بېلىق پۇرار نازىنىن قىزلار

hawas

بېلىق پۇرار نازىنىن قىزلار،
لەرزان ئۇچۇپ چىققاندەك كۆلدىن.
يۇمران تېنى كۆرۈنۈپ تۇرار،
سىم-سىم يامغۇر قالدۇرغان ھۆلدىن.

بېلىق پۇرار نازىنىن قىزلار،
يوچۇن كۆزدىن جىلۋىلىك ئۆتۈپ.
تەشنا كۆڭۈل شادلىنار مەستخۇش،
يارنىڭ شېرىن ۋەسلىنى كۈتۈپ.

بېلىق پۇرار نازىنىن قىزلار،
ئىسسىق بەلباغ سىرىنى يېشىپ.
ئويناپ كېتەر دولقۇنلاپ دېڭىز،
قۇملۇق ساھىل باغرىنى تېشىپ.

بېلىق پۇرار نازىنىن قىزلار،
جانغا ئىشىق ئوتىنى يېقىپ.
تۇنۇش ئىقلىم، ناتۇنۇش ئەرگە-
گۇمان بىلەن شۈبھىلىك بېقىپ.

بېلىق پۇرار نازىنىن قىزلار،
كۆتمەك قۇيرۇق قېشىنى ئېتىپ.
ئاپتاپ سىنار خاتىرجەم غەمسىز،
سرى ئۆچكەن كارۋاتتا يېتىپ.

بېلىق پۇرار نازىنىن قىزلار،
قايناپ تۇرغان ئارالغا كېلىپ.
غۇبار دىلدىن ئىمتىھان ئالار،
نازى بىلەن دەيدەيگە سېلىپ.
2014.11.26        سەنيا

hawas

مېنى ئۇنتۇلۇپ قالماي شېئىرلىرىمنى ياقتۇرۇپ ئوقۇغان دوستلارغا تەشەككۈر!

ئەركان

سىزگىمۇ تەشەككۈر

نۇرلان

بېلىق پۇرار نازىنىن قىزلار،
ئوت سالسىمۇ ئوتلۇق يۈرەككە.
سەنيادىمۇ ئازماپتۇ ئىزلار،
ھەۋەس كۆڭۈل بەرمەس بۆلەككە.

ھەۋەس ئەپەندىمنىڭ يېقىملىق مىسرالىرىغا تەشەككۈر.

نەۋرۇز

ھەۋەس ئۇستازنىڭ سەنيادىكى كۈنلىرى يەنىلا ئۆتكۈر كۈزىتىش سەزگۈسى ، ئۆزىگە ئۈنسىز تەسىر قىلۋاتقان ئۇبۇكتىپ دۇنيانىڭ غىدىقلىشىدىن ئىھام ئېلىش بىلەن ئۆتۈۋېتىپتۇ. ياخشى تېمىللىرىڭىز ئۈزۈلۈپ قالمىسۇن ئۇستاز

hawas

رەھمەت دوستلار، سىلەرگە كۆپ رەھمەت!

ADiL

hawas يوللىغان ۋاقتى  2014-12-20 17:36
رەھمەت دوستلار، سىلەرگە كۆپ رەھمەت!

ئۇستاز ، قاچانلاردا كېتىۋالدىڭىز ئۇ تەرەپلەرگە؟
ساياھىتىڭىزنىڭ كۆڭۈللۈك، ئىجادىيتىڭىزنىڭ تېخىمۇ مول بۇلۇشىغا تىلەكداشمەن.

Taxnayurak005

شىئېرىڭىزنى ياقتۇردۇم، رەھمەت سىزگە!

zulpikar0998

نازىنىن قىزلارنى ئازراق كۈزىتەيلى،يەڭگىمىز خاپا بوپ قالمىسۇن

159753

نەچچە  كۈندىن  بېرى  قارىسام  بۇ  توردىشىمىزنڭ  ئۇ  قىزلار، بۇ  قىزلار ناملىقلا  شېئىرلىرى،،،  ئىنكاسلار ئارقىلىق ھەۋەس ناملىق  بۇ  توردىشىمىزنڭ كۆپچىلىكنىڭ ھۆرمىتىگە سازاۋەر ئۇستاز  ئىكەنلىكىنى ھەمدا  سەنيادا سەياھەتتە  ئېكەنلىكىنى بىلدىم...قارىغاندا ئۇستازغا  سەنيانىڭ قىزلىرى  بەك  باشقىچە ئىلھام  ئاتا  قىلىۋەتتىمۇ  قانداق..؟