ئانا [مەن ياقتۇرىدىغان شىئىرلار]

نەپرەت

ئەجرىڭگە كۆز يۇمماس ھىچكىم،
قولۇڭدىن گۈل ئۈنسۇن ئانا.
يولىمىسۇن قايغۇ-ئەلەملەر،
خۇشاللىقلار يار بولسۇن ئانا.

سەن بولغاچقا كۆزلەر بولماس نەم،
سەن بولغاچقا كۆزدىن يىراق نەم.
ئۆتمەكتىمىز شادلىقتا ھەردەم،
ئۆمرۈڭ ئۇزۇن بولسۇن جان ئانا.

سەن بولمىساڭ كۆكلىمەس ھايات،
سەنسىز شىرىن خىياللار بەربات.
سەن بىزلەرگە كۈچ-قۇدرەت ئانا،
تىنىڭ ساغلام بولسۇن جان ئانا.


مەنبە   نۇرفىنە ئوقۇغان [ئانا] ناخشا تىكىسىتى






يىتەلمىدىم ھالىڭغا ئوغلۇڭ تۇرۇپ،
كۈتەلمىدىم كەل ئانا دەپ ساڭا چاي قۇيۇپ.
ئۆكۈنىمەن قىلغىنىمغا ھەر بىر كۈنۈم،
زار يىغلايمەن ئەمدى باش قويۇپ.

دوس يارەنلەر تىلفۇن قىلسا ئالدىم خۇشال بولۇپ،
سەن قىلغاندا ئالدىراش دەپ تىلفۇننى قويۇپ.
نادانكەنمەن ئويلاپ كۆرسەم قىلغانلىرىمنى
قەرزدارمەن بىر ئۆمۈر ئانا.

كىچەلەردە بەختىم ئۈچۈن قىلغانتىڭ دۇئا،
بولالمىدىم ئەمدىلىكتە دەردىڭگە داۋا.
ئاھ ئۇرارمەن قىلالمىغاچ بۇرچۇمنى ئادا،
ئىزىپتىمەن نادانلىقتا كەچۈرگىن ئانا.


يارئىلى تۇرغۇن [كەچۈر ئانا] ناخشا تىكسىتى





[

kirimulla

ئانا،مەڭگۈ ئۆلمەس ئۇلۇغ تىما!