ياشلىق گۈلى توزۇپ كەتمىسۇن

yukselix

                                             ياشلىق گۈلى توزۇپ كەتمىسۇن  

                                           رەڭدار دۇنيا ،رەڭدار كۆلەڭگە،
                                           كۆزلىرىڭنى ئېچىۋەتمىسۇن،
                                           ھەۋەس قىلما  پەقەتلا زىنھار،
                                           نازۇك كۆڭۈل ئېزىپ قالمىسۇن.
                                             
                                            سۆيدۈم دېگەن بۇشىرىن سۆزلەر ،
                                            دىل  قېتىڭغا سىڭىپ قالمىسۇن.
                                            پۇرسەت  بەرمە ئالدامچى يارغا ،
                                           ‹‹ئەخمەق ››قىلىپ كۆنۈپ قالمىسۇن.
                                                         
                                            ياشلىقىڭغا ئىشىنىپ كۈنۈڭ ،
                                            ۋاقىت بىكار ئۆتۈپ كەتمىسۇن.
                                            توقلىقىڭدىن شوخلۇق چىقىرىپ ،
                                            ياشلىق گۈلى توزۇپ كەتمىسۇن.
                                                         
                                            سۆيگۈ شىرىن بىر تاتلىق سىزىم ،
                                            ۋۇجۇدىڭنى چۇلغاپ ئالمىسۇن.
                                           ‹‹ئامانەت››نى پاك پېتى ساقلا ،
                                           مەينەت ‹‹چىۋىن››قونۇپ قالمىسۇن.
                                                                    
                                                            ئاقسۇ-كەلپىن                                 

نۇرلان

رەڭدار دۇنيا، ئېزىتقۇ ھىسلار،
تۇيغۇلارنى يۇتۇپ كەتمىسۇن.
قەدىرلىگىن ياشلىق گۈلۈڭنى،
چېچەكلەرگە ئۈششۈك تەگمىسۇن.

شېئىرىڭىز خېلىلا ياخشى چىقىپتۇ، يەنىمۇ تىرىشىڭ. ئىجادىيىتىڭىز بەرىكەتلىك بولسۇن.

ئىدرسجان

   ئەسسالامۇ ئەلەيكۇم كەلگەن قەدىمىڭىزگە مەرھابا .تونجى يازمىڭىز شۇنداق ياخشى يىزلىپتۇ ،مۇشۇنداق ئىسىل ئەسەرلەرنى بىز تورداشلارغا سوغا قىلغىنىڭىزغا رەھمەت تىخمۇ تىرشىپ نادىر ئەسەرلەرنى ھۇجۇتقا كەلتۇرۇڭ.

مەرىپەت

شئېرنى ھەقىقەتەن ياخشى يېزىپسىز جۇمۇ، بۇنىڭدىن كېيىنىكى ئىجادىيەتلىرىڭىزگە ئۇتۇق تىلەيمەن.

100200

ياخشى چىقىپتۇ ، (قىزلارغا ئاتاپ يازغان  شىئىردەك قىلىدۇ  بۇ)

نەۋرۇز

يازمىڭىز تولىمۇ راۋان ياخشى چىقىپتۇ. روھلان سىزدەك قەلىمى كۈچلۈك ئەدىبلەر بىلەن روناق تاپقاي. سىزدىن تېخىمۇ ياخشى يازمىلارنى كۈتىمىز

yukselix

مۆھتىرەم تورداشلار باھايىڭلارغا كۆپتىن -كۆپ رەخمەت.سىلەرنىڭ قوللىشىڭلار ،مېنىڭ ئىلھامىمىم.
كھلگىنىدە ئىلھامنىڭ پەيتى،
قەلەم ئېلىپ يازىمەن شئېر.
كۆڭۈللەردىن كۆڭۈل ياشنايدۇ،
يازمىلارغا بەررسەڭلار پىكىر،