لالمىلار

arkzat

              لالمىلار  

  ياسىنجان ئوسمان ئەركزات


سۆھلىتىڭگە مىڭ لەنەت ساختا، زاڭ-ماز لالمىلار،
لالمىلىقىڭ مىڭ لالما ئىتقا ئەنداز لالمىلار.

قېنى، ۋىجدان-غۇرۇرۇڭ، سېتىپ-خەجلەپ تۈگەتتىڭ،
ۋۇجۇدۇڭغا ھۆكۈمران خېنىمدەك ناز لالمىلار.

تاپان يالاپ مۈكچىيىپ ئۆتتى ئۆمرۈڭ، ۋاي ئېسسىت،
ئىشەكچىلىك ئەقلىڭ يوق ھاماقەت تاز لالمىلار.

ۋالاقلايسەن-سۆزلەيسەن، نەپسىڭنىلا كۆزلەيسەن،
تولغانسا ئەل ماتەمدە چالدىڭ كۈي- ساز  لالمىلار.

تىلەپ تاپساڭ ئىككى نان داپ چالارسەن بىرىدە،
ئومىچىڭنىڭ تەمى يوق  مەككار، رەڭۋاز لالمىلار.

يالغان شۆھرەت، نام-ئاتاق  قۇلى بولۇپ ياشىدىڭ،
پەسكەشلىكتىن كېچەلمەي زەررىچە ۋاز لالمىلار.

ئەل-ئاۋام قان-قەرزىگە كەتتىڭ  تالاي بوغۇلۇپ،
لەنەتلەردىن يەر سېنى يۇتسىمۇ ئاز لالمىلار.

بۈيۈك ۋەدە-قەسىمىڭ، ئويلىرىڭدىن ئۆرگىلەي،
پەيتى كەلسە كاسكىراپ قويدۇڭغۇ گاز  لالمىلار.

نىجىس جىسمىڭ جاھانغا بىھۇدە يۈك ئەبەدىي،
توشتى ئىپلاس ئەجىلىڭ گۆرۈڭنى قاز لالمىلار.

2015-يىل 26-فېۋرال، قەشقەر

ئ‍ويغاق

بۇ شىئىر دىن ئەپەندىمنىڭ غەزىپىنىڭ تولۇپ تاشقىنىنى چوڭقۇر ھىس قىلدىم، ئەل قىساسى مىنەل ھەق ، شىئىرىڭىز ئىخچام ۋە تەربىۋى ئەھمىيەتكە ئىگە پۈتۈپت،ۇ ھارمىغايسىز…

نۇرلان

ئەرك زاد ئەپەندىمنىڭ بۇ غەزىلى ئىنتايىن پاساھەتلىك يېزىلىپتۇ. قەلىمىڭىزگە كۆز تەگمىسۇن.

سىھىر

يېڭى تىمىڭىزغا مۇبارەك بولسۇن ئەركىزات ئەپەندىم،،،،قاراتمىلىقى شۇنداق كۈچلۈك ،ياخشى چىقىپتۇ ،،،بۇنىڭدىن كىيىنكى ئىجادىيەتلىرىڭىزگە ئۇتۇقلار يار بولسۇن،،،،،

ئەزھەر36

‹‹ لالمىلار ›› نى ناھايىتى ياخشى قامچىلاپسىز ، شىئىرىڭىز بەك ياخشى چىقىپتۇ ، ئىجادىيىتىڭىزگە ئۇتۇق تىلەيمەن !

نەۋرۇز

ئەركىزات ئەپەندىمنىڭ بۇ شىئېرى تولىمۇ ئۇستىلىق بىلەن يېزىلىپتۇ. كۈرۈنۈپ تۇرۇپتىكى تىل ئىشلتىش ئۇسۇلىڭىز ۋە تىل ئىشلىتىشىڭىز تولىمۇ ماھىرلىق بىلەن ئېلىپ بېرىلىپتۇ. بۇندىن كىينكى ئىجادىيەت ھاياتىڭىزغا ئۇتۇق تىلەيمەن.