مۇستاپا كامال ئاتاتۈرك

ketmenbay

خاتىرىلەردە مۇستاپا كامال ئاتاتۈرك-(1)


          تۈركىيە ئاۋازى رادىئوسى(26.01.2010)خەۋىرى:
          ئاتاتۈرك، تۈرك تارىخىدىكى نادىر، مىسلىسىز كىشىلەردىن بىرى بولۇپ ھېسابلىنىدۇ. ئۇ تۈرك مۇستەقىللىق ئۇرۇشىنىڭ رەھبىرى، سېكولار، دېموكراتىك تۈركىيە جۇمھۇرىيىتىنىڭ قۇرغۇچىسى، شۇنداقلا تۈرك زامانىۋىلىشىش ھەرىكىتىنىڭ يولباشچىسىدۇر. ئۇ ھەربى، دۆلەت ئەربابى ۋە ئىنقىلابچى بولۇش سالاھىيىتىدىن باشقا يەنە، پىكىر جەھەتتىمۇ سەرخىل مۇتەپەككۇرلارنىڭ بىرسى بولۇپ ھېسابلىنىدۇ. ئۇ ئۆز دەۋرىدە مەدەنىيەت، ئىدىيە، تەپەككۈر مەسىلىلىرىگە قىزىقىپلا قالماستىن، ھەر دائىم ۋە ھەرقانداق چاغدا بۇ خىل پائالىيەتلەرگە قاتناشقان ۋە باشلامچىلىق قىلىپ كەلگەن ئىدى. شۇڭا ئۇنىڭ ئوتتۇرىغا قويغان پىكىرلىرى، مىللىي ئازادلىق ۋە تۈركىيە جۇمھۇرىيىتىنى قۇرۇش ھەرىكىتىنىڭ، شۇنداقلا ئۇ ئېلىپ بارغان ئىنقىلابلارنىڭ نەزەرىيە سىستېمىسىگە ۋەكىللىك قىلىدۇ. ھەتتا ئۇنىڭ جەمئىيەت بىلەن مەدەنىيەتكە ئالاقىدار ئوتتۇرىغا قويغان قاراشلىرىمۇ زاماننىڭ ئېقىشى بىلەن بىرلىكتە نەسىلدىن نەسىلگىچە رەھبەرلىك رولىنى جارى قىلدۇرۇپ كەلگۈسى.
          شۇنى ئۇنتۇماسلىقىمىز لازىمكى، زامانىۋى تۈركىيە ئۇنىڭ ئوتتۇرىغا قويغان قاراشلىرى ۋە پىكىرلىرى ئۈستىگە قورۇلغان. تۈركىيىنىڭ كۈچلۈك بولىشى ۋە بەختىيارلىقى، بۇ پىكىرلەرنىڭ ئەمەلىيلىشىشىگە، يولغا قويۇلۇشىغا ۋە ئۆچمەس بىر مەشئەل سۈپىتىدە نەسىلدىن نەسىللەرگىچە يەتكۈزۈلۈشىگە باغلىق.
          پروگراممىمىزدىكى سىلەر ئاڭلايدىغان خاتىرىلەردە، ئاتاتۈركنىڭ «كۈچلۈك تۈركىيە نەزىرىيىسى»نى ھېس قىلغىلى بولىدۇ.
          ئاتاتۈركنىڭ ئەڭ كۆرۈنەرلىك ئالاھىدىلىكلىرىدىن بىرى مۇتەپەككۈرلەرگە خاس خۇسۇسىيەتكە ئىگە ئىكەنلىكى ئىدى. ئاتاتۈركچىلىك نەزىرىيىسى ئۆز ئالدىغا ئايرىم بىر ئىدىيە بولۇپ، ھەر تۈردىكى جاھىلانە ئامىللاردىن پۈتۈنلەي پاك، ئاقىلانە دۇنيا قارىشى بولۇپ ھېسابلىنىدۇ. دۆلەتنىڭ ئەمەلىي ۋەزىيىتىدىن مەيدانغا كەلگەن مەسىلىلەرگە نىسبەتەن ئەقىل بىلەن ئىلىم  پەننىڭ رەھبەرلىكى قوبۇل قىلىنغان بۇ زامانىۋى كۆز قاراش، تۈرك مىللىتىنى ھەر دائىم ياخشى، توغرا، پايدىلىق تەرەپكە باشلىغان ۋە باشلايدىغان كۆز قاراشتۇر.
          ئاتاتۈركچىلىك نەزەرىيىسىدە، ئاتاتۈرك پرىنسىپلىرى، ئاتاتۈرك ئىنقىلابىنىڭ ئاساسىنى ياراتقان ۋە ئۇنىڭغا روھ بېغىشلىغان نەزەرىيىۋى قاراش بولۇپ، دەل شۇ ۋەجىدىن ئاتاتۈرك ئىنقىلابلىرى، ئاتاتۈرك پرىنسىپىنىڭ كاتتا ئەسىرىگە ئايلانغان شەكلى بولۇپ ھېسابلىنىدۇ. بۇ پرىنسىپلار ئۆز نۆۋىتىدە يەنە، تۈركىيىنى زامانىۋى مەدەنىيەت سەۋىيىسىگە يەتكۈزۈش ئۈچۈن ئەقىل بىلەن مەنتىق تەرىپىدىن سىزىلغان يول بولۇپمۇ ھېسابلىنىدۇ. بۇ نۇقتىدىن ئېلىپ ئېيتقاندا، ئاتاتۈرك پرىنسىپىنىڭ پەلسەپىسىنى ئىنتايىن پايدىلىق ۋە پائاللىققا ئىگە دېيىشكە بولىدۇ. بىز بۇنى ئاتاتۈرك ھەققىدىكى تارىخىي خاتىرىلەردىن ئوچۇق كۆرۈۋالالايمىز.
          ھۆرمەتلىك رادىئو ئاڭلىغۇچىلار! ئاتاتۈرك ئىنساننىڭ قەدىر  قىممىتىگە چىن قەلبىدىن ئالاھىدە ھۆرمەت قىلاتتى ۋە ئۆز ئىنقىلابى ھەققىدە سۆز قىلغاندا، «بۇ ئىنقىلاب ئەڭ ئالى ئىنسانپەرۋەر نەزەرىيە بىلەن يۇغۇرۇلغان ۋەتەنسۆيەرلىكنىڭ ئەسىرىدۇر. ئەۋلادلارغا پۈتۈن ئۇلۇغلۇقنى ۋە بارلىق گۈزەللىكلەرنى كۆرۈش، ئۆز نۆۋىتىدە يەنە، پۈتۈن نامراتلىقلارغا ئېچىنىش سەنئىتىنى ئۆگىتىدۇ» دەيتتى. ئۇ ئۆزى ياراتقان ئىنقىلابنىڭ ئىماندار باشلامچىسى بولۇش سۈپىتى بىلەن پۈتۈن دۇنياغا مۇھەببەت ۋە دوستلۇق نەزىرى بىلەن قارايتتى.
          بىز ئاتاتۈركنىڭ يېقىنلىقىغا مۇشەررەپ بولغان كىشىلەرنىڭ ئەسلىمىلىرىدىن كۈنىمىزگىچە يېتىپ كەلگەن خاتىرىلەردە، ئۇنىڭ بۇ خىل قاراشلىرى بىلەن تونۇشۇپ چىقالايمىز.
          ئاتاتۈرك ھەققانىيەتنىڭ، ئەقىل  پاراسەتنىڭ ۋە ئەستايىدىللىقنىڭ بېسىلغان ئەمەلىي قەدىمى ئىدى. شۇڭا ئۇ خەلقنىڭ ئارزۇسىنى ئىنتايىن ياخشى ھېس قىلالايدىغان ۋە خەلقنىڭ روھىغا چۇڭقۇر سىڭىشنى پىششىق بىلىدىغان ماھىر ئىنقىلابچى بولۇشتەك ئىقتىدارى سايىسىدا، ئورتاق ئارزۇ ۋە ئورتاق يۆنىلىشلەرنى ئاسانلا مىللىي نەزەرىيىگە ئايلاندۇرالىغان ئىدى. ئاتاتۈرك ئېلىپ بارغان كۈرەشلىرىنىڭ ئىپتىداسىدىن تارتىپ، ئىنتىھاسىغا قەدەر، تۈرك خەلقىنىڭ يۈكسەك قابىلىيىتىگە قەتئىي ئىشەنگەن بولغاچقا، قولغا كەلتۈرگەن غەلىبىلىرىنىڭ ھەممىنى دائىم «مىللەتنىڭ ئەسىرى» دەپ ئاتايتتى. ئۇنىڭ پۈتۈن ھەرىكىتى مىللەتكە بولغان چىن مۇھەببەتنى تايانچ قىلاتتى. ئۇ مۇستەھكەم كىشىلىك ئوبرازى ۋە ئەمەلىيەتچانلىقى، شۇنداقلا سەزگۈگە تايانغان قايىل قىلىش كۈچى ئارقىلىق خەلقنى زۇلمەتتىن يورۇقلۇققا ئېلىپ چىقالايدىغان ھەقىقىي داھىي ئىكەنلىكىنى نامايان قىلغان ئىدى. ئۇنىڭ تۈرك ئازادلىق ئۇرۇشىغا ۋە تۈركىيە جۇمھۇرىيىتىنىڭ قۇرۇلۇشىغا بايراق بولغان ئىدىيە، پىكىرلىرى ۋە ئۆلمەس ئەسەرلىرى ئۆزىنىڭ كۈچلۈك تەسىرى بىلەن تۈركىيە تېروتورىيىسىدىن ھالقىپ، دۇنيانىڭ ھەرقايسى جايلىرىدىكى بارلىق ئېزىلگەن مىللەتلەرنىڭ ئازادلىق ۋە مۇستەقىللىق كۈرەشلىرىگە مەنىۋىي كۈچ بېغىشلاپ كەلمەكتە.
          «خاتىرىلەردە ئاتاتۈرك» ناملىق بۇ پروگراممىمىزدا سىلەر ئاڭلايدىغان ئەسلىمىلەر دەل مۇشۇ تويغۇلارنىڭ ئىپادىسىدۇر.
          ھۆرمەتلىك رادىئو ئاڭلىغۇچى قېرىنداشلار! بىز يىل بويىچە ھەر ھەپتىسى ئوخشاش ۋاقىتتا ھوزۇرۇڭلارغا سۇنىدىغان «خاتىرىلەردە ئاتاتۈرك» ناملىق بۇ پروگراممىمىزنىڭ تۈنجى بۆلۈمى مۇشۇنىڭ بىلەن ئاخىرلاشتى.
          پروگراممىمىزنى ئاتاتۈركنىڭ تارىخىي سۆزلىرىدىن بىرنى نەقىل كەلتۈرۈش ئارقىلىق تاماملايمىز.

          مۇستاپا كامال ئاتاتۈرك ھىكمەتلىرى:
          ★ «ئەگەر بىر مىللەت ھەقىقىي كاتتا مىللەت بولىدىكەن، ئۇنىڭ كاتتىلىقى ئۆزىنى تونۇشى بىلەن تېخىمۇ يۈكسىلىدۇ»

(داۋامى بار)
مەنبە: ئۇيغۇر قامۇس
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

dellyar571

ئادەمنىڭ ساپاسى ئىدىيە بىلەن مۇناسىۋەتسىز .نامەرت كىشىلەرمۇ كاتتا ئىدىيلەرگە ساھىپ .ئاتا تۈركنىڭ گىپى بولسا بۇنداق تىمىغا ئۇلۇغ ئىدىيىنى چاپان قىلىپ كىيىۋالغان ساپاسىز ئادەملەر غۇڭۇلداپ نەلەردىندۇر ئۇچۇپ كىلىدۇ  . يوقىرىدىكىدەك  بىرىنى يەھۇدى بىرىنى ئەرەپ دىيىشىپ  كىتىشىكەن  رادىكاللارنىڭ كۆڭۇلسىز دىئالوگلىرى بىلەن بۇرۇقتۇم  ۋەزىيەتكە چۈشۈپ قالىدىغانلىقى بۈگۈنكى ئۇيغۇر زېھنىيىتىدە مۇقەررەر نەتىجە .بۇ ۋەزىيەتنى ئۆزگەرتىدىغان نوچىلار بارمۇ؟ مەيدانغا چۈشۈپ باقمامسىلەر ،مەنىلىك مۇنازىرە بولسۇن

kaqkun16

مۇستاپا كامال تۈركىيەنى گۆر ئاغزىدىن قۇتقۇزۇپ چىقىپ،ھازىر دۇنيادىكى 20كۈچلۈك دۆلەتنىڭ بىرى قىلدى،مەيلى ئۇ قانداق ئۇسۇل قوللانغان بولمىسۇن ،دۆلىتىنى قۇدىرەت تاپقۇزدى.
ئىسلام دۆلەتلىرىدە بولسا ھازىرغىچە بىر-بىرىنى پارتىلىتىپ،ئاق تاغلىق-قارا تاغلىق بولىۋاتىدۇ،قۇدىرەتلىك ئىسلام دىنىمىزغا ئېتىقاد قىلىدىغان مۇسۇنمانلىرىمىز نېمىشقا مۇشۇنداق قىلىدىغاندۇ؟ بۇ مەن تېگىگە يېتەلمەيۋاتقان مەسىلە ،ئۈستىدىكى سىڭلىمىز بۇنىڭغا جاۋاپ بېرەلەيدىغان ئوخشايدۇ........

behix

ئاتا تۈرك مۇستافا كامال ئاشۇ ئۇلۇغۋار پىلانلىرى بىلەن بىلەن ئىسلام ھاكىمىيىتىنىڭ يىمىرىلىشىگە سەۋەپ بوپتىكەن،

behix

مۇسۇلمان دۆلەتلەردىكىلەرنىڭ ھەممىسىنىڭ مۇسۇلمان بولۇشى ناتايىن.ئەگەر  ئۇلار ھەقىقى مۇسۇلمان بولغان بولسا ئىدى ،ئۇنداق ئاق تاغلىق قارا تاغلىق بولۇپ كەتمەس ئىدى .ھازىر ئاتاقتا مۇسۇلمانلار بەك كۆپ ،لېكىن دىلىدا دىننىڭ قانچىلىك ئورۇندا تۇرىدىغانلىقىنى ئۆزلىرى بىلەر.بىر بىرىنى چېقىشىپ ،ئوراكولىشىپ ....

erki

ئالتىلماچۇپ:
بىلەرمەنلىكنى ئاز قىلىڭ، ئوسمانلى ئىمپىراتۇرلۇقىنى موللىلار پارچىلىۋەتمىدى، ئىمپىراتۇرلۇقنىڭ پارچىلىنىپ، ھەممىسىنىڭ مۇستەقىل دۆلەت قۇرۇپ چىقىشى شۇنداق تەبى ھەم بولۇشقا تىگىشلىك ئىش. ھېچقانداق مۇستەملىكىچى مەڭگۈلۈك خوجا بولالمايدۇ.
مۇستافا كامال ئاتا تۈرك تۈركىيە جۇمھۇرىيەتنىڭ قانچىلىك تەستە قۇرۇلغانلىقىنى شۇ دۆلەتتە ياشايدىغان خەلق بىلىدۇ... چاناككالە ئۇرۇشى تۈركىيەنى ساقلاپ قېلىشتىكى ئەڭ مۇھىم جەڭ بولۇشى مۇمكىن، شۇ ئۇرۇشتا ئىستانبۇلدىكى ئۇنىۋەرسىت ئوقۇغۇچىلىرىمۇ قاتناشقان ھەم نۇرغۇنلىرى شېھىت بولغان. چاناككالە شەھرىدىكى تارىخى مۇزىينى كۆرۈپ، 18ياشتىن 25ياشقىچە بولغان نەچچە يۈزمىڭ تۈرك ياشنىڭ خاتىرە قەبرىسىنى كۆرۈپ كۆزلىرىمگە يىغا ئولاشقان...ئۇلارنىڭ قەبرىسىگە"شېھىتلەر ئۆلمەس، ۋەتەن بۆلۈنمەز" دەپ يېزىقلىق ئىكەن...

مۇستافا كامال نېمىلا بولمىسۇن تۈركىيەنى ئەنگىلىيە تاجاۋۇزچىلىرىدىن ساقلاپ قالغان ھەم ھازىرقى تۈركىيە جۇمھۇرىيىتىنىڭ قۇرۇلىشىغا مۇھىم تۆھپە قوشقان كىشى. ئۇنى ھۆرمەتلەشكە ئەرزىيدۇ.
يۇقىردا بىر تورداش تۈركىيەدىكى دېڭىز بويىدا يېرىم يالىڭاچ يۈرگەنلەرنىڭ گۇناھىنى ئاتا تۈرككە ئارتىپ قويۇپتۇ، شۇ تورداش ئويلاپ كۆردىمىكىن، ئاتا تۈرك بولمىسا، تۈركىيە ئەنگىليەنىڭ ئىشغالىندا قالسا، ئۇلار ياغلىق ئارتىپ يۈرەرمىدى؟
تۈركىيە بولغاچقا نەچچە ئون مىليون تۈرك خەلقى ئازادە جامىلاردا نامىزىنى قىلىۋاتىدۇ، تۈركىيە قورقماستىن پەلەستىنگە ياردەملەرنى قىلىۋاتىدۇ، نەچچە ئون مىڭ ئۇيغۇرنى قوينىغا ئېلىۋاتىدۇ...

dilmuratjan

مىنىڭچە مۇستاپا كامالنىڭ تۇھپىسى بىلەن مەغلۇبىيىتى تەڭلا مەۋجۇت ،   ئۇنۇڭ تۇھپىى شۇكى ئۇ ئۇتتۇر ئەسىردىكى مۇقەددەس ئىسلام نامىغا يۇشۇرۇنغان بىدئەت چاكىنا ئادەتلە تۇپەيلى ئىسلامنىڭ ھەقىقى ماھىتىدىن ئالغا ئىنتىلىش ،ئۇگۇنۇش -  ئىجدىھات قىلىش روھىدىن مەھرۇم بولغان  دۇنيا ئۇرۇشى تۇپەيلى تەخىمۇ ناچار ئەھۋالغا چۇشۇپ قالغان دۇۋلەتنى مۇنقەرىز بۇلۇش ھالاكىتىدىن قۇتۇلدۇرۇپ قالدى ، تۇركىيەنى يېڭىچە زامانىۋىلش يۇلىغا باشلاپ ئەكىردى شۇنۇڭ بىلەن ھازىرقى ئىخدىسادى گۇللەنگەن تۇركىيە بارلىققا كەلدى !  مانا بۇ ئۇنۇڭ تۇھپىسىدۇر !
  بىراق ئۇ تۇركىيەنى گۇللەندۇرۇش ئۇچۇن قىلىنغان تىرىشچانلىقى ئارقىلىق يەنە بىر ئەجەللىك خاتالىقنىڭ كىلىپ چىقىشىغا سەۋەپ بولدى ، يەنى ئۇ تەرەققىيات ئۇچۇن دىندىن ۋاز كىچىشنى تاللىدى ئىسلام دىنىڭ مۇيۇملىقىنى ئەڭ زور دەرجىدە ئىنكار قىلدى ،
    گۇللەنگەن تۇركىيە ئۇچۇن پۇتكۇل ئىسلام دۇنياسىنىڭ مەنپەتى بىلەن ھىساپلىشىپ ئولتۇرمىدى ئىسلام دۇنياسىنىڭ تاكى ھازىرغىچە كۇچ مەركىزىسىز قىلىشىغا ئىسلام دۇنياسىنىڭ مۇئەييەن بىر داھىسىز  مەركەزسىز  قىلىشىغا سەۋەپ بوپقالدى . تۇركىيە قۇرۇش بەدىلىگە  ئىسلام  ئىمپىرىيەسىنى ھالاك قىلدى ،  مانا  بۇ ئۇنۇڭ مەغلۇبىيىتىدۇر !
      ئاخىردا ئالتېلىمە چۇپ ئەپەندى سىزگە سەمىمى نەسىھىتىم شۇكى بىز سىزنىڭ بىر ساداقەتمەن ئاتىزىمچى ئىكەنلىكىڭىزنى ئوبدان بىلىمىز  ئەلۋەتتە بۇ سىزنىڭ ھۇقۇقىڭز ، لىكىن بىلىشىڭىز كىرەككى بىز مۇسۇلمانمىز ، بىز بۇنۇڭغا چوڭقۇر ئىشىنىمىز ، ئىشىنىمەنكى بۇ مۇنبەردىكىلەنىڭ ھىچ بولمىسا يىرىمى مۇسۇلمان شۇڭا ئۇزىڭىزنىڭ .ئاتىزىمچى ئىكەنلىكىنى سۇزلىسىڭىز بۇنۇڭغا ئامالىمىز يوق بىراق
   بىزنىڭ كۇڭلىمىزگە ئازار بىرىشىڭىزگە قەتئى روخسەت قىلالمايمىز ئۇنداق دىنسىزلاشتۇرۇش تەشۋىقاتلىرىڭىزنى قەغەزگە يېزىپ كۇتۇڭىزنى سۇرتۇڭ ، ھىچ بولمىسا بىزنىڭ دىنىمىزنى ئانچە ياختۇرۇپ كەتمىسىمۇ ئامالسىزلىقتىن بولسىمۇ تۇزۇلگەن ، ھىچ قانداق سەخىس ياكى ئۇرگاننىڭ خۇداكويلۇق -خۇاسىزلىقنى دىنغا كىرىش - ياكى دىندىن چىقىشقا كۇشكۇرتۇشكە بولمايدۇ - دەپ قانۇن ماددىمىز بارلىقىنى بىلىمىز .
     رۇمەيسە خانقىز مەن سىزدىن بەكلا سۇيۇندۇم سىزنىڭ دىنىمىزنىڭ نام ئۇرمىتىنى قوغداش ئۇچۇن قىلغان ئاددىغىنە  لىكىن سەمىمى   تىرىشچانلىقىڭىز  مىنى قايىل قىلماي تۇرالمىدى  بىراق سىزگىمۇ كىچىككىنە بىر تەكلىپ ئاۋۇ ئىنكاسىڭىزدىكى يەھۇىلا بىلەن مۇستاپا كامالنى بىر يولدا سانىغالىقىڭىزغا مەن تازا قايىل ئەمەسمەن   قۇرئان ۋە ئىسلام رىۋايەتلىرىگە ئاساسلىانغاندىمۇ يەھۇدىلادەك رەزىل قەۋىم يوق ئىچقانداق مىللەت ياكى دىن ئىسلامغا يەھۇدى دىنىدەك ئىختىلاپ قىلىپ باقمىغان شۇڭا مۇستاپا كامال مەيلى ئۇ چىن مۇسۇلمان بولسۇن ياكى ئاتىزىمچى بولىشىدىن قەتئى ئۇنى يەھۇدىلا بىلەن بىر ساناشقا بولماس !  
   بىراق يەھۇدىلا  قانچە رەزىل بولمىسۇن يەنىلا ئۇنۇڭ مۇئەييەن بىزلە ئۇگۇنۇشكە تىگىشلىك تەرىپى بار ، ئۇلانىڭ ئىسلامغا بولغان ئۇچمەنلىكىگە قاتتىق نەپرەتلىنىمەنۇ - ئۇلانىڭ ئىلىمخۇمارلىقى ، ئۇز دىنىغا سادىقلىقى ، ئۇم ئىتىپاقلىقى ، مىنى ئۇلارغا قايىل قىلىپمۇ قۇيۇدۇ ، كاشكى ئۇلادىكى ئاشۇ بىر قىسىم ياخشى خىسلەتلە بىزدە بوپ قالغان بولسا زە ، ئىشىنىمەن چۇقۇم بۇلىدۇ !
    مۇستاپا مەيلى نىمىلا قىلمىسۇن ئۇ يەنىلا كەتتى - ئاللا بۇرۇن دەرگاھىدا ئاللاغا ھىساپ بىرىۋاتىدۇ شۇڭا كۇپچىلىك ئۇنۇڭ تۇھپە ياخشى تەرەپلىرىنى كۇپرەك ياد ئەتسەك زۇرۇر بولسا خاتالىقلىرى ئۇستىدىمۇ ئويلىنىپ باقساق بىراق ئۇلگەن ئادەمنى ئەيىپلەپ تىللاپ يۇرمىسەك دەيمەن !   
       مۇستاپا كامال ياخشى ئادەم ئىدى .................       ئاللا ئۇنىڭ يۇشۇرۇن ئاشكارە گۇناھلىرىنى كەچۇرگەي !

arslan

تۈركلەر ئاتا تۈرك مۇستاپا كامالنى ناھايىتى چوڭ بىلىدۇ، بىر قېتىم تارىخ ئوقۇتقۇچىمنىڭ << ئەگەر تۈركىيىگە چىقىپ، بىلىپ-بىلمەي مۇستاپا كامالنى تىللاپ سالىدىغان بولساڭلار ئاغزىڭلارنى يىرتىپ، بېشىڭلارغا كىيدۈرۈپ قويىدۇ>> دېگىنىنى ئاڭلىغانىدىم. مۇستاپا كامال تۈرك مىللىتىنىڭلا ئەمەس ، بارلىق تۈركىي مىللەتلەرنىڭمۇ، ھەتتا دۇنيا تارىخىدىمۇ مۇھىم ئورۇن تۇتىدىغان، يۇقىرى شۆھرەتكە سازاۋەر مەشھۇر داھىيدۇر.

sufiye

بۇ 23قەۋەتتىكىarslan يوللىغان 2011-01-12 20:10 غا قارتىلغان  :
تۈركلەر ئاتا تۈرك مۇستاپا كامالنى ناھايىتى چوڭ بىلىدۇ، بىر قېتىم تارىخ ئوقۇتقۇچىمنىڭ << ئەگەر تۈركىيىگە چىقىپ، بىلىپ-بىلمەي مۇستاپا كامالنى تىللاپ سالىدىغان بولساڭلار ئاغزىڭلارنى يىرتىپ، بېشىڭلارغا كىيدۈرۈپ قويىدۇ>> دېگىنىنى ئاڭلىغانىدىم. مۇستاپا كامال تۈرك مىللىتىنىڭلا ئەمەس ، بارلىق تۈركىي مىللەتلەرنىڭمۇ، ھەتتا دۇنيا تارىخىدىمۇ مۇھىم ئورۇن تۇتىدىغان، يۇقىرى شۆھرەتكە سازاۋەر مەشھۇر داھىيدۇر.

شۇ تارىخ ئوقۇتقۇچىڭىز تۈركىيەگە كېلىپ ياشاپ بېقىپتىكەنمۇ؟ تۈركىيەدە ئاتاتۈركنىڭ نام-شەرىپىنى قوغداش قانۇنى بارلىقىنى، خۇددى شىنجاڭدا " 23 خىل قانۇنسىز دىنىي پائالىيەتنى چەكلەش قانۇنى" بولغىنىدەك، بۇ قانۇنغا خىلاپلىق قىلغۇچىنىڭ جازالىنىدىغانلىقىنى، نۇرغۇن تۈركلەر ئاتاتۈركنى ياقتۇرمىسىمۇ، بۇنى سىرتتا سۆزلەپ يۈرمەيدىغانلىقىنى ... بىلەمدىكەن؟؟
ئاتاتۈركنىڭ نامى ئاستىدا قىلىنىۋاتقان جىنايەتلەرنى بىلەمدىكەن؟
ئاتاتۈركنىڭ ھاياتىنىڭ ئاخىرىدا قاتتىق ھاراقكەش بولۇپ، ئىسپىرتتىن زەھەرلىنىپ جىگىرى قېتىپ 1938-يىلى 57 يېشىدا ئۆلگەنلىكىنى، مېيىت نامىزى ئوقۇلماسلىقىنى ۋەسىيەت قىلغانلىقىنى بىلەمدىكەن؟
بىر ساددا ئۇيغۇر قېرىندىشىمىز ئاتاتۈركنى بەك ھۆرمەتلەيدىكەنمىش، ئەنقەرەگە كېلىپ، ئانىتكابىردا ئاتاتۈركنىڭ قەۋرىسى ئالدىدا ئولتۇرۇپ ئۇنىڭغا دۇئا قىلماقچى بولغىنىدا قاراۋۇل ئەسكەر بۇ ئۇيغۇرنى تىللاپ قوغلىۋېتىپتىكەن. بۇنى تۈركىيەدىكى ئۇيغۇرلاردىن كۆپ سانلىق كىشى بىلىدۇ.
مەن مۇشۇ ئاتاتۈركنى تىللايدىغان نۇرغۇن تۈركلەرنى كۆرگەنمەن. ئاتاتۈركنىڭ ھەيكىلىگە خەجلىنىۋاتقان پۇللارغا ئىچىم ئاغرىيدۇ.
تۈركىيەدە ئىلگىرى يۇتۇيب (youtube)نى چەكلەيتتى. ھازىر ئېچىۋەتتى. چەكلەشتىكى سەۋەپ، يۇتۇيبتا ئاتاتۈركنىڭ جىنايەتلىرى پاش قىلىنغان نۇرغۇن ۋىدىئولار بولغاچقا، بۇلارنى تۈركىيە خەلقى بىلمىسۇن دەپ شۇنداق قىپتىكەن. يۇتۇيبقا كىرەلىسەڭلار، كىرىپ قاراپ بېقىڭلار، بىلىسىلەر.  

tuprakbag

كور مۇستاپا دەپ تىللايتى بىر تاتلىقچى ياشانغان تاغام........ماۋزىدوڭنىڭ ھەيكىلىدىن مۇستاپا كامالنىڭ ھەيكىلى جىققۇ دەيمەن دۇنيادا