يارغا مەكتۇپ

muhemmed

يارغا مەكتۇپ
ئەنۋەر ئىسمايىل
گۈزەل جانان پىراقىڭدا ئەجەپ ھالىم خاراب بولدى،
پىراقىڭدا ۋۇجۇدۇم چوغ، كۆيۈپ باغرىم كاۋاپ بولدى،
ئەجەپ ھالىم، كۆيۈپ باغرىم، سېلىپ دەرتلەر ماڭا چەكسىز،
خاراب بولدى، كاۋاپ بولدى، ماڭا چەكسىز ئازاپ بولدى.

قارايمەن ھەر سەھەر ئاخشام بولۇپ تەشنا دىدارىڭغا،
سەھەر ئاخشام كۆزۈم يولدا كۆرۈپ قانماي جامالىڭغا.
بولۇپ تەشنا كۆرۈپ قانماي مۇرادىمغا يىتەلمەيمەن،
دىدارىڭغا، جامالىڭغا، يىتەلمەيمەن ۋىسالىڭغا.

قىلىپ كەلدىڭ ئۆزۈڭگە يار ئەدەپ-ئەخلاق لاتاپەتنى،
ئۆزۈڭگە  يار بىلىپ يۈكسەك،  بۈيۈك  ئارزۇ شىجائەتنى.
ئەدەپ- ئەخلاق، بۈيۈك ئارزۇ كۆكەرسۇن چىن مۇراد تاپقۇز،
لاتاپەتنى، شىجائەتنى، مۇراد تاپقۇز  پاراسەتنى.

كەلگىن جانان ئەجرىمىزدىن  پاك سۆيگۈمىز چىچەك ئاچسۇن،
ئەجرىمىزدىن  تولۇپ كۈچكە، كۈلۈپ خەندان ۋىسال تاپسۇن.
پاك سۆيگۈمىز  كۈلۈپ خەندان، ساپ ئالتۇندەك جۇلالاپ چىن،
چىچەك ئاچسۇن، ۋىسال تاپسۇن، جۇلالاپ چىن نۇرىن چاچسۇن.
(200604274)  

نۇرلان

شېئىر خېلىلا ياخشى يېزىلىپتۇ، يەنىمۇ تىرىشىڭ.

muhemmed

كەچۈرۈڭلار، بۇ مېنىڭ ئىجادىيتىم ئەمەس، مەن ياخشى كۆرگەچكە كۆپچىلىكىنىڭ ھوزۇرىغان سۇندۇم !

muhemmed

مۇساۋىيات تەرەپايىن ئىدى

ئەركان

ھەقىقەتەن ياخشى شېئىر ئىكەن.

Maarip

muhemmed يوللىغان ۋاقتى  2015-1-29 02:41
مۇساۋىيات تەرەپايىن ئىدى

ئاجايىپ قاپىيىلىك يېزىلغان شېئىركەن. گورزىنتال ئوقۇسىمۇ، ۋېرتكال ئوقۇسىمۇ ئىپادىلىگەن مەزمۇن ئوخشاش..

Ayshemgul

قالتىس. بۇنداق شېئىرنى يېزىشقا كۆپ ئەجىر كېتىدىكەن. ھەم شۇنداق يېقىشلىق راۋان چىقىپتۇ. ياقتۇردۇم. رەھمەت! ياخشى شېئىرلار بولسا داۋاملىق ھەمبەھىرلىنىپ تۇرارسىز.

ئەزھەر36

ياخشى شىئىرلىرىڭىز مۇنبەردىن ئايلانسۇن .