رادىل ئابلاغا دوستانە تەنقىد

semerqent

	almas888 يوللىغان ۋاقتى  2012-1-3 23:05 تېما ئىگىسى ئۇيغۇرزادە بۇرادەرگە: 1.تېمىڭىزدا خېلى دەب ...   ئەسسالامۇ ئەلەيكۇم ئۇيغۇرزادە ئاكا ! يېڭى يىلىڭىزغا مۇبارەك بولسۇن !  بۇ بىر يىل ئىچىدە سىزنىڭ تېخىمۇ زور نەتىجىلەرنى قولغا كەلتۈرىشىڭىزنى ، تېنىڭىزنىڭ سالامەت ، ئائىلىڭىزنىڭ بەخت ئىچىدە گۈللىنىشىنى ئارزۇ قىلىمەن . يېڭى يىلنىڭ بېشىدىلا يېڭى پىكىرگە ئۈندەيدىغان بىر تېمىنى سۇنغىنىڭىزدىن بەك خوشال بولدۇم . بۇ تېمىدىكى مۇھاكىمىڭىزنىڭ كۆڭلىڭىزدىكىدەك راۋاجلىنىشىغا تىلەكداشمەن . تۈنۈگۈنلا بۇ تېمىنى كۆرگەن ئىدىم بىراق ھىلىقى تېمىدىكى ‹‹ئەيسا قەشقەر›› بىلەن تاكاللىشىمەن دەپ ئۇقۇشقا ئۈلگۈرەلمىدىم . ھازىرچە سىزگە مۇشۇنچىلىك سۆزلەپ تۇراي ، قالغىنىنى يەنە ئىنكاس قىلىپ يازىمەن ئاللاھ خالىسا .     قېرىندىشىمىز ئالماس ئەپەندى !     سىزنىڭ تەنقىد ۋە پىكىر - تەكلىپ دىگەن ئۇقۇملارغا بولغان چۈشەنچىڭىز ئوبدانلا مۇجىمەلمۇ قانداق ؟ قاراپ باقايلى ماۋۇ گەپلىرىڭىزگە : ‹‹لوگىكا جەھەتتىن دەپ قاپسىز.ئەمما ئۆزىڭىز ئىشنىڭ بىسمىللاسىدىلا ئەجەللى لوگىكا خاتالىغىنى سادىر قىلىپسىز. تەنقىت بىلەن تەكلىپ -پىكىرنىڭ پەرقىگە دىققەت قىلغايسىز.تەنقىت دىگەن دەرىجەياكى مەرتىۋىسى يۇقىرى كىشىلەرنىڭ دەرىجەياكى مەرتىۋىسى ئۆزىدىن تۆۋەن بولغانلارغا بولغان ئاغرىنىش ھىسىياتىدىن ئىبارەت،تەكلىپ -پىكىر دىگەن دەرىجەياكى مەرتىۋىسى ئۆزى بىلەن تەڭ ياكى ئۆزىدىن يۇقىرىلارغا نىسپەتەن ئارزۇ-ئۈمىت ھىسىياتىدىن ئىبارەت. ھىس قىلىشىمچە سىزنىڭ جەمىيەتكە قوشقان تۆھپىڭىز ھەرگىز رادىل ئەپەندىن كۆپ ئەمەسقۇ دەيمەن.دىمەك سىزنىڭ رادىل ئەپەندىگە تەنقىت بېرىش سالاھىيىتىڭىز يوق،پەقەت تەكلىپ -پىكىر بېرىش ھوقۇقىڭىز بار ›› . قېرىندىشىم ماۋۇ يازمىنى ياخشىراق ئوقۇپ بېقىپ يازدىڭىزمۇ ماۋۇ گەپلەرنى ياكى يازمىسىڭىز بولمايدىغاندەك ھېسسىياتتا يازدىڭىزمۇ ؟ ‹‹ لوگىكا جەھەتتىن دەپ قاپسىز.ئەمما ئۆزىڭىز ئىشنىڭ بىسمىللاسىدىلا ئەجەللى لوگىكا خاتالىغىنى سادىر قىلىپسىز.›› دىسىڭىز تېخى مەن سىزنى‹‹ ۋوي ، ئەجەللىك دىگۈدەك قانداق لوگىكىلىق خاتالىقنى بايقاپ قالغاندۇ ؟ ›› دەپ ئويلاپ كېتىپتىكەنمەن كەينىدىنلا ‹‹تەنقىت دىگەن دەرىجەياكى مەرتىۋىسى يۇقىرى كىشىلەرنىڭ دەرىجەياكى مەرتىۋىسى ئۆزىدىن تۆۋەن بولغانلارغا بولغان ئاغرىنىش ھىسىياتىدىن ئىبارەت،تەكلىپ -پىكىر دىگەن دەرىجەياكى مەرتىۋىسى ئۆزى بىلەن تەڭ ياكى ئۆزىدىن يۇقىرىلارغا نىسپەتەن ئارزۇ-ئۈمىت ھىسىياتىدىن ئىبارەت.›› دەپ تەنقىد بىلەن تەكلىپ پىكىرنى ئىنسانلارنىڭ دەرىجە - مەرتىۋىسىگە باغلىۋىلىپ بۇنداق پۈچەكلەشتۈرىۋەتكىنىڭىزدىن ھەقىقەتەن ھەيران قالدىم ھەم كۈلۈپمۇ كەتتتىم . تەنقىد دىگەن سىزچە نوقۇل ھالدىكى ئاغرىنىش ھىسسىياتىمۇ ؟ يەنە كېلىپ نۇپۇزلۇقلارنىڭ ، قالپاقلىقلارنىڭ ، ئۆزىدىن ئاجىزلار ياكى يالاڭئاياقلارنىڭ ئۈستىدىن قىلغان شىكايەتلىرىما خالاس ؟ تۆۋەن قاتلامدىكىلەر يۇقىرى قاتلامدىكىلەرنى تەنقىد قىلالىسا گۇناھ ، چوقۇم يۇقىرى قاتلامدىكىلەر تۆۋەندىكىلەرنى ھەر نېمە دىيىشكە ھوقۇقلۇق بولامدۇ ؟ ( ئاغرىنىش ھېسسىياتى دېگىنىڭىز ئۈچۈن شۇنداق دېيىشكە بولىدۇ ) ئاندىن تۆۋەن قاتلامدىكىلەرلا يۇقىرى قاتلامدىكىلەرگە ئارزۇ - ئۈمىدىنى ئىپادىلەش ھېسسىياتىدا بولسا بولىدۇ ، يۇقىرى قاتلامدىكىلەر تۆۋەندىكىلەرگە بۇنداق قىلسا بولمايدۇ ؟   ئاندىن يەنە سىز :‹‹ھىس قىلىشىمچە سىزنىڭ جەمىيەتكە قوشقان تۆھپىڭىز ھەرگىز رادىل ئەپەندىن كۆپ ئەمەسقۇ دەيمەن.دىمەك سىزنىڭ رادىل ئەپەندىگە تەنقىت بېرىش سالاھىيىتىڭىز يوق،پەقەت تەكلىپ -پىكىر بېرىش ھوقۇقىڭىز بار. ›› دەپسىز ، كىشىلەرنىڭ جەمئىيەتكە قوشۇۋاتقان تۆھپىسىنىڭ دەرىجىسىنى ، سالمىقىنى ، رولىنى سىزچە كونكرېت ھالەتتە ئۆلچەپ چىققىلى بولىدىكەندە ؟ شۇنداق ئۆلچەپ چىقالىغانلىقىڭىز ئۈچۈن ئاندىن ئۇيغۇرزادىگە ‹‹ سېنىڭ تۆھپەڭ رادىل ئابلانىڭكىدىن ھەرگىز كۆپ ئەمەس ، شۇڭا سېنىڭ ئۇنى تەنقىد قىلىش ھوقۇقۇڭ يوق پەقەت تەكلىپ - پىكىر بېرىش ھوقۇقۇڭ بار ›› بار ھۆكۈم پىچتىڭىزمۇ ؟ قېرىندىشىم ، سىزنىڭ تەنقىد ۋە پىكىر تەكلىپ دىگەن ئۇقۇملارغا بولغان چۈشەنچىڭىزدىلا ئەمەس ، شەخىس بىلەن جەمئىيەتنىڭ مۇناسىۋىتى ، زىيالىلارنىڭ جەمئىيەتتىكى ئورنى ، ئەھمىيتى ۋە رولىغا بولغان چۈشەنچىلىرىڭىزدىمۇ يەتكۈچە زىددىيەت بار ئىكەن ، لوگىكىلىق خاتالىق ئۆتكۈزدى ، دىيىشكە توغرا كەلسە ئۇيغۇرزادىنى ئەمەس بۇ يەردە سىزنى مىسالغا ئېلىش كېرەك . ئۇيغۇر جەمئىيىتى ئۈچۈن رادىل ئابلادەك باشلامچى كارخانىلارنى ئاچالىغان ئوغلانلارلا ئەمەس ، ئۇيغۇرزادىدەك شۇ باشلامچى كارخانا ۋە شۇنداق سەخىسلەرنىڭ جەمئىيەتتىكى فۇنكىسىيەلىك ياكى كاتالىزاتورلۇق رولىنىڭ ئەھمىيتىنى جەمئىيەتشۇناسلارچە كۆزدە كۆزىتەلەيدىغان ، ئۇلارنىڭ جەمئىيەت بىلەن بولغان مۇناسىۋىتىنى ئاكتىپلاشتۇرۇشقا ، توغرىلاشقا ۋە بۇ مۇناسىۋەتنى تېخىمۇ زور دەرىجىدە تەرەققىي قىلدۇرۇشقا نەزەرىيەۋىي نۇقتىدىن پىكىر قىلىپ ياردەم بېرەلەيدىغان ئۇيغۇرزادىدەك ئوغلانلارمۇ كېرەك . شۇنداقلا مەن بىلىدىغان ئۇيغۇرزادە رادىل ئابلادەك ئىزچىلارنىمۇ تەنقىد قىلالايدىغان ئادەمدۇر ، بۇنىڭغا ئۇنىڭ نۆۋەتتىكى ئۇيغۇر جەمئىيىتىدە ئېلىۋاتقان رولى ۋە تىرىشچانلىقلىرى ئۆزى گۇۋاھ  . رادىل ئابلا  ‹‹ ئارمان ›› بىلەنلا قانداقتۇر يۈكسەك بىر پەللىگە چىقىپ ئادەم ئەمەستۇر ، ئۇ تېخىمۇ زور تەرەققىياتنى كۆزلەيدىكەن ، ئىقتىسادىي ئاڭ بىلەن تەرەققىيات ئېڭىنىڭ ، ئوبيىكتىپ ئەمەلىيەت بىلەن ئۈمىد - غايىنىڭ دېئالىكتىكىلىق مۇناسىۋىتىنى تەڭشەشتە ، بىر تەرەپ قىلىشقا يەنىلا ئەمەلىي قىينچىلىقلارغا دۇچ كېلىشى مۇمكىن . سىز پەقەت ئۆزىڭىزنىڭ زىددىيەتلىك قارىشىغا تايىنىپلا ئۇيغۇرزادىگە پىكىر قىلىش ھوقۇقۇڭ يوق دەپ ھۆكۈم چىقىرىشقا ئالدىراپ كەتكىنىڭىز بىلەن ئۇيغۇرزادە خۇددى سىزدەك سەكرەپ چىقىدىغانلارنىڭ بارلىقىنى ئاللىبۇرۇن سەزگەندەكلا ماقالىنىڭ بېىشىدىلا كىشىلەرنىڭ نېمىشقا تەنقىدكە موھتاج بولىدىغانلىقىنى ، تەنقىد قىلىش زۆرۈرىيىتى پەيدا بولغان تۇرۇپمۇ تەنقىدتىن ئۆزىنى قاچۇرۇشنىڭ پۈچەكلىكتىن باشقا نەرسە ئەمەسلىكىنى ئەسكەرتىپ ئۆتۈپتىكەن بولمىسا . ئۇيغۇرزادە رادىل ئابلانىڭ بىر سۆھبەتتە سۆزلىگەن نۇتقىغا ۋە ئۇنىڭ ۋەكىللىكىدىكى ‹‹ ئارمان ›› نىڭ 17 يىللىق ئەمەلىيىتىگە  قاراپ ، ئۇ ۋە ئارماننىڭ ئۇيغۇر جەمئىيىتىدە ئوينايدىغان ئاكتۇئال تەسىرىنى ، قىممىتىنى ھېس قىلغانلىقى ئۈچۈن ئۇنىڭ قاراشلىرىدا ساقلىنىۋاتقان بەزى مەسىلىلەر ھەققىدە مۇھاكىمە يۈرگۈزمەكچى بوپتۇ ، قېرىندىشىم . باشقا يامان نىيىتى ئىنشائاللاھ يوقكەن . ئىشەنمىسىڭىز ئۇنىڭ مۇھاكىمىسىنى قايسى تارماقلار بويىچە داۋاملاشتۇرماقچى بولغانلىقىغا قاراپ بېقىڭ ، مانا : ‹‹ 1.  ئىقىساد جەمئىيەتشۇناسلىقى نۇقتىسىدىن: رادىل ئابلانىڭ ئىقتساد قارارچىلىقغا ۋە تەرەققىيات چۈشەنچىسدىكى چولتىلىقلارغا تەنقىد؛ 2. مەدەنىيەت جەمئىيەتشۇناسلىقى نۇقسىدىن: رادىل ئابلا تەشەببۇس قىلىۋاتقان ئاقسۆڭ تۇرمۇش شەكلى چۈشەنچىسىگە ۋە  رادىل ئابلانىڭ  ئۇيغۇر مەدەنيىتىدىكى كۆرۈنمەس يوشۇرۇن كودلارنىڭ ، كوللكتىپ رىشتىىگە ۋەكىللىك قىلدىغان سىمۋول ھەققدىكى چۈشەنچە خاتالىقلىرىغا تەنقىد؛ 3. سودا ئەخلاقى  ۋە كارخانا مەدەنيىتى نۇقتىسىدىن: رادىل ئابلانىڭ مەسئۇلىيەت ۋە ھەمكارلىق ھەققىدە ئېيتقان گەپلىرى بىلەن  ئەمەلىيىتى بىر  يەردىن چىقمايۋاتقان تەرەپلەرگە تەنقىد؛ 4. تونۇشلوگىيە ۋە لوگىكا نۇقتىسىدىن: رادىل ئابلانىڭ قيىنچلىق، بىلىم-پاراسەت قاتارلىق بىر قاتار چۈشەنچىلىرىگە تەنقىد. 5. خۇلاسە ئورنىدا : رادىل ئابلادىن نېمىلەرنى كۈتىمەن؟  ››    شۇڭا سىزنىڭ ماۋۇ ‹‹ جەمىيىتىمىز نوپۇزلۇق،ئابرويلۇق ،ماركىلىق كىشىلەرگە تولىمۇ ئېھتىياجلىق بولۇۋاتقان بىر مەزگىلدە،رادىل ئەپەندىگە بەك تەكلىپ -پىكىر بەرگىڭىز كېلىپ كەتسە ،ئاممىۋى سورۇندا دىمەي ،ئايرىم دىگەيسىز.كۈنلەرنىڭ بىرىدە جەمىيەتكە قوشقان تۆھپىڭىز رادىل ئەپەندىن ئېشىپ كەتسە،ئىشەنچىم كامىلكى رادىل ئەپەندى ھەرقانداق سورۇندا تەنقىتىڭىزنى ئاقلاشقا تەييار.رادىل ئەپەندىمۇ سىزۋە بىزگەئوخشاش بىر ئادەم،ئۇششاق-چۈششەك خاتالىقلاردىن ساقلىنىشى تەس،بىز رادىل ئەپەندىنىڭ «سېغىزخاندىن ساق،پەرىشتىدىن پاك »بولۇشىنى تەلەپ قىلالمايمىز.شۇڭا سىزگە تەكلىپىم  بۇندىن كېيىن بۇنداق «قاغا پۇتى»تەنقىتلەرنى يازمىغايسىز! ›› دىگەن سۆزلىرىڭىز ھەر ئىككى ئوغلاننىڭ ئۇيغۇرلار ئۈچۈن قىلالايدىغان ئىش - پائالىيەتلىرىنىڭ يەنى ئەمەلىي ھەرىكەتلىرىنىڭ قىممىتىنى ، ئىستېتىكىلىق ئەھمىيىتىنى ۋە لوگىكىلىق رولىنى چۈشەنمەي تۇرۇپلا ئىپادىلىگەن قىيداشتىن پىسخىكىڭىزدىن ، ئورۇنسز ۋايساش ھېسسىياتىڭىزدىن  باشقا نەرسە ئەمەس خالاس . ‹‹قاغا پۇتى تەنقىد قىلما ›› دېيىشكە توغرا كەلسە ئۇيغۇرزادىگە ئەمەس ، سىزگە دىسەك توغرا بولىدۇ .  ئۇيغۇرزادىگە شەرت قويۇشتىن بۇرۇن سۆيۈملۈك قېرىندىشىم ئۇنىڭ كىتابلىرىنى ئوقۇپ باقتىڭىزمۇ ؟ پىكىرلىرىدىكى يۈرەك سوقۇشلىرىنى تىڭشاپ باقتىڭىزمۇ ؟ مۇشۇ مۇنبەرنىڭ ئۆزىدىلا ‹‹ ئەيسا قەشقەر ›› دەيدىغان بىر تەلۋە بار  ، ئۇ ئۇيغۇرزادە بىلەن تەڭ قۇراملىق كېلىدۇ . ئۇنىڭ ‹‹ 2012 يىلى دۇنيادا قىيامەت قايىم بولامدۇ ›› دىگەن تېمىغا يېزىۋاتقان ئىنكاسلىرى بىلەن ئۇيغۇرزادىنىڭ تېما _ ئىنكاسلىرىنى سەمىمىيلىك بىلەن ، دوستانىلىق بىلەن ئوقۇپ سېلىشتۇرۇپ باقسىڭىزلا بەلكىم ئۇيغۇرزادىنىڭ كىملىكىنى ، نېمە ئۈچۈن پىكىر قىلىشقا خۇشتار ئىكەنلىكىنى چۈشىنىپ قالىسىز قېرىندىشىم . بەزى گەپ - سۆزلىرىم سىزگە سەل ئېغىر كەتكەن بولسا مېنى ئەپۇ قىلىۋىتەرسىز . ‹‹ تەنقىدتىمۇ ئوتتەك مېھىر بار ›› .

semerqent

	taxqin يوللىغان ۋاقتى  2012-1-4 00:22 ئۇيغۇردا كارخانىچىلار ئاز ئەمەس، لېكىن ھىچ بىر شىرك ... قېرىندىشىمىز تاشقىن ، ناھايىتى ئورۇنلۇق پىكىرلەرنى قىلىپسىز ، ئەجرىڭىزگە رەھمەت ئېيتىمىز . ئۇيغۇرزادە بۇيەردە  رادىل ئابلانىڭ سىز ئېيتقاندەك ‹‹ ئۇيغۇردا كارخانىچىلار ئاز ئەمەس، لېكىن ھىچ بىر شىركەتنى ‹ئارمان› غا ۋە ئۇنىڭ ئىگىسى رادىل ئابلاغا تەڭلەشتۈرگىلى بولمايدۇ. ›› غان ئادەم ئىكەنلىكىنى ئاڭقىرالىغانلىقى ئۈچۈن ئۇنىڭ ئىستىراتىگىيىسىدىكى ئارمان شىركىتىنىڭ شەخىس كاتوگېرىيىسىدىن ھالقىپ كەتكەن بىر ئىقتىسادىي ئىجتىمائىي گەۋدە ئىكەنلىكىنى مۇئەيلەنلەشتۈرۈپ ئۇنى سوتسىئولوگىيە نۇقتىسىدىن كۈزەتمەكچى بوپتۇ . ئۇيغۇرزادىنىڭ نۆۋەتتىكى كەسپىگە ، بىلىم قۇرۇلمىسىغا نىسبەتەن ئېيتقاندىمۇ ئۇنىڭ جەمئىيەتشۇناسلىق نۇقتىسىدىن چىقىپ پىكىر قىلىشى ئەقىلگە ئەڭ يېقىن . ئۇ ئۆزىگە تونۇش ساھەنىڭ نەزەرىيەۋى مودىللىرىنى پىكىر دەستىكىگە ئايلاندۇرۇپ بىزگە يەتكۈزسە سىزچە توغرا ئەمەسمىدۇ ؟

enwer-jula

	ئەنقەر، مەن بىر تەنقىدنىڭ پايدىسى بىلەن زىيىنىنى دەڭسىيەلمىسەم بۈگۈن بۇ يەردە پىكىر قاتناشتۇرۇپ يۈرمەيتتىم. مېنىڭ بىر شەخسكە بولغان ھۆرمىتىم بىلەن ئەپسۇسلىنىشىم ناھىيىتى يۇمشاق ھالەتتە. مەن ئۇيغۇرزادىنىڭ يۈزدە 50 پېرسەنت بىلىمىنى ھۆرمەتلىسەم يەنە يېرىمىدىن قاتتىق ئەپسۇسلىنىمەن. مەن قاتتىق مەدەنىيەت تەنقىدچىلىكىنىڭ ئۇيغۇرنىڭ تۈرلۈك تەرەققىياتىدا قانچىلىك پۇتلىكاشاڭ بولىۋاتقانلىقىنى ناھىيىتى ئېنىق ھىس قىلغان ئادەممەن. شۇڭا، بۇ نۇقتىدىغا كەلگەندە قانداق ئادەم بولىشىدىن قەتئىنەزەر قاتتىقراق پوزېتسىيىدە گەپ قىلىمەن. شۇڭا مېنى غەرەزلىك كىرىپ تېمىنى بۇرىدى،دەپ ئويلاشلىرىڭىز ئىنتايىن ئاساسسىز. يەنە دېسەم يەنە دەيمەنكى، ئۇيغۇرزادە قاتتىق مەدەنىيەت تەنقىدچىلىكىدە مېڭىۋېرىدىكەن، ئۇنىڭ ئامېرىكىدا ئۆگەنگەن بىلىملىرىنىڭ ئۇيغۇردا ئەسقېتىش دەرىجىسى يەكەندىكى بىر سوپىنىڭ گەپلىرىدىن ھېچقانچە پەرقلەنمەي ئۆتۈۋېرىدۇ. سىلەر پەقەت چەتئەل كىشى ئىسىملىرى بىلەن ئۇلاردىن ئارىيە ئېلىنغان ئابزاس-ئابزاس سۆزلەرگە قايىل بولۇپ ئۆزەڭلەرگە داھى قىلىپ مەڭگۈ ئۆتۈپ كېتىسىلەر خالاس.

imkan

	enqer يوللىغان ۋاقتى  2012-1-4 14:27 ئەسسالامۇ ئەلەيكۇم: مەن يامان نىيەتتە يولداش دەپ ئاتى ... ۋەئەلەيكۇم ئەسسالام: ئادەتتە مۇنبەرلەردە كۆپرەك كېلىدىغان مەنىسى باشقىچىرەك بولغاچقا، دەسلەپ بىرقىسمىلا بولۇپ قالغان ئىدىم. بولدى، ئەمدى ئۇنتۇپ كەتتىم تولا ئۆزگىرىپ تۇرىدىغانلارغا بەزىدە بەكلا ئىچىم ئاغرىپ قالىدۇ، بىر چاغلاردا مۇنبەرلەردە «مەرت، كۆڭلى-كۆكسى كەڭ» دەپ ماختىلىدىغان بىر زىيالىينىڭ بۇنداق ھالەتتە مەيدانغا چىقىشىدىن تولىمۇ ئەپسۇسلاندىم. ئۇيغۇرزادىنىڭ بەزى غەرەزلىك ئىنكاسلارغا پىسەنت قىلماسلىقىنى ئۈمىد قىلىمەن.

enqer

	ئەسسالامۇ ئەلەيكۇم ، سىزدەك بىلىمىلىك ئەمەسمەن ، شۇڭا ئىككى ئېغىز دەبدەبىلىك گەپ قىلىشمۇ ئولۇمدىن كەلمەيدۇ ، ئەمما سىز بۇ تېمىدا يازغاندەك زەھەرخەندە گەپلەر مېنى سىزدىن ئۈمىدسىزلىنىشكە ئاپاردى ، ئۇيغۇرزادىنىڭ يازغانلىرىنى نۆلگە چىقامارماقچى بوپ ئورۇنغىنىڭىزدىن سىزنىڭ غەرىزىڭىزنىڭ ياخشى غەرەز ئەمەسلىكىنى ھىس قىلدىم ، سىزنى خېلى ھۆرمەتلەيتىم ، بۇرۇن ئۇيغۇرزادە بىلەن شۇنداق ياخشى پىكىر بىرلىكىڭلار بار ئىدى ، خېلى ياخشى تەكلىپ پىكىرلەرنى بېرىشكەن ئىدىڭلار بۇنىڭغا كۆز يۇممايمەن، ئەمما قاچانكى يازغۇچىلاردا ئاشۇ يېقىنلىرىڭىز توغرىسىدا گەپ بولدى شۇندىن بېرى سىز ئۇيغۇرزادىگە كۆرگەن يەردە پۇت ئېتىپ يۈردىڭىز ، سىزچە شۇنداق قىلىش بەك كۆڭۈللۈكمۇ ، ئۆزىنى زىيالىي دەپ يۈرگەن ئادەمنىڭ قوساق ئۇرۇشى قىلىپ باشقىلارنىڭ ئارتۇقچىلىقلىرى ۋە پىكىرلىرىنى نۆلگە چىقىرىش شۇنچە شەرەپلىكمۇ؟ داھىي قىلىمىزغۇ دېمىدۇق ئەمما سىزدەك  كۆرەلمەسلىك قىلىپ كەينىدىن پىچاق ئۇرغاندىن پىكىرلىرىدىن ئىلھام ئېلىپ ئكزىمىزدە ئازراق سىلكىنىش ھاسىل قىلالىساق مانا شۇ بىزگە لازىمى ، سىزننىڭ ئىسمىڭىزدا باشقا بىرسى كىرگەندەكلامغۇ سۆلەتبەگ . ئۇيغۇرزادىنىڭ يازمىلىرى سىزگە ھېچنىمە ئەمەسكەندە ، ئەپسۇس مەن ئۇنداق قارىمايمەن، ئۇيغۇرزادىنىڭ ھەربىر يازمىسىنى ئوقۇپ چۈشىنەلىەن ئادەم ئۈچۈن جەمىئىيەتتە ئازراق بولسىمۇ ئكزگىرىشلەرنىڭ بولىۋاتقىنىنى بىلەلەيدۇ ، سىزدەك بىر ئىلمىي ئادەمنىڭ خۇددى سېسىق قاپاقتىن س تۆكۈلگەندەك ، گەپچى خوتۇنلاردەك پىچەك گەپلەرنى قىلىپ يۈرىشى بەكمۇ سەت ئىش، سىزنى سۆزلىسە خېلى ئورۇنلۇق سۆلەيدۇ دەپ بىلەتتم، ئەمما بۇ تېمىدىكى ئىنكاسلىرىڭىزدىن سىزدىن ئرتۇقچە ئۈمىد كۈتۈپ كەتكىنىمدىن ئەپسۇسلاندىم، ئەلۋەتتە سىزدەك ئۇلۇغ زىيالىيغا مەندەك بىر ئادەتتىكى گەپنىمۇ تۈزۈك قاملاشتۇرۇپ قىلالمايدىغانلارنىڭ ئۈمىدلىرى ھىچنىمە ئەمەس!!

iltija

	ئەنۋەر جۇلانىڭ  نامەرتلەرچە يېزىلغان ئىنكاسى ئۆز ئابرويىنى تۆكۈشتىن باشقىغا يارىمايدۇ. ئۇ: «بىر مىللەت قانداق ئاسسىملاتسىيە بولىدۇ» دېگەن تېمىدا ئەسلى ئۇيغۇرزادىگە «ئۇيغۇرزادىنىڭ نېمىشقا  مەدەنىيەت مەسىلىسدە بۇنداق قاتتىق تۇرىدىغانلىقىنىڭ سەۋەبىنى ئەمدى بىلدىم» دېگەن. ئەمدى بىر ئۆرۈلۈپ ئۇيغۇرزادىنى رادىل ئابلاغا دۈشمەن، ئۆزىنى ئۇنىڭ سادىق قوغدىغۇچىسى كۆرسىتىپتۇ. ميىغىمدا كۈلۈپ كەتتىم. ئىشلارنىڭ جەريانى مۇنداق، ئۇيغۇرزادە يازغۇچىلار مۇنبىرىدە ئۇنى ۋە ئۇ تەڭداشسىز رومان دەپ تەرىپلىگەن بىر ناچار روماننى تەنقىتلىگەن، ئۇنىڭ يېقىنىغا تەنقىد بەرگەن. شۇڭا  قىلۋاتقان چىدىماسلىقلار بۇ.    ئەنۋەر جۇلا، سىز ئۇيغۇرزادىنىڭ مۇنازىرە ھەمرايى ئەمەس. سىزنىڭ ئۇنىڭغا  يوغان گەپ قىلشىڭىزغا، شىلتىڭ ئېتشىڭىزغا ھايىلىڭىز بار.

iltija

	خارۋارد ئۇنىۋېسرتېتى پروفېسسورىنىڭ «ئاكيۇنىڭ نەۋرىلىرى باي بولدى، لېكىن ئۇلار پۇلدىن باشقا ھېچنىېمىنى تونۇمايدۇ» دېگەن گەپنى نەقىل ئېلىپ توغرا قىپسىز، ئۇيغۇرزادە. بەزىلەر سەكرەپ كېتىپ ئۆزىنى ئاشكارىلاپ قويۇپتۇ.

almas888

	سەمەرقەنت بۇرادەرگە: قارىسام تەنقىت بىلەن تەكلىپ-پىكىرنىڭ پەرقىنى تازا بىلىپ كەتمەيدىغان ئوخشايسىز.مەن بۇيەردە دىگەن مەرتىۋە ،دەرىجە پۇل ياكى ھوقۇق جەھەتتىىكى پەرققە قارىتىلمىغان،پەقەت ئاتا-بالا،ئوقۇتقۇچى-ئوقۇغۇچى دىگەندەك كىشىلىك مۇناسىۋەتتىكى پەرققە قارىتىلغان .بۇ خىل پەرقتە  ئۆزىدىن يۇقىرى ئورۇندا تۇرغانلار باشقىلارنىڭ مەنپەئەتىگە زىيانلىق ئىشلارنى قىلسا ،ئاندىن تۆۋەن ئورۇندا تۇرغانلارنىڭ يۇقىرى ئورۇندا تۇرغانلارنى تەنقىتلەش ھوقۇقى بولىدۇ.بولمىسا بۇنى تەكلىپ-پىكىر دەيمىز.رادىل ئەپەندى سۆزىدەياكى ئەمەلىيىتىدە باشقىلارنىڭ مەنپەئەتىگە زىيانلىق ھەرىكەتلەرنى قىلمىغان تۇرسا،نىمە ئۈچۈن بىكاردىن-بىكار تەنقىتلىنىدۇ؟ 2.رادىل ئەپەندى بىلەن ئۇيغۇرزادىنىڭ تۆھپىسىنى سېلىشتۇرۇش مۇمكىن ئەمەس دەپسىز.مەلۇم بىر كونكىرىت شارائىت پىشىپ يېتىلسە،تۆھپىسىنى سېلىشتۇرۇش تامامەن مۇمكىن. خۇددى بازاردا نىمە كەمچىل بولسا .شۇ نەرسە قىممەت بولغانغا ئوخشاش. نۆۋەتتىكى شارائىتتا رادىل ئەپەندىدەك داڭلىق كارخانچىىنىڭ يېتىىشىپ چىقىشى،ئۇيغۇرزادىدەك بىر جەمىيەتشۇناسنىڭ يېتىشىپ چىقىشىدىن نەچچە ھەسسە تەس. شۇڭا نۆۋەتتىكى شارائىتتا رادىل ئەپەندىنىڭ جەمىيەتكە قوشقان تۆھپىسىنى ئۇيغۇرزادىنىڭ تۆھپىىسىدن چوڭ دىيەلەيمەن.ئەمما كۈنلەرنىڭ بىرىدە خەلقىمىزنىڭ ماددى تۇرمىشى ياخشىلانسا،رادىل ئەپەندىدەك كارخانچىىلار كۆپلەپ يېتىشىپ چىقسا،ئۇ ۋاقىتتا ئۇيغۇرزادىدەك بىر جەمىيەتشۇناسنىڭ جەمىيەتكە قوشقان تۆھپىسىنى رادىل ئەپەندىن چوڭ بولۇشى مۇمكىن.

uyghurzade

	ئەنۋەر جۇلا، سىزنىڭ ئىناكسىڭىز غەرەز بىلەن يېزىلپتۇ. ئەڭ كۈلكلىك يېرى، ئوقۇماي ئىنكاس يازغانلىقىڭىزنى يېزىپسىز. مانا بۇ نامەرتلىك، مانا  بۇ سىزنىڭ مۇنازىرە ئستىلىڭىز.  قاملاشمىغان يەرلىرىڭىزنى بۇرۇن تەنقىدلىگىنىم ئۈچۈن بۇ تېمىدا ئاچچىق چىقارغىلى كىرپسىز. مەن مۇنبەرنىڭ ھۆرمىتى ئۈچۈن بۇ ۋە بۇ تېمىنىڭ ئۇششاق گەپلەرگە ئايلىنىپ كەتمەسىلىكى ئۈچۈن سۈكۈت قىلاي. مۇنازىرىنڭ يۆنلىشىنى ، مېنىڭ مەقستىمنى تەتۈرىگە بۇرىماڭ. مەن رادىل ئابلانى سىزدىن ئۆتە ھۆرمەتلەيمەن. ئەمما، ئەقلىم بىلەن ھۆرمەتلەيمەن. بۇ تېمىغا ۋاقىت سەرپ قىلشىم شۇ ھۆرمەتنىڭ ئىپادىسى.        ئىنكاسىڭىزدا قۇيرۇق تۇتقۇزىدىغان نۇرغۇن يەر بار. ئۇنىڭ ئۈستىگە سىز تەرەققىياتنىڭ نېمىلىكى ھەققىدە  ياكى مەدەنىيەت جەمئيەتشۇناسلىقى ھەققىدە ئىزدەنگەن، ئىقتىسادىي تەرەققىياتتىن باشقا تەرەققىيات شەكلى ھەققىدا ماتېريال  كۆرگەن ئادەم ئەمەس. شەيتىنىڭىز سىزنى ئۆزىڭىزگە بىلىملىك، قالتس كۆرستىۋاتىدۇ.  ئۆزىڭىز ھاراققا، شەھۋەتكە  ئامراق ئادەم بولغىنىڭىز ئۈچۈن پەرىز ھەققىدىكى گەپلەرگە سەكرەپ كېتىسىز.  لېكىن مەن بۇ قېىتىم ئۆتكۈزۈۋەتمەكچى. بۇدا يەنە تېمىدىن چەتنەپ، ھاقارەت سۆزلىرىنى ئشىلەتسىڭىز، ئۇنداقتا مېنىڭ سەۋرىمنىڭمۇ چېكى بار.      ئەسلى سىز مېنىڭ مۇنازىرە ھەمرايىم بولمىغاندىكىن، سىزدە بۇرۇنقى ئاچچىقنى كونترول قىلغۇدەك سەۋر  ۋە تەرەققىياتنىڭ تۆت شەكلىنى چۈشەنگۈدەك بىلىم بولمىغاندىكىن سۈكۈت قىلسىڭىز بولاتتى. بوپتۇ ئەمدى.       مۇنازىرە ئەزەلدىن دەلىل كۆرسەتمديغانلىقىڭىزنى، ئۆزىڭىز بىلمەيدىغان ساھەدە گەپ قلشىقا ئامراق ئىكەنلىكىڭىزنى بىلىمەن.  ئىنكاسىڭىز سىزنىڭ يوشۇرۇن ئېڭىڭىزدا ئۆزىڭىزنى پەقەت ياراتمايدىغانلىقڭىزنى، باشقىلارغا سوغۇق گەپ قلىش ئارقىلىق ئۆزىڭىزدىكى يېتىملىك تۇيغۇسىنى پەسەيتىشكە تىرىشدىغانلىقىڭىزنى ئاشكارىلاپ قويىدۇ. ئاۋايلاڭ، بۇ ياخشى يۈزلىنىش ئەمەس.       ئۆزبېسكاندىكى ئۇيغۇرلار بىلەن مانجۇلارنى سېلشتۇرۇشىڭىزدىن تەپەككۇرىڭىزنىڭ ئېغىر بۇلغانلىقىنى ئسىپاتلايدۇ. مۇشۇنىڭ ئۆزىمۇ سىزگە سۈكۈت قىلشمىغا يېتەرلىك.

zial

	ئەنۋەر جۇلا باشقا غەرەز بىلەن بۇ تېمىغا گەپ قىلماقچى بولسا ھەرگىز ئۆزىنىڭ ھەقىقى ئىسمىنى يېزىپ مۇنبەرگە كىرمەيتى، ئىنكاس يازمايتىغۇ دەيمەن. تېما ئىگىسى ئاتالمىش جەمىيەتشۇناس...ئۇيغۇرزادە ئۆزىنىڭ ھەقىقى ئىسمى بىلەن تېما يازمىسا ھىچقايسىڭ گەپ قىلىشمايسەن، ئەنۋەر جۇلا ئىككى ئىنكاس يېزىپ بولغىچە  ئۇنى باشقا غەرىزىڭ بار دەپ كېتىشىپسەنغۇ؟ بۇ يەردە كىم-كىمدىن ئوچۇق يورۇق ئىكەن؟! مۇنازىرە دىگەن شۇ، ئۇ يازىدۇ، بۇ تەنقىت قىلىدۇ،مۇنازىرە قىلىدۇ، تەكلىپ بېرىدۇ. جۇلانىڭ مۇنبەردە ئاپ-ئاشكارا ئىلان قىلىنغان بىر تېمىغا ئىنكاس يېزىشى تامامەن يوللۇق، شۇڭا ...ئۇيغۇرزادەزادە ئەپەندىمنىڭ ئەتراپىدىكى قورۇقچىلارنىڭ سۈكۈت قىلىپ تېما كۆرۈپ مۇنازىرىنى ...ئۇيغۇرزادەزادە بىلەن ئەنۋەر جۇلاغا  تاشلاپ بېرىشنى تەلەپ قىلىمەن.بىز ئۇلارنىڭ مۇنازىرىسىنمۇ كۆرۈپ باقايلى!