تۈگۈلگەن غۇنچە(توردا يېزىلىۋاتقان ئەسەر)

hankiz1225

يارى ...  ياخشى كۆرۈش ،سۆيگۈ مۇھەببەت  ئۈچۈن تەبىر يىزىشقا قەلىمىم ئاجىزلىق قىلىدۇ . بەلكىم ئۇ بىر خىل ئۇزاق مەزگىل بىللە يۈرگەنلىكتىن پەيدا بولغان  كۆنۈپ قىلىش تۇيغۇسىنىڭ  تەرەققى قىلىپ مەلۇم بىر باسقۇچقا يەتكەنلىكىنىڭ مەھسۇلىدۇر .
سىاڭا كۆنۈپ ،سىنى ياخشى كۆرۈپ -ئۆزۈم ياشاۋاتقان كاپىتالىستىك دۆلەتتىكى پومىشچىكتىن  ئۆز يىرىمگە -ئۆز يۈرىكىمگە ئۆزۈم ئىگە بولۇشنى تەلەپ قىلىپ ئۇنىڭ غەزىپىگە ئۇچرىدىم ... بەلكىم مەن قۇل بولۇپ تۇغۇلغان ئىكەنمەن قۇل بولۇپ ئۆلۈپ كىتىشىم ،مەڭگۈ رايىش بولۇشۇم كىرەكتۇ ؟ بەلكىم زالىم بولسىمۇ بىشىمنى سىلاپ ماڭا ئانچە -مۇنچە  خەيرىخاخلىق قىلغان پومىشچىكقا يۈز كىلەلمەيدىغاندىمەن . ئۇ مىنىڭ يىرىمنى ئىگىلىۋالغان بىلەن مىنى ئۆزىگە قۇل قىلىش ھىسابىغا ئۆلۈپ قالماي ئۆزىگە داۋاملىق ئىشلەپ بىرىشىم ئۈچۈن ماڭا تالاي تاياق ،تىل -تىپىكلىرىگە ئارلاشتۇرۇپ  ئاش ،نان يەنە سۇ بەرگەن ئەمەسمىدى ؟ «بىشىڭنى كىم سىلىسا ماشايىخىڭ شۇ !»دەپتىكەن كونىلار . ھىساپتا ئۇ مىنىڭ بىشىمنى سىلىغان ...
يارى !بىلەمسەن ؟ شۇ تاپتا مەن تەسەللىگە مۇھتاج.ئەپسۇسكى يىنىمدا ماڭا تەسەللىي بەرگۈدەك ،قىيىنچىلىقنى يىڭىشكە ئىلھاملاندۇرغۇدەك ھىچكىمىم يوق ...ئائىلەمدىكىلەرگە قىيداپ قالدىم .بىرەر ئىشتىن كۆڭلۈم رەنجىپ ئەمەس ،تاپشۇرۇق ئىشلىمىگەن ئوقۇغۇچىدە
ك گۇناھكارلارچە تۇيغۇدا ئازراق ھودۇقۇپ ،ھەممىگە تەڭ باتناپ ،قىيداپ قالدىم. كۆڭلۈم شۇنداق يىرىم .تاماقمۇ يىمەي ياتاق ئۆيۈمگە كىرىۋىلىپ بۇ خاتىرىگە جاۋابسىز خەتلەرنى يىزىپ ئولتۇرۇپتىمەن . مەن ئاستا -ئاستا كۆپ سانىلىقنى ئىگەللەيدىغان دەرىستە يا ئالدىنقى قاتاردا يا كەينىدە قالغان سانالمايدىغان ئوقۇغۇچىلار قاتارىغا قوشۇلۇپ كىتىپ بارىمەن ...شۈنچە تىرىشقاندەك قىلساممۇ پەقەت نەتىجىسى كۆرۈلمەيۋاتىدۇ . ماڭا كىچىكىپ بولسىمۇ مىھرىبانلىق يەتكۈزۋاتقان قىرىنداشلىرىم ئالدىدا مەن پەقەت ياخشى ئىش قىلمايۋاتقىنىمنى بىلىمەن .يىغلىغۇم بار لىكىن يىغلىغۇدەك بىرەر سەۋەب تاپالماي قىينىلىپ كىتىۋاتىمەن .مۇشۇنداق چاغدا پومىشچىك كىرىپ «دەرىسكە قارىماي ،نىمە قىلىۋاتىسەن ؟»دەپ نەچچە ئىغىز تىللاپ قويسىچۇ -ھە ؟ ئەگەر راستىنلا شۇنداق بولغان بولسا مەن تازا يىغلاپ ئىچىمنى بوشىتىۋالغان بولاتتىم ...
قىرىشقاندەك بۈگۈن يىنىمغا ھىچكىم كىرمىدى ...  


يارى ! تولۇقسىز ئوتتۇرا مەكتەپنىڭ ئىككىنجى يىللىقىدا ئەدەبىيات كۇرژۇكىنىڭ مەسئۇل مۇئەللىمى «مىنىڭ دادام »تىمىسىدا ماقالە يىزىش تاپشۇرقىنى ئورۇنلاشتۇرغاندا  مىنىڭ «ئەگەر كۈنلەرنىڭ  بىرىدە دادام تۇيۇقسىز مىنى ئىزدەپ كەلسە ...» دەپ ماۋزۇ قويۇپ يازغان ماقالەم يادىڭدىمۇ ؟
  ئەگەر كۈنلەرنىڭ بىرىدە دادام تۇيۇقسىز مىنى ئىزدەپ كەلسە مەن ئۇنى ھەرگىزمۇ دادا دەپ چاقىرمايمەن .چۈنكى ئۇ مىنى ئەزەلدىن بالام دەپ چاقىرىپ باقمىغان .
ئەگەر كۈنلەرنىڭ بىرىدە دادام تۇيۇقسىز مىنى ئىزدەپ كەلسە مەن ئۇنىڭغا مىنى باغرىغا بىسىش پۇرسىتىنى بەرمەيمەن ،چۈنكى ئۇ مىنى بىر قىتىممۇ قۇچىقىغا ئىلىپ كۆتۈرۈپ ئەركىلىتىپ باقمىغان .
ئەگەر كۈنلەرنىڭ بىرىدە دادام تۇيۇقسىز مىنى ئىزدەپ كەلسە مەن ئۇنىڭغا ئاچچىق سۆزلەرنى قىلمايمەن ،ئەكىسچە ئۇنىڭدىن مۇلايىم ئەھۋال سوراپ ،ئۆز پەرزەنتىنىڭ ئۇنىڭ تەربىيسىنى ئالمايمۇ ،ئۇنىڭ مىھرىسىزمۇ
قانچىلىك ياخشى چوڭ بولغانلىقىنى  كۆرسىتىپ قويىمەن .
ئەگەر كۈنلەرنىڭ بىرىدە دادام تۇيۇقسىز مىنى ئىزدەپ كەلسە شۇ كۈندىن باشلاپ پەرزەنىتلىك بۇرچۇمنى ئادا قىلىدىغانلىقىمنى ،كىيىنكى كۈنلەردە ئۇنىڭ ياشانغاندا كۈتۈنۈش خىراجىتىنى بىرىدىغانلىقىمنى ئىيتىپ ئۇنىڭغا نىمىنىڭ  مەسئۇلىيەت ،مەجبۇرىيەت ئىكەنلىكىنى چۈشەندۈرۈپ قويىمەن .ئەگەر ئۇنداق قىلمىسام مەن ئۆچلۈك قىلغان ،نەپرەتلەنگەن ئادەمدىن يەنى ئۇنىڭدىن نىمە پەرقىم ؟
ئەگەر كۈنلەرنىڭ بىرىدە دادام تۇيۇقسىز مىنى ئىزدەپ كەلسە مەن ئۇنىڭغا بارلىق مىھرىم بىلەن كۆڭۈل بۆلىمەن .مەن زەھەردەك سۆزلەرنى ياغدۇرسام ،ئۇنى ھاقارەت قىلسام  بەلكىم ئۇ ئۆزىنى  يىنىكلەپ قالغاندەك سىزىشى ،ئۆزىنىڭ مەسئۇلىيەتسىزلىكى ئۈچۈن بەدەل تۆلىگەندەك سىزىپ  ۋىجدان ئازابىدىن ئازراق بولسىمۇ قۇتۇلىشى مومكىن ،مەن ئۇنىڭغا ئۇنداق پۇرسەتنى بەرمەيمەن  ...
شۇ قۇرلار كىچىك يۈرىكىمدىن ئەكىس ئەتكەن چىن ھەقىقى سۆزلەر ئىدى . بۇنى سەن بىلىسەن يارى ...
بۈگۈن ئۇ مىنى ئىزدىدى . شۇنداق تۇيۇقسىز ...
بىر ۋاخ تاماق ! بىر تەخسە توخۇ گۆشى قوردىقى ! بەلكىم بىر پارچە توخۇ گۆشىىدۇر !
گۇيا مەن قورداقنى  ئەمەس ،قورداق  مىنى يۇتۇۋاتقاندەك ...
ئانا ،بالا ،دادا ... يارى ، بۇ ئۈچ سۆزنى سىزىقچە بىلەن ئەمەس بەلكى پەش بىلەن ئايرىپ يازغىنىمغا دىققەت قىلىۋاتامسەن ؟ دىققەت قىلغان بولساڭ سەۋەبىنى سورىشىڭ چوقۇم . چۈنكى بۇ ئۈچ خەت ئارىسىدا دۇنيانىڭ ھەر قانداق يىرىدە باغلىنىشى بولىشى مومكىن لىكىن بۇ يەردە يوق .  
ئۈچ ئادەم بىر داستىخاندا جەم . 16يىللىق ھاياتىمدا بىرىنجى قىتىم ! «بىر ئائىلە كىشىلىرى » بىللە ئولتۇرۇپ تاماق يىيىش پۇرسىتىگە ئىرىشتىم ...
ئۇلارنىڭ ئۆز-ئارا قىلىشقان تەنە گەپلىرىنى قايتا يادىمغا ئالغۇم ،ساڭا ئىيتىپ يۈرگۈممۇ يوق ...
قىسقىسى بىر ۋاخ تاماق ماڭا ئىككى ئادەمنىڭ تەربىيە قىلىشى بىلەن يىيلىپ تۈگىدى .تەسەۋۇرۇمدىكىدەك  ئارىمىزدا  ئوڭايسىزلىنىش ،كەچۈرۈم سوراشلار بولمىدى .ئۇ مىنى كىنولاردىكى ئۇزاق يىل تاشلىۋەتكەن پەرزەنتى بىلەن يۈز كۆرۈشكەن ئاتىلاردەك يىغلاپ تۇرۇپ باغرىغا تارىتمىدى  .
شۇ تاپتا تەسۇرۇمغا سىغمايۋاتقىنى ئۇلارنىڭ خۇددى دىيشىۋالغاندەك مىنى  گەپ ئارلىقىدا «ئۇكام »دەپ قىلىشى ...
مەن ئۆز -ئۆزۈمنى مەڭگۈ ئۇ ئادەمنى دادا دەپ چاقىرماسلىق توغرىسىدا يەنە بىر قىتىم ئاگاھلاندۇرۇپ ئۇ تەڭلىگەن پۇلنىمۇ ئالماي قايتىپ كەلدىم ... شۇ تاپتا ئۆزۈمنى بۇ دۇنياغا ئارتۇق تۆرىلىپ قالغاندەك تولىمۇ بىچارە ھىس قىلىۋاتىمەن .
بىر ئادەمنىڭ ئۆز -ئۆزىنى بىچارە ھىس قىلىشى ،باشقىلار تەرىپىدىن بىچارە قارىلىشتىنمۇ ئۆتە ئازاپلىق ! يارى ...سەندىن ئۆتۈنەي ،مىنى چۈشلىرىڭدە بولسىمۇ باغرىڭغا مەھكەم باسقىن ،ماڭا « دۇنيادا ھىچكىم سىنى كىرەك قىلمىسىمۇ مەن كىرەك قىلىمەن ...سەن ھەرگىزمۇ ئارتۇقچە ئادەم ئەمەس » دىگىن ...

hankiz1225

                                                       تۇغۇلمىقىم ،ياشىشىم پەقەت سەن ئۈچۈن،
                                                       سىنىڭسىز نەھاجەت ھايات مەن ئۈچۈن .
                                                        كەچ دەيدۇ بەزىلەر بۇ ئەقىدەمدىن ،
                                                       بۇنىڭدىن مىڭ ئەۋزەل ئۆلۈم مەن ئۈچۈن .

يارى ،بۇگۈن مەن بىر ساۋاقدىشىمنىڭ خاتىرىسىدىن بۇ بىر كۇپلىت مۇھەببەت شىئىرىنى كۆرۈپ ساڭا ئىيتىپ بىرىش ئۈچۈن يادلىۋالدىم . ئەپسۇس ! ساڭا مۇشۇ خاتىرە - ئۆزۈمنىڭ ھىس تۇيغۇم ،خىيالىي دۇنيارىم ئارقىلىقلا ئىيتىپ بىرەلەيدىغان بولدۇم .كىتاب ئوقۇشقا ھىرىسمەنلىكىڭنى بىلىمەن ، بەلكىم مەن ئاپتۇرىنىمۇ بىلمەي يادلىۋالغان بۇ شىئىرنى قايسىبىر كىتابلاردىن ،ياكى مەندەك بىر كىملەرنىڭ خاتىرىسىدىن كۆرۈپ بولغانسەن . ئوقۇغان بولساڭ مەن بىلەن ئوخشاش ھىسياتتا بولغانسەنمۇ ؟مىنى سىغىنىپ كۆزلىرىڭگە ياش ئىلىپ، دىمىغىڭ ئىچىشىپ تۇرغىنىدا ئەتراپتىكىلەرنىڭ مەنىلىك قارىشىدىن ئۆزۈڭگە كىلىپ زورىغا كۆلۈمسىرەشكە مەجبۇر بولغانسەنمۇ ؟ راسىتىنلا شۇنداق بولسا بىز ئوخشىمىغان يەردە ئوخشاش بىر شىئرنى ئوقۇپ ئوخشاش ھىسياتتا بولغاندىمىزمۇ ؟ بۇنداق بولۇشىنى كىم مومكىن ئەمەس دەيدۇ ؟كىنولاردا ،كىتاب-داستانلاردا داۋاملىق دىگۈدەك ئاشىق -مەشۇقلارنىڭ ئىككى يەردە تۇرۇپ ئوخشاش ۋاقىتتا ئايغا قاراپ بىر-بىرىنى ئەسلىگەن كۆرۈنىشلىرى چىقىپ تۇرىدىغۇ ؟ ياشاشنىڭ ئۆزى -تۇرمۇش سەھنىسىدە رول ئىلىش دەيدىكەن ،شۇنداق بولغاندا ئالەملەرنىڭ پەرۋەردىگارىنى سىنارىسىتقا مىسال قىلىش مومكىن ،مەن ئۇنىڭدىن بىز رول ئالغان بۇ تىلىۋىزىيە تىياتىرىدا شۇنداق بىر كۆرنۈشنى يازغان بولۇشىنى تىلەيمەن . گەرچە مەن بۇ كۆرنۈشتىن ئىكران ئالدىدا تۇرۇپ ھوزۇرلىنالمىساممۇ ...
يارى ،مەن بىز تۇرمۇش سەھنىسىدە تىلىۋىزىيە تىياتىرىدا رول ئىلىۋاتىمىز دەپ توغرا ئىيىتقاندىمەن -ھە ؟ مەن نۇرغۇن ئادەملەر بىلەن ئىنتايىن قىسقا ئىتوت ،ئىپىزوتلاردا ،قىسقا فىلىملەردە ھەمكارلىشىپ رول ئىلىشىم مومكىن ،سەنمۇ شۇ . لىكىن مەن ئىككىمىز بىرلىكتە رول ئالغان بۇ فىلىمنىڭ ھازىرقى ئەڭ ئالقىشقا ئىرىشىۋاتقان كورىيەنىڭ كۆپ قىسىملىق تىلىۋىزىيە تىياتىرىدەك ئۇزاققا -ئۆمرۈمنىڭ ئاخىرىغىچە سوزۇلىشىنى ،ھەم بۇ فىلىمدە مەن توي كۆينىكى كىيىپ سىنىڭ يىنىڭدا ئولتۇرغان ھەممە بىز ئۈچۈن دۇئاغا قول كۆتۈرگەن كۆرنۈشلەرنىڭ بولۇشىنى سىنارىسىتتىن كۆز ياشلىرىمنى ئىقىتىپ تۇرۇپ ،ئاچلىقتىن نىم جان بولۇپ قالغان كىشى بىر كىملەردىن بىر بۇردا نان تىلىگەن كەبى بىچارىلەرچە تىلەيمەن .


سىنى ئەسلەش ،سەن بىلەن خىيالەن سىردىشىش تۇرمۇشۇمنىڭ بىردىنبىر مەزمۇنى بولۇپ قالغان مۇشۇ كۈنلەردە مەن بىزنىڭ توي كۈنىمىزنى نەچچە رەت تەسەۋۇر قىلىپ باقتىم بىلمەيمەن . بىلىدىغىنىم شۇ كۈننى تاقەتسىزلىك بىلەن كۈتىۋاتقىنىم ... بەلكىم ئۇنىڭغا ئاز دىگەندىمۇ سەككىز ئون يىل كىتەر .
قىزلارنىڭ ھەممىسى مۇھەببەتكە بىرىلگەندە شۇنداق بىر ئىشلارنى خىيال قىلىشقا ئامراق بولۇپ قالامدۇ ياكى كىتابنى بەك كۆپ ئوقۇپ كەتتىممۇ ئىشقىلىپ نەچچە كۈن بولدى خىيالىمدا شۇ تويۇمدا ياۋرۇپاچە توي كۆڭلىكى كىيىمەي ،ئەتلەستىن چىرايلىق كۆڭلەك تىككۈزۈپ كىيىمەن ،چىچىمنى ئۇششاق ئۆرۈپ بىشىمغا گۈل چەمبىرەك تاقايمەن  .مومكىن بولسا ئات ھارۋىسىدا يۆتكىسە -ھە ... دىگەندەك ساپلا خىلى زامانلاردىن كىيىن بولىدىغان شۇ توينىڭ خىيالى . ئەگەر راسىتىنلا بۇ چۈشلەر رىئاللىققا ئايلانسا مەن ئۆز قولۇم بىلەن ساڭا دوپپا ،كانۋار كۆينەك تىكىپ بەرگەن بولاتتىم . بىز تويدىن كىيىن ئۇ كىيىملەرنى چىرايلىق قاتلاپ ئىشكاپقا سىلىپ ساقلاپ قويساق كىيىن باللىرىمىز تويىدا كىيسە . ھازىر يۇرت تەرەپلەردە تويدا ئىلكتۇرۇنلۇق چالغۇلارنى چىلىش مودا بولۇپ كەتتى . نىمىشقىكىن مەن يەنەلا ئەنئەنىۋى ساز چالغاننى ياخشى كۆرىمەن . سەنمۇ شۇغۇ -ھە ؟!
پۈتۈنلەي ساراڭنىڭ خىيالىنى سۈرىۋاتقىنىمنى بىلىپ تۇرۇپتىمەن . لىكىن شۇ خىياللار بىلەن ھىجران ۋەھىمىسىنى يىڭىشتىن ئۆزگە چارەم يوق مىنىڭ .


يارى .بۇ تەتىلمۇ توشاي دىدى .سەن يۇتقا قايتىپ كەلمىدىڭمۇ ياكى ...  
  بىر كەلسەڭ ئىدى ،ئالدىنقى قىتىمقىدەك ھىچنىمىگە قارىماي موتۇسىكىلىتڭنىڭ كەينىدە ئولتۇرغان بولاتتىم . بىر كەلسەك ئىدى ،بىر كۆرۈشۈش ھىسابىغا تاياق تىپىكلەرنىڭ زەربىسىدىن ئۆلۈپ كىتىدىغان ئىش بولسىمۇ تەۋەككۈل قىلغان بولاتتىم .تاياق ئۇنتۇلۇپ كەتتىغۇ مانا ؟ئۇنتۇلمايۋاتقىنى  سەن بىلەن بىللە ئۆتكۈزگەن شىرىن دەملەر ...؟بۇ ئازاپلىق كۈنلەردە ماڭا ھەمرا بولۇۋاتقىنىمۇ شۇ  .
مىنى چىڭ قۇچاقلا يارى ! باغرىم ساڭا زار ،مىھرىم ساڭا تەشنا ... رىئاللىق دىدارلىشىشقا ئىمكان بەرمىسە بەرمىسۇن .كىم دەيدۇ خىيالمۇ ،كۆڭۈلمۇ ئۇنىڭ ئىلكىدە دەپ ؟
مىنى ئۆز سەزگۈلىرىڭ ،خىياللىرىڭ ئارقىلىق چىڭ قۇچاقلا ... بۇنى خۇدادىن باشقا ھىچكىم ،ھىچنىمە كونترول قىلالمايدۇ ،ئۇ پەقەت ساڭىلا بوي سۇنىدۇ ،چىن يۈرىكىڭدىن ئەكىس ئىتىۋاتقان  نىدالىرىڭنى تىڭشاپ ،كۆڭلۈڭنىڭ رايى بويىچە ماڭىدىغان يەنە نىمەڭ، كىمىڭ بار ئىدى سىنىڭ ...
سىنى ساددىلارچە ،ياق ساراڭلارچە ياخشى كۆرىمەن يارى .
چۈشلىرىمگە بولسىمۇ كىر . ئاشۇ مەڭگۈ يەتكىلى بولمايدىغان ئالۋۇنغا ئوخشاش رىئاللىقتىن ھالقىغان دۇنيارىمدا سىنى  غۇۋا بولسىمۇ بىر قىتىم كۆرۈۋالاي ...نەپەسلىرىڭنى ئاڭلىيالمىساممۇ ،مەيدەڭگە باش قويۇپ ئۈن سىلىپ يىغلىيالمىساممۇ ،لەۋلىرىڭگە يىقىنلىشالمىساممۇ ... مەن رازى بولاي ! شۇ چۈشنىڭ رىئاللىققا ئايلىنىشىنى كۈتەي . سەنمۇ كۈت ،بىز بىللە كۈتەيلى .  

erkeuyghur

بوتاكۆز ھەقىي سالاھىيەتلىك ئەزا

داۋامىنى داۋاملىق كۈتىمىز....

zulkarnayin

بۇنىڭ دىن كىنمۇ ياخشى ئەسەرلەرنڭ  كوپەرەك يىزش ئۇچۇن تىرىش   دۇستۇم

hankiz1225

  مەن بارلىق كۆڭۈلسىزلىكلەرنى كۈلكەم ئىچىگە يوشۇرۇپ ئۆتكەن مۇشۇ كۈنلەردە سەن نەدە ؟ كىملەرگە دوسىت كىملەرگە غەمخانە بولغانسەن -ھە ؟ مىنى مەن سىغىنغاننىڭ يۈزدىن بىرىچىلىك سىغىنغان بولساڭ يەنە بىر قىتىم تەۋەككۈل قىلىپ مىنى ئىزدەپ كەلسەڭكەن ،شۇ بىر كۆرۈشۈش بەدىلىگە ھەر نىمە بولۇپ كەتسەممۇ رازى ئىدىم ...
شۇ تاپتا بىر چاغلاردا ئىككىمىز بىرلىكتە يادلىۋالغان موللا بىلالنىڭ  شىئىرى يادىمغا كىلىۋا
تىدۇ ...


جەھىد ئەيلەپ ئەي سابا بىر نامە كەلتۈرگىل ماڭا ،
ئول پەرىۋەش نەزدىدىن پەيغامە كەلتۈرگىل ماڭا .

غۇنچە بويلۇق يارنىڭ  باسقان ئىزىدىن بىر سىقىم ،
بۇ كۆزۈمگە سۈرگىلى توھغانە كەلتۈرگىل ماڭا .

تارەئى موينى كەلتۈر ئەيلەيىن تەئۋىزگە باغ ،
يا ئۆزۈڭ بىلگەنچە بىر يادنامە كەلتۈرگىل ماڭا .

ياكى مەي كەلتۈر بۇ دەردىمغە دەۋا بولغاي دەمى ،
ئىشقىدا بىسىقتۇرغالى پەيمانە كەلتۈرگىل ماڭا .

يالبارىپ بادىى سەباغە بۇ بىلالى دەردئىلە ،
يىغلاپ ئەيتۇر  قىسسەئى جانانە كەلتۈرگىل ماڭا .

يادىڭغا كەلگەندۇ ؟ بىز بۇ شىئىرنى زوردۇن سابىرنىڭ «ئىزدىنىش »ناملىق رومانىدىن ئوقۇپ شىئىرنىڭ تىلىنى ئىنتايىن گۈرەلكەن دەپ تەرىپلىگەن ھەمدە يادلىۋالغان ئىدۇق . يادلاش جەريانىدا بۇ شىئىرنى قانچە
قىتىملاپ ئوقۇغىنىمنى ساناپ بولالمايمەن ،ئەمما ھىچقاچان بۇگۈنكىدەك چۈشەنمىگەنكەنمەن .
ئاپتۇرمۇ ئۆزى سۆيگەن ئادەم بىلەن دىدارلىشىش ،سىردىشىش ھوقۇقىدىن  بىزگە ئوخشاشلا مەھرۇم بولغان بولغىيمىتىكىن ؟ شۇڭا ئۆز يارىنىڭ باسقان ئىزىدىن بىر سىقىم كۆزلىرىگە سۈرتۈشنى ئارمان قىلغانمىكىن ؟شۇ ۋەجىدىن پەلەككە مۇناجات قىلىپ ئاھ ئۇرغانمىكىن ؟ ئۇنىڭ مىڭ يىللاردىن بىرى تىنەپ يۈرگەن كۆڭلى بۈگۈنكى كۈندە  مىنىڭ يۈرىكىمگە ئۇۋا ياسىۋالغانمىكىن ؟ چەكسىز ئازاپ ھىس قىلىۋاتىمەن يارى ...

hankiz1225

يارى ھەربىر كۈننىڭ ئۆتۈشى بەك تەس بەك تەس ! ماڭا سەنسىز ئۆتكەن ھەربىر كۈن ئىككىمىز بىللە ئۆتكۈزگەن ئون يىلدىن نەچچە ھەسسە ئۇزۇن   ...ئويلاپ قالدىم .كۆڭۈللۈك كۈنلەرنىڭ ئۆمرى قىسقا بولىدۇ دىگەندىن كۆرە كۆڭۈللۈك كۈنلەر ئىنسان ئىڭىدا تىز ئۆتۈپ كەتكەندەك بىلىنىدۇ دىسە تىخىمۇ توغرا بولىدىغان ئوخشايدۇ ..بۇ كۈنلەرگە بەركەت بىرىۋاتقىنى ھىجراندۇر...
ھىجراننىڭ ئىنتايىن قورقۇنۇچلۇق بولىدىغانلىقىنى بىلەتتىم .لىكىن ئەزەلدىن ئۇنىڭ دەھشىتىنى ئۆز يۈرىكىم ئارقىلىق ھىس قىلىپ بىقىشنى ئارمان قىلغان ئەمەسمەن .ئۇنى پەقەت كىتابلاردىن ياكى كىنولاردىن ھىس قىلساملا كۇپايە ئىدى ...
مۇئەللىم ئالىي مەكتەپ ئىمتاھانىغا يەنە بىر يۈز ئاتمىش يەتتە كۈنلا قالغانلىقىنى ئىيىتقاندا قانچىلىك خۇش بولۇپ كەتكەنلىكىمنى بىلەمىسەن ؟ بۇ گەپ ماڭا سەن بىلەن بىر شەھەرنىڭ ھاۋاسىدىن تەڭ نەپەس ئالالايدىغان كۈنلەرگە بىر يۈز ئاتمىش يەتتە كۈنلا قالدى دىگەندەك بىلىنىپ كەتتى ... اللە خالسا بىزنىڭ مۇھەبىتىمىز بىر يۈز ئاتمىش يەتتە كۈندىن كىيىن شۈنچە ئۇزۇن بەند قىلىنغان قەپەستىن ئازاد بولىدۇ ...مىنى ساقلا يارى .بىز غەلبە سىگىنالىنى بىللە چالايلى ...


يارى  بۇ خاتىرىگە ئۇزاق -ئۇزاقتا بولسىمۇ كۆڭۈل تىۋىشلىرىمنى يىزىپ قالدۇرۋاتىمەن . چۈشلىرىڭگە كىرۋاتامدىم بىلمەيمەن .ئارمان قىلىدىغىنىم مەن سىنى سىغىنغان مۇشۇ كۈنلەردە سەنمۇ مىنى سىغىنساڭ سەنمۇ مىنى ياد ئەتسەڭ ...
مىنى مەندەك سۆيسەڭ !
كۈنلىرىمنىڭ قانداق ئۆتۈۋاتقىنىنى بىلەمسەن ؟ ئەتتىگەندە بىر سائەت مۇزاكىرە ،چۈشتىن  بۇرۇن تۆت سائەت دەرس ، بىر يىرىم سائەت  چۈشلۈك تاماق يىيىش ،چۈشتىن كىيىن تۆت سائەت دەرس، بىر سائەت كەچلىك تاماق ۋاقتى ،ئاندىن كەچلىك مۇزاكىرە ... كەچ سائەت توققۇزلاردا ئۆيگە كىلىپمۇ تاپشۇرۇق ئىشلەشلەر ...
ماشىنا ئادەم بولسىمۇ ئاللىبۇرۇن رىمۇنىت قىلىشقا توغرا كەلگەن بولاتتى ... ھىلىمۇ بىز چىداۋاتىمىز .
شۇڭا ساڭا كۈندە خەت قالدۇرالمايمەن .لىكىن ۋاقتىم چىقسىلا سىنى ئويلايدىغىنىمغا ئىشەن...
يارى .. ساڭا دەيدىغان شۇنداق جىق سۆزۈم بار .لىكىن بۈگۈن  قوللىرىم تىلىپ كۆزلىرىم ئىچىشىپ تۇرىدۇ ... ئارام ئالاي .سىنى سىغىندىم ...خەيىر

hankiz1225

بۈگۈن مەن تارىم ژۇرنىلىدىن بىر شىئىرنى يادلىۋالدىم قارا . مىنى ھەر قانچە دۆت دەپ تىللىغۇڭ كەپ كەتكەن بولسىمۇ مەندىن شىئىرنىڭ ئاپتۇرىنى سورىما . بۇرۇندىن« ئۈزۈمىنى يەپ باراڭنىڭ كىمنىڭكى ئىكەنلىكى بىلەن كارىڭ يوق سىنىڭ›› دەپ تولا دەپ ھىرىپمۇ قالغانسەن ؟ بۇ گەپ قىسقىراق بولغان بولسا ماڭا لەقەملا بولۇپ قالاتتىغۇ زادى ...
بولدى .شىئىرنىڭ مەزمۇنىغا كىلەيلى .ئاڭلا -ھە


                                                             تەنھا يۈرەك

بۇلۇت يىرىپ چىقسا تۇلۇنئاي ،
يىراقلاردىن كىلەر ئەسلىمە .
چۈشۈمدىكى تاتلىق كۈلكىلەر ،
رىئاللىققا يازار خاتىمە .
                                                                       ئاقار يۇلتۇز ئاققاندا بىردىن ،
                                                                         تىلىۋالدىم تىلەكلىرىمنى .
                                                                      تاڭ قوينىدا چۆكۈپ سۈكۈتكە ،
                                                                         تىڭشىۋالدىم يۈرەكلىرىمنى .
شاماللارغا ئىيتىپ سىرىمنى ،
سۆيۈپ قالدىم ئارمانلىرىمنى .
يۈرىكىمدە ياشنار مۇھەببەت ،
ئۇنتالماسمەن تۇنجى سۆيگۈمنى .


شىئىرنى بىر كۆرۈپلا ياخشى كۆرۈپ قالدىم . ھەمدە يادلاپمۇۋالدىم . يارى  سەن مىنىڭ تۇنجى سۆيگۈنۈم . سىنى ئۇنتالمايمەن  جىنىم  .لىكىن شۇ تاپتا يۈرىكىم تەنھالىق پاتقىقىغا پىتىپ قالغاندەك سىزىۋاتىمەن . بۇ شىئىرنىڭ ماۋزۇسىنى ئۆزۈمگە تەخەللۇس قىلىپ تاللىسام رەنجىپ قالمىغىن .مەن روھىي ئالىمىمدە سىنىڭ مەۋجۇت بولغىنىڭ ئۈچۈن ئۆزۈمنى تەنھا ھىس قىلمايمەن لىكىن مىنىڭ دوستۇممۇ ،مۇھەببىتممۇ .سىردىشىممۇ ...پەقەت سەنلا بولۇپ قاپسەن .سەندىن باشقا ھىچكىمىم يوق مىنىڭ . سەن يىنىمدا بولمىغان مۇشۇ كۈنلەردە ماڭا ئۇنىڭدىنمۇ بەكراق ماس كىلىدىغان تەخەللۇس تىپىلمايدۇ ...



ھۇجۇدۇمدا رىئاللىق بىلەن چۈشنىڭ ئارلىقىدا لەيلەپ قىلىۋاتقاندەك بىر خىل سىزىم !
مەن چەكسىز كەتكەن قۇملۇقتا سۇزۇلۇپ يىتىپ تىرناقلىرىم بىلەن قۇم ئۈستىگە ئىسمىڭنى يازدىم .بورانلار ئۇچۇرۇپ ئۆچۈردى .مەن جان -جەھلىم بىلەن تىركىشىپ قايتا -قايتا يازدىم بورانلارمۇ قايتا-قايتا ئۆچۈردى  .مەن بوران بىلەن ياق پۈتكۈل تەبىئەت بىلەن جاھىللارچە ئىلىشماقچى بولۇپ تىرناقلىرىمدىن قان چاچراپ چىققۇچە تەكرار يازدىم . ئاقىۋەت بارمىقىم ئارىسىدىن تامغان قان  قۇمغا ،سىنىڭ ئىسمىڭ ئۈستىگە  تامچىلىۋىدى مەن ئۆزۈم ئەسلى ۋەسلىمنى ئاتاپ تۇرۇپ يازغان خەتنى -سىنىڭ يىرىم دىدارىڭ بولغان ئىسمىڭنى كۆرۈش ھوقۇقىدىن مەھرۇم بولدۇم...

hankiz1225

دادا ! بۇ سۆز پۈتكۈل ئىنسانىيەت دۇنياسى ئۈچۈن شۈنچىلىك مۇقەددەس ! ئەگەر بىراۋنىڭ بۇ سۆز كەينىگە ئادەم ھاقارەتلەيدىغان سۆزلەرنى قوشۇۋالغىنىنى ئاڭلاپ قالساق خۇددى ئىستىقامەتخانىغا ھاراق تۆكۈلۈپ كەتكەندەك  كۆڭلىمىزنىڭ غەش بولۇشى چوقۇم .شۇ تاپتا مەن ئۆزۈمنى ئازراقلا تۇتىۋالمىسام سىنىڭمۇ ئۆزۈمنىڭمۇ كۆڭلىنى غەش قىلىپ قويۇشۇم مومكىن .
يارى  يۈرىكىم ئەلەم دەستىدىن موجۇلۇپ تۇرىدۇ ...

ئوقۇپ مۇشۇ يەرگە كەلگەندە ئىختىيارسىز ھالدا بىر قانچە بەتنى ئۆرىۋەتتىم .توغرىسى ئەڭ كۆڭۈلسىز ئەسلىمىلەرنى ئەسلەشتىن ئۆزۈمنى قاچۇردۇم .

لىكىن ئۆزۈمنى شۈنچە قاچۇرساممۇ «دادام ›› بىلەن ئىككىنجى قىتىملىق كۆرۈششىمىز ... بىر قانچە ئىغىز  ياد نەرقى ئەھۋال سوراشلار ، ئولتۇرۇپ تاماق بۇيرۇتۇپ چايلار قۇيۇلغۇچە بولغان ۋاقىتتىكى سوغۇق چىرايلار ، تىلفۇندا بىر نەچچە ئىغىز پاراڭلىشىپلا ماڭا قاراپ «ئۇكاڭ (ھازىرقى ئايالىدىن بولغان كەنجى قىزىنى دىمەكچى )ئاغرىپ قاپتۇ ››  دىگەن چاغدىكى ئەنسىز چىراي ئىپادىسى ... ئاندىن تاماق پۇلى ئۈچۈن قالدۇرۇلغان بىر ۋاراق قىزىل قەغەز ، ئۇزۇنغىچە ئۆزۈمگە كىلەلمەي ئورنىمدا يىغلىغىنىمچە ئولتۇرۇپ قالغىنىم،ئەتراپتىكىلەرنىڭ يامغۇردەك تۆككەن كۆز ياشلىرىمغا ئەجەبلىنىپ قاراشلىرى  ... خىيال ئىكرانىمدىن بىر-بىرلەپ ئۆتۈپ كۆزۈمگە ئىسسىققىنە سۇيۇقلۇقنى  يەنە بىر قىتىم باشلاپ كەلدى . ئىسىمدە قىلىشچە شۇ كۈنى مىنىڭ مەۋسۇملۇق ئىمتاھان نەتىجەمنىڭ سىنىپ بويىچە ئوتتۇز نەچچىنجى چىقىقىنى ئۈچۈن ئاپام ئۇ ئادەمگە ئۆزىنىڭ ئالدىراشلىقىنى ئىيتىپ مەن بىلەن سۆزلىشىشنى ھاۋالە قىلىغان ئىدى ... لىكىن شۇ قىتىملىق ئۇچىرشىتىن كىيىن ئۇ مىنىڭ «دادام ››دىن «ئۇ ئادەم ››گە ئايلىنىپ قالدى ھەم  ماڭا يەنە بىر قىتىم غەزەپ-نەپرەت تۇيغۇسىنى تاشلاپ كەتتى ...
ئۇ ئادەم . شۇ كۈنى مەن بىلەن كۆرۈشمىسىمۇ ياكى ماڭا يالغان سۆزلەپ قويسىمۇ بولاتتىغۇ ؟
كىچىك تىنىمدە قانداقتۇر نۇرمالسىزلىق كۆرۈلۈپ ئىككى قىتىم قىزىل چىققاندا تاغاملار مىنى دوختۇرخانىمۇ -دوختۇرخانا كۆتۈرۈپ بىرىپ دوختۇرلارنىڭ ئۈمىدسىز باش لىڭىشتىشلىرى بىلەن قايىتقاندىمۇ ، باشلانغۇچنىڭ ئالتىنجى يىللىقىدا پەلەمپەيدىن يىقىلىپ چۈشۈپ قولۇم سۇنۇپ كەتكەندىمۇ ،مەن ئىچكىرى تولۇق ئىمتاھانىغا قاتناشقاندىمۇ ...ئۇ ئادەم  بۇنچىلىك جىددىي يىتىپ كەلمىگەن ئىدىغۇ ؟
كىچىككىنە زۇكام بولغانغا شۇنچە جىددىي كىتىپ قىلىش كەتمەيىتتىغۇ ؟ نۇرمال ئادەم يىلىغا بىر ئىككى قىتىم زۇكام بولار ؟زۇكام بولمىسا ئەنسىرىسە بولىدۇ ...
ماڭا شۇ قىتىملىق ئۇچرىشىش ئىلىپ كەلگەن ئازاپنىڭ ئورنىنى  ئۇ بىر ئۆمۈر تىرىشىپمۇ تولدۇرالىشى مومكىن ئەمەس .چۈنكى مىنىڭ ئۆز ئاتا -ئانامدىن  شۇنچىلىك كۆڭلۈم قالغانىدى ...
ئادەملەر ئارىسىدا قانداشلىقتىنمۇ بەكرەك بىللە تۇرمۇش كەچۈرۈشنىڭ ،ئۆز ئارا ياد ئەتكۈدەك بىرەر ئەسلىمە بولۇشنىڭ نەقەدەر موھىملىقىنى يەنە بىر قىتىم ھىس قىلدىم . قىسقىسى ئۇ ئادەمنىڭ ماڭا مىھرى يوق ...

كىيىنكى قۇرلار مۇنداق يىزىلغانىدى ...
يارى بۈگۈن مەن ئۆمەر ھەييامنىڭ روبائىيلىرىنى ئوقۇپ چىقتىم . مىنىڭ كاللام بەكلا ئاددىيمۇ كىتابنىڭ كەينىدىكى ئىزاھاتلارنى ئوقۇغان چىغىمدىلا ئاندىن ئازراق بىر نەرسە چۈشەنگەندەك بولدۇم .لىكىن بىر قانچە كۇپلىت رۇبائىي مىنى ئويغا سىلىپ قويدى ...

مەسلەن :

بارلىق ۋە يوقلۇققا قاراتقۇچى سەن ،                                           ئەزەلدە لىيىمنى ئەتكەندە خۇدا،
دۇنيادا ھەر ئىشنى تاراتقۇچى سەن.                                           بىلەتتى پەيلىمدىن نىمە بولار پەيدا .
مەن يامان بولساممۇ سىنىڭ بەندەڭمەن ،                                    ھۆكىمىدىن تاشقىرى ئەمەس گۇناھىم ،
مەن نىچۈن گۇناھكار ياراتقۇچى سەن .                                        نىمىشقا مەھىشەردە بىرىدۇ جازا .


يارەببىم لىيىمنى ئەتكەن ئۆزۈڭسەن ،                                       ھەي ئاللاھ سەن شۇنداق ياراتتىڭ مىنى ،
ئۇرۇش ئارقىمىمنى ئەشكەن ئۆزۈڭسەن .                                   مەي بىلەن سازغىلا قاراتتىڭ مىنى .
يامان ياخشى بولسام مەندە نە ئىلاج ،                                     ئەزەلدە ئاشۇنداق يارىتىپ قويۇپ ،
تەقدىر پىشانەمنى بەرگەن ئۆزۈڭسەن .                                     نىمىشقا دوزاخقا غۇلاتتىڭ مىنى .

شائىر ئۆز روبائىيلىرىدا شۇنداق ئىنىق قىلىپ گۇناھ قىلغان بولساممۇ اللە نىڭ تەقدىرى بىلەن قىلدىم ،ھەممە قۇدرەت ئۆز قولىدا تۇرۇپ ،مىنى نىمە ئۈچۈن گۇناھ قىلمايدىغان ،ئىتائەتمەن قىلىپ ياراتماپتۇ ؟ خۇدا بەندىلىرىنى ئۆزى يارىتىپ ،ئۇلارنىڭ تەقدىرىنى ئۆزى ياراتقان تۇرۇقلۇق ،اللەنىڭ ئەمىرسىز قىل تەۋرىمەيدۇ دىگەن گەپ بويىچە بىزنىڭ ھەممە ئىشىمىزنى ،ھەربىر ھەركىتىمىزنى خۇدا ئۆز خاھىشى بويىچە قىلدۇرغان تۇرسا ،يەنە نىمە ئۈچۈن بىزگە قىيامەت كۈنى بىزنى سوراق قىلىپ جازا بىرىدۇ ؟دەيدۇ ...
بۇلارنى ئوقۇپ چوڭلارنىڭ دائىم دەيدىغان تەقدىرسىز قىل تەۋرىمەيدۇ ، خۇدا يارىلىشىڭنى مەن ياراتتىم يارالمىشىڭ ئۆزۈڭدىن دەپتىكەن ...دىگەندەك ئۆز ئارا بىر -بىرى بىلەن سىغشالمايدىغان نۇرغۇن سۆزلەر يادىمغا كىلىپ ئۇزاق ئويلاپ ئۆزۈم قانائەتلەنگۈدەك بىر جاۋاپ تاپالمىدىم ...
ئاخىرىدا كىتاب تۈزگۈچى ئۆمەر ھەييامنىڭ ئۆزى ياشىغان دەۋىردىكى مۇسۇلمانچىلىق ئەقىدىلىرىگە خىلاپ بولغان ناھەقچىلىق ،ئويدۇرمىچىلىقلارغا قارشى چىققۇچى ئىكەنلىكىنى ئىزاھلاپ قويۇپتۇ ...
بۇ روبائىيلار ماڭا قاتتىق تەسىر قىلدى . سەن بولغان بولساڭ بەلكىم ئىككىمىز مۇشۇ تىمىنى بىرلىكتە مۇلاھىزە قىلغان شۇنداقلا قايىل بولغۇدەك جاۋابنى سەندىن ئاڭلىغان بولاتتىم ...
شۇ ئوي بىلەن بۇلارنى يىزىپ قالدۇردۇم . اللە خالىسا بىر كۈنلەردە كۆرۈشسەك  بۇ سۇئاللارغا بىرلىكتە جاۋاپ ئىزدەيلى ...

hankiz1225

خاتىرىنىڭ ئاخىرى پۈتۈنلەي مەن ئوقۇغان شىئىرلار ،ھىكايە -رومانلار توغرىسىدا ،تۇرمۇشتا يولۇققان ھەمدە ئۇنىڭ بىلەن ئورتاقلىشىش ئارزۇسىدا بولغان سۇئاللارنى يىزىپ قالدۇرۇپتىمەن .

يارى ... بۈگۈن ئەدەبىيات ئوقۇتقۇچىمىز ئاپئاق خوجا ھەققىدە توختىلىپ « ئۇ ئىسلام دىنىنى تارقاتقۇچى شۇنداقلا رەزىللىكى بىلەن  داڭ چىقارغان ،سانسىزلىغان  بىگۇناھ كىشىلەرنىڭ  قىنىنى ئىچكەن، خەلقنى ئەزگەن زالىم پادىشاھ ››دىدى . بۇنىڭغا قايىل بولدۇم ھەمدە مۇئەللىمنىڭ يەنە بىر سۆزى -  ئۇنىڭ  قىزىنى چىيەنلۇڭ خانغا ياتلىق قىلىپ كەلتۇرگەن نۇمۇسى  ئۇچۇن بىز ئۇيغۇرلارنىڭ نەچچە ئەسىردىن بىرى تىرىشىپ -تىرمىشىپ قازانغان شۆھرەتلىرىمىز ئۈچۈن بىرىلگەن ئالتۇن مىداللارغا چاچراپ كەتكەن نىجاسەت -دىيشى  مىنى ئويغا سالدى ...
بىر ئوغۇل ساۋاقدىشىمىز ئورنىدىن تۇرۇپ قارشى پىكىر بەردى : مۇئەللىم دۇنيادا ھىچقانداق پايدا -مەنپەئەت   سۈرۈشتۈرمەيدىغان بىردىنبىر مۇھەببەت ئاتا-ئانىلارنىڭ ئۆز پۇشتىغا بولغان مۇھەببىتى ،بۆرە ھەر قانچە ۋەھشىي بولسىمۇ ئۇۋىسىغا قايىتقاندىن كىيىن ئۆز بالىسىنى مىھرىبانلىق بىلەن يالايدۇ ئەمەسمۇ ؟ ئەمەلىيەتتە ئاپئاق خوجىنىڭ قىزىنى چىيەنلۇڭ خانغا ياتلىق قىلىشى ئاۋامنى بالايى -ئاپەتتىن قۇتقۇزۇش ئۈچۈنغۇ ؟ شۇ چاغدىكى شارائىتتا سىز ،بىز بولساقمۇ شۇنداق قىلار ئىدۇق بەلكىم ... سىزنىڭ ئاخىرقى سۆزلىرىڭىز ئازراق ئادىل بولماي قالدى ...
سىنىپ ئىچى تىمتاسلىققا چۆمۈپ مۇئەللىمنىڭ ئىغىزىغا تىكىلدۇق ...
- دۇنيادىكى باشقا مىللەتلەر ئۈچۈن خوتۇن قىزلىرىنى باشقا قەبىلىدىكىلەر بۇلاپ كەتسە ،ئۇ ئۇرۇش قىلىشقا ئەرزىمەيدىغانلا بىر ئىش بولۇشى ،بىر ئايال ئۈچۈن قان تۆكۈپ جەڭ قىلىش دىگەن سۆز  ئىنتايىن قىززىق تۇيۇلۇشى مومكىن.ھەتتا خوتۇن -قىزلىرىنى بىر-بىرىگە سوۋغا قىلىش ئارقىلىق رەھمەت تەشەككۈرىنى ،يىقىنچىلىقىنى ئىپادىلەيدۇ ... ئەمما بىز ئۇيغۇر ئەركەكلىرى ئۈچۈن خوتۇن -قىزلىرىمىزغا ياد ئەلنىڭ بىر تال ئەركەك چىۋىنىنىڭ كىلىپ قونۇشىمۇ چەكسىز ھاقارەت ،كۆتۈرۈپ قوپقۇسىز نۇمۇس . ئاپئاق خوجىنىڭ قىزىنى سوۋغا قىلىپ ئەلنى قوغدىغىنىدىن بارلىق ئۇيغۇر ئىلىنىڭ قىرىلىپ تۈگىگىنى ئەۋزەلرەك ئىدى  ...
بۇ سۆزلەر مۇئەللىمنىڭ لەۋلىرى ئارىسىدىن ئۈزۈلۈپ -ئۈزۈلۈپ چىقىپ ئۇدۇل  كىلىپ يۈرىكىمگە ئورناپ كەتتى ...
مەنچە بۇ قىتىملىق دەرس ھىچكىمنىڭ يادىدىن چىقمايدۇ ...