قىزىل ئالما

قاراقاش · ۋاقتى: 2013-4-16 17:47:54

ئالما پىشىپ باغنى ئارىلاپ،
ئۈزگەن ئىدىم قىزىل ئالمىنى.
ئالما ئۈزۈپ ئېسىمگە كەلدى،
ساڭا كۆڭلۈم چۈشۈپ قالغىنى.

ئالما بىلەن تالاي ئەسلىمە،
كۆڭۈللەرگە ئۆتكەن ئىز سېلىپ.
خاتالاشقان ئىكەنمەن ئەسلى،
سېنىڭ بەرگەن ئالماڭنى ئېلىپ.

كۆڭۈل بىلىپ تۇتقان ئالمىنى،
باشقىلارغا قىلىپسەن سوۋغات.
ئالما ئەمەس مېنىڭ كۆڭلۈمنى،
ئۇيۇنچۇقتەك بىلىپسەن ھەيھات.

ئالما دەيدۇ پىچىرلاپ يۈرەك،
خۇددى كۆڭۈل قىزىل ئالمىدەك.
سەن ئۈزۈڭچە كۈلگىنىڭ بىلەن،
ئەل تاشلىدى سېنى چالمىدەك.

مەنبە: ئۆزۈم يازغان.