روھلاندا ‹‹بىر يۈئەن پىلانى››

ئا.ئاسۇق · ۋاقتى: 2012-4-6 12:13:46

روھلاندا ‹‹بىر يۈئەن پىلانى››
قەدىرلىك ‹‹روھلان››داشلار،ئالدى بىلەن تېنىڭىزلارغا سالامەتلىك ۋە تۇرمۇشۇڭلارغا بەخت ئامەت تېلەيمەن.مەن ‹‹روھلان››بىلەن تۇنۇشقىلى خېلى ئۇزۇن بولسىمۇ ھەر خىل سەۋەپ تۇپەيلى ھەر قايسىڭلار بىلەن پىكىرداش بولالمىغانلىغىمنى تولىمۇ كېچىكىپ ھېس قىلىپ تۇرۇپتىمەن.مەن بۇ بېكەت قۇرغۇچىسى ئادىلجان بىلەن ساۋاقداش ھەم كەسىپداش بۇلۇش سۈپىتىم بىلەن ئادىلجان بىلەن ‹‹روھلان››نىڭ ھازىرى ۋە كەلگۇسى ئۈستىدە خېلى ئىچكىرلىگەن ھالدا پىكىرلەشتىم. مەخسىدىمنى قىسقىلا قىلىپ ئېيىتسام مەن ئادىلجانغا روھلاندا ‹‹بىر يۈئەن پىلانى›› نى يولغا قۇيۇش ئۇستىدە پىكىر بەردىم .ئادىلجان قىزغىن قوللايىدىغانلىقىنى بىلدۇردى. ئەمما ئەلۋەتتە بۇنى يولغا قۇيۇش ۋە رەسمىي خالىس ئىئانە شەكلىنى ئېلىش،پىلان لايھە ئوتتۇرغا قۇيۇلۇش،قانداق ۋە قايسى شەكىلدە ئېلىپ بېرىش قاتارلىقلارنى كەڭ ‹‹روھلان››ئەزالىرىنڭ قىزغىن قوللىشىدىن ئايرىپ قارىغىلى بولمايدۇ.مىنىڭ دەسلەپكى تەۋىيسەم ھەر بىر ‹‹روھلان››ئەزاسى ھەر ئايدا ئەڭ تۆۋەن بولغاندا بىر يۇئەن(يۇقۇرسى ئەلۋەتتە چەكلەنمەيدۇ) ئىئانە قىلساق.بۇ پۇل ئادىلجان باشقۇرشىدا ‹‹روھلاندا بىر يۈئەن پىلانى›› باشقۇرۇش ھەيئىتى قۇرۇلۇپ بەلگىلىك چەكلىمە ۋە تۈزۈم ئاستىدا قىيىنچىلىقى بار ئۇقۇغۇچى ۋە ئالاھىدە قىينچىلىقى بار ئۇقۇتقۇچىلارغا ياردەم قىلىشنى مەخىسەت قىلساق دىگەن ئۈمۈتتە ‹‹روھلان››داشلارنىڭ پىكىرنى ئاڭلاپ ئاندىن مۇۋاپپىق پىكىر بىرلىكى بولسا ئاندىن يولغا قويساق دىگەن خالىس نىيەتتە بۇ مۇراجەتنامنى نەزىرىڭلارغا سۇندۇم .كەڭ ‹‹روھلان››داشلارنىڭ قىزغىنلىق بىلەن پىكىر ۋە ئويلىغانلىرىنى قالدۇرۇپ بۇ بىر ياخشى ئىشنىڭ بالدۇرراق رۇياپقا چىقىپ ‹‹روھلان››نىڭ تېخىمۇ يۈكسىلشىگە بىر كىشلىك ھەسسىمىزنى قۇشىشىنى ئۈمۈت قىلىمەن.

kurban007 · ۋاقتى: 2012-4-6 14:07:06

بۇ بىر ياحشى پىلانكەن ، قوللايمەن !

yawa · ۋاقتى: 2012-4-6 14:49:57

مەنمۇ قوللايمەن.ئاۋال مۇكەممەل لاھىيەسىنى تۈزۈپ چىقىپ ئاندىن ئوتتۇرغا چىقارساق ياخشى بولامىكىن.

xam65 · ۋاقتى: 2012-4-6 15:33:05

بۇ پىلاننى مەنمۇ قوللايمەن.
ئەلۋەتتە تەپسىلى لايىھە ۋە يولغا قويۇش تەرتىۋى قايسى ئۇسۇلدا بۇلىدۇ، قانداق تەرتىپتە ئېلىپ بېرىلىدۇ، كۆپچىلىكنىڭ ھەمپىكىرداش بۇلۇپ لايىھىنى ئوتتۇرىغا چىقىرىشى مۇيىم.

火心0995 · ۋاقتى: 2012-4-6 17:21:47

ھەقىقەتەن ياخشى پىلان ئىكەن بۇنى مەنمۇ قوش قوللاپ قوللايمەن ! ھەر قايسى كەسپداشلارنىڭ ۋە روھلانداشلارنىڭ چوقۇم بۇنى قوللايدىغانلىقىغا ئىشنىمەن.

تايماس730 · ۋاقتى: 2012-4-6 18:11:07

ئالدى بىلەن بىر پىلاننى ئوتتۇرىغا قويۇپ كۆپچىلىكنىڭ پىكىر تەكلىۋىنى ئېلىپ تۈزىتىشكە تېگىشلىك يەرلىرى بولسا تۈزىتىپ كۆپچىلىك قوشۇلغاندىن كىيىن شۇ پىلان بويىچە ئېلىپ بارساق مىنىڭچە ئىشىمىزنىڭ باش ھەم ئاخىرى خەيرىلىك بولىدۇ دەپ قارايمەن ھەم شۇنداق بولىشىنى چىن كۆڭلۈمدىن تىلەيمەن!!!

سەلكىن01 · ۋاقتى: 2012-4-6 21:43:19

‹‹روھلان››نىڭ كىشىلەرنىڭ مەنىۋى تەشنالىقىنى قاندۇرىدىغان بىلىم، ئۇچۇر كۆزنىكى بولۇپلا قالماي يەنە قىيىنچىلىققا ئۇچرىغانلارنىڭ قىيىنچىلىقىنى ھەل قىلىپ، ئۇلارنىڭ تۇرمۇشىغا ئىللىقلىق يەتكۈزىدىغان ساخاۋەت ۋە نىجادلىق كۆزنىكى بولماقچى بولىۋاتقانلىقىدىن چەكسىز سۆيۈندۈم ۋە ئىپتىخارلاندىم. قىيىنچىلىققا ئۇچرىغانلارغا ساخاۋەتلىك قوللىرىنى ئۇزىتىپ، ئۇلارنىڭ قىيىنچىلىقىنى ھەل قىلىشنىڭ ئۆزى ساۋاپلىق ئىش. بىز مۇشۇنداق ياخشى ئىشلارنى كۆپراق قىلىشىمىز، كۆپراق ساۋاپ ئىزدىشىمىز لازىم.بۇ ئىمان-ئېتىقادلىق، غۇرۇر، ۋىجدانلىق كىشىلەردە بولۇشقا تېگىشلىك پەزىلەت. بۇ پىلان يولغا قويۇلسا، بىز كىمگە ، قايسى كىشىلەرگە ياردەم قىلغانلىقىمىزنى ئېنىق بىلىپ تۇرالايمىز. ئۇنىڭسىز مۇ ھەر يىلى ىىزمەت ئورنىمىزدا مەجبۇرى يۇسۇندا ئىئانە تاپشۇرىمىز. لېكىن، كىمگە، نېمىگە ئىئانە تاپشۇرغانلىقىمىزنىمۇ بىلەلمەي قالىمىز ، شۇ پۇللار دەل جايىغا تەگدىمۇ- يوق، بۇ بىزگە قاراڭغۇ. بارلىق روھلانداشلار بۇ ئىشقا يۈكسەك دەرىجىدە ئەھمىيەت بېرىدۇ ۋە قەتئى قوللايدۇ، دەپ ئويلايمەن.

Maarip · ۋاقتى: 2012-4-6 22:43:06

ناھايىتى خاسىيەتلىك ئىشتىن بىرسى ۋۇجۇتقا چىقىدىغان بولۇپتۇ. پۈتۈن كۈچۈم بىلەن قوللايمەن! ئاتامانمۇ يېقىندىن بۇيان ناھايىتى ئالدىراشتەك قىلىدۇ، ئالدىراشلىقى تۈگىسە ساخاۋەتلىك ئىشتىن يەنە بىرسىنىڭ روياپقا چىقىدىغانلىقىغا ئىشەنچىم كامىل.....

bilge · ۋاقتى: 2012-4-7 00:17:37

بۇنىڭغا پىلان كەتمەيدۇ تورداشلار، ئادىلكام تاۋباۋدىكى دۇكانغا بىر تال مال چىقارسا ، باھاسىنى 1 سوم قىلىپ قويسا بولدى... قالدى-قاتتىسىنى تاۋاققا چۈشكەن رىسىققا قاراپ بىر نېمە دىسەكمۇ بولىدۇ!
تەۋسىيە مال رەسىمىنى مەن ئىشلەي بولدى!

arkambiz · ۋاقتى: 2012-4-7 01:24:08

مەنمۇ قوللايمەن تاۋباۋ توردۇكىنىدن 1يۈەنلىك مال چىقارسا بۇنۇڭدا توردىن مال سېتىۋالالايدىغانلارلا ئىئانە قىلالايدۇ لېكىن قالغان تورداشلارنىڭ كۆڭلىنى ئىزھار قىلىدىغانغىمۇ چارە ئويلىشىش لازىم
بۇنداق خەيرلىك ئىشقا يول ئاچقان روھلان تورىغا ئامانلىق يار بولسۇن

روھلاندا ‹‹بىر يۈئەن پىلانى››

باھالاش