چالا تەرجىمان ئادەم ئۆلتۈرەر

adiyat

	گۈلەن ئەپەندىم  تىمىنى ئوقوپ چىقتىم . بۇ قىتىم ئەمەلى نەرسىنى تەرجىمە قىپسىز  .

arkam403

	ھەر نىمە بۇلسىمۇ ئۆز تىلىمىزنى مىللىتىمىزنى سۇيەيلى ؟ بۇگۇن بىز بۇنداق بۇلساق ئەتە باللىرىمىز ئۆز تىلىدا سۇزلىشىش ئۇچۇن تەرجىمان ئىزلەپ تاپالماي يۇرمىسۇن ؟

nimjan

	بۇ 47قەۋەتتىكىramizan يوللىغان 2011-07-20 11:39 غا قارتىلغان  : مەن كەسپىي تىلماچ ئەمەس، ئەمما تىلماچلىق قىلىۋاتقىنىمغا خېلى ئۇزۇن بولدى، تەرجىمىلىرىمدە ئامال بار ئەسلى مەنانى ئىپادىلەشكە تىرىشىپ كەلدىم. ئالدىدىكىلىرىنى ئۇچراتماپتىكەنمەن، ئەمما ئاۋۇ 北大西洋公约组织 نى قانداق ئالساق بولاتتى؟ شۇنى بىلىۋالسام بولارمىكىن؟ سىز بۇ يەردە ئوكياننىڭ ئەسلىي نامىغا دىققەت بېرىڭ! ناۋادا "ناتو" دىن ئىبارەت بۇ ھەربىي تەشكىلات نامى شىمالىي ئاتلانتىك ئوكيان ئەھدى تەشكىلاتى  بولماي شىمالىي ھىندى ئوكيان ياكى شىمالىي تىنچ ئوكياندا بولۇپ قالغان بولسا قانداق ئاتىلىشى مۇمكىن ئىدى؟ "ئوكيان" سۆزىنى تاشلاپ قويۇپ "شىمالىي ھىندى ئەھدى تەشكىلاتى" ، "شىمالىي تىنچ ئەھدى تەشكىلاتى" دەر بولغىيمىدۇق؟ "ئاتلانتىك ئوكيان" بۇ بىر پۈتۈن نام، "ئاتلانتىك" دەپ قويساقلا ئوكياننى بىلدۈرەمدۇ؟ ئۇيغۇرچىغا قىسقارتىلغان نامى "ش ئا ئە ت" نى تولۇق ئاتىغاندا "شىمالىي ئاتلانتىك ئوكيان ئەھدى تەشكىلاتى" دەپ ئاتايمىز، قىسقارتىلغان "ئا" ھېچ مەنا بەرمەيدىغان "ئاتلانتىك" قا ئەمەس بەبلكى ئەمەلىي مەۋجۇد بولغان "ئاتلانتىك ئوكيان" غا ۋەكىللىك قىلىدۇ!

nimjan

	يەنە بىر گەپ : "تەرجىمان" شۇغۇللىنىدىغان خىزمەتكە   تەبىر بەرگەندە ئىلگىرى ناھايىتى كۈلكىلىك قىلىپ " تەرجىمە ____ يېرىم ئىجادىيەت" دېيىلىپ ئادەمنىڭ غىدىقى كەلتۈرۈلدى، يېرىم ئىجادىيەت چالا ئىجادىيەت، دېگەنلىك ئەمەسمۇ ؟ چالا ئىجادىيەت بولغان ئىكەن، بۇزۇلغان ئىجادىيەت، دېگەن گەپ. بۇزۇق ئىجادىيەتتىن ئادەم ئۆلمەي نېمە بولماقچىدى؟  مەن تەرجىمان شۇغۇللىنىدىغان خىزمەت ___ "تەرجىمە " گە قايتا ئىجادىيەت، دەپ باھا بېرىمەن. قايتا ئىجادىيەت مۇكەممەل ئىجادىيەتتۇر! يەنە ، تەرجىمان ئەمەلىيەتتە سۆزنى ئەمەس، بەلكى بىر خىل مەدەنىيەتنى يەنە بىر مەدەنىيەت بىلەن ئىپادىلىگۈچىدۇر!

nimjan

	رامازان بۇرادەرگە يازغان ئىنكاسىمنىڭ ئىملاسىغا تۈزىتىش: ئاخىرقى قۇردىكى " بەبلكى "  "بەلكى" دەپ تۈزىتىلسە ! تەھرىرلەش ھوقۇقۇم بولمىغاچ بۇ خۇسۇستا يەنە تىلىمنى چايناپ تۈزىتىش بەرگىنىمدىن تولا خىجىلمەن!

ramizan

	نىمجان ئەپەندىم، گەپ تالاشقىنىم ئەمەس، ئەمما يەنىلا قايىل بولمىغىنىم ئۈچۈن ئاتىكاچىلىق قىلاي، مېنىڭچە تەرجىماننىڭ يەنە بىر خىزمىتى يات تىلدىكى مەزمۇننى ئانا تىلىدا ئەڭ قىسقا، مېغىزلىق سۆزلەر بىلەن، ئۇزارتىۋەتمەستىن، ئۇقۇمنى ئارىلاشتۇرىۋەتمەستىن ئىپادىلەش. شۇنداق بولغانىكەن، <<شىمالىي ئاتلانتىك ئوكيان ئەھدى تەشكىلاتى>> دىكى <<ئوكيان>> مېنىڭچە ئارتۇقچىمۇ قانداق؟ يەرشارىدا ئاتلانتىك ئوكياندىن پەقەت بىرىلا بار، ئاتلانتىك سۆزىدىنلا كىشىلەر ئاتلانتىك ئوكيان ئىكەنلىكىنى بىلەلەيدۇ، ئەگەر سەۋىيەمنىڭ تۆۋەنلىكىدىن يەنە بىرەر ئاتلانتىك نامىدىكى جاينىڭ بارلىقىنى بىلمەي قالغان بولسا تەلىمىڭىزنى قۇبۇل قىلىمەن. ئەگەر يەنە سىز ئېيتقاندەك تېنچ ئوكياندا ياكى ھىندى ئوكياندا بولۇپ قالغان بولسا بەلكىم باشقىچە ئاتىلىشى مۇمكىن ئىدى، چۈنكى تېنچ ئوكيان بىلەن ھىندى ئوكيان ھازىرغىچە شىمال-جەنۇب دەپ ئايرىلمىدىغۇ دەيمەن، يەنە كېلىپ ئەڭ ئەقەللىسى بۇ تەشكىلات ھازىر تېنچ ئوكياندا ياكى باشقا بىر جايدا ئەمەس، شىمالىي ئاتلانتىك ئوكياندا. ئىنگلىزلارمۇ North Atlantic Ocean Treaty Organization دېمەستىن  North Atlantic Treaty Organization دەپتۇ، شۇڭا بىزگە كېلىپ يەنە بىر سۆزنىڭ ئارتۇقچە قوشۇلۇپ قېلىشى ھاجەتسىزمىكىن. يەنە بىر مەسىلە، سىز ئاتىغاندەك <<ناتو>> دەپ ئاتاشنىمۇ قوللىمايمەن، چۈنكى بۇ ئىنگلىزچە تولۇق ئاتىلىشىنىڭ قىسقارتىلمىسى، بىزدىكىلەر تېخىمۇ چۈشىنەلمەيدۇ.

ramizan

	مۇشۇنداق تالىشىپ مۇشۇ سۆز بولسىمۇ ھەل بولۇپ كەتسۇن بۇ يەردە  [s:2]

xarbat

	بۇتىمىنى بەك ياخشى يوللاپسىز ! چۈنكى مەنمۇ خىزمىتىمنى تەرجىمانلىقتىن باشلىغان . يىڭى خىزمەتكە تەقسىم قىلىنىپ كەلگەندە ،باشقا ئىش يوق كەسپىي ماتىرياللارنى تەرجىمە قىلاتتىم . دەسلەپتە ، ئۆلچەملىك تەرجىمە قىلىشقا كۈچەيتتىم . بارا-بارا گېزىت ۋە رادىئو - تىلىۋىزورلاردىن تەرجىمە ئەسەرلەرنى كۆپرەك كۆرۈپ ئىخچام ، ئۆلچەملىك ئاممىباپ تەرجىمە قىلىشقا تىرىشتىم . مىنىڭچە ، تەرجىمە ئەسەرلەردە  ئانا تىلىمىزنىڭ پاساھىتىنى ياخشى نامايان قىلىش ئۈچۈن ، مىغىزىنى ئىلغىۋىلىپ شاكىلىنى چىقىرۋىتىشكە ئالاھىدە ئەھمىيەت بەرسەك .

apirida

	ئويلىنىشقا تېگىشلىك مەسىلە ئىكەن . تەرجىمانلىق كەسپى ھەقىقەتەن ئەتراپلىق بىلىپ تەلەپ قىلىدۇ. تەرجىمانلىقتا ئۈنۋېرتسال بىلىمدىن باشقا ئەڭ مۇھىمى ئوزىنىڭ ئانا تىلىغا بەك پىششىق بولۇشى ھەم قارشى تەرەپ مەدىنىيىتىدىن  خەۋەردار  بولىشى كېرەك دەپ قارايمەن. ئانا تىلغا پىششىق بولسا ئەسەر ئەسلىدىنمۇ  پاساھەتلىك ھەم يىغىنچاق چىقىدۇ.

nimjan

	شۇ پىكىردە تۇرسىڭىز مەنمۇ ئۆز پىكرىمدە قېلىۋەرسەم بولغىدەك. مەن قېرىپ قالدىممۇ ياكى زامان ياشىرىپ كەتتىمۇ بىلمىدىم، 20-ئەسرنىڭ 70-يىللىرىدا  تىلىمىزدىكى جۇغراپىيە دەرسلىكىمىزدە تۆت ئوكيان سانالغاندا سىز ئىنگلىزچە شىپى كەلتۈرگەن  سۆز بويىچە ئەمەس بەلكى ئۇيغۇرچىدە " تىنچ ئوكيان (ئۇلۇغ ئوكيان)، ئاتلانتىك ئوكيان، ھىندى ئوكيان، شىمالىي مۇز ئوكيان..." دەپ سانايتتى، ھەرگىز "تىنچ ئوكيان، ئاتلانتىك، ھىندى ئوكيان، شىمالىي مۇز ئوكيان..." دەپ سانىمايتتى. تەرجىمىدە تەرجىمە قىلماقچى بولغان تىل مەدەنىيىتىنى تەرجىمە قىلىنىماقچى بولغان تىل مەدەنىيىتىگە بويسۇندۇرىمىز، تەرجىمە ئەمەلىيىتىدە مەدەنىيەت ئامىلىدىن چەتنىسەك تەرجىمە چۈشىنىكسىز ھەم ئۆلۈك چىقىدۇ-دە، تىل بۇزۇلۇپ ئادەم ئۆلتۈرىدىغان ئىش چىقىدۇ. مەنغۇ ئىنگلىزچە قەتئىي بىلمەيمەن، سىز شىپى كەلتۈرگەن Atlantic بىلەن ئاتىلىدىغان جايلاردىن باشقىسىمۇ بولۇشى مۇمكىن (ياكى يوقتۇ)، چۈنكى مىلان، دېگەن جايدىن دۇنيادا سەككىزى بارمىش!