[ شېئىر ] شېئىرىمغا قىلىمەن ھەسەت

Ayshemgul · ۋاقتى: 2016-1-4 20:39:49

شېئىرىمغا قىلىمەن ھەسەت

شېئىرىمنى ياخشى كۆرىسەن،
مەن ئۈچۈنلا سۆزلەيدۇ بىلسەڭ.
نىچۈن مەندىن ئارتۇق كۆرىسەن؟
ماڭىلا كۆي ئەگەردە كۆيسەڭ.

مەن - شېئىرمەن، شېئىرىم - مەن دۇر،
ھەر تاۋۇشى قەلبىمدىن چىققان.
شېئىرىمدە مېنىڭ ئەكسىم بار،
سىرلىرىمنى قۇرلارغا يىغقان.

شېئىرىمنى سېغىنغانچىلىك،
سېغىنمايسەن مېنى ھېچقاچان.
شېئىرىمغا قىلىمەن ھەسەت،
ئارمانىمنى قىلىدۇ پايخان.

ئايشەمگۈل
2016- يىلى 1- ئاينىڭ 3- كۈنى
كورلا

ئەلتۈرگ · ۋاقتى: 2016-1-5 13:24:36

قەلىمىڭىز يەنىمۇ قۇۋۋەت تاپقاي...

alxir · ۋاقتى: 2016-1-5 14:23:41

ياقتۇردۇم.

شېئىرىڭنى سېغىنغاندىمەن،
تاۋۇشلاردىن ئىزدىدىم سېنى.
مىسرالارغا مۆكۈۋالدىڭمۇ؟
تاپالمىسۇن دېدىڭمۇ مېنى.

ئەگىشىپ باقتىم.

6591707 · ۋاقتى: 2016-1-5 15:03:20

قەلىمىڭىز يەنىمۇ قۇۋۋەت تاپقاي.

مەرىپەت · ۋاقتى: 2016-1-5 15:32:07

مەنمۇ شئېرىڭىزغا ھەسەت قىلاتتىم، ئەسلىدە سىزگە ھەسەت قىپتىمەندە

ساتېرىك · ۋاقتى: 2016-1-5 15:42:35

رەھمەت!شېئېر تولىمۇ ئ‍خچام مەزمۇنلۇق چىقىپتۇ!

ھىجرانى · ۋاقتى: 2016-1-5 16:28:36

بۇ يازمىنى ئاخىرىدا ھىجرانى تەھرىرلىگەن. ۋاقتى 2016-1-5 16:31

ئۇچراپ قالساڭ ماڭا ھەر قېتىم ،
ئەيمىنىسەن ، يەرگە قارايسەن .
ئېيتالمايمەن مەنمۇ سىرىمنى ،
يۈرىكىمدە يىگانە ئاي سەن .

ئەنە شۇنداق ئۆتىدۇ كۈنلەر ،
بىر جۇپ يۈرەك يۇشۇرۇن كۆيۈپ .
شېئىردىلا سىرلىرىڭ ئايان ،
شۇڭا قالدىم مەن ئۇنى سۆيۈپ .

شېئىرىڭنى سېغىنغانلىرىم ،
سېغىنغىنىم ئەمەسمۇ سېنى .
سىرلىرىڭنى ماڭا شېئىرسىز ،
زادى قاچان ئېيتىسەن قېنى ؟.

Ayshemgul · ۋاقتى: 2016-1-6 00:20:25

ئەلتۈرگ يوللىغان ۋاقتى 2016-1-5 13:24
قەلىمىڭىز يەنىمۇ قۇۋۋەت تاپقاي...

رەھمەت. سىزنىڭمۇ شۇ.

Ayshemgul · ۋاقتى: 2016-1-6 00:21:02

alxir يوللىغان ۋاقتى 2016-1-5 14:23
ياقتۇردۇم.

شېئىرىڭنى سېغىنغاندىمەن،

ياقتۇرغىنىڭىزغا رەھمەت.

Ayshemgul · ۋاقتى: 2016-1-6 00:21:59

6591707 يوللىغان ۋاقتى 2016-1-5 15:03
قەلىمىڭىز يەنىمۇ قۇۋۋەت تاپقاي.

رەھمەت. سىزنىڭمۇ شۇ.

[ شېئىر ] شېئىرىمغا قىلىمەن ھەسەت

باھالاش

باھا سۆز

باھا سۆز

باھا سۆز

باھا سۆز

باھا سۆز

باھا سۆز

باھالاش