سېنى ئەسلەيمەن

قاراقاش

تۆكۈلەر ياشلىرىم تۇرىمەن تەنھا،
قەبرىدە، تۇپراقتا باردۇر سۆيگىنىم.
مەڭگۈلۈك ئۇيقۇغا كەتتىغۇ بۈگۈن،
تارىخقا ئايلاندى مېنىڭ كۆيگىنىم.

قول تۇتۇپ ماڭغانتۇق دەريا بويىدا،
ئۇسسۇلمۇ ئوينىغان دوسلار تويىدا.
گاھ ناخشا توۋلىغان ماڭا جۈر بۇلۇپ،
ھەمنەپەس بولغانتۇق ھايات يولىدا.

باغلاردا بەزمىدە ئوينىساق بىر كۈن،
دالادا يۈگۈرگەن قۇياشنى قوغلاپ.
بىر ئالما تاپقاندا كۆزلەر قىيمىغان،
يېگەنغۇ ئۇنىمۇ تەڭدىن پارچىلاپ.

لەۋ ياققانغا يۇلتۇز گۇۋاھچى،
قىلغان ئىدۇق ئاينى خىجالەت.
كۆرۈشمىسەك نەچچە كۈنگىچە،
چىدالمايتتۇق قىلالماي تاقەت.

قۇلۇمدا تۇرىدۇ كۈلۈپ سۈرىتىڭ،
مەن ئاڭا تۇرىمەن كۈلەلمەي جانان.
سەن بىلەن كۆڭلۈمنى دەپنە ئەيلىدىم،
مۇھەببەت گۈلزارىم بولدىغۇ خازان.

ئاھ خۇدا! مەن نىچۈن بىتەلەي ئىنسان،
ھەسرەتتە قالدۇرۇپ كەتتىڭغۇ مېنى.
تەقدىرگە تەن بەرمەي يوقتۇر ھېچ ئامال،
ھەركۈنى ماتەمدە ئەسلەيمەن سېنى.

مەنبە: ئۆزۈم يازغان.

Nabijan0996

مۇنۇ شېرىڭىزنى ئوقۇپ تۇنجى مۇھابىتىم ئىسىمگە كىلىپ قالدىياخشى يېزىپ سىز

ANWAR1

ياخشى يىزىپسىز.ئاپىرىن.