بۇ يازمىنى ئاخىرىدا ئامان تەھرىرلىگەن. ۋاقتى 2013-1-5 05:23
ئايال كىم؟... ئەر كىم؟...
ئايال كىم؟
ئاياللار- يۇسۇن بويىچە بىر ئەرنىڭ تىرىكلىك ھەمراھى، ئىرىنىڭ ئۆيىگە ۋە ھويلىسىغا خوجا بولۇپ تۇرغۇچى، ئىرىنىڭ كۆڭۈلسىز ۋە ھەسرەتلىك چاغلىرىدا ئۇنىڭ كۆڭلىنى كۆتۈرگۈچى، ھەر قانداق قىلىپ بولسۇن ئۇنى خۇشال قىلىشقا تىرىشقۇچىدۇر.
ئاياللار- ئىرىنىڭ مال مۈلكىنى ساقلىغۇچى، پۇلنى تىجەپ خىراجەت قىلىشقا تىرىشقۇچى، ئىرىنىڭ، بالىلىرىنىڭ بەدەن ۋە كۆڭلىنى ئاسراپ ئۆستۈرگۇچى، ئېرىدە بولغان بۇزۇق ئادەت، بۇزۇق مىجەزنى تۈگۈتىشكە سەۋەپ بولغۇچىدۇر.
ئاياللار-ئەرنىڭ قاتتىق كۆڭلىنى يۇمشاتقۇچى، ئائىلىنى بىرلەشتۈرۈپ، بۇزۇپ-چىچىشتىن ساقلىنىپ، كەلگۈسى ئۈچۈن مال يىققۇچىدۇر.
ئاياللار- پات-پات ئويناپ قويىدىغان قونچاق ئەمەس، بۈگۈنى كىيىپ ئەتىسى سالىدىغان كىيىم ئەمەس، ئايال خىزمەتكار ئەمەسكى ياخشى ئىشلىسە ئۆيدە قىلىپ، ياخشى ئىشلىمىسە قوغلىۋىتىدىغان، بەلكى ئۇ ئەر ئۈچۈن ئۆمۈرلۈك ھەمراھتۇر.
ئاياللار– خادىم ئەمەس، بەلكى ئائىلىدۇر، چۈنكى ئەرلەر ئائىلىنىڭ رەئىسلىرى بولسا، ئاياللار ئۇلارنىڭ تەۋەلىگىدە بولغان ئائىلە، يەنى ئۆينىڭ ئىگىسىدۇر.
ئاياللار- ئائىلىنىڭ ھەقىقى تۈۋرۈگىدۇر، چۈنكى ئەرلەر مىجەز خۇلق ۋە تەربىيە جەھەتتە ئاياللاردىن باشقا ھىچكىمگە بويسۇنمايدۇ. تەربىيەلىك ئايال ئاتا ئانىسىنى، ئىرىنى ۋە بالىسىنى، پۈتۈن ئائىلىنىڭ تەرتىۋىنى، ئائىلىگە مۇناسىۋەتلىك بولغان دوست بۇرادەر، قۇلۇم قوشنىلىرىنى ياخشى تەربىيىسى ۋە ياخشى خۇلقى بىلەن مەمنۇن قىلىدۇ.
ئەر كىم؟
ئەرلەر- يۇسۇن بويىچە ئايالنى ئۆزىگە ھەمراھ بولۇشقا قوبۇل قىلغۇچىدۇر، ئاتا ئانىسىدىن، ئۇرۇق تۇققانلىرىدىن، تۇغۇلۇپ ئۆسكەن يېرىدىن ئايرىلىپ، ئۆزىگە يار بولغان ئايالىنى ھۆرمەت قىلغۇچى ۋە تەربىيە قىلغۇچىدۇر.
ئەرلەر– ئۆز ئايالىنى مۇشەققەت، زىيان-زەخمەتلەردىن ئاسرىغۇچى، ئايالىنىڭ بىلىپ-بىلمەي قىلغان ئىشلىرىنى كەچۈرۈپ، ياخشى نەسىھەت قىلغۇچى ۋە ھەر ۋاقىت ئايالىنى شەپقەت قانىتى ئاستىغا ئىلىپ تەربىيە قىلىپ تۇرغۇچىدۇر.
ئەرلەر- ئايالغا نىسبەتەن ھەر ۋاقىت ياخشىلىق قىلغۇچىدۇر، ئۇ ئايالنى كۈچى يەتمەيدىغان خىزمەتلەرنى بىجىرىشكە زورلىماسلىقى، ئايالىغا نىسبەتەن قاتتىق كۆڭۈل بولۇشتىن ۋە ئۆيدىن چىقىپ كەتكەندە، قەيەرگە كەتكەنلىگىنى بىلمەسكە سىلىپ يۇرۇشتىن ساقلىنىش لازىم.
ئەرلەر– ئۆزىنى خوجايىن بىلىپ، ھەر ۋاقىت ئۆز مۇرادىنى ئەمەلگە ئاشۇرۇشقا تىرىشماستىن، بەلكى يۇسۇن ۋە ئەخلاققا خىلاپ بولمىغان ئەھۋالدا ئايالنىڭ ئارزۇ ئۈمۈتلىرىنى بىجا كەلتۈرىشى، ئۆيدە بار-يوق نەرسىلەر ھەققىدە ئايالىنى تەڭلىكتە قويماسلىقى كىرەك.
ئەرلەر- ئاياللارغا شەپقەتلىك، مەرھەممەتلىك بولۇش بىلەن بىرگە، ئۇلاردىن ئۆتكەن سەۋەنلىك ۋە خاتالىقلارنى ئەپۇ قىلىشى لازىمدۇر. ھەمدە ئايالىنىڭ ئىچكى-تاشقى تەرەپلىرىنى يەنى كۆڭۇلى، خاراكتىرىنى تەربىيەلىشى، قائىدىگە چۈشۈرۈشى، ئوچۇق چىراي ۋە ئوچۇق سۆز بولۇش كىرەك.
ئەرلەر- ئۆز ئاياللىرىغا توق يىگۈزىشى، ئىچكۈزىشى، ئۇلارغا جاپا، زۇلۇم قىلماسلىقى لازىم.
مەنبە: «قىز-ئاياللارغا مەسلىھەت» ناملىق كىتاپچە
| 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2013-1-5 02:50:06
يوللىغان ۋاقتى 2013-1-5 05:54:57
يوللىغان ۋاقتى 2013-1-5 12:02:01
يوللىغان ۋاقتى 2013-1-5 12:48:57
