رۇبائىيلار

قاراقاش

جاھاندا ياشىماق تەسكەن بەك قىيىن،
ياشاشنىڭ يولىنى بىلدىم بەك كىيىن،
كۆز ئېچىپ قارىسام بۇ كەڭ جاھانغا،
جان ئېلىپ قۇيۇپتۇ ھەتتا بىر تىيىن.

بۇ گۈزەل تەبىئەت، چەكسىز كائىنات،
بەگلەردەك ياشايدۇ پەقەت ئادىمىزات.
ئەقىلنى ئىشلىتىپ ياشىمىسا ئەگەر،
تەبىئەت ئۈستىدىن توۋلايدۇ ھەيھات.

باغلاردا يۈگۈردۈم قوغلاپ كېپىنەك،
كېپىنەك تۇتتۇم مەن خوش بولدى يۈرەك.
تاپىنىم ئاستدىن چىقتى بىر ئاۋاز:
توغرىمۇ ئەي نادان گۈللەر چەيلىمەك؟!

ئۆلۈمنى ئويلىسام شۈركىنەر تېنىم،
ۋە لېكىن ھامىنى چىقار بۇ جېنىم.
ئەل ئۈچۈن جېنىمنى پىدا قىپ ئۆتەي،
تۇپراققا ھەق سىڭسۇن تىنىم ھەم قېنىم.

بەختىيار

تېما يوللىغاندا كېلىش مەنبەسىنى ئەسكەرتىپ قويۇشىڭىزنى سەمىمىي تەۋسىيە قىلىمەن.
بۇ ياكى ئۆزىڭىزنىڭ ئىجادى ئەمگىكىڭىزمۇ...

قاراقاش

ئۆزۈم يازغاچقا ئەسكەرتمىدىم.  ئەسكەرتىش بەرگىنىڭىزگە رەھمەت!

ADiL

ياخشى يېزىلىپتۇ، ئۆزىمىز يازغان ئەسەرگە مەنبەسى: ئىجادىيتىم دەپ ئەسكەرتىپ قويايلى.

zamandax

ياخشى روبائىيلار كەن  يارايسىز