئەرزىيدۇ...