ئېيىتساڭ ئانا ئەللەي ناخشىسى

نەپرەت

ئېيىتساڭ ئانا ئەللەي ناخشىسى،
مېھىر-ۋاپا كۆكلەر باراقسان.
ۋۇجۇدۇڭنىڭ ئوتلۇق تەپتىدە،
توڭلاپ قالماس ھايات ھېچقاچان.

قاقشال شاخلار قۇلاقلىرىمغا،
قىسىۋالار رەڭدار گۈل-چېچەك.
كىرەر شۇڭغۇپ باغلارغا باھار،
كىيىۋېلىپ ياپيېشىل كۆڭلەك.

نۇردەك سۈزۈك بارماقلىرىدا،
يۈرەكلەرنى سىيلايدۇ قۇياش.
قۇش بالىسى ئۇۋىسىدا ھەم،
ئالماس زىنھار كۆزلىرىگە ياش....

ئېيتىپ تۇرغى شۇڭا ناخشاڭنى،
ئاھ ئانىجان،جېنىم ئانىجان.
ئۇخلاپ قالسۇن ئەللىيىڭ بىلەن،
بىزنى پايلاپ تۇرغان زىمىستان.

نۇرلان

نەپرەتجاننىڭ قەلىمى كۈندىن كۈنگە تاۋلىنىپ كېتىپ بارامدۇ-نىمە؟ ناھايىتى ياخشى يېزىپسىز.

HIRISTAL

مۇبارەك بولسۇن، ئىجادىيىتىڭىز تېخىمۇ ئۇتۇقلۇق بولغاي.

نەپرەت

HIRISTAL يوللىغان ۋاقتى  2014-7-12 00:10
مۇبارەك بولسۇن، ئىجادىيىتىڭىز تېخىمۇ ئۇتۇقلۇق بولغاي.

ھەي.................