بىر پارچە مەكتۇب

Hiyalparas

قىلمىغىن رەت ئەي دىلبىرىم،بىلمەي يۈرەكنىڭ ھالىنى،
ھەر كۈنى قىلۇرمەن ئارمان كۆرسەم دەپ ئۇز رۇخسارىنى.
شۇ قاراڭغۇ خانەمدە يالغۇز ئوتقا چۈشكەن قىل كەبى،
تولغۇنۇپ مەن چەكسەم ئازاپ، ھەر كىم قىلۇر ئۆز كارىنى.
ئىشقىنى سالغاي  خۇدا،يەنە ئارقىدىن بەرگەي داۋا،
تىلىگىم شۇ گۈلگە تەشنا،تاپقاي بېرىپ گۈل لالىنى.
مەن سىنى ئويلاپ خىيالغا پاتقاندا بەلكى سەن ئۆزۈڭ،
ئاللىقانداق ناز-خۇلۇقتا چەكتىڭ بىراۋنىڭ دىل تارىنى.
«كۆيدۈم» دېسەم چۆكتۈڭ سۈكۈتكە يا كۈلگەنسەن ئىچىڭدە،
خىجالەت بولدۇم ئۆزۈم،باساي كۆڭۈلنىڭ پەريادىنى.
زەردىگۆش بولغان يۈرەكتە ئەسلى يوقتى ئۇنداق سىزىم،
بىلمىدىم ھېچ يۇقتى قانداق،كىسەلگە تاپماس چارىنى.
سەن ئۆزۈڭ ئەركى مىجەز،يۈرگەنسەن بەلكى ئويناپ-كۈلۈپ،
بىراق مەن يەلكەمگە ئالدىم دەردۇ-پىراقنىڭ بارىنى.
تولا «ئاھ!» تا ھەسرەتلىنىپ، بوپ كەتتى باغرىم ئوت كاۋاپ،
بۇ تۇمۇزدا خالاپمۇ قالدىم مۇز جاھان، قىش-قارىنى.
ھەر نىمە بولسا باردۇر سادىق قەلىمىم ھەمرا ماڭا،
ھەسرىتىمنى ئەيلەپ بايان پۈتتى تالاي ئەشئارىنى.
ئەي لېۋەن نازىڭنى قويغىن ،بەرگىن ماڭا ئوچۇق جاۋاپ،
خالىمىساڭ مەيلى تاپقىن مەندىن ئۆتەر دىل خارىنى.
يالغۇزلۇقمۇ ياخشىدۇر ھەم بولمايدىكەن دىل شىكەستە،
شۇ كۇپايە ئەسلەپ قويساڭ كۆڭلى ناخۇش بىچارىنى.

           بىلال ئېزىز
                              2014-يىل  13-ماي.

Hiyalparas

غىلاپ يوللىغان ۋاقتى  2014-5-18 15:53
ئىجادىي  شېئىركەن ، ياخشى  چىقىپتۇ . ھەقىقى  ھىسسىيات  ،  ...

رەھمەت،كېيىن دىققەت قىلاي.

غىلاپ

ئىجادىي  شېئىركەن ، ياخشى  چىقىپتۇ . ھەقىقى  ھىسسىيات  ، ئىپادىلىنىپتۇ . يەنىمۇ  ئاھاڭدار  قىلىشقا  تىرىشىڭ !
سىزگە  ئۇتۇق  تىلەيمەن .

kokyantaq

ياخشى شىئېركەن رەخمەت.

نۇرلان

قەلىمىڭىز يەنىمۇ بەرىكەتلىك بولسۇن  قېرىندىشىم.

نۇرلان

قەلىمىڭىز يەنىمۇ بەرىكەتلىك بولسۇن  قېرىندىشىم.

غىلاپ

تەنقىتنى  سەمىمىلىك  بىلەن  قوبۇل  قىپسىز . سىزگە  چىن  كۆڭلۈمدىن  ئۇتۇق  تىلەيمەن !

Ayshemgul

ئەسسەلامۇ ئەلەيكۇم.دەرت تارتقان قەلىبلەرگە ئاللاھ شىپالىق بەرسۇن.ئامىن!بەك ياخشى يېزىپسىز.قەلىمىڭىزگە ئاللاھ بەرىكەت بەرگەي ئامىن!
"سېنى ئويلاپ خىيالغا پاتقاندابەلكى سەن ئۆزۈڭ،
ئاللىقانداق ناز خۇلۇقتا چەكتىڭ بىراۋنىڭ دىل تارىنى"
دگەن بۇ ئىككى مىسرانى مەن
"سېنى ئويلاپ ياتقىنىمدا بىخەۋەر بەلكىم ئۆزۈڭ،
ئاللىقانداق ناز خۇلۇقتا چەكتىڭ بىراۋ دىل تارىنى"
دەپ ئۆزگەرتىپ باقتىم.ھې ھې....
来自安卓客户端

Hiyalparas

غىلاپ يوللىغان ۋاقتى  2014-5-20 00:24
تەنقىتنى  سەمىمىلىك  بىلەن  قوبۇل  قىپسىز . سىزگە  چىن  ك ...

ئەسلى ناھايتى رىتىملىق ياخشق چىققان،بىراق بۇغۇمنى تەڭلەشتۈرىمەن دەپ بەزى سۆزلەرنى ئالماشتۇرسام مۇشۇنداق بوپقالدى.

13899720018

ئەجەپ ياخشى شېئىرلار چىقىۋاتىدۇ ، ئەجرىڭلارغا بارىكاللا