مەن سەھرادا ئاددى مۇئەللىم

yukselix

مەن سەھرادا ئاددى مۇئەللىم

سەھرا دىگەن ئاجايىپ دۇنيا ،
ھوزۇر بېرەر تەنگە ساپ ھاۋا .
دىيەلەيمىز دائىم مەرھابا ،
مەن سەھرادا ئاددى مۇئەللىم .

ئۈمۈتلەرگە لىق تولغان مۇنبەر ،
تەكشۇرۇشنى كۈتمەكتە دەپتەر .
كۈندىن –كۈنگە ئاۋۇيدۇ خەتلەر ،
مەن سەھرادا ئاددى مۇئەللىم .

ئۈگەنمەيدۇ زېھنى ئويغاقلار ،
ئويۇنخۇمار كەپسىز بويناقلار .
گەپ يىمەيدۇ ياغاچ قۇلاقلار ،
مەن سەھرادا ئاددى مۇئەللىم .

كۆز خىرەلىشىپ ئاقماقتا ياش ،
ياش تۇرۇپلا ئاقاردىغۇ چاچ .
ئارزۇيۇمدۇر ھالاللاپ ياشاش ،
مەن سەھرادا ئاددى مۇئەللىم.

ئاتالساممۇ روھى ئىنزىنىر ،
مەندە يوقتۇر قىلچىلىك كىبىر .
بار مېنىڭدە ئوتلۇق بىر مېھىر .
مەن سەھرادا ئاددى مۇئەللىم .
ئاقسۇ-كەلپىن

نۇرلان

شېئىرنىڭ تىلى ناھايىتى يىنىك، راۋان تىللار بىلەن يېزىلىپتۇ.  سىزدە ئۈمىد بار ئىكەن. يەنىمۇ تىرىشسىڭىز چوقۇم ياخشى شائىر بولۇپ قالىدىكەنسىز.
تەكلىپىم: شېئىرنىڭ تېمىسى بىلەن مەزمۇنىنىڭ باغلىنىشىغا، مۇئەييەن  نۇقتىنى يۇرۇتۇپ بېرىشكە ئەھمىيەت بەرسىڭىز.

ئىدرسجان

تىلغا بايكەنسىز  تىخمۇ تىرىشىڭ.