[شىئېر] ئاخىرى بىر كۈنى ئۆلۈپ كىتەرمەن

پەشتاق

ئاخىرى بىر كۈنى ئۆلۈپ كىتەرمەن
(تۇققانلىرىم ئىچىدىكى ماتەملەرنى ئەسلەپ)
يەكەن ئاۋات ئوتتۇردىن- ئابدۇسەمەت داۋۇت


كەتكەنلەر كەتتىغۇ ئارقا-ئارقىدىن،
يىغلاشتۇق، ئاھ ئۇردۇق نەئامال بىزدە.
ۋە لىكىن قايغۇلار چىرماپ دىلىمنى،
ئەسىر قىلدى مېنى كىچە-كۈندۈزدە.

ئاخىرى بىر كۈنى ئۆلۈپ كىتەرمەن،
مېنىڭدىن ئاغرىنىپ قالماڭلار دوستلار.
ئۆلۈم-ۋاقت تاللىماس، قېرى-ياش دىمەس،
قۇتۇلغان ئەمەسمىز بەندىلەر ئەسلا.

ئاخىرى بىر كۈنى ئۆلۈپ كىتەرمەن،
كۆز يىشىم قالىدۇ مۇشۇ زېمىندا.
قىلغان سۆزۈم، باسقان قەدەملىرىمنى،
ئېپ كېتەلمەيمەن بىللە يىنىمدا.

ئاخىرى بىر كۈنى ئۆلۈپ كىتەرمەن،
چۈشلۈرۈڭلارغا ئايان بولۇر سۆزلۈرۈم.
رەنجىتىشنى خالىمايمەن ھىچكىمنى،
قېزارمىسۇن ئۇ دۇنيادا يۈزلىرىم.

ئاخىرى بىر كۈنى ئۆلۈپ كىتەرمەن،
مېنى ئەسلەرسىلەر شۇ چاغدا دوستلار.
كۆڭلۈڭلار ئاغرىنىپ قالمىسۇن مەندىن،
ئۇرۇق-تۇققان، دوست-يارەن ئاداشلار.

ئاخىرى بىر كۈنى ئۆلۈپ كىتەرمەن،
ماڭىمۇ ئاز قالدى بۇ ئۆلۈم يانا.
خۇشال-خورام ئۆتەي دىسەم بولمىدى،
كېتىپ قالغاچ مېنىڭمۇ ئانا ۋە دادا.

ئاخىرى بىر كۈنى ئۆلۈپ كىتەرمەن،
غېرىبلىق باستىغۇ مېنى بۇ كەمدە.
ئۆلۈم دىگەن شۇنداق رەزىلكەن دوستلار،
يوقلىشۇپ ئۆتەيلى شەنبە-يەكشەنبە.

ئاخىرى بىر كۈنى ئۆلۈپ كىتەرمەن،
ئۆلۈمنى ئويلىسام كۆزلىرىم نەمدە.
يۈرىكىم دەر-غەزەپ چوڭقۇر قىتىدىن،
كەتكەنلەرنى ئەسلەپ تۇرغاچقا غەمدە.

ئاخىر بىر كۈن ئۆلۈپ كېتەرمەن،
قارا تۇپراققا كىرىپ كېتەرمەن.
ماڭا مۆھلەت بۇ ۋاقىت،بارچە!
ئاھ!قەدرىگە قاچان يېتەرمەن؟

ئاخىرى بىر كۈنى ئۆلۈپ كىتەرمەن،
تۇپرىقىم قالمىسۇن چۆللەردە دوستلار.
دۇئا-تالاۋەت قىلىڭلار روھىمغا،
تۇپرىقىم بېشىدىن ئۆتسەڭلار دوستلار.

2014-يىل 28-ئاپرىل

بىجىرىم

ئۆلۈمنى ھەرۋاقىت ئەسلىگەن ياخشى،
ئەسلەش بىلەن تەييارلىق قىلىغىنى ياخشى.
كەلسە ۋاقتى دەقىقىمۇ كېچىكمەس ئەجەل،
بۇنى تونۇپ ھەق ئۈستىدە ياشىغان ياخشى.

ئىدرسجان

ھەقىقەتەن ياخشى يىزلىپتۇ رەھمەت ئەتىگەندە شۇنداق ياخشى بىر شىئىرنى ئوقۋالدىم.

Ayshemgul

ھەر بىر جان ئېگىسى ئۆلۈمنىڭ تەمىنى تېتىغۇچىدۇر!

ئاخىر بىر كۈن ئۆلۈپ كېتەرمەن،
قارا تۇپراققا كىرىپ كېتەرمەن.
ماڭا مۆھلەت بۇ ۋاقىت،بارچە!
ئاھ!قەدرىگە قاچان يېتەرمەن؟




توۋا.....ئەتىگەنتىن روھلاندا چۆرگىلەپ يۈرۈپ ئادەمنى سەگەكلەشتۈرىدىغان ماۋۇ شېئىرنى كۆرمەي قالغىنىمنى!ئاللاھ قوللىرىڭىزغا بەرىكەت بەرسۇن.ھارمىغايسىز.ياخشى يېزىلغان شېئىر ئىكەن.

نەۋرۇز

ئۈلۈم ئەڭ ئاخىردا  بۇ ھاياتنىڭ بىزگە بېرىدىغان سوۋغىسى. ياخشى يېزىپسىز

نۇرلان

پەشتاق ئەپەندىمنىڭ ئىجادىيتىگە مۇۋەپپىقىيەت تىلەيمەن.

پەشتاق

Ayshemgvl يوللىغان ۋاقتى  2014-5-3 16:35
ھەر بىر جان ئېگىسى ئۆلۈمنىڭ تەمىنى تېتىغۇچىدۇر!

ئاخىر  ...

رەھمەت ئايشەمگۈل، سىزنىڭ ئۇ ئىر كۇلىتىڭىزنىمۇ يۇقارقى شىئېرىمغا قوشۇۋالدىم.

Ayshemgul

پەشتاق يوللىغان ۋاقتى  2014-5-8 00:11
رەھمەت ئايشەمگۈل، سىزنىڭ ئۇ ئىر كۇلىتىڭىزنىمۇ يۇقارق ...

يارىغان بولسىلا قوشىۋىرىڭ.خۇش بولدۇم.