[ شېئىر ] تەشەككۈر

Ayshemgul · ۋاقتى: 2016-2-12 11:10:16

تەشەككۈر

ئەزگىنىدە يۈرىكىمنى ئازاپلار،
ئەگكىنىدە بويلىرىمنى سىناقلار،
تۆككىنىمدە تارام - تارام كۆز ياشلار،
كۆز يېشىمنى سۈرتكەنلەرگە تەشەككۈر.

ئازارلاردىن سەۋرىم چەككە يەتكەندە،
ئۈمىدسىزلىك يوللىرىمنى ئەتكەندە،
مىسكىن يۈرەك قايغۇ - ھەسرەت چەككەندە،
ماڭا مەدەت بەرگەنلەرگە تەشەككۈر.

تاشلىۋەتمە سەن ئۆزۈڭنى، ياق، دىدى،
ئۈمىدسىزلىك كىشەنىنى چاق دىدى،
كەتتى ئۆتمۈش، كەلگۈسىگە باق دىدى،
مەندىن ئۈمىد كۈتكەنلەرگە تەشەككۈر.

مەن دوست دىدى ئۇچرىغانلار قەدەمدە،
قايسىلىرى دوستقا لايىق ئەمەلدە؟
تونۇپ يەتتىم يىقىلغاندا، ئەلەمدە،
چىن دوستلۇقنى بەرگەنلەرگە تەشەككۈر.

بۇ ھاياتنىڭ باردۇر يىغا - كۈلكىسى،
يىغلاپ، كۈلۈپ ھايات داۋام ئەتكۈسى،
يىللار دوستنى بىزگە تاسقاپ بەرگۈسى،
ئەلگەكلەردىن ئۆتكەنلەرگە تەشەككۈر.

2016- يىلى 2- ئاينىڭ 12- كۈنى
ئايشەمگۈل كېرەم
كورلا

alxir · ۋاقتى: 2016-2-13 15:52:31

ئىملا خاتالىقىنى ھېسابقا ئالمىغاندا ياقتۇردۇم.

227520 · ۋاقتى: 2016-2-14 13:03:30

شىئ‍ىرىڭىزنىڭ مەزمۇنىنى بەك ياقتۇردۇم،قەلىمىڭىزگە ئ‍اپىرىن!

227520 · ۋاقتى: 2016-2-14 13:04:06

شىئ‍ىرىڭىزنىڭ مەزمۇنىنى بەك ياقتۇردۇم،قەلىمىڭىزگە ئ‍اپىرىن!

227520 · ۋاقتى: 2016-2-14 13:05:31

شىئ‍ىرىڭىزنىڭ مەزمۇنىنى بەك ياقتۇردۇم،قەلىمىڭىزگە ئ‍اپىرىن!

ئۇي · ۋاقتى: 2016-2-14 16:16:30

ياخشى يېزىپسىز داۋاملىق

ئۇي · ۋاقتى: 2016-2-14 16:18:54

تىرىشىىڭ ،غەيرەت قىلىڭ

227520 · ۋاقتى: 2016-2-14 22:22:22

227520 يوللىغان ۋاقتى 2016-2-14 13:05
شىئ‍ىرىڭىزنىڭ مەزمۇنىنى بەك ياقتۇردۇم،قەلىمىڭىزگە ئ‍ ...

كەچۈرۈڭ،تەكرارلىنىپ كىتىپتۇ،

Ayshemgul · ۋاقتى: 2016-2-15 00:17:03

ياقتۇرغان، ياخشى باھالارنى بەرگەن، ياخشى تىلەكلەرنى بىلدۈرگەن بارلىق مۇنبەرداشلارغا رەھمەت، ھەم ئاشۇ گۈزەل تىلەكلەر سىلەرگىمۇ بولسۇن! @227520،@ئۇي،@alxir

[ شېئىر ] تەشەككۈر

باھالاش

باھا سۆز