تۈگۈلگەن غۇنچە(توردا يېزىلىۋاتقان ئەسەر)

musilina

شۇنداق قىزىقىپ ئوقۇۋاتقان ئىدىم ئاپئاق خانىقز ئەسىرىڭىزنى....

داۋامىنى تۆت كۆز بىلەن كۈتىۋاتىمەن....

hankiz1225

شۇ كۈنى بىز جاھاننىڭ پارىڭىنى قىلىپ ، .ئۆزىمىزچە بەزى مەسىلىلەر تۇغرىسىدىكى كۆز قاراشلىرىمىزنى سۆزلەپ ئورتاقلاشتۇق .
_سەنچە دۇنيادا قانداق ئادەم ئەڭ قورقۇنچلۇق ؟-دەپ سورىغانىدى ئۇ .
-  تىلى شىكەر دىلى زەھەر  ئادەم . سىزچىچۇ ؟
-ئىتقاتسىز ئادەم  يەنى  ھەرقانداق ئىشنى قىلىش ئىھتىماللىقى بار ، ئۆزىنى ئىدارە قىلىدىغان « قىلىپ » ى يوق ئادەم .  مەنچە ئىنسان دۇنيادا ياشىغان ئىكەن ئۇنىڭدا مەلۇم بىر ئىتقاد بولۇشى كىرەك ...سەنچە دۇنيادىكى ئەڭ ئازاپلىق ئىش نىمە ؟-مەن  ئۇنىڭ سۆزلىرىنىڭ تىگىگە يىتىشكە ئۈلگۈرمەيلا ئۇ يەنە بىر سۇئالنى قويۇپ ئۈلگۈردى .
-مۇھەببەتتىن مەھرۇم قىلىش بولسا كىرەك . سىز دەڭە ....
- بىكارچىلىق . قىلىدىغان ئىشى يىتىدىغان نىشانى يوق تىرىك مۇردىغا ئايلىنىپ قىلىش  ، بۇ دۇنيادا بار - يوقلىقىنىڭ ئەھمىيتى يوق ئادەم بولۇپ قىلىشتىنمۇ ئىغىر ئازاپ بولماس .
-ئەمىسە دۇنيادىكى ئەڭ بەخىتلىك ئىشچۇ ؟-مەنمۇ ئۆزۈمچە سوراپ باقتىم .
- كىشى ئۆز-ئۆزىدىن رازى بولغان ۋاقىت .
نىمىشقىكىن ئۇ مەندىن «سىنىڭ نەزىرىڭدىكى ئەڭ بەخىتلىك ئىشچۇ ؟» دەپ سورىمىدى . ئەگەر مەندىن سورىغان بولسا چوقۇم«سىز بىلەن مۇشۇنداق سىردىشىش -مىنىڭ ئەڭ زور بەختىىم »دەپ جاۋاپ بەرگەن بولاتتىم .ئاندىن ... ئاندىن ئۇنىڭغا ئۇنى قانچىلىك سىغىنغىنىمنى قىززىرىپ تاتىرىپ تۇرۇپ بايان قىلغان كۆز ياشلىرىم بىلەن ئۇنىڭ يۈرىكىنى سۇغارغان بولاتتىم . ئەپسۇس !
  
ئۇ يەنە ئەرەپ تىلى ۋە ئەرەپ دۆلەتلىرى توغرىسىدا مەن بىلمەيدىغان نۇرغۇن گەپلەرنى قىلىپ بەردى .ھەم « مۇسۇلمان ياكى كاپىر بولسۇن ھەممىسى خۇدانىڭ بەندىسى ، ياخشى -يامان بولسۇن ئۇنىڭ تىگىشلىكىنى بىرىدىغىنى ياراتقۇچى ئۆزى ، بىر بەندىنىڭ يەنە بىر بەندىنى جازالاش ھوقۇقى بولمايدۇ . ھەقىقى مۇسۇلمان دىگەن بىر تال چۈمۈلىنىڭ دىلىغا ئازار بەرمەيدۇ . كەڭ قورساقلىق ،سەۋىرچانلىقنىڭ ئۆزى بىر ئىماننىڭ جۈملىسىدىندۇر .» «مەنچەمۇسۇلمانمەن دەپ كاپىرلارغا تىغ كۆتۈرۈشنىڭ ئۆزى ئىمانىدىن ئاجرىغانلىق بولىدۇ » ... ئۇلۇغلىرىمىز ئۆز قەبىلىسىدىكىلەرگە كاپىرلارنى رەنجىتسەڭ مىنى رەنجىتكەن بولىسەن دەپ ئىيىتقانىكەن .  
مەن ئويلايمەن ، ئۆزىگە مىڭلارچە يامانلىق قىلغان كىشىگە تەبەسسۇم ئىلتىپات قىلالىغان ،ئۇنىڭ دىلىنى مۇھەببىتى بىلەن يۇمشىتىپ پۇشايمان ياشلىرىنى تۆككۈزگۈدەك دەرىجىدە مىھرىبانلىق قىلالىغان قەلىب -ھەقىقى بىر مۇسۇلماننىڭ قەلبى ...

مۇشۇنداق گەپلەردىن يەنە قانچىسى بولدى يادىمدا يوق . لىكىن ئۇنىڭدىكى ئىددىيە ،ئۇنىڭدىكى ئاڭ مىنىڭ يۈرىگىمنىڭ چوڭقۇر قاتلاملىرىدىن ئورۇن ئالدى ...
ئۆتمۈش خاتىرەمنى شۈنچە ئاختۇرۇپمۇ شۇ كۈنى ئۇنىڭ بىلەن قانداق خوشلاشقىنىمنى ئەسلىيەلمىدىم . كۆڭلۈمنى بىر قىسىم قىلىپ قويغىنى ئۇنىڭ مەن بىلەن  تولۇق بىر كۈن بىللە يۈرۈپمۇ ئۇنىڭ مىنى بىرەر قىتىم «سىنى سىغىندىم جىنىم»دەپ باغرىغا تارىتمىغىنى ،ھەتتا قاچان كۆرىشىشىمىز توغرىسىدا بىرەر ئىغىز گەپمۇ قىلماي كىتىپ قالغىنى بولدى .

nazuk0707

داۋامىغا تەشنامەن. ئاخىرىنىڭ قانداق بولىدىغانلىقىنى تېزراق بىلگۈم بار.  ئۆزۈمنىڭ ئـۆتمۈشىگە سېلىشتۇرۇپ، نەتىجىسى مېنىڭكىگە ئوخشاپ قالارمۇ دەپ ئويلاۋاتىمەن..............

hankiz1225

دەرسخانا -مەكتەپ ئاشخانىسى - ئوقۇغۇچىلار ياتاق بىناسى - كۈتۈپخانا  مىنىڭ ئوقۇغۇچىلىق ھاياتىمدىكى ئۆزگەرمەس لىنيە  . كۈنلەر بىر خىل رىتىمدا شۈنچىلىك تىنىچ ئۆتىۋاتاتتى پەقەت مىنىڭ قەلبىمنىڭ چوڭقۇر قاتلاملىرىدا تىل بىلەن ئىپادىلىگۈسىز بىر خىل داۋالغۇش مەۋجۇت ئىدى . يەنە بەزىدە خاتىرە بىتىگە ئوتلۇق سىغىنىشلىرىمنى تۆكۈپ جاۋاپسىز خەتلەرنى يىزىپمۇ قوياتتىم .
شۇنداق بىر كۈن بولدى .  مىنىڭ قەلبىمدىكى مۇقەددەس ئابىدە مەن نۇمۇس قىلىدىغان نەرسىگە ئايلىنىپ قالدى .
ھەي نىمىسىنى دەي ؟  « كۆرگىنىڭدىن كۆپتۇر كۆرمىگىنىڭ، كۆرمىگەننى كۆرەرسەن ئۆلمىگىنىڭ » دەپتىكەن بۇرۇنقىلار .
گەپنى يەنە شۇ ياتاقداشلىرىمنىڭ يىگىتلەر توغرىسىدىكى ئايىغى چىقماس پاراڭلىرىدىن باشلاشقا توغرا كىلىدۇ .
ياتاق بىناسىنىڭ چىرىغى ئۆچۈشكە ئازلا قالغان چاغ . ئالىيە بىشىنى ياستۇقىدىن سەل ئىگىز كۆتۈرۈپ مەن تەرەپكە بوينىنى سوزۇپ دىدى -ئاداش قەلبى ! بىر ئوغۇل بالاQQرىمنى قوشۇپـتىكەن دىگىنە بايا، ئىسمىنى ئەخمەت دەمدۇ خۇدايىم .سەن بىلەن بىر يۇرتلىقكەن ،نۇمۇرىنى ساڭا دەپ بەرسەم قوشۇۋالامسە ؟ ئۆزى ھازىر ئۈرۈمچىدە ئوخشايدۇ ...
-نىمە قىلىمەن قوشۇپ ؟ -ئۇنىڭ مەخسىتىنى تازا چۈشەنمەي سورىدىم .
-قايسىبىر رىستۇراندا دىرىكتۇركەن ، چىقىشىپ قالساڭ دىرىكتۇرنىڭ ئاغچىسى بولۇپ ھەممەيلەننىڭ كۆزىدىن ئوت چىقىرىپ يۈرۈپ كىتەتىڭ ئاچا ، ئەجەپ بىر قوشۇۋالامسە دىگەنگە نىمە قىلىمەن دەپ كەتتىڭ ؟
ئۇنىڭ سۆزلەشلىرى قۇلىقىمغا كىرمىگەندەك جىممىدە يىتىۋالدىم . مىنىڭ توردا يىگىتلەر بىلەن تونۇشۇپ پاراڭلىشىپ يۈرۈشكە رايىم يوق ئىدى . ئادەتتە ناتونۇش ئادەملەرنىمۇ قوشمايىتتىم .
ئارىدىن بىر قانچە كۈن ئۆتۈپ ئالىيە چىرايلىق ياسىنىپ « يۇرتلىقىڭ بىلەن كۆرۈشىمەن ، قوشۇۋىلىپ پاراڭلاشقىن دىسەم ئۇنمىغاندىكىن كۆزۈڭنى پارقىرىتىپ ئولتۇرۇپ قال بىرنىمە . . . ئۆزۈملا چىقىشىپ كەتتىم . »دىگىنىچە تاقىلداپ مىڭىپ چىقىپ كەتتى . ئۇنىڭ گەپلىرىگە خىلى كۆنۈپ قالغان بولساممۇ بۇ گىپى شۇنداق بىمەنە تۇيۇلۇپ كەتتى . بوپتۇ چاقچاق ئەمەسمۇ دەپ مىيىققىدە كۈلۈپ قويغاندىن كىيىن ئوقۇۋاتقان كىتابىمنىڭ ئاخىرىغا چۆكتۈم .
شۇ كۈنى كەچ ئالىيە ياتاققا قايتىپ كەلمىدى .
ئەتىسى تاڭ سەھەر . ئاللىبۇرۇن ئويغىنىپ بولغان بولساممۇ ئورنىمدىن تۇرۇشقا توغرىسى كۆزۈمنى ئىچىشقىمۇ خۇشياقمىغاندەك ئىزىلەڭگۈلۈك بىلەن ياتاتتىم .
ئايخان پەتىۋانىڭ « ۋىيەي ئالىيە ، جىنىم ئادىشىم چىل بۆرىگە ئۇچرىمىغانسەن ھە ؟ نىمە بوپكەتتى بويۇنلىرىڭ ؟ بىرىنجى قىتىم كۆرۈشۈپلا . . . » ئالىيەنىڭ فۈشششش ... دىگەن ئاۋازى بىلەن ئايخان پەتىۋانىڭ ئىغىزى بىسىقتى . . .
مەن ئاجايىپ بىر خىل كۆڭۈل غەشلىكى ئىچىدە كۆزۈمنى ئاچماي تۇرۇپ چىرايىمنى پۈرۈشتۈردۈم -دە ئىچىمدە « ماۋۇ نىمىلە نىمانداق ئەتتىگەندە ئىت پوق يىمەستە ... » دەپ غودرىدىم . ئالىي  مەكتەپ بوسۇغىسىدىن پۇتۇمنى ئالغان كۈندىن باشلاپ  ئەتراپىمدا بولىۋاتقان ئىشلار ،گەپ -سۆزلەر مىنىڭمۇ خىلى كاللامنى ئىچىپ ئۈلگۈرگەنىدى . قىسقىسى مەن بۇنچىلىك گەپلەرنى چۈشەنمەيدىغان ساددا قىز دەرىجىسىدىن  خالاپ -خالىماي دىگۈدەك ھالقىپ كەتكەن ئىدىم .  
بىر قانچە ئاي ئۆتۈپ«ئالىيە يىگىتىنىڭ ياتاقداشلىرىڭىز ئىلىپ چىقىپ ھەممىڭلارنى مىھمان قىلىپ ئوينىتىپ كىلەي»دىگىنىنى ئىيتىپ بىزنى زادى مەن بىلەن بىللە ئۇ ئىشلەيدىغان رىستۇرانغا بىللە بارىسىلەر ، بىللە تاماق يەيمىز دەپ تۇرىۋالدى .
كەلدۇق ! لىكىن ئۇنىڭ يىگىتىم دەپ تونۇشتۇرۋاتقىنى . . .
ئەسلىمە خاتىرەمنى ۋاراقلىدىم...ئالىيە ئۇ يىگىتنىڭ ئىسمىنى ئەخمەت دىگەندەك قىلىۋاتاتتىغۇ ؟ قانداق بولۇپ ... ياقەي ئۇ ...ئۇ... مومكىن ئەمەس بەلكىم مەن ئۇنى بەك سىغىنىپ كەتكەچكە ... خىياللىرىم مىنى ئالداپ قويىۋاتقاندۇ بەلكىم . . . نىمانداق مۇشۇ كۈنلەردە ھەممىلا ئادەم ئۇنىڭغا ئوخشاۋاتقاندەك ھەتتا ئۇنىڭ ئۆزىدەك كۆرىنىدىغاندۇ ؟ ...
مەن ئىچىمدە ئۆزۈمنى قانچىلىك بەزلىمەي قانچىلىك ئالدىماي ئۇ ھامان ئالدىمدا ياق!ئالىيەنىڭ يىنىدا تۇراتتى . مەن يەنە بىر قىتىم رىئاللىقنىڭ نەقەدەر رەھىمسىز بولىدىغانلىقىنى ھىس قىلماقتا ئىدىم .
كەينىمگە بۇرۇلۇپلا يۈگۈرگىنىمچە چىقىپ كەتتىم .

مۇخلىسە~

ۋاھ    بۇ   ئەسەرنىڭ   داۋامىنى   بەك   ساقلاپ  كەتكەن    ئىدىم    ھەرنىم  بولسا  نائۈمىد    قويماپسىز      تۇنجى   بۇلۇپ   مەن  كۆرۈپتىمەن     لېكىن  بەك  ئاز  بولۇپ  قاپتۇ     داۋامىنى  كۈتىمەن ...

hankiz1225

مەن رىستۇراندىن چىقىپ كەتكۈچە ئەمەس ئەتراپنى قاراڭغۇلۇق قاپلىغۇچە ، يولدىن ئىزىپ نەگە كىلىپ قالغىنىمنى نەگە مىڭىشىمنى بىلمەي تۇرۇپ قالغۇچە ، ھىرىپ ھالىمدىن كەتكۈچە يۈگۈردۈم .
قاتتىق ئۈمىدسىزلەندىم ! ھاياتىمنىڭ بىردىنبىر مەناسى  ، بىردىنبىر مەزمۇنى ھەتتاكى بىردىنبىر نىشانى يوق بولغانىدى . . .
يۈرىكىم ئاغرىدى ،رەنجىدىم ئۇنىڭدىن ئەمەس ئۆزۈمدىن ! ساددىلىقىمدىن !
ئۇنىڭ « سىنى سۆيىمەن ، مىنى كۈت جىنىم » دەپ ماڭا ۋەدە بىرىپ قويغان يىرىمۇ يوققۇ ؟ ئۇنىڭدىن ئاغرىنىشقا نىمە ھەققىم بار مىنىڭ ؟ ئۇنىڭغا ئەخمەقلەرچە ئۈمىد باغلاپ يۈرگەن ئۆزۈمغۇ ؟ ...
تۇرىۋاتقان ئورنىمنىڭ قەيەرلىكىنى قانچىنجى يولنىڭ ئاپتۇبۇسىغا ئولتۇرۇپ قانداق قايتىشنى بىلمىگەچكە تاكسىغا ئولتۇرۇپ مەكتەپ ياتىقىغا قايتىپ كەلدىم . قانداقلا بولمىسۇن ياتاققا قايتىپ كىلىشىم ئەتە يەنە دەرسكە چىقىشىم كىرەك ئىدى . ئۇلار مەندىن خىلى كىيىن قايتىپ كەلدى . ئالىيەمۇ كارۋىتىمدا ئولتۇرۇپ سورىغان سۇئاللىرىغا بىر ئىغىزمۇ زۇۋان سۈرمەي يوتقاننى بىشىمغا پۈركەپ يىتىۋىلىشىمدىن زىرىككەندەك « دىگۈڭ كەلگەندە دىگىن ئەمىسە  »دەپ ئۆز ئورنىغا بىرىپ بىر ھازا تىلفۇن ئوينىغاندىن كىيىن ئۇخلاپ قالدى بولغاي . ئىشقىلىپ بىر چاغدا ياتاقنىڭ ئىچى گۆرىستان قاراڭغۇلىقىغا ماھكۈم بولدى ۋە جىمىدى . مەن يەنە ئازاپلىق خىياللار بىلەن پۇچىلنىپ ياتاتتىم .
غىژژژژژژژىدە قىلغان ئاۋازدىن چۈچىگىنىمچە تىلفۇنىمغا قارىدىم . ئۇچۇر كەپتۇ . . .
- كەچۈر ! - ناتونۇش نۇمۇر بولسىمۇ ، بۇ بىرلا خەتلىك ئۇچۇرنى كىمنىڭ يوللىغىنىنى بىلىش تامامەن مومكىن ئىدى . . .
- نىمىگە ؟ - مەنمۇ بىرلا خەت قايتۇردۇم .
-ئالىيە بىر ياتاقدىشىم بىلەن بىر يۇرتلۇقكەنسىز دەپ ماڭا دىگەن لىكىن سەن ئىكەنلىكىڭنى ئۇقماپتىمەن . . .
-مەنمۇ سىزنىڭ ئىسمىڭىزنى ئەخمەتكە يۆتكىۋالغىنىڭىزنى ئۇقماپتىمەن .
- QQدا كىم راسىت ئىسمىنى دەيدۇ ؟ يەنە شۇ پىتىم تۇرۇپسەن . . . دۆت - ئۇنىڭ بۇ گەپلىرى ماڭا شۇنداق بىمەنە تۇيۇلدى . نىمىدەپ ئۇچۇر قايتۇرۇشنىمۇ بىلمىدىم . ئۇنىڭغىچە ئۇ يەنە ئۇچۇر يازدى .
- ئۇخلاپ قالدىڭما ؟
-ياق ...
- ھە  ... ياتاقداشلىرىڭغا ئىككىمىزنىڭ ھىكايىسىنى سۆزلەپ بەردىم . ھەقىقى ئىسمىمنىمۇ دەپ بەردىم . - ئۇچۇرنى ئوقۇپلا باياتىن نىمىشقا ئالىيەدىن باشقا ھىچكىمنىڭ مەندىن گەپ سورىمىغىنىنىڭ ، ھەرقىتىم بىر يەرلەرگە بىرىپ كىلىپلا ھاياجانلىنىپ سۆزلەيدىغان ئىغىزلارنىڭ بۈگۈن نىمىشقا ئۈندىمىگىنىنىڭ تىگىگە يەتكەندەك بولدۇم ھەمدە ھازىرلا ئايخان پەتىۋا ئورنىدىن تۇرۇپ « ئاداش دىگىنىم راسىتمىكەن يە ؟ ئوغۇل بالا دىگەنچۇ ئۇنداق ئىشىنىدىغان نەرسە ئەمەس ،ئۇنىڭغا ئىشىنىمەن ئۇمۇ مىنى سۆيىدۇ ، اللە خالىسا ئىككىمىز يىقىن كەلگۈسىدە دىدارلىشىمىز ، ئۇ ئۆزى مىنى ئىزدەپ كىلىدۇ . مۇھەببىتىمىز ۋىسال تاپىدۇ دەۋاتمامتىڭ » دەيدىغاندەك يوتقاننىڭ ئىچىگە بىشىمنى پۈركەپ يىتىۋالدىم . ئۆزۈمچە يۈزۈم چۈشكەندەك سىزىپ نۇمۇس ھىس قىلىپ كىتىپ باراتتىم .
-قەلبىنۇر  ! گەپ قىلساڭچۇ جىنىم ... - شۇ تاپ خۇددى مەسىت بولۇپ قالغان ئادەمدەك ھىچنەرسىنى ئويلىيالمايىتتىم ، ئويلاشنىمۇ خالىمايىتتىم .
- يارى مەن ئۇخلاي . بەك چارچاپ كىتىپتىمەن .
ئەمما بىر كىچىنى ئۇيقۇسىز تاڭ ئاتقۇزدۇم . سۇئاللار چەكسىز جاۋاپلار تولىمۇ ئازاپلىق ئىدى .
جاھاننىڭ تارلىقى ھە ... توۋا خۇدايىم !

مۇخلىسە~

داۋامىنى     ساقلايمەن    بەك   ياخشى   داۋاملىشۋاتىدۇ......................

hankiz1225

ئارىدىن ھەپتە ئۆتۈپ مەن ئوخشاش بىر ۋاقىتتا ئۇنىڭدىن ھەم ئالىيەدىن بىر پارچىدىن ئىككى پارچە خەت تاپشۇرۇپ ئالدىم . ھىلىقى كۈندىكى ئىشتىن كىيىن ياتاقداشلىرىمدىن ئۆزۈمنى قاچۇرۇپ سەھەردە چىقىپ كىتىپ كەچتە ھەممەيلەن يىتىپ بولغاندا ياكى ياتاقنى تاقايدىغانغا ئاز قالغاندا كىرىپلا ياتاتتىم .نىمىشقا بۇنداق قىلىدىغىنىمنى ئۆزۈممۇ تازا بىلىپ كەتمىسەممۇ كۈتۈپخانىدا ئەسنەپ ئولتۇرۇپ ۋاقىت توشقۇزۇشنىڭ ئازابىغا چىداپ ئۇلارنىڭ كۆزىگە تىك قاراشتىن ئۆزۈمنى قاچۇرۇپ كەلدىم . ئۇ خاتىرىمۇ ئاللىبۇرۇن مەن ئۈچۈن شۇنچىلىك نۇمۇسلۇق نەرسىگە ئايلىنىپ قالغانىدىكى مەن ھەتتا ئۇنى ئۆز قولۇم بىلەن يىرتىپ ئاتايىن ئاپىرىپ ھاجەتخانىدىكى كىچىك ئەخلەت ساندۇقىغا تاشلىۋەتتىم . بۇنداق ھالەتتى قۇتۇلۇش ئۈچۈن  ياتاقدىشىمنىڭ نىمە ئويلاۋاتقىنى بىلىش زۈرۈر دەپ قارىغاچقا ئاۋال ئالىيەنىڭ ختىنى ئوقۇدۇم .
خەت مۇنداق يىزىلغانىدى : ئاداش قانداق ئەھۋالىڭ ؟ نەچچە كۈندىن بىرى سەندىن ئەھۋال سورىغۇدەك سەن بىلەن پاراڭلاشقۇدەك پۇرسەتمۇ بولمىدى شۇڭا خەت ئارقىلىق ئەھۋال سوراشقا مەجبۇر بولۇپ قالدىم . قولۇمغا قەلەم قەغەز ئىلىشتىن بالدۇر ساڭا نۇرغۇن گىپىم باردەك قىلغان خەتنى باشلاپلا نىمە دىيىشنى بىلمەي قىلىۋاتىمەن ...
ھەي ئادىشىم ساڭا نىمە دىسەم بولا ؟ مەن ساڭا ئوخشاش كىتاپخۇمار ئەمەس ، شۇڭىلاشقىمىكىن خەتنىمۇ تازا قاملاشتۇرۇپ يازالمايمەن . دەبدەبىلىك سۆزلەرنى قىلىپ ساڭا ھەم ئۆزۈمگە تەسەللىي بىرەلىشىممۇ ناتايىن شۇنداقتىمۇ بۇ خەتنى يازدىم .
ئاڭلا ئاداش مەيلى بۇرۇن نىمە بولغان بولسۇن ھازىر نىمە بولسۇن ھەم كىيىن نىمە ئىش يۈز بەرسۇن بىز ھامان ياخشى دوسىت . ھەرقانداق بىر ئىشنىڭ دوستلىقىمىزغا تەسىر كۆرسىتەلىشى ناتايىن . ھىچ بولمىسا مەن شۇنىڭغا ئىشىنىمەن : ھەرئىككىمىز دوسىتلۇق ئۈچۈن مۇھەببەتتىن كەچسەك كىچىمىز ، مۇھەببەتنى -بىر ئوغۇل بالىنى دەپ دوسىتىدىن يۈز ئۆرۈمەيمىز .
ھىلىھەم ئىسىمدە ئالىي مەكتەپكە يىڭى كەلگەن چاغ ، ھەربىي مەشىق ۋاقتىدا يىتەكچى بىزگە : ھەقىقى دوسىتنى بۇ ئۆمرىڭدە مۇنداق ئۈچ يەردىن تاپالايسەن ، بىرى تۈرمىدە ، بىرى ھەربىي
قىسىمدا ، يەنە بىرى مەكتەپتە ...دىگەنىدى . شۇ چاغدا بىز گەرچە ئەمدىلا تونۇشقان بولساقمۇ شۇ گەپ بىلەن تەڭ مەن قولۇڭنى چىڭ سىققانىدىم . ھازىر ئويلىسام مەن شۇ چاغدىلا مەن سىنى ئۆزۈمگە دوسىت قىلىپ تاللىغان ھەم سىنىڭ دوسىتلۇققا يارايدىغان قىز ئىكەنلىكىڭگە ئىشەنچ قىلغان ئىكەنمەن .
   يارمۇھەممەت ئىككىمىزنىڭ تونۇشۇش ، كۆرۈشۈش ، «مۇھەببەت باغلاش » جەريانىمىزنى ساڭا قايتا دەپ ئولتۇرمىساممۇ سەن بىلىسەن ئاداش . مەن ئۇنى ياخشى كۆرىمەن ياكى ياخشى كۆرمەيمەن دەپ ئىيتالمايمەن . ئەمما ئايان بولدىكى ئۇنىڭ ياخشى كۆرىدىغىنى سەن .مەن دەسلەپ ئۇنىڭ گەپكە ئۇستىلىقىغا قىزىقىپ كۆرۈشكەن بولسام كىيىنچە ئۇنىڭ قاملاشقان بەستىگە ، يىشىدىن ھالقىغان دەرىجىدىكى سالماق ئۆزىنى تۇتىۋالغانلىقىغا قاراپ مەندە ئۇنىڭغا نىسبەتەن قىزغىنلىق پەيدا بولدى . ئۇنى ھەتتا سىلەرگە ماخـتاپ رىۋايەتلاردىكى ئاق ئاتلىق شاھزادە قىلىپ كۆرسەتتىم ... ئۇنىڭ سەن كىچە -كۈندۈز ياد ئەتكەن سىغىنغان ، چىن دىلىڭدىن سۆيگەن يىگىت ئىكەنلىكىنى بىلگەندە بولسا ئۇنىڭ بىلەن كۆرۈشكەن تۇنجى ئاخشىمى نىمىشقا كۆڭۈلنىڭ كەينىگە كىرگەندىمەن نىمىشقا ئۇنى رەت قىلىپ قايتىپ كەلمىگەندىمەن ؟ دەپ قاتتىق پۇشايمان قىلدىم ...
سەندىن يوشۇرمايمەن ئاداش . ئىككى ئايدىن بىرى مەن ئۇنىڭ مىنى ياخشى كۆرمەيدىغىنىنى ،ھەتتا نەچچە يىل    يۈرگەن تەقدىردىمۇ   مەن بىلەن   توي قىلىش ئويىنىڭ ئۇنىڭدا پەيدا بولۇش ئىھتىماللىقىنىڭ يوقلىقىنى بىلىپ تۇرۇپ ئۇنىڭ كەينىدىن ماڭدىم .  مەن ئۇنىڭ سۆزمەنلىكىدىن ،قىزىقچىلىقىدىن ۋاقىتلىق خۇشاللىق ئىزدىدىم . ئۇمۇ ھەم ماڭا ئەزەلدىن سىزنى ياخشى كۆرىمەن دەپ باقمىغان . پەقەت بىر قىتىم «مەن سىزنىڭ نىمىڭىز ؟» دەپ سورىسام «قىز دوستۇم » دەپ جاۋاپ بەردى . مەن « مىنى ئالامسىز ؟ »« مىنى ياخشى كۆرەمسىز ؟» دىگەندەك سۇئاللارنى سورىيالمايىتتىم سوراشنىمۇ تازا خالاپ كەتمەيىتتىم ، جاۋابى ئۆزۈمگە ئايان چۈنكى مەن ئۇنىڭ قوينىغا قىز پىتىم كىرگەن ئەمەس .  ئۇ بولسا قوينىدا ياتقان قىزنى ھىچنىمەم ئەمەس دىيىشكە يۈزى چىدىماي ماڭا «سىز مىنىڭ قىز دوستۇم » دەپ جاۋاپ بەردى .
يەنە دەي ئۇ مىنى ياخشى كۆرمەيدۇ ، ياخشى كۆرۈشىمۇ مومكىن ئەمەس ، ئۇنداق بولىغىنىدا ئىدى ئۇ مەندىن ھەقىقى ئىسمىنى تاكى ھىلىقى كۈنى رىستۇراندا سىنى كۆرگۈچە يوشۇرمىغان بولاتتى
مەن ئالدىڭدا نۇمۇسنى قايرىپ قويۇپ ساڭا بۇ گەپلەرنى دەۋاتىمەن . مەيلى ... ئەمدى يوشۇرغۇدەك ھىچ يىرى قالمىدى ... مىنى ياراتمىساڭمۇ ، مىنى پەس كۆرسەڭمۇ مەيلى . مەن پەقەت ھەممىلا ئادەم قاراپلا بىلەلەيدىغان « مەخپىيەتلىك »ىمنى ساڭا ئۆز ئىغىزىم بىلەن دەپ ئازراق يىنىكلەپ قالدىم . سەن جىق ئىش كۆرمىگەچكە جىق ئويلاپ كەتمىگەن بىلەن باشقىلار يۈرۈش تۇرۇشۇمغا ، قىلغان قىلىقلىرىمغا ، ماڭغان يوللۇرۇمغا قاراپ مىنىڭ قانداق قىز بالا ئىكەنلىكىمنى بىلگەندۇ ؟ خەخنىڭ كۆزى قارىغۇ ئەمەستۇ ؟ ئەلنىڭ كۆزى ئەللىك دەپتىكەن ... ماڭغان يولۇمنىڭ ئەگرىلىكىنىڭ جازاسى سۈپىتىدە بىلىپ - بىلمەي دوستۇمنىڭ سۆيگىنىنى بىلەن ... ھەي ! خۇدايىم يەنە ماڭا قانداق كۈنلىرىنى كۆرسىتىش ئۈچۈن تەييارلاپ قويدىكىن ؟ خەيىر تەقدىرنىڭ بۇ كۈنلىرىگىمۇ شۈكرى ...
گەرچە سالاھىيتىم توشمىسىمۇ سەندىن بىر ئىشنى ئۆتۈنەي . يارمۇھەممەتتىن ئاغرىنما ! ھەرقانداق بىر ئوغۇل بالىنىڭ ۋاقىتلىق ھىسياتنىڭ كەينىگە كىرىپ قىلىشى تەبئىي ئەھۋال ، ئىنسان دىگەن ئازىدۇ . شەخسەن مەنمۇ ئارزۇلاپ سۆيگەن ئادىمىمنىڭ   بەش مىنۇتلۇق ھىسياتىنىڭ قۇلى بولغانمەن . ئۇمۇ مىنى ياخشى كۆرمەيىتتى . يارمۇھەممەتنىڭ ئەكىسچە ئۇ ماڭا سىز مىنىڭ ھىچنىمەم ئەمەس . بىز پەقەت بىللە ياتتۇق دىگەن ... مەن شۇ چاغدىلا ئەرلەرنىڭ نەقەدەر رەھىمسىزلىكىنى تونۇپ يەتكەنىدىم . مەن ئايالى بار ئەرنى سۆيۈپ قالغان ... ياق ...ياق ... ئۇنىڭ مەرتلىكى مىنى ئۆزىگە مايىل قىلغان ، ئۇنىڭ ماڭا خەجلىگەن پۇلى ماڭا تاشلىغان يەمچۈكى ، مەن بولسام قارماققا ئىلىنغان بىلىق . بىشىمدىن ئۆتكەن قىسمەتلەرنى ساڭا مۇشۇنچىلىك دەي جىنىم ئاداش . ھەممىسى ئويلىغانسىرى يۈرەكنى ئاغرىتىدىغان ئاچچىق ئەسلىمىلەر . ئەرلەرنىڭ بىر ئايال بىلەن بىللە يىتىشى مۇھەببەتتىن دىرەك بەرمەيدۇ ، شۇڭا مەن ھەرقانداق بىر ئەر مەڭگۈ ئۆز ھاۋايى -ھەۋىسىنىڭ قۇلى دەپ جاكارلايمەن . ھىچقانداق ئەر ئالىيجاناپ ئەمەس ، ھىچقانداق ئەر پەسكەشمۇ ئەمەس ، بەزىلىرىنىڭ جىنايەتكار قوللىرىنىڭ مەلۇم بىر ئايالغا تىكىلگىننى بىز بىلىپ قالىمىز بەزىلىرىنى كۆرەلمەيمىز . پەرق ئۇلارنىڭ قانچىلىك يوشۇرالىغىنىدا خالاس ... پەقەت يوشۇرالىغانلالا بىزنىڭ نەزىرىمىزدە ئالىيجاناپ پاك ئىسىل ئەركەك ... بىر ئايالنىڭ ئۆزىنى بەخىتلىك ھىس قىلىش -قىلماسلىقىمۇ ئۇنىڭ قانچىلىك ئالدانغانلىقىدا . ئىرىڭ ياكى سۆيگۈنىڭ تەبىيتىدىكى پەسلىكنى ، سىرتتا قىلىپ يۈرگەن  ئىشلىرىنى سەندىن يوشۇرالىسا بەخىتلىكسەن ، يوشۇرالمىسا ياكى سەن بىلىپ قالساڭ ، سىنى ئالدىيالمىسا بەخىتسىزسەن . شۇڭا خۇشال ياشاي ، ئۆزۈمنى بەخىتلىك سىزەي دىسەڭ بەزى ئىشلارنى بەك زىغىرلاپ كەتمە ... سەن قانچە دۆت بولغانسىرى سىنىڭ ئۆزۈڭنىڭ بەخىتلىك سىزىشىڭ شۈنچە ئۇزاق داۋاملىشىدۇ ...
سىنىڭ ئۇنىڭغا بولغان مۇھەببىتىڭنىڭ ساپ -پاك مۇھەببەت ئىكەنلىكىنى مەن بىلىمەن ، ئۇمۇ سىنى سۆيىدىغىنىنى دىدى . قالغىنى خۇدايىمنىڭ ئۆزىگە ئامانەت . اللە ئىگەم بەختىڭلارنى بەرسۇن ...
ساڭا چىن دىلىدىن بەخىت تىلەپ شۇنداقلا سەن بىلەن بۇرۇنقىدەك خۇشال كۈلۈشنى ئارمان قىلىپ
دوستۇڭ : ئالىيە

hankiz1225

مەن خەتنى ئوقۇپ بولۇپ نىمىنى ئويلىدىم نىمىنى ئويلىمىدىم ئۇقمايمەن ، پەقەت ئايخان پەتىۋانىڭ بىر چاغلاردا ＱＱدا ماڭا دىگەن گەپلىرىنى يادىمغا ئالغاندەك قىلدىم ، ئالىيە ئىككىسىنىڭ ئەرلەرگە بولغان كۆز قارشىنىڭ نەقەدەر ئوخشايدىغىنىنى ئاز -تولا چۈشەنگەندەكمۇ بولدۇم ئەمما چۈشەنمىگىنىم ھەرئىككىسى تەڭلا ماڭا ئۆز قارشىنى تىڭىۋاتاتتى ...
يارىنىڭ خىتىنى ئۇزاق تۇتۇپ ئولتۇرغاندىن كىيىن ، ئاستا خەتنى ئىچىپ ئوقۇشقا باشلىدىم .
مەندىن رەنجىمەڭ جىنىم رىسالەت . - خەتنىڭ ماڭا ياكى باشقا بىرسىگە يىزىلغىنىدىن گۇمان قىلىپ قالدىم ، شۇنداقتىمۇ ياتىقىمىزدا ئۇنداق ئىسىملىك بىرسى بولمىسا...-ئەسلى ئۆز ئىسمىڭنى يازسام بولاتتى ، بىراق گۇناھكار قولۇم بىلەن نامىڭنى يىزىشقا يۈزۈم چىدىمىدى . شۇڭا تۇرسۇنجان نۇرمۇھەممەتنىڭ «ھىجران» ناملىق رومانىدىكى شۇ بىر جۈملە سۆزنى ئاپتۇرنىڭ رۇخسىتىسىزلا ئىشلىتىپ تۇردۇم . سىەنمۇ  كىتابتىكى قىزدەكلا ماڭا « سالام سۆيۈملۈكۈم سۇلايمان » دىگەندەك نۇرغۇن جاۋاپسىز خەتلەرنى قالدۇردۇڭ . شۇڭا سىاڭا ماھىن دىن باشقايەنە  بىر ئىسىمنى قويۇپ قويدۇم ... نىمىشقىكىن سىنى قانداقتۇر بىر كىتابلاردىكى پىرسۇناژلارنىڭ ئىسىمىدە چاقىرىشنى سىزنى ئۇلارغا ئوخشىتىشنى ياخشى كۆرىمەن . . .
ساڭا  بۇرۇن ئىيىتقاندەك سىزگە بولغان مۇھەببىتىم مىنىڭ بالىلىق دەۋرىمدىن باشلانغان . سىزنى قاچاندىن باشلاپ سۆيۈپ قالغىنىمنى قانچىلىك سۆيىدىغانلىقىمنى ئۆزۈممۇ ئۇقمايمەن . پەقەت سەن  يىنىمدا بولمىغان كۈنلەردە يۈرىكىمنىڭ بىر يەرلىرىنىڭ چەكسىز غىرىبلىق ئىچىدە قىينىلدىغىنىنى بىلىمەن . مەن شۇ غىرىبلىقىمغا داۋا ، ئازابىمغا مەلھەم ئىزدىدىم .

hankiz1225

مۇخلىسە~ يوللىغان ۋاقتى  2014-4-15 18:30
ۋاھ    بۇ   ئەسەرنىڭ   داۋامىنى   بەك   ساقلاپ  كەتكەن    ئىد ...

رەھمەت جىنىم . سۆزلىرىڭىز ماڭا ئىلھام بولدى ... لىكىن سىزنى نائۈمىددە قويىدىغان بولدۇم . بۈگۈن پەقەت مۈشۈنچىلىكلا يوللىيالايدىغان بولدۇم ...