خۇشال بول ئەي ئايال بۈگۈن بايرىمىڭ-ئىزچىمەن

15352580690

خۇشال بول ئەي ئايال بۈگۈن بايرىمىڭ

چەكتىڭسەن ئەي ئايال ،ئەڭ ئېغىر جاپا
توققۇزئاي توققۇز كۈن كۆتىرىپ بالا .
تەۋەللۇت قىلغاندىن كىيىن يەنىلا ،
قالدىڭسەن ھەي تېخى پاتمان بالاغا .

يۇيىسەن كىيىمنى ،ئېتىسەن تاماق،
شۇندىمۇ بالىلار تاپىدۇ ئېۋەن ،
بەزىدە ئەر بىلەن بوپ قالار جاق –جاق ،
بىر ئۆمۈر ئىشلەپمۇ بولالماي لېۋەن.

تۇغسىلا بولمايدۇ بالىنى ئەلۋەت ،
مىھرىڭنى بىرىسەن ئۆزۈڭنى ئۇنتۇپ.
ھەممىنىڭ غېمىنى يەپلا ئۆتىسەن ،
ئۇلۇغسەن بىر يۈكسەك پەللىدە تۇرۇپ.

ئۆتمەيدۇ بۇ كۈنلەر ھەركۈنى راۋان،
ياخشىسى ئەزەلدىن بالاڭغا مەنسۇپ.
ئويلايسەن يەنىلا ئۆينى بالاڭنى ،
ئاغرىقتا ياتساڭمۇ زەرداپ قان قۇسۇپ.


دۇنيادا بولساڭمۇ جاپاكەش ئىنسان ،
سەن بولغاچ يۈرىيدۇ ،يىگىتلەر مەغرۇر ،
قىزلارمۇ جەلپكار شۇ قەدەر سىرلىق،
سىنىڭدىن شەرم ھايا بولغاچ يادىكار .

ئوغلۇڭنىڭ بىشىغا تەگسە بىرتال دان ،
بىشىڭغا ئۆرىلىپ چۈشىدۇ ئاسمان.
بىراق سەن كۆتىرىپ تۇرىسەن مەزمۇت ،
چۈنكى سەن ئاشۇنداق باھادىر ئىنسان.

ياشىدىڭ بىر ئۆمۈر گۈزەللىك ئىزدەپ ،
لىكىن سەن ئۇنىڭغا قېنىپ باقمىدىڭ .
بىراق سەن گۈزەللىك ئۈچۈنلا ئۆيدىن ،
بالىدىن ،ۋەتەندىن تېنىپ باقمىدىڭ.

ياشىدىڭ بىرئۆمۈر گۈزەللىك ئۈچۈن ،
تارىتىپ دۇنياغا خۇشپۇراق بىر ھىد .
پەخرىمسەن بىر ھىدلاي بۈگۈن كەل سېنى ،
مەس بوپ مەن كەتسەممۇ ئىشقىڭدا زاھىد.

خۇشال بول ئەي ئايال بۈگۈن بايرىمىڭ ،
ھەممىمىز سەن ئۈچۈن كۈلىمىز بۈگۈن .
ئۇنتۇغىن سەن چەككەن دەردنى ئازابنى ،
سەنمۇھەم بىرگە كۈل ،ئازابىڭ سۈرگۈن.

پەخىرلەن ئۆزۈڭدىن ،تۆھپەڭدىن ئايال،
سەن بىلسەڭ تەرىڭنى بىز ئۈچۈن ئەۋزەل.
بىزمۇ ھەم ئەي سېنى بىر گۆھەر بىلىپ،
سەن ئۈچۈن يۈرەكتىن ئوقۇيمىز غەزەل .







2016-يىلى 3-ئاينىڭ 8-كۈنى تاڭ سەھەر
يازغۇچى ئەمەتجان سايىت --ئىزچىمەن

227520

ئ‍اياللار ئ‍ۈچۈن يازغان ئ‍ېسىل شىئ‍ىرىڭىزغا كۆپ رەھمەت،بارچە جاپاكەش ئ‍اياللارنىڭ بايرىمىنى مەنمۇ بۇ شىئ‍ىرىڭىز ئ‍ارقىلىق تەبرىكلىۋالسام قانداق؟!

تۇيغۇ127

قۇرباننىسا

baylik

رەخمەت بەك ياخشى يىزىپسىز .يەنىمۇ تىرشىڭ

پەرۋىش123

رەخمەت بەك ياخشى يىزىپسىز .يەنىمۇ تىرشىڭ