پارچە بالا

ablatmuhammat

پارچە         بالا
   
بىزنىڭ مەھەللە يەر شارىدا يوق،
  لىكىن يەر شارى مەھەللىمىزدىتى
  دۇنيانىڭ تەقدىرىگە كۆڭۈل بۆلىدىغان،
  ئۇيغۇر       دوقمۇشى___ ب د ت ...
  
  ئۇيغۇر _ ئىككى تال دۇتار قۇلىقى.
  بەكمۇ مۇڭلۇق دىرىڭشىيتتى،
ئەتلەس كۆينەكلىك 12 مۇقام،
سالقىن ئاۋازدا غىڭىشىيتتى.

مېنىڭ مەھەللەم __ چاچما شېئىرتى،
كوتۇلداق يوللىرى مىسرالىرىمتى ،
تارىم يالقۇنى لەپىلدەپ ئاققان،
سۇ كەلمەس ئېرىقى جۆيلىيتتى .

بىزنىڭ مەھەللە پارچە- پارچىتى
بىر چۆمۇش سۇ _ زەمزەم سۈيىتى....
مېنىڭ مەھەللەم _ سۆيگۈ دەرىخىتى
ئۆتنە -يېرىم بىلەن كۆكلەيتتى..
     مەھەللەم بۇلۇڭىدا ئۆمۈچۆك كۆپتى،
مىللەتنى سۆكۈپ توقويتتى .
قۇلىقىدىن سوزۇپ ئۆزىنىڭ،
ئابدۇخالىق  ئېلىپەنى ئوقۇيتتى.

بۇدرۇققىنە ئۇيغۇر بارمىقى،
تېخىچە قەلەمنى تۇتالمايتتى !
ئۆرۈلىپ كەتكەن تۆت تام ئىچىدە،
لۇتپۇللا ئۆزىنى يادىلايتتى.

زەنجىرىنى سۆرەپ كېچىدە،
ھاۋ...ھاۋ...ھاۋ....
ۋاقىت   بىزگە قاۋاۋاتاتتى،
خاتىرجەملىك يوتقان ئىچىدە،
خور....خور....خور....
بىزنىڭ مەھەللە  ئۇخلاۋاتاتتى،.

  مەھەللە _ دادامنىڭ مەسە - كالىچىتى،
ئاپام كۆڭلىكىنىڭ بىر تال يامىقىتى،
ئاپام مېنى كۆزمۇنچاق قىلىپ ،
  ئەشۇ يامىقىغا تىكىۋالاتتى.
بىزنىڭ مەھەللە موھتاجلىقنى
پارچە - پارچە سېتىۋالاتتى.
مەھەللەم جىمىغۇر سەرەڭگە قېپىتى
پاژ-پۇژ قىلىپ كۆيۈپ تۇراتتى.

مەن دۇنيانى  چېكىپ تۇراتتىم ،
باشقىلارنىڭ  مەھەللىسى قېتىۋالمايتتى،
بىزنىڭلا مەھەللە قېتىۋالاتتى...

         خاتىمە ئورنىدا
  پارچە -پارچە تۇغۇلۇپتىكەنمىز،
  خېمىر بولوپ يۇغۇرلۇپتىكەنمىز،
تەقدىرىمنى بىتەلەي دىسەم،
يىلىكىمىزدىن سوغۇلۇپتىكەنمىز!!!
  مەنبە :  ئۆز قەلىمىم