[شىئېر] ئالدى-كەينىمدە

پەشتاق

ئالدى-كەينىمدە
(يەكەن ناھىيە ئاۋات بازارلىق ئوتتۇرا مەكتەپتىن- ئابدۇسەمەت داۋۇت)

(خىزمەتلىرىمدىكى بەزى پۇتلىكاشاڭلارنى ئەسلەپ)

            (1)
مەكتىۋىمدە يارەنلەرمۇ بار،
رەڭگى يېشىل چىمەنلەرمۇ بار.
گاھى چاغدا بولۇمەن پەخەس،
ئەتراپىمدا تىكەنلەرمۇ بار.
              (2)       
ئالدىمدا كۆپ ماختاشلار مېنىڭ،
ئارقامدا كۆپ ئۆسەك – غەلۋىلەر.
ئوڭ يېنىمدا ياخشىلار قاياش،
سول يېنىمدا غاجار تەلۋىلەر.
                 (3)
«ياخشى» دېسە ئالدىمدا بىرى،
بىرى دەيدۇ ئارقامدا «يامان».
«چەش – دان» دېسە ئالدىمدا بىرى،
بىرى دەيدۇ ئارقامدا «سامان»
                 (4)
ياخشى گەپمۇ ئاڭلاپ تۇرىمەن،
يامان گەپمۇ ئاڭلاپ تۇرىمەن.
ياخشى – يامان گەپلەر ئارقىلىق،
دوست – دۈشمەننى بايقاپ تۇرىمەن.

پاسىل

مۇبارەك بولسۇن ...خېلى تەبىئىي چىقىپتۇ...

نۇرلان

پەشتاق ئەپەندىمنىڭ قەلىمىگە بەرىكەت ياغسۇن. ياخشى يېزىلىپتۇ.

نەۋرۇز

ياخشى يېزىپسىز . قەلىمىڭىزدە قۇۋۋەت باركەن