خىيالىمدا بىر پەرى

arkzat

خىيالىمدا بىر پەرى

ياسىنجان ئوسمان ئەركزات


قىزىلتاغنىڭ ئاپئاق ئايدىڭ كېچىسى،
نېمىدېگەن ماس كېلىدۇ سەيلىگە.
بەكمۇ ئەپسۇس، تۇرمۇش شۇنچە رەھىمسىز،
بېقىنمايدۇ ھېچبىر ئىنسان مەيلىگە.

دۆڭكۆۋرۈكنىڭ شۇنچە ئاۋات رەستىسى،
مىغىلدىغان تەنلەر بىلەن جانلىنار.
خىيالىمدا پەقەت گۈزەل بىر پەرى،
تەشنا دىلىم شۇ جاناننى سېغىنار.

جىمىرلىغان يۇلتۇزلارغا  قارايمەن،
سېغىنغاندا كۆزلىرىڭنى  دىلبىرىم.
ۋىسال ئىزدەپ سامادىكى خانەڭدىن،
ئۇچۇپ كەتتى ساڭا شەيدا كەپتىرىم.


2015-يىل12-مارت، ئۈرۈمچى

زىبا.

(خيالىمدا  بىر  پەرى  ) تىما  ماۋزۇسى  ئالاھىدە  دىققىتىمنى  تارتقانتى .  ئېچىپ كۆرسەم  مەزمۇنى  ئۇنىڭدىن كاتتا  چىقىپ  كىتىپتۇ .  ئۇرۇمچى  كۇچىللىرىدا  يۈرۈپ  چىرايلىق  پەرى  ئىسىڭىزگە  كىلىپ  تازا قىيناپتۇ  دە  سىزنى .ھى  ھى  ھى  .  

زىبا.

خىيالمىدىكى سەن

ئامانگۇل ئابدۇكېرەم زىبا

خىيالىمدا  تۇرىسەن  لەيلەپ ،
ھەر دەقىقە سەن ماڭا ئەينەك.
ۋۇجۇدۇمنى چىرماپ ئالدىڭغۇ ،
پىراقىڭدا تولغاندىم قىلدەك .

كەلسە مەيىن باھار شامىلى ،
سىمايڭىنى كۆكتىن ئىزلىدىم.
بىللە يۈرگەن چىمەن باغلاردىن ،
ساڭا ئاتاپ گۈل دەستە تىزدىم.

خىيالىمدا يۈرگەن ئەي يىگىت،
قوللىرىمنى قۇيۇپ بەرمىگىن .
سەھەر كۈلدى ئەركىن ۋىلقلاپ ،
يوللۇرڭغا زارقىلماي كەلگىن .

شېئرڭىزنى كۈرۈپ ئازراق ئىلھام كەپ قالدى ،بۇغۇپ  قويماي  دەپلا  يېزۋەتتىمغۇ  گەرچە  سىزنىڭكىدەك  ئىسىل  چىقمىسىمۇ .

abdu28

پاھ-پاھ بىر-بىرىدىن ئىسىل چىقىپ كىتىپتۇغۇ.قولۇڭلارغا دەرت كەلمىسۇن.

ئەلتۈرگ

مۇشائىرە قىزىپ كېتپتغۇ، ئالامەت ھە.....

نەۋرۇز

زىبا. يوللىغان ۋاقتى  2015-3-18 00:44
خىيالمىدىكى سەن

ئامانگۇل ئابدۇكېرەم زىبا

زىبا خانىمنىڭ ئىلھامىغا قايىلمەن. تىل ئىشلىتىش ، ئويناقلىق شىئېرىڭىزدا تولىمۇ يارقىن جۇلالىنىپتۇ. قەلىمىڭىز يەنىمۇ بەركەتلىك بولسۇن

نەۋرۇز

ئەركىزات ئەپەندى ئۈرۈمچىدە مۇڭسىراپ قاپسىز دەشىئېرىڭىز يېقىشلىق چىقىپتۇ.

سىھىر

ياخشىمۇسىز ئەركىزات ئەپەندىم ،جاندىن كەچمىگىچە جانانغا يەتكىلى بولماس ،،،خىيالىڭىزدىكى شۇ پەرىزاتىڭىز بىلەن بالدۇرراق جەم بۇلىشىڭىزغا تىلەكداشمەن،،،،،

نۇرلان

ئەرك زات ئەپەندىمنىڭ قەلىمىگە يەنىمۇ نۇسرەت تىلەيمەن.